|
ਉਤਰੀ ਜ਼ੋਨ ਸੀ.ਬੀ.ਐਸ.ਈ. ਸਕੂਲ ਹਾਕੀ ਚੈਂਪੀਅਨਸ਼ਿਪ
ਰਾੜਾ ਸਾਹਿਬ/ਲੁਧਿਆਣਾ, 29
ਸਤੰਬਰ - ਸੰਤ ਬਾਬਾ ਈਸ਼ਰ ਸਿੰਘ ਮੈਮੋਰੀਅਲ ਪਬਲਿਕ ਸਕੂਲ ਕਰਮ ਸਰ ਰਾੜਾ ਸਾਹਿਬ
ਦੇ ਖੇਡ ਸਟੇਡੀਅਮ ਵਿਚ ਸੀ. ਬੀ. ਐਸ. ਈ. ਸਕੂਲ ਦੀ ਹੋਈ ਉਤਰੀ ਜੋਨ ਹਾਕੀ
ਚੈਂਪੀਅਨਸ਼ਿਪ ਕਰਵਾਈ ਗਈ। ਜਿਸ ਵਿਚ ਅੰਮ੍ਰਿਤਸਰ ਤੇ ਸੋਨੀਪਤ ਦੇ ਲੜਕੇ ਅਤੇ ਸਿਰਸਾ
ਦੀਆਂ ਲੜਕੀਆਂ ਚੈਂਪੀਅਨਸ਼ਿਪ ਬਣੀਆਂ। ਇਨ੍ਹਾਂ ਮੈਚਾਂ ਵਿਚ ਪੰਜਾਬ, ਹਰਿਆਣਾ ਦੇ ਸਕੂਲਾਂ
'ਚੋਂ ਅੰਡਰ 14 ਤੇ ਅੰਡਰ 19 ਦੀਆਂ ਲੜਕੇ-ਲੜਕੀਆਂ ਦੇ ਫਾਈਨਲ ਮੈਚਾਂ'ਚ ਲੜਕੇ ਅੰਡਰ
14 'ਚ ਐਸ. ਜੀ. ਜੀ. ਐਸ. ਮਹਿਤਾ ਚੌਂਕ ਅੰਮ੍ਰਿਤਸਰ ਪਹਿਲੇ, ਮਹਿਤਾ ਗੁਰੂਕੋਲ
ਦੋਰਾਹਾ ਦੂਸਰੇ ਤੇ ਸੰਤ ਈਸ਼ਰ ਸਿੰਘ ਸਕੂਲ ਰਾੜਾ ਸਾਹਿਬ ਤੀਸਰੇ ਸਥਾਨ, ਲੜਕੀਆਂ ਅੰਡਰ
14 'ਚ ਮਹਾਰਾਜਾ ਅਗਰਸੇਨ ਸੀਨੀਅਰ ਸੈਕੰਡਰੀ ਸਕੂਲ ਸਿਰਸ ਪਹਿਲੇ, ਅਕਾਲ ਅਕੈਡਮੀ ਰੀਠ
ਖੇੜੀ ਪਟਿਆਲਾ ਦੂਸਰੇ ਤੇ ਪੁਲਿਸ ਪਬਲਿਕ ਸਕੂਲ ਹਿਸਾਰ ਤੀਸਰੇ ਸਥਾਨ, ਲੜਕੇ ਅੰਡਰ 19
'ਚ ਬਰਾਈਟ ਸਕੌਲਰ ਸੀਨੀਅਰ ਸੈਕੰਡਰੀ ਸਕੂਲ ਰਾਏਪੁਰ ਸੋਨੀਪਤ ਪਹਿਲੇ, ਦੂਜਾ ਮਾਡਰਨ
ਪਬਲਿਕ ਸਕੂਲ ਪਿੱਪਲੀ ਦੂਸਰੇ, ਮਹਿਤਾ ਗੁਰੂ ਕੋਲ ਦੋਰਾਹਾ ਤੀਸਰੇ ਸਥਾਨ, ਲੜਕੀਆਂ
ਅੰਡਰ 19 ਮਹਾਰਾਜਾ ਅਗਰਸੈਨ ਸੀਨੀਅਰ ਸੈਕੰਡਰੀ ਸਕੂਲ ਸਿਰਸਾ ਪਹਿਲੇ, ਐਮ. ਡੀ. ਐਨ
ਪਬਲਿਕ ਸਕੂਲ ਰੋਹਤਕ ਦੂਸਰੇ ਤੇ ਅਕਾਲ ਅਕੈਡਮੀ ਬਲਵੇਹੜਾ ਤੀਜੇ ਨੰਬਰ 'ਤੇ ਰਹੇ।
54 ਵੀਆਂ ਪੰਜਾਬ ਸਕੂਲ ਖੇਡਾਂ
ਬਾਸਕਟਬਾਲ ਤੇ ਨੈਟਬਾਲ 'ਚ ਗੁਰਦਾਸਪੁਰ ਮੋਹਰੀ
ਗੁਰਦਾਸਪੁਰ, 29 ਸਤੰਬਰ -
54ਵੀਆਂ ਪੰਜਾਬ ਬਾਸਕਟਬਾਲ ਅਤੇ ਨੈਟਬਾਲ (ਲੜਕੀਆਂ) ਸਕੂਲ ਖੇਡਾਂ ਗੁਰਦਾਸਪੁਰ ਵਿਖੇ
ਕਰਵਾਈਆਂ ਗਈਆਂ। ਜਿਸ ਵਿਚ ਗੁਰਦਾਸਪੁਰ ਨੇ ਖਿਤਾਬ ਜਿੱਤਿਆ। ਬਾਸਕਟਬਾਲ 'ਚ
ਗੁਰਦਾਸਪੁਰ ਵਿੰਗ, ਸੰਗਰੂਰ ਨੂੰ ਜਦ ਕਿ ਕਪੂਰਥਲਾ, ਮੁਕਤਸਰ ਨੂੰ ਹਰਾ ਕੇ ਫਾਈਨਲ 'ਚ
ਪੁੱਜਾ। ਬਾਸਕਟਬਾਲ (14 ਸਾਲ) ਦਾ ਫਾਈਨਲ ਗੁਰਦਾਸਪੁਰ ਵਿੰਗ ਨੇ ਕਪੂਰਥਲਾ ਤੋਂ ਜਿੱਤ
ਲਿਆ। ਮੁਕਤਸਰ ਦੀ ਟੀਮ ਤੀਸਰੇ ਸਥਾਨ 'ਤੇ ਰਹੀ। ਰੈਫਰੀ ਦੀ ਭੂਮਿਕਾ ਰਜਨੀ ਅਤੇ
ਹਰਜੀਤ ਕੌਰ ਨੇ ਨਿਭਾਈ। ਇਸੇ ਤਰ੍ਹਾਂ ਨੈਟਬਾਲ ਮੁਕਾਬਲਿਆਂ ਵਿਚ ਗੁਰਦਾਸਪੁਰ ਵਿੰਗ
ਦੀ ਟੀਮ ਨੇ ਸੰਗਰੂਰ ਅਤੇ ਬਠਿੰਡਾ ਨੇ ਜ਼ਿਲ੍ਹਾ ਗੁਰਦਾਸਪੁਰ ਦੀ ਟੀਮ ਨੂੰ ਹਰਾਇਆ।
ਫਾਈਨਲ 'ਚ ਗੁਰਦਾਸਪੁਰ ਵਿੰਗ ਨੇ ਬਠਿੰਡਾ ਨੂੰ 20-12 ਨਾਲ ਹਰਾ ਕੇ ਜਿੱਤ ਪ੍ਰਾਪਤ
ਕੀਤੀ।
ਪੰਜਾਬ ਸਕੂਲਰ ਰੋਲਰ ਸਕੇਟਿੰਗ ਚੈਂਪੀਅਨਸ਼ਿਪ 'ਚ ਪਟਿਆਲਵੀਆਂ ਦੀ ਝੰਡੀ
ਪਟਿਆਲਾ, 29 ਸਤੰਬਰ -
ਪਟਿਆਲਾ ਦੇ ਸ਼ਹੀਦ ਭਗਤ ਸਿੰਘ ਰਿੰਕ ਹਾਲ ਵਿਖੇ ਪੰਜਾਬ ਸਕੂਲਰ ਰੋਲਰ ਸਕੇਟਿੰਗ
ਚੈਂਪੀਅਨਸ਼ਿਪ ਕਰਵਾਈ ਗਈ। ਜਿਸ ਦੇ ਮੁਕਾਬਲਿਆਂ ਵਿਚ ਪਟਿਆਲਾ ਦੇ ਗੱਭਰੂਆਂ ਨੇ ਰਾਜ
ਚੈਂਪੀਅਨ 'ਤੇ ਕਬਜ਼ਾ ਕੀਤਾ। ਇਨ੍ਹਾਂ ਖੇਡਾਂ ਦੇ ਅੰਡਰ 19 ਰੋਲਰ ਹਾਕੀ ਮੁਕਾਬਲਿਆਂ
ਵਿਚ ਪਟਿਆਲਾ ਨੇ ਸੰਗਰੂਰ ਨੂੰ 10-2 ਨਾਲ ਹਰਾ ਕੇ ਰਾਜ ਭਰ ਵਿਚੋਂ ਅੱਵਲ ਰਹਿਣ ਦਾ
ਮਾਣ ਪ੍ਰਾਪਤ ਕੀਤਾ। ਜੇਤੂ ਟੀਮ ਲਈ ਅਮਰਜੋਤ ਘਈ ਨੇ ਸਭ ਤੋਂ ਜ਼ਿਆਦਾ ਛੇ ਗੋਲ ਕੀਤੇ।
ਫਰੀਦਕੋਟ ਨੇ ਲੁਧਿਆਣਾ ਨੂੰ 5-3 ਨਾਲ ਹਰਾ ਕੇ ਤੀਜਾ ਸਥਾਨ ਹਾਸਲ ਕੀਤਾ। ਰਿੰਕ ਰੇਸ
1 ਅੰਡਰ 11 ਦੇ ਮੁਕਾਬਲਿਆਂ ਵਿਚ ਸਿਫਤਜੋਤ ਸਿੰਘ ਪਟਿਆਲਾ ਪਹਿਲੇ ਤੇ ਚੰਨਵੀਰ ਸਿੰਘ
ਪਟਿਆਲਾ ਦੂਸਰੇ, ਲੜਕੀਆਂ ਦੇ ਵਰਗ ਵਿਚ ਇਸ਼ਵੀਨ ਚਾਵਲਾ ਪਟਿਆਲਾ ਪਹਿਲੇ ਤੇ ਭਵਲੀਨ
ਪਟਿਆਲਾ ਦੂਸਰੇ, ਅੰਡਰ 14 ਲੜਕੇ ਰਿੰਕ ਰੇਸ 1 'ਚ ਕਰਨ ਦੀਪ ਸਿੰਘ ਪਹਿਲੇ ਤੇ ਸ਼ਬੀਰ
ਸ਼ਰਮਾ ਅੰਮ੍ਰਿਤਸਰ ਦੂਸਰੇ, ਲੜਕੀਆਂ ਦੇ ਵਰਗ ਵਿਚ ਪਵਨਦੀਪ ਕੌਰ ਅੰਮ੍ਰਿਤਸਰ ਪਹਿਲੇ
ਤੇ ਰਮਨਦੀਪ ਸੰਗਰੂਰ ਦੂਸਰੇ, ਅੰਡਰ 11 ਲੜਕੇ ਕੁਆਡਜ਼ ਰਿੰਕ-2 ਵਿਚ ਰੋਬਿਨ
ਅੰਮ੍ਰਿਤਸਰ ਪਹਿਲੇ ਤੇ ਦਵਿੰਦਰਪਾਲ ਸਿੰਘ ਸੰਗਰੂਰ ਦੂਸਰੇ, ਲੜਕੀਆਂ ਦੇ ਵਰਗ ਵਿਚ
ਉਰਵਸ਼ੀ ਅੰਮ੍ਰਿਤਸਰ ਪਹਿਲੇ ਤੇ ਪਰਵੀਨ ਲੁਧਿਆਣਾ ਦੂਸਰੇ, ਅੰਡਰ 14 ਰਿੰਕ-2 ਲੜਕੇ
ਕਰਨਦੀਪ ਸਿੰਘ ਪਟਿਆਲਾ ਪਹਿਲੇ ਤੇ ਬਲਜੋਤ ਸਿੰਘ ਅੰਮ੍ਰਿਤਸਰ ਦੂਸਰੇ, ਲੜਕੀਆਂ ਦੇ
ਵਰਗ ਵਿਚ ਰਮਨਦੀਪ ਕੌਰ ਸੰਗਰੂਰ ਪਹਿਲੇ ਤੇ ਪਵਨਦੀਪ ਕੌਰ ਅੰਮ੍ਰਿਤਸਰ ਦੂਸਰੇ,
ਅੰਡਰ11 ਇਨਲਾਈਨ ਰਿੰਕ-1 ਲੜਕੇ ਅਕਸ਼ੈ ਅਰੋੜਾ ਅੰਮ੍ਰਿਤਸਰ ਪਹਿਲੇ ਤੇ ਰਹਿਤਮ ਭਾਟੀਆ
ਅੰਮ੍ਰਿਤਸਰ ਦੂਸਰੇ, ਲੜਕੀਆਂ ਦੇ ਵਰਗ ਵਿਚ ਸ਼ਿਵਾਨਗੀ ਬਾਂਸਲ ਅੰਮ੍ਰਿਤਸਰ ਪਹਿਲੇ ਤੇ
ਜੱਨਤ ਬਾਠ ਅੰਮ੍ਰਿਤਸਰ ਦੂਸਰੇ, ਇਨਲਾਈਨ ਰਿੰਕ-1 'ਚ ਸਿਰਿਆ ਕਪਲਿਸ ਲੁਧਿਆਣਾ ਪਹਿਲੇ
ਤੇ ਬਿਦੁਲ ਸਿੱਕਾ ਅੰਮ੍ਰਿਤਸਰ ਦੂਸਰੇ, ਲੜਕੀਆਂ ਦੇ ਵਰਗ ਵਿਚ ਪ੍ਰਮਪ੍ਰੀਤ ਕੌਰ
ਫਰੀਦਕੋਟ ਪਹਿਲੇ ਤੇ ਭਮੀਜਾ ਫਿਰੋਜ਼ਪੁਰ ਦੂਸਰੇ ਸਥਾਨ 'ਤੇ ਰਹੀ।
31ਵੀਂ ਰਾਸ਼ਟਰੀ ਸਬ ਜੂਨੀਅਰ ਫੁੱਟਬਾਲ ਚੈਂਪੀਅਨਸ਼ਿਪ 'ਚ ਗੋਆ ਨੇ ਉਤਰਾਂਚਲ ਨੂੰ
ਹਰਾਇਆ
ਮਾਹਿਲਪੁਰ, 29 ਸਤੰਬਰ -
31ਵੀਂ ਰਾਸ਼ਟਰੀ ਸਬ ਜੂਨੀਅਰ ਫੁੱਟਬਾਲ ਚੈਂਪੀਅਨਸ਼ਿਪ ਖਾਲਸਾ ਕਾਲਜ ਮਾਹਿਲਪੁਰ ਵਿਖੇ
ਚੱਲ ਰਹੀ ਹੈ। ਇਸ ਦੇ ਕੁਆਰਟਰ ਫਾਈਨਲ ਦੇ ਲੀਗ ਮੈਚ ਵਿਚ 29 ਸਤੰਬਰ ਨੂੰ ਗੋਆ ਦੀ
ਟੀਮ ਨੇ ਜਿੱਤ ਪ੍ਰਾਪਤ ਕਰਕੇ ਆਪਣੀ ਆਸ ਕਾਇਮ ਰੱਖੀ। ਇਸ ਦੇ ਪਹਿਲੇ ਮੈਚ ਵਿਚ ਗੋਆ
ਨੇ ਉਤਰਾਂਚਲ ਦੀ ਟੀਮ ਨੂੰ 2-1 ਗੋਲਾਂ ਦੇ ਫਰਕ ਨਾਲ ਹਰਾ ਦਿੱਤਾ। ਦੂਜੇ ਮੈਚ ਵਿਚ
ਬੰਗਾਲ ਤੇ ਅਸਾਮ ਦੀਆਂ ਟੀਮਾਂ ਵਿਚਕਾਰ ਮੁਕਾਬਲਾ ਹੋਇਆ ਜੋ ਦੋ-ਦੋ ਗੋਲਾਂ ਨਾਲ
ਬਰਾਬਰ ਰਿਹਾ।
ਪਾਣੀ ਦੀਆਂ ਖੇਡਾਂ 'ਚ ਯੂਨੀਵਰਸਿਟੀ ਕਾਲਜ ਰਾਮਪੁਰਾ ਨੇ ਓਵਰਹਾਲ ਚੈਂਪੀਅਨਸ਼ਿਪ 'ਤੇ
ਕੀਤਾ ਕਬਜ਼ਾ
ਰਾਮਪੂਰਾ ਫੂਲ, 29 ਸਤੰਬਰ :
ਪਿਛਲੇ ਦਿਨੀਂ ਸੁਖ਼ਨਾ ਝੀਲ ਚੰਡੀਗੜ੍ਹ ਵਿਖੇ ਪਾਣੀ ਦੀਆਂ ਖੇਡਾਂ ਕਰਵਾਈਆਂ ਗਈਆਂ।
ਇਨ੍ਹਾਂ ਵਿਚ ਯੂਨੀਵਰਸਿਟੀ ਕਾਲਜ ਰਾਮਪੁਰਾ ਦੇ ਖੇਡ ਵਿਭਾਗ ਦੇ ਵਿਦਿਆਰਥੀਆਂ ਨੇ (ਕੈਕਿੰਗ
ਤੇ ਕੈਨੋਇੰਗ) ਵਿਚ ਉੱਪਰਲੀਆਂ ਪੁਜ਼ੀਸ਼ਨਾਂ ਹਾਸਲ ਕਰ ਕੇ ਓਵਰ ਆਲ ਚੈਂਪੀਅਨਸ਼ਿਪ 'ਤੇ
ਆਪਣਾ ਕਬਜ਼ਾ ਕੀਤਾ। ਇਸੇ ਤਰ੍ਹਾਂ ਪਾਣੀ ਦੀਆਂ ਖੇਡਾਂ ਤੋਂ ਇਲਾਵਾ ਕਾਲਜ ਦੀ ਫ਼ੁੱਟਬਾਲ
ਟੀਮ ਨੇ ਵੀ ਪੰਜਾਬੀ ਯੂਨੀਵਰਸਿਟੀ ਕੈਂਪਸ ਵਿਚ ਹੋਏ ਅੰਤਰ ਕਾਲਜ ਫ਼ੁੱਟਬਾਲ ਮੁਕਾਬਲਿਆਂ
'ਚ ਸਰੀਰਕ ਸਿਖਿਆ ਕਾਲਜ ਮੁਕਾਬਲਿਆਂ ਨੂੰ ਹਰਾ ਕੇ ਤੀਜਾ ਸਥਾਨ ਹਾਸਲ ਕੀਤਾ, ਜਦੋਂ
ਕਿ ਮੋਦੀ ਕਾਲਜ ਪਟਿਆਲਾ ਤੇ ਮਾਤਾ ਗੁਜਰੀ ਕਾਲਜ ਫ਼ਤਿਹ ਗੜ੍ਹ ਕਾਲਜ ਦੀਆਂ ਟੀਮਾਂ ਨੇ
ਕ੍ਰਮਵਾਰ ਪਹਿਲਾਂ ਅਤੇ ਦੂਜਾ ਸਥਾਨ ਪ੍ਰਾਪਤ ਕੀਤਾ।
ਪੰਜਾਬ ਹਾਕੀ ਲੀਗ
ਲੁਧਿਆਣਾ, 28 ਸਤੰਬਰ -
ਪੰਜਾਬ ਖੇਡ ਵਿਭਾਗ ਵੱਲੋਂ ਪਦਮ ਸ੍ਰੀ ਪ੍ਰਿਥੀਪਾਲ ਸਿੰਘ ਹਾਕੀ ਸਟੇਡੀਅਮ ਲੁਧਿਆਣਾ
ਵਿਖੇ ਹਫ਼ਤਾਵਾਰੀ ਖੇਡੀ ਜਾ ਰਹੀ ਇਸ ਲੀਗ ਵਿਚ ਪਾਤੜਾਂ, ਸੰਗਰੂਰ, ਖਹਿਰਾ, ਕਿਲਾ
ਰਾਏਪੁਰ, ਮੋਹਾਲੀ, ਰੂਮੀ ਅਤੇ ਮਾਲਵਾ ਵਿੰਗ ਨੇ ਆਪਣੇ ਕਦਮ ਅੱਗੇ ਵਧਾਏ ਹਨ। ਇਸ ਲੀਗ
ਦੇ ਗਰੁੱਪ ਸੀ ਦੇ ਅੰਡਰ 14 ਸਾਲ ਉਮਰ ਵਰਗ ਵਿਚ ਸੰਗਰੂਰ ਨੇ ਪਾਤੜਾਂ ਨੂੰ 7-0,
ਗਰੇਵਾਲ ਅਕੈਡਮੀ ਕਿਲਾ ਰਾਏਪੁਰ ਨੇ ਬਠਿੰਡਾ ਨੂੰ 7-0, ਜਦਕਿ ਗਰੁੱਪ ਬੀ ਵਿਚ ਮੋਹਾਲੀ
ਨੇ ਮੋਗਾ ਨੂੰ 4-3, ਮਾਲਵਾ ਸਪੋਰਟਸ ਵਿੰਗ ਲੁਧਿਆਣਾ ਨੇ ਫਰੀਦਕੋਟ ਨੂੰ 7-0 ਨਾਲ
ਹਰਾਇਆ। ਅੰਡਰ 16 ਸਾਲ ਗਰੁੱਪ ਸੀ ਦੇ ਉਮਰ ਵਰਗ ਵਿਚ ਖਹਿਰਾ ਅਕੈਡਮੀ ਨੇ ਬਰਨਾਲਾ
ਨੂੰ 4-0, ਪਾਤੜਾਂ ਨੇ ਪਟਿਆਲਾ ਨੂੰ 3-1, ਸੰਤੋਖ ਸਿੰਘ ਅਕੈਡਮੀ ਰੂਮੀ ਨੇ ਗਰੇਵਾਲ
ਅਕੈਡਮੀ ਕਿਲਾ ਰਾਏਪੁਰ ਨੂੰ 5-0 ਨਾਲ ਹਰਾਇਆ।
ਰੋਲਰ ਹਾਕੀ 'ਚ ਸੰਗਰੂਰ ਤੇ ਲੁਧਿਆਣਾ ਦੀ ਬੱਲੇ ਬੱਲੇ
ਪਟਿਆਲਾ, 28 ਸਤੰਬਰ -
ਸ਼ਹੀਦ ਊਧਮ ਸਿੰਘ ਰਿੰਕ ਹਾਲ ਵਿਚ ਪੰਜਾਬ ਸਕੂਲ ਖੇਡਾਂ ਕਰਵਾਈਆਂ ਜਾ ਰਹੀਆਂ ਹਨ। ਜਿਸ
ਦੇ ਰੋਲਰ ਸਕੇਟਿੰਗ ਮੁਕਾਬਲਿਆਂ 'ਚ ਸੰਗਰੂਰ ਦੀ ਅਨੁਪ੍ਰਿਯਾ ਤੇ ਪਟਿਆਲਾ ਦੇ ਅਮਰਜੋਤ
ਘਈ ਨੇ ਸੋਨ ਤਗਮੇ ਜਿੱਤੇ। ਖੇਡਾਂ ਦੇ ਰੋਲਰ ਹਾਕੀ ਮੁਕਾਬਲਿਆਂ 'ਚ ਸੰਗਰੂਰ ਤੇ
ਲੁਧਿਆਣਾ ਨੇ ਵੱਡੀਆਂ ਜਿੱਤਾਂ ਹਾਸਿਲ ਕੀਤੀਆਂ। ਲੜਕੀਆਂ ਦੇ ਰਿੰਕ ਰੇਸ-1 ਦੇ
ਅੰਡਰ-19 ਵਰਗ 'ਚ ਅਨੂਪ੍ਰਿਯਾ ਸੰਗਰੂਰ ਪਹਿਲੇ, ਸ਼ਿਵਾਨੀ ਲੁਧਿਆਣਾ, ਦੂਸਰੇ ਤੇ
ਰਮਨਦੀਪ ਸੰਗਰੂਰ ਤੀਸਰੇ, ਲੜਕਿਆਂ ਦੇ ਵਰਗਾਂ 'ਚ ਅਮਰਜੋਤ ਘਈ ਪਟਿਆਲਾ ਪਹਿਲੇ,
ਤਜੇਸ਼ਵਰ ਸਾਹਲ ਪਟਿਆਲਾ ਦੂਸਰੇ ਤੇ ਸਤਿੰਦਰਪਾਲ ਸਿੰਘ ਤੀਸਰੇ ਸਥਾਨ 'ਤੇ ਰਿਹਾ।
ਲੜਕਿਆਂ ਦੇ ਰਿੰਕ ਰੇਸ-2 ਅੰਡਰ-19 ਵਰਗ 'ਚ ਅਮਰਦੀਪ ਘਈ ਪਟਿਆਲਾ ਪਹਿਲੇ, ਹਰਮਨਦੀਪ
ਸਿੰਘ ਸੰਗਰੂਰ ਦੂਸਰੇ ਤੇ ਤਰਨਵੀਰ ਸਿੰਘ ਪਟਿਆਲਾ ਤੀਸਰੇ ਸਥਾਨ 'ਤੇ ਰਿਹਾ। ਰੋਲਰ
ਹਾਕੀ ਅੰਡਰ-19 ਲੜਕਿਆਂ ਦੇ ਵਰਗ 'ਚ ਸੰਗਰੂਰ ਨੇ ਜਲੰਧਰ ਨੂੰ 10-0, ਲੁਧਿਆਣਾ ਨੇ
ਫਤਹਿਗੜ੍ਹ ਨੂੰ 8-0, ਪਟਿਆਲਾ ਨੇ ਅੰਮ੍ਰਿਤਸਰ ਨੂੰ 6-2 ਤੇ ਫਰੀਦਕੋਟ ਨੇ ਮਾਨਸਾ
ਨੂੰ 6-2 ਨਾਲ ਹਰਾਇਆ।
13ਵੀਂ ਵਾਰ ਵਿਸ਼ਵ ਚੈਂਪੀਅਨ 'ਚ ਪਹਿਲਵਾਨ ਕਰਤਾਰ ਸਿੰਘ ਦੀ ਝੰਡੀ
ਜਲੰਧਰ, 28 ਸਤੰਬਰ -
ਵਿਸ਼ਵ ਰੈਸਲਿੰਗ ਚੈਂਪੀਅਨਸ਼ਿਪ ਪਿਰਮ ਰੂਸ ਵਿਖੇ ਕਰਵਾਈ ਗਈ। ਜਿਸ ਵਿਚ ਪਦਮਸ੍ਰੀ
ਪਹਿਲਵਾਨ ਕਰਤਾਰ ਸਿੰਘ ਆਈ. ਪੀ. ਐਸ ਨੇ ਈਰਾਨੀ ਪਹਿਲਵਾਨ ਅਸਗਰਈਅਨ ਅਲਤਫਤ ਨੂੰ 2-1
ਨਾਲ ਹਰਾ ਕੇ ਸੋਨੇ ਦਾ ਤਗਮਾ ਜਿੱਤਿਆ ਅਤੇ ਵਿਸ਼ਵ ਮਾਸਟਰ ਕੁਸ਼ਤੀ ਵਿਚ ਲਗਾਤਾਰ 13ਵਾਂ
ਸੋਨ ਤਗਮਾ ਜਿੱਤ ਕੇ ਨਵਾਂ ਇਤਿਹਾਸ ਕਾਇਮ ਕੀਤਾ। ਇਸ ਤੋਂ ਪਹਿਲਾਂ ਇਹ ਰਿਕਾਰਡ ਈਰਾਨੀ
ਪਹਿਲਵਾਨ ਅਸਮੀਦੀ ਰਿਆਜ ਦੇ ਨਾਂਅ ਸੀ। ਕਰਤਾਰ ਸਿੰਘ ਨੇ ਕੁਸ਼ਤੀ ਦੇ ਖੇਤਰ ਵਿਚ ਭਾਰਤ
ਦਾ ਨਾਂਅ ਹਮੇਸ਼ਾ ਬੁਲੰਦੀ 'ਤੇ ਪਹੁੰਚਾਇਆ ਹੈ। 28 ਸਤੰਬਰ ਨੂੰ ਕੁਸ਼ਤੀ ਮੁਕਾਬਲਿਆਂ
ਵਿਚ ਰਣਧੀਰ ਧੀਰਾ ਅਰਜੁਨਾ ਐਵਾਰਡੀ ਪਹਿਲਵਾਨ ਵੀ ਸੈਮੀਫਾਈਨਲ ਵਿਚ ਪਹੁੰਚ ਗਏ ਹਨ ਅਤੇ
ਉਨ੍ਹਾਂ ਦਾ ਮੁਕਾਬਲਾ ਈਰਾਨੀ ਦੇ ਪਹਿਲਵਾਨ ਨਾਲ ਹੋਵੇਗਾ।
30ਵੀਂ ਪੰਜਾਬ ਸਬ ਜੂਨੀਅਰ ਜੂਡੋ ਚੈਂਪੀਅਨਸ਼ਿਪ ਖਤਮ
ਜਲੰਧਰ, 28 ਸਤੰਬਰ -
ਸਰਕਾਰੀ ਮਾਡਲ ਸੈਕੰਡਰੀ ਸਕੂਲ ਲਾਡੋਵਾਲੀ ਰੋਡ ਜਲੰਧਰ ਵਿਚ 30ਵੀਂ ਪੰਜਾਬ ਸਬ
ਜੂਨੀਅਰ ਜੂਡੋ ਚੈਂਪੀਅਨਸ਼ਿਪ ਜ਼ਿਲ੍ਹਾ ਜਲੰਧਰ ਜੂਡੋ ਐਸੋਸੀਏਸ਼ਨ ਵੱਲੋਂ ਕਰਵਾਈ ਜਾ ਰਹੀ
ਹੈ। ਜਿਸ ਚੈਂਪੀਅਨਸ਼ਿਪ ਦੇ ਫਾਈਨਲ ਨਤੀਜਿਆਂ ਵਿਚ ਲੜਕੀਆਂ ਅੰਡਰ 12 ਸਾਲ ਅੰਮ੍ਰਿਤਸਰ
ਜੇਤੂ, ਜਲੰਧਰ ਉਪ ਜੇਤੂ ਤੇ ਬਠਿੰਡਾ ਤੀਸਰੇ ਸਥਾਨ 'ਤੇ ਰਿਹਾ। ਲੜਕੇ ਅੰਡਰ 12 ਸਾਲ
ਜਲੰਧਰ ਜੇਤੂ, ਗੁਰਦਾਸਪੁਰ ਉਪ ਜੇਤੂ ਅਤੇ ਅੰਮ੍ਰਿਤਸਰ ਤੀਸਰੇ ਸਥਾਨ 'ਤੇ ਰਿਹਾ।
ਲੜਕੀਆਂ ਅੰਡਰ 14 ਸਾਲ ਬਠਿੰਡਾ ਜੇਤੂ, ਜਲੰਧਰ ਅਤੇ ਸੰਗਰੂਰ ਉਪ ਜੇਤੂ ਅਤੇ ਲੁਧਿਆਣਾ
ਤੇ ਅੰਮ੍ਰਿਤਸਰ ਤੀਸਰੇ ਸਥਾਨ 'ਤੇ ਰਹੇ। ਲੜਕੇ ਅੰਡਰ 14 ਸਾਲ ਗੁਰਦਾਸਪੁਰ ਜੇਤੂ,
ਬਠਿੰਡਾ ਉਪ ਜੇਤੂ ਅਤੇ ਜਲੰਧਰ ਤੀਸਰੇ ਸਥਾਨ 'ਤੇ ਰਿਹਾ।
ਆਲ ਇੰਡੀਆ ਨਾਰਥ ਜ਼ੋਨ ਬੈਡਮਿੰਟਨ ਚੈਂਪੀਅਨਸ਼ਿਪ ਸ਼ੁਰੂ
ਜਲੰਧਰ, 28 ਸਤੰਬਰ - ਆਲ
ਇੰਡੀਆ ਨਾਰਥ ਜ਼ੋਨ ਇੰਟਰ ਸਟੇਟ ਬੈਡਮਿੰਟਨ ਚੈਂਪੀਅਨਸ਼ਿਪ (ਲੜਕੇ ਤੇ ਲੜਕੀਆਂ) 28
ਸਤੰਬਰ ਨੂੰ ਹੰਸ ਰਾਜ ਸਟੇਡੀਅਮ ਜਲੰਧਰ ਵਿਖੇ ਸ਼ੁਰੂ ਹੋਈ। ਇਸ ਚੈਂਪੀਅਨਸ਼ਿਪ ਵਿਚ
ਜੰਮੂ-ਕਸ਼ਮੀਰ, ਪੰਜਾਬ, ਹਰਿਆਣਾ, ਹਿਮਾਚਲ, ਚੰਡੀਗੜ੍ਹ, ਰਾਜਸਥਾਨ ਤੇ ਦਿੱਲੀ ਤੋਂ
150 ਦੇ ਕਰੀਬ ਖਿਡਾਰੀ ਭਾਗ ਲੈ ਰਹੇ ਹਨ। ਇਸ ਮੌਕੇ ਰਜਿੰਦਰ ਕਲਸੀ ਸਕੱਤਰ ਪੰਜਾਬ
ਬੈਂਡਮਿੰਟਨ ਐਸੋਸੀਏਸ਼ਨ ਨੇ ਦੱਸਿਆ ਕਿ ਨਾਰੰਗ ਕੱਪ ਜੂਨੀਅਨ ਲੜਕੇ ਵਰਗ 'ਚ ਨਿਪੁਰ (ਹਿਮਾਚਲ)
ਨੇ ਮਨਿੰਦਰ ਜੰਮੂ-ਕਸ਼ਮੀਰ ਨੂੰ ਤੇ ਅਸੀਨ ਤੇ ਅਮੀ ਨੇ ਡੀ. ਐਮ. ਸੁਬਰਮ ਤੇ ਅਮਲ ਨੂੰ
ਹਰਾਇਆ। ਸ਼ਫੀ ਕੁਰੈਸ਼ੀ ਕੱਪ ਜੂਨੀਅਰ ਲੜਕੀਆਂ ਦੇ ਵਰਗ 'ਚ ਦੀਖਸ਼ਾ ਜੰਮੂ-ਕਸ਼ਮੀਰ ਨੇ
ਅਨੁਵੀ ਚੰਡੀਗੜ੍ਹ ਨੂੰ ਹਰਾਇਆ। ਔਰਤਾਂ ਦੇ ਢੱਡਾ ਕੱਪ 'ਚ ਖੰਨਾ (ਹਰਿਆਣਾ) ਨੇ ਆਹੂ
ਹਿਮਾਚਲ ਪ੍ਰਦੇਸ਼ ਨੂੰ ਹਰਾਇਆ।
ਪੰਜਾਬ ਰਾਜ ਪੇਂਡੂ ਖੇਡਾਂ ਅੰਡਰ-16 ਸ਼ੁਰੂ
ਮਾਨਸਾ, 27 ਸਤੰਬਰ - 27
ਸਤੰਬਰ ਨੂੰ ਪੰਜਾਬ ਰਾਜ ਪੇਂਡੂ ਖੇਡਾਂ ਅੰਡਰ 16 ਸਾਲ ਨਹਿਰੂ ਮੈਮੋਰੀਅਲ ਸਰਕਾਰੀ
ਕਾਲਜ ਦੇ ਖੇਡ ਗਰਾਊਂਡ 'ਚ ਆਰੰਭ ਹੋਈਆਂ। ਇਸ ਦੇ ਦੂਜੇ ਦਿਨ ਪੰਜਾਬ ਰਾਜ ਪੇਂਡੂ ਖੇਡਾਂ
ਲੜਕੇ ਦੇ ਦੂਜੇ ਦਿਨ ਤੀਰਅੰਦਾਜ਼ੀ ਤੇ ਛੋਟੇ-ਛੋਟੇ ਪਹਿਲਵਾਨਾਂ ਦੇ ਮੁਕਾਬਲੇ ਹੋਏ। 40
ਮੀਟਰ ਤੀਰਅੰਦਾਜ਼ੀ ਦੇ ਫਾਈਨਲ ਵਿਚੋਂ ਗੁਰਲਾਲ ਸਿੰਘ ਫਿਰੋਜ਼ਪੁਰ ਨੇ 296 ਸਕੋਰ ਲੈ ਕੇ
ਪਹਿਲਾ, ਸ਼ਾਹਬਾਜ ਸਿੰਘ ਫਿਰੋਜ਼ਪੁਰ ਨੇ (283 ਸਕੋਰ) ਦੂਜਾ ਅਤੇ ਹਰਦੀਪ ਸਿੰਘ ਸੰਗਰੂਰ
ਨੇ (275 ਸਕੋਰ) ਤੀਸਰਾ ਸਥਾਨ ਹਾਸਲ ਕੀਤਾ। ਐਥਲੈਟਿਕਸ ਦੇ ਫਾਈਨਲ ਈਵੈਂਟ ਡਿਸਕਸ
ਥਰੋਅ ਵਿਚੋਂ ਆਗਿਆਪਾਲ ਸਿੰਘ ਤਰਨਤਾਰਨ ਨੇ 47.55 ਮੀ. ਨਾਲ ਪਹਿਲਾ, ਹਰਪ੍ਰੀਤ ਸਿੰਘ
ਲੁਧਿਆਣਾ ਨੇ (39.33 ਮੀ.) ਦੂਜਾ ਅਤੇ ਨੀਲਮ ਸਿੰਘ ਫਿਰੋਜ਼ਪੁਰ ਨੇ (39.22 ਮੀ.)
ਤੀਸਰਾ ਸਥਾਨ ਹਾਸਲ ਕੀਤਾ। ਫੁੱਟਬਾਲ 'ਚੋਂ ਤਰਨਤਾਰਨ ਨੇ ਸੰਗਰੂਰ ਨੂੰ 0 ਦੇ ਮੁਕਾਬਲੇ
4, ਲੁਧਿਆਣਾ ਨੇ ਫਤਿਹਗੜ੍ਹ ਸਾਹਿਬ ਨੂੰ 0 ਦੇ ਮੁਕਾਬਲੇ 1, ਕਪੂਰਥਲਾ ਨੇ ਨਵਾਂ
ਸ਼ਹਿਰ ਨੂੰ 0 ਦੇ ਮੁਕਾਬਲੇ 1, ਮਾਨਸਾ ਨੇ ਮੋਗਾ ਨੂੰ 0 ਦੇ ਮੁਕਾਬਲੇ 4 ਗੋਲਾਂ ਨਾਲ
ਹਰਾਇਆ। ਕਬੱਡੀ ਵਿਚੋਂ ਤਰਨਤਾਰਨ ਨੇ ਗੁਰਦਾਸਪੁਰ ਨੂੰ 55-42, ਲੁਧਿਆਣਾ ਨੇ
ਫਤਿਹਗੜ੍ਹ ਸਾਹਿਬ ਨੂੰ 48-34, ਕਪੂਰਥਲਾ ਨੇ ਰੋਪੜ ਨੂੰ 69-54 ਦੇ ਫਰਕ ਨਾਲ ਹਰਾਇਆ
ਅਤੇ ਪਟਿਆਲਾ ਜ਼ਿਲ੍ਹੇ ਨੇ ਸੰਗਰੂਰ ਤੋਂ ਵਾਕ ਓਵਰ ਮਿਲਿਆ। ਖੋ-ਖੋ ਵਿਚੋਂ ਪਟਿਆਲਾ ਨੇ
ਰੋਪੜ ਨੂੰ 11-10, ਬਠਿੰਡਾ ਨੇ ਤਰਨਤਾਰਨ ਨੂੰ 8-5, ਮਾਨਸਾ ਨੇ ਬਰਨਾਲਾ ਨੂੰ 7-4,
ਮੁਕਤਸਰ ਨੇ ਕਪੂਰਥਲਾ ਨੂੰ 15-7 ਦੇ ਫਰਕ ਨਾਲ ਮਾਤ ਦਿੱਤੀ। ਹਾਕੀ ਵਿਚੋਂ ਮਾਨਸਾ ਨੇ
ਤਰਨਤਾਰਨ ਨੂੰ 4-3, ਸੰਗਰੂਰ ਨੇ ਫਰੀਦਕੋਟ ਨੂੰ 4-0, ਰੋਪੜ ਨੇ ਬਰਨਾਲਾ ਨੂੰ 2-0,
ਮੋਗਾ ਨੇ ਪਟਿਆਲਾ ਨੂੰ 2-0 ਦੇ ਫਰਕ ਨਾਲ ਹਰਾਇਆ। ਵੇਟ ਲਿਫਟਿੰਗ 56 ਕਿਲੋ ਭਾਰ ਵਰਗ
'ਚੋਂ ਪੂਰਨ ਸਿੰਘ ਸੰਗਰੂਰ, ਸਾਹਿਲ ਸਿੰਘ ਅੰਮ੍ਰਿਤਸਰ, ਸਿਮਰਨ ਸਿੰਘ ਲੁਧਿਆਣਾ ਨੇ
ਕ੍ਰਮਵਾਰ ਪਹਿਲਾ, ਦੂਜਾ ਤੇ ਤੀਸਰਾ ਸਥਾਨ ਪ੍ਰਾਪਤ ਕੀਤਾ। ਰੱਸਾਕਸੀ ਵਿਚੋਂ ਮੋਗਾ ਨੇ
ਬਠਿੰਡਾ ਨੂੰ 2-0, ਹੁਸ਼ਿਆਰਪੁਰ ਨੇ ਫਿਰੋਜ਼ਪੁਰ ਨੂੰ 2-0, ਜਲੰਧਰ ਨੇ ਅੰਮ੍ਰਿਤਸਰ
ਨੂੰ 2-1 ਅਤੇ ਮਾਨਸਾ ਨੇ ਬਰਨਾਲਾ ਨੂੰ 2-0 ਦੇ ਫਰਕ ਨਾਲ ਪਛਾੜ ਦਿੱਤਾ। ਕੁਸ਼ਤੀ 32
ਕਿਲੋ ਵਿਚੋਂ ਮੁਹੰਮਦ ਅਖ਼ਤਰ ਸੰਗਰੂਰ ਨੇ ਗੁਰਪਿੰਦਰ ਸਿੰਘ ਪਟਿਆਲਾ, ਗੁਰਵੀਰ
ਤਰਨਤਾਰਨ ਨੇ ਨਿਰਭੈ ਬਠਿੰਡਾ, 35 ਕਿਲੋ ਵਿਚੋਂ ਹਰਜਿੰਦਰ ਬਠਿੰਡਾ ਨੇ ਹਰਜਿੰਦਰ
ਰੋਪੜ, ਬਲਵਿੰਦਰ ਮੋਗਾ ਨੂੰ ਉਂਕਾਰ ਰਾਏ ਕਪੂਰਥਲਾ, 38 ਕਿਲੋ ਵਿਚੋਂ ਸਰਬਜੀਤ
ਤਰਨਤਾਰਨ ਨੇ ਪ੍ਰਗਟ ਸਿੰਘ ਮੁਕਤਸਰ, ਜ਼ੋਬਨਪ੍ਰੀਤ ਜਲੰਧਰ ਨੇ ਸੰਦੀਪ ਕੁਮਾਰ ਨੂੰ
ਹੁਸ਼ਿਆਰਪੁਰ, 42 ਕਿਲੋ ਵਿਚੋਂ ਜਗਦੀਪ ਕੁਮਾਰ ਕਪੂਰਥਲਾ ਨੇ ਲਖਵਿੰਦਰ ਸਿੰਘ ਨਵਾਂ
ਸ਼ਹਿਰ, 47 ਕਿਲੋ ਵਿਚੋਂ ਸੰਨੀ ਜਲੰਧਰ ਨੇ ਜੱਜਪਾਲ ਤਰਨਤਾਰਨ, ਸੌਰਵ ਅੰਮ੍ਰਿਤਸਰ ਨੇ
ਹਰਪ੍ਰੀਤ ਮੋਗਾ, 53 ਕਿਲੋ ਵਿਚੋਂ ਮਨਜੋਤ ਤਰਨਤਾਰਨ ਨੇ ਰੂਪ ਸਿੰਘ ਪਟਿਆਲਾ, ਸੰਦੀਪ
ਮਾਨਸਾ ਨੇ ਅਮਨਦੀਪ ਹੁਸ਼ਿਆਰਪੁਰ, 59 ਕਿਲੋ ਵਿਚੋਂ ਸੁਰੇਸ਼ ਕੁਮਾਰ ਕਪੂਰਥਲਾ ਨੇ
ਗੁਰਪ੍ਰੀਤ ਮਾਨਸਾ, 66 ਕਿਲੋ ਵਿਚੋਂ ਹਰਪ੍ਰੀਤ ਸਿੰਘ ਗੁਰਦਾਸਪੁਰ ਨੇ ਰੋਹਿਤ
ਫਤਿਹਗੜ੍ਹ ਪੰਜਾਬ, ਰਾਜਾ ਸੈਣੀ ਅੰਮ੍ਰਿਤਸਰ ਨੇ ਜਤਿਨ ਕੁਮਾਰ ਹੁਸ਼ਿਆਰਪੁਰ, 73 ਕਿਲੋ
ਵਿਚੋਂ ਪਲਵਿੰਦਰ ਸਿੰਘ ਗੁਰਦਾਸਪੁਰ ਨੇ ਇੰਦਰਜੀਤ ਹੁਸ਼ਿਆਰਪੁਰ, ਹਰਜੀਤ ਸਿੰਘ ਮਾਨਸਾ
ਨੇ ਜਸਪ੍ਰੀਤ ਨਵਾਂ ਸ਼ਹਿਰ, ਰਵਜੋਤ ਅੰਮ੍ਰਿਤਸਰ ਨੇ ਵਰਿੰਦਰ ਨਵਾਂ ਸ਼ਹਿਰ, ਅਨਿਤ ਸੋਬਤੀ
ਜਲੰਧਰ ਨੇ ਕਿਰਨਜੀਤ ਫਰੀਦਕੋਟ ਨੂੰ ਹਰਾਇਆ।
ਇਸ ਦੇ ਪਹਿਲੇ ਦਿਨ ਖੇਡਾਂ ਦੀ ਸ਼ੁਰੂਆਤ 1500 ਮੀਟਰ ਦੌੜ ਨਾਲ ਹੋਈ। ਇਸ 'ਚ ਹਰਪ੍ਰੀਤ
ਸਿੰਘ ਅੰਮ੍ਰਿਤਸਰ ਨੇ 4.39.60 ਦਾ ਸਮਾਂ ਲੈ ਕੇ ਪਹਿਲਾ, ਨਵਜੋਤ ਸਿੰਘ ਗੁਰਦਾਸਪੁਰ
ਨੇ 4.40.74 ਮਿੰਟ ਲੈ ਕੇ ਦੂਜਾ ਤੇ ਜਗਪ੍ਰੀਤ ਸਿੰਘ ਗੁਰਦਾਸਪੁਰ ਨੇ 4.41.52 ਮਿੰਟ
ਲੈ ਕੇ ਤੀਜਾ ਦਰਜਾ ਹਾਸਲ ਕੀਤਾ। ਫੁੱਟਬਾਲ 'ਚੋਂ ਫਤਿਹਗੜ੍ਹ ਨੇ ਫਰੀਦਕੋਟ ਨੂੰ,
ਤਰਨਤਾਰਨ ਨੇ ਬਠਿੰਡਾ ਨੂੰ 2-0, ਕਪੂਰਥਲਾ ਨੇ ਫਿਰੋਜਪੁਰ ਨੂੰ 2-0 ਗੋਲਾਂ ਮਾਤ
ਦਿੱਤੀ। ਗੋਲਾ ਸੁੱਟਣ ਦੇ ਮੁਕਾਬਲੇ 'ਚੋਂ ਜਸਪ੍ਰੀਤ ਸਿੰਘ ਬਰਨਾਲਾ ਪਹਿਲੇ,
ਬਿਕਰਮਜੀਤ ਸਿੰਘ ਗੁਰਦਾਸਪੁਰ ਦੂਜੇ ਤੇ ਗੁਰਪ੍ਰੀਤ ਸਿੰਘ ਲੁਧਿਆਣਾ ਤੀਜੇ ਸਥਾਨ 'ਤੇ
ਰਿਹਾ। ਲੰਬੀ ਛਾਲ 'ਚ ਇੰਦਰਵੀਰ ਸਿੰਘ ਤਰਨਤਾਰਨ, ਗੁਰਜੰਟ ਸਿੰਘ ਫਰੀਦਕੋਟ, ਹਰਮਨਦੀਪ
ਸਿੰਘ ਜਲੰਧਰ ਨੇ ਕ੍ਰਮਵਾਰ ਪਹਿਲੇ, ਦੂਜੇ ਤੇ ਤੀਜੇ ਸਥਾਨ 'ਤੇ ਰਹੇ। ਕਾਲਜ ਦੀਆਂ
ਵਿਦਿਆਰਥੀਅਣਾਂ ਵੱਲੋਂ ਪ੍ਰੋ. ਇੰਦਰਪਾਲ ਦੀ ਅਗਵਾਈ ਵਿਚ ਗਿੱਧਾ ਅਤੇ ਅਮਰਜੀਤ ਭੰਗੜਾ
ਕੋਚਿੰਗ ਸੈਂਟਰ ਵੱਲੋਂ ਸੱਭਿਆਚਾਰਕ ਪ੍ਰੋਗਰਾਮ ਪੇਸ਼ ਕੀਤਾ ਗਿਆ।
54ਵੀਆਂ ਪੰਜਾਬ ਸਕੂਲ ਖੇਡਾਂ 'ਚ
ਬਠਿੰਡਾ, 27 ਸਤੰਬਰ -
54ਵੀਂਆਂ ਪੰਜਾਬ ਸਕੂਲ ਖੇਡਾਂ ਬਠਿੰਡੇ ਦੇ ਜਿਮਨੇਜ਼ੀਅਮ ਇਨਡੋਰ ਹਾਲ ਵਿਚ ਲੜਕੇ
ਲੜਕੀਆਂ ਦੇ ਤਾਇਕਵਾਂਡੋ ਮੁਕਾਬਲੇ ਹੋ ਰਹੇ ਹਨ।ਖੇਡਾਂ ਦੇ ਤੀਜੇ ਦਿਨ 14 ਸਾਲ ਤੱਕ
ਲੜਕੀਆਂ ਦੇ ਨਤੀਜੇ ਇਸ ਪ੍ਰਕਾਰ ਹਨ : 14 ਸਾਲ ਲੜਕੀਆਂ ਤਾਇਕਵਾਂਡੋ : 20 ਤੋਂ 22
ਕਿਲੋ ਵਜ਼ਨ ਟਿਨੀ ਲੁਧਿਆਣਾ ਪਹਿਲਾ, ਜਸਵਿੰਦਰ ਰੋਪੜ ਦੂਜਾ, ਪ੍ਰਭਜੋਤ ਕਪੂਰਥਲਾ ਅਤੇ
ਦਿਸ਼ਕਾ ਬਠਿੰਡਾ ਨੇ ਤੀਜਾ, 22 ਤੋਂ 24 ਮਨਪ੍ਰੀਤ ਫਰੀਦਕੋਟ ਪਹਿਲਾ, ਕਿਰਨਦੀਪ
ਗੁਰਦਾਸਪੁਰ ਦੂਜਾ, ਸਹਿਜਲੀਨ ਬਠਿੰਡਾ ਅਤੇ ਬਲਪ੍ਰੀਤ ਮੁਕਤਸਰ ਨੇ ਤੀਜਾ, 24 ਤੋਂ 26
ਹਰਜੋਤ ਪਟਿਆਲਾ ਪਹਿਲਾ, ਰਮਨਦੀਪ ਫਰੀਦਕੋਟ ਦੂਜਾ, ਹਰਲੀਨ ਬਠਿੰਡਾ ਅਤੇ ਹਰਲੀਨ
ਗੁਰਦਾਸਪੁਰ ਨੇ ਤੀਜਾ, 26 ਤੋਂ 29 ਕਿਲੋ ਮਨਜੋਤ ਕੌਰ ਫਰੀਦਕੋਟ ਪਹਿਲਾ, ਦਿਕਸ਼ੂ
ਬਠਿੰਡਾ ਨੇ ਦੂਜਾ, ਪਵਨਜੋਤ ਮੋਗਾ ਅਤੇ ਰਜਿੰਦਰਪਾਲ ਪਟਿਆਲਾ ਨੇ ਤੀਜਾ, 29 ਤੋਂ 32
ਕਿਲੋ ਪਰਮਜੀਤ ਕੌਰ ਬਠਿੰਡਾ ਨੇ ਪਹਿਲਾ, ਦਿਲਪ੍ਰੀਤ ਫਤਿਹਗੜ੍ਹ ਨੇ ਦੂਜਾ, ਜਸਲੀਨ
ਪਟਿਆਲਾ ਅਤੇ ਲਵਲੀਨ ਫਰੀਦਕੋਟ ਨੇ ਤੀਜਾ, 32 ਤੋਂ 33 ਕਿਲੋ ਅਮਨ ਜਲੰਧਰ ਨੇ ਪਹਿਲਾ
ਅਯੋਸ਼ੀ ਮੋਗਾ ਨੇ ਦੂਜਾ, ਹਰਨੀਤ ਗੁਰਦਾਸਪੁਰ ਨੇ ਅਤੇ ਨਿਰਮਲਾ ਰੋਪੜ ਨੇ ਤੀਜਾ, 35
ਤੋਂ 38 ਕਿਲੋ ਰਸ਼ਪਿੰਦਰ ਪਟਿਆਲਾ ਨੇ ਪਹਿਲਾ, ਜਸਮੀਤ ਮੁਕਤਸਰ ਨੇ ਦੂਜਾ, ਸੰਦੀਪ
ਰੋਪੜ ਅਤੇ ਦਸ਼ਕੀਰਤ ਮੋਗਾ ਨੇ ਤੀਜਾ, +38 ਅਮਿਤੋਜ ਪਟਿਆਲਾ ਨੇ ਪਹਿਲਾ, ਰਵੀਦੀਪ ਕੌਰ
ਸੰਗਰੂਰ ਨੇ ਦੂਜਾ, ਲਵਲੀਨ ਮੋਗਾ ਅਤੇ ਸਤਿੰਦਰ ਫਰੀਦਕੋਟ ਨੇ ਤੀਜਾ ਸਥਾਨ ਪ੍ਰਾਪਤ
ਕੀਤਾ।
ਟੂਰਨਾਮੈਂਟ ਦੇ ਦੂਜੇ ਦਿਨ ਲੜਕੇ 17 ਸਾਲ ਤੱਕ ਲਾਈਟ ਮਿਡਲ ਵੇਟ 'ਚ ਪਰਮ ਪੁਨੀਤ
ਅੰਮ੍ਰਿਤਸਰ ਪਹਿਲਾ, ਅਰਸ਼ਦੀਪ ਸਿੰਘ ਫ਼ਰੀਦਕੋਟ ਦੂਜਾ ਅਤੇ ਬਲਜੀਤ ਸਿੰਘ ਫ਼ਿਰੋਜ਼ਪੁਰ ਅਤੇ
ਮਨਦੀਪ ਸਿੰਘ ਮੁਕਤਸਰ ਨੇ ਤੀਜਾ ਸਥਾਨ ਹਾਸਲ ਕੀਤਾ। ਮਿਡਲ ਵੇਟ 'ਚ ਮਨਮੋਹਨ ਸਿੰਘ
ਅੰਮ੍ਰਿਤਸਰ ਨੇ ਪਹਿਲਾ, ਰਾਘਵ ਲੁਧਿਆਣਾ ਦੂਜਾ, ਸ਼ੁਭ ਦੀਪ ਪਟਿਆਲਾ ਅਤੇ ਗੁਰਵਿੰਦਰ
ਸੰਗਰੂਰ ਨੇ ਤੀਜਾ ਸਥਾਨ ਹਾਸਲ ਕੀਤਾ। ਲਾਈਟ ਹੈਵੀ 'ਚ ਬਿਕਰਮਜੀਤ ਸਿੰਘ ਤਰਨਤਾਰਨ ਨੇ
ਪਹਿਲਾ, ਪੁਸ਼ਪਿੰਦਰ ਸੰਗਰੂਰ ਨੇ ਦੂਜਾ ਸਥਾਨ ਅਤੇ ਮਾਧਵਨ ਪਟਿਆਲਾ ਅਤੇ ਰਿਤੇਸ਼ ਬਠਿੰਡਾ
ਨੇ ਤੀਜਾ ਸਥਾਨ ਸਥਾਨ ਹਾਸਿਲ ਕੀਤਾ। ਹੈਵੀਵੇਟ 'ਚ ਗੁਰਲਾਲ ਤਰਨਤਾਰਨ ਨੇ ਪਹਿਲਾ,
ਗੁਰਕਮਲ ਜਲੰਧਰ ਦੂਜਾ ਅਤੇ ਮਨਜੋਤ ਅੰਮ੍ਰਿਤਸਰ ਅਤੇ ਅਰੁਣ ਠਾਕੁਰ ਬਠਿੰਡਾ ਤੀਜਾ
ਸਥਾਨ ਪ੍ਰਾਪਤ ਕੀਤਾ। 17 ਸਾਲ ਤੱਕ ਦੀਆਂ ਲੜਕੀਆਂ ਦੇ ਬੈਟਮ ਵੇਟ 'ਚ ਰੋਹਿਨੀ ਕੁੰਦਰਾ
ਅੰਮ੍ਰਿਤਸਰ ਪਹਿਲਾ, ਮਾਇਆ ਪਟਿਆਲਾ ਜ਼ਿਲ੍ਹਾ ਦੂਜਾ, ਨਵਜੋਤ ਕੌਰ ਮੁਕਤਸਰ ਅਤੇ ਨਿਕਿਤਾ
ਕਪੂਰਥਲਾ ਤੀਜਾ ਸਥਾਨ, ਵੈਲਟਰ ਵੇਟ ਅਮਨਪ੍ਰੀਤ ਕੌਰ ਅੰਮ੍ਰਿਤਸਰ ਪਹਿਲਾ, ਹਰਪ੍ਰੀਤ
ਕੌਰ ਪਟਿਆਲਾ ਦੂਜਾ, ਪ੍ਰਭਜੋਤ ਕੌਰ ਮੁਕਤਸਰ ਤੇ ਮੀਨਾ ਕੁਮਾਰੀ ਰੋਪੜ ਨੇ ਤੀਜਾ ਸਥਾਨ,
ਮਿਡਲ ਵੇਟ 'ਚ ਜਾਨੇਤਾ ਬਠਿੰਡਾ ਪਹਿਲਾ, ਸੰਦੀਪ ਰਾਣੀ ਫ਼ਰੀਦਕੋਟ ਦੂਜਾ ਅਤੇ
ਹਰਮਨਪ੍ਰੀਤ ਕੌਰ, ਅਮ੍ਰਿਤ ਸ਼ਰਮਾ ਤੇ ਪਰਮਿੰਦਰ ਕੌਰ ਜਲੰਧਰ ਨੇ ਤੀਜਾ, ਲਾਈਟ
ਹੈਵੀਵੇਟ 'ਚ ਸੁਖਪ੍ਰੀਤ ਕੌਰ ਫ਼ਰੀਦਕੋਟ ਨੇ ਪਹਿਲਾ, ਨਵਜੋਤ ਕੌਰ ਰੋਪੜ ਨੇ ਦੂਜਾ, ਤਨੂੰ
ਬਠਿੰਡਾ ਅਤੇ ਨਵਜੋਤ ਜਲੰਧਰ ਨੇ ਤੀਜਾ, ਹੈਵੀਵੇਟ 'ਚ ਮਨਜੂਰ ਅੰਮ੍ਰਿਤਸਰ ਪਹਿਲਾ,
ਅਰੁੰਦਤੀ ਬਠਿੰਡਾ ਦੂਜਾ, ਪੁਰਵਸਾ ਜਲੰਧਰ ਅਤੇ ਹਰਸ਼ਪ੍ਰੀਤ ਕੌਰ ਮੁਕਤਸਰ ਨੇ ਤੀਜਾ
ਦਰਜਾ ਲਿਆ।
ਬਲਵੰਤ ਸਿੰਘ ਮੈਮੋਰੀਅਲ 31ਵੀਂ ਰਾਸ਼ਟਰੀ ਸਬ ਜੂਨੀਅਰ ਫੁੱਟਬਾਲ ਚੈਂਪੀਅਨਸ਼ਿਪ
ਮਾਹਿਲਪੁਰ, 27 ਸਤੰਬਰ -ਬਲਵੰਤ
ਸਿੰਘ ਮੈਮੋਰੀਅਲ 31ਵੀਂ ਰਾਸ਼ਟਰੀ ਸਬ ਜੂਨੀਅਰ ਫੁੱਟਬਾਲ ਚੈਂਪੀਅਨਸ਼ਿਪ ਖਾਲਸਾ ਕਾਲਜ
ਮਾਹਿਲਪੁਰ ਵਿਖੇ ਕਰਵਾਈ ਜਾ ਰਹੀ ਹੈ। ਚੈਂਪੀਅਨਸ਼ਿਪ ਦੇ ਦੂਜੇ ਅਤੇ ਫੈਸਲਾਕੁੰਨ
ਮੁਕਾਬਲੇ ਵਿਚ ਪੰਜਾਬ, ਦਿੱਲੀ, ਮਿਜ਼ੋਰਮ, ਮੇਘਾਲਿਆ, ਬੰਗਾਲ, ਉਤਰਾਖੰਡ, ਅਸਾਮ ਅਤੇ
ਗੋਆ ਦੀਆਂ 8 ਟੀਮਾਂ ਹੀ ਮੈਦਾਨ ਵਿਚ ਰਹਿ ਗਈਆਂ। ਉਕਤ ਅੱਠ ਟੀਮਾਂ 'ਚ ਕੁਆਰਟਰ
ਫਾਈਨਲ ਲੀਗ ਮੈਚ 2 ਅਕਤੂਬਰ ਤੱਕ ਖੇਡੇ ਜਾਣਗੇ। ਜਿਨ੍ਹਾਂ ਵਿਚੋਂ ਪੰਜਾਬ ਦਾ ਪਹਿਲਾ
ਮੁਕਾਬਲਾ ਦਿੱਲੀ ਨਾਲ, ਮਿਜ਼ੋਰਮ ਦਾ ਮੇਘਾਲਿਆ, ਆਸਾਮ ਦਾ ਗੋਆ ਨਾਲ ਅਤੇ ਉਤਰਾਖੰਡ ਦਾ
ਬੰਗਾਲ ਨਾਲ ਨਿਰਧਾਰਤ ਹੋਇਆ ਹੈ। ਇਹ ਮੁਕਾਬਲੇ ਅੰਕਾਂ ਦੇ ਆਧਾਰ 'ਤੇ ਖੇਡੇ ਜਾਣਗੇ।
ਜਿਨ੍ਹਾਂ ਵਿਚੋਂ ਜਿੱਤਣ ਵਾਲੀ ਟੀਮ ਨੂੰ 3 ਅੰਕ, ਬਰਾਬਰ ਰਹਿਣ ਦੀ ਹਾਲਤ ਵਿਚ ਦੋਵੇਂ
ਟੀਮਾਂ ਨੂੰ 1-1 ਅੰਕ ਅਤੇ ਬਾਕੀ ਅੰਕ ਕੀਤੇ ਹੋਏ ਗੋਲਾਂ 'ਤੇ ਅਧਾਰਿਤ ਹੋਣਗੇ। ਤੀਜੇ
ਦੌਰ ਵਿਚ ਸੈਮੀਫਾਈਨਲ 4 ਅਕਤੂਬਰ ਅਤੇ ਫਾਈਨਲ 6 ਅਕਤੂਬਰ ਨੂੰ ਕਰਵਾਇਆ ਜਾਵੇਗਾ।
ਇਸ ਦੇ ਪਹਿਲੇ ਦਿਨ ਯਾਨੀ 27 ਸਤੰਬਰ ਦੇ ਪਹਿਲੇ ਕੁਆਰਟਰ ਲੀਗ ਮੈਚ ਵਿਚ ਬੰਗਾਲ ਅਤੇ
ਉਤਰਾਖੰਡ ਦਾ ਮੈਚ ਰੋਮਾਂਚਕ ਮੁਕਾਬਲੇ ਤੋਂ ਬਾਅਦ ਇਕ-ਇਕ ਗੋਲ ਨਾਲ ਬਰਾਬਰ ਰਿਹਾ।
ਦੂਜੇ ਮੈਚ ਵਿਚ ਆਸਾਮ ਦੇ ਖਿਡਾਰੀਆਂ ਨੇ ਗੋਆ ਦੀ ਟੀਮ ਨੂੰ 4-0 ਨਾਲ ਹਰਾਇਆ।
54ਵੇਂ ਪੰਜਾਬ ਸਕੂਲ ਨੈਟੱਬਾਲ ਤੇ ਬਾਸਕਿਟਬਾਲ ਮੁਕਾਬਲੇ
ਗੁਰਦਾਸਪੁਰ, 27 ਸਤੰਬਰ -
54 ਵੀਆਂ ਅੰਤਰ ਜ਼ਿਲ੍ਹਾ 5 ਰੋਜ਼ਾ ਨੈਟਬਾਲ ਅੰਡਰ 17 ਸਾਲ ਅਤੇ ਬਾਸਕਿਟਬਾਲ ਅੰਡਰ
14 ਸਾਲ ਸਕੂਲ ਖੇਡਾਂ ਗੁਰਦਾਸਪੁਰ ਵਿਖੇ 27 ਸਤੰਬਰ ਨੂੰ ਸ਼ੁਰੂ ਹੋਈਆਂ। ਜਿਸ ਵਿਚ
ਨੈਟਬਾਲ ਅੰਡਰ 17 ਸਾਲ ਵਿਚ ਤਰਨਤਾਰਨ ਨੇ ਮੋਗਾ ਨੂੰ 1-17, ਬਰਨਾਲਾ ਨੇ ਕਪੂਰਥਲਾ
ਨੂੰ 6-0, ਗੁਰਦਾਸਪੁਰ ਸਪੋਰਟਸ ਵਿੰਗ ਨੇ ਜਲੰਧਰ ਨੂੰ 18-2, ਗੁਰਦਾਸਪੁਰ ਨੇ
ਸੰਗਰੂਰ ਨੂੰ 15-10 ਅੰਕਾਂ ਨਾਲ ਹਰਾਇਆ। ਇਸੇ ਤਰ੍ਹਾਂ ਬਾਸਕਿਟ ਬਾਲ ਅੰਡਰ 14 ਸਾਲ
ਮੁਕਾਬਲਿਆਂ ਵਿਚ ਗੁਰਦਾਸਪੁਰ ਵਿੰਗ ਨੇ ਜਲੰਧਰ ਨੂੰ 14-0, ਬਠਿੰਡਾ ਨੇ ਮੋਗੇ ਨੂੰ
12-2 ਅਤੇ ਰੋਪੜ ਨੇ ਅੰਮ੍ਰਿਤਸਰ ਨੂੰ 25-9 ਅੰਕਾਂ ਨਾਲ ਹਰਾਇਆ।
ਸ਼ੂਗਰਫੈੱਡ ਦੇ ਖੇਡ ਮੁਕਾਬਲਿਆਂ 'ਚੋਂ ਬੁੱਢੇਵਾਲ ਦੀ ਕਬੱਡੀ ਟੀਮ ਦੀ ਝੰਡੀ
ਕੁਹਾੜਾ, 27 ਸਤੰਬਰ -
ਰਾਜ ਪੱਧਰੀ ਖੇਡ ਮੁਕਾਬਲਿਆਂ ਦੇ ਜੇਤੂਆ ਨੂੰ ਇਨਾਮ ਵੰਡਣ ਲਈ ਸ਼ੂਗਰਫੈਡ ਪੰਜਾਬ ਵੱਲੋਂ
ਸਮਾਗਮ ਕਰਵਾਇਆ ਗਿਆ। ਜਿਸ ਵਿਚ ਸਹਿਕਾਰੀ ਖੰਡ ਮਿੱਲ ਬੁੱਢੇਵਾਲ ਦੀ ਕਬੱਡੀ ਟੀਮ
ਪਹਿਲੇ ਸਥਾਨ ਉਤੇ ਰਹੀ ਜਦੋਂ ਕਿ ਬਟਾਲਾ ਮਿੱਲ ਨੇ ਦੂਜਾ ਸਥਾਨ ਪ੍ਰਾਪਤ ਕੀਤਾ। ਭੰਗੜੇ
ਦੇ ਮੁਕਾਬਲਿਆਂ ਵਿਚੋਂ ਅਜਨਾਲਾ ਖੰਡ ਮਿੱਲ ਨੇ ਪਹਿਲਾ ਬਟਾਲਾ ਨੇ ਦੂਜਾ ਅਤੇ ਨਕੋਦਰ
ਖੰਡ ਮਿੱਲ ਨੇ ਤੀਜਾ ਸਥਾਨ ਪ੍ਰਾਪਤ ਕੀਤਾ।
ਕਰਤਾਰ ਸਿੰਘ ਮਾਸਟਰ ਵਿਸ਼ਵ ਕੁਸ਼ਤੀ ਚੈਂਪੀਅਨਸ਼ਿਪ
ਜਲੰਧਰ, 27 ਸਤੰਬਰ -
ਪਿਰਮ (ਰੂਸ) ਵਿਚ ਮਾਸਟਰ ਵਿਸ਼ਵ ਰੈਸਲਿੰਗ ਚੈਂਪੀਅਨਸ਼ਿਪ ਚੱਲ ਰਹੀ ਹੈ, ਇਸ ਵਿਚ 97
ਕਿਲੋ ਭਾਰ ਵਰਗ ਵਿਚ ਪਦਮ ਸ੍ਰੀ ਕਰਤਾਰ ਸਿੰਘ ਨੇ ਫਾਈਨਲ 'ਚ ਪ੍ਰਵੇਸ਼ ਕੀਤਾ। ਕੁਆਰਟਰ
ਫਾਈਨਲ 'ਚ ਕਰਤਾਰ ਸਿੰਘ ਨੇ ਰੂਸ ਦੇ ਕਮਾਲੰਵ ਬਟਾਇਰ ਨੂੰ ਤੇ ਫਰਾਂਸ ਦੇ ਐਮ. ਗਲੇਬਸ
ਨੂੰ 4-2 ਨਾਲ ਹਰਾਇਆ ਤੇ ਸੈਮੀਫਾਈਨਲ ਦੇ ਪਹਿਲੇ ਗੇੜ ਦੇ ਮੁਕਾਬਲੇ ਵਿਚ ਕਰਤਾਰ
ਸਿੰਘ ਨੇ ਕਜ਼ਾਕਿਸਤਾਨ ਦੇ ਜੋ ਉਮਰ ਨੂੰ ਹਰਾਇਆ।
54ਵੀਆਂ ਪੰਜਾਬ ਸਕੂਲ ਖੇਡਾਂ ਆਰੰਭ
ਬਠਿੰਡਾ, 26 ਸਤੰਬਰ -
54ਵੀਆਂ ਪੰਜਾਬ ਸਕੂਲ ਖੇਡਾਂ (ਤਾਇਕਵਾਂਡੋ) 26 ਸਤੰਬਰ ਨੂੰ ਬਠਿੰਡਾ ਦੇ ਖੇਡ
ਸਟੇਡੀਅਮ ਦੇ ਇਨਡੋਰ ਜਿਮਨੇਜ਼ੀਅਮ ਹਾਲ ਵਿਚ ਸ਼ੁਰੂ ਹੋਈਆਂ। ਇਸ ਵਿਚ ਪੰਜਾਬ ਭਰ ਦੇ
ਸਕੂਲਾਂ ਵਿਚੋਂ 14, 17, 19 ਸਾਲ ਤੱਕ ਦੇ ਇਕ ਹਜ਼ਾਰ ਦੇ ਕਰੀਬ ਲੜਕੇ-ਲੜਕੀਆਂ ਭਾਗ
ਲੈ ਰਹੇ ਹਨ। ਆਖਰ ਵਿਚ ਐਸ.ਪੀ. ਸ਼ੁਕਲਾ ਦੇ ਤਿਆਰ ਕੀਤੇ ਬੱਚਿਆਂ ਨੇ ਬਹੁਤ ਹੀ ਵਧੀਆ
ਤਾਇਕਵਾਂਡੋ ਦਾ ਪ੍ਰਦਰਸ਼ਨ ਕੀਤਾ। ਐਮ.ਐਸ.ਡੀ. ਸਕੂਲ ਦੇ ਬਾਲ ਕਲਾਕਾਰਾਂ ਨੇ
ਕੋਰੀਓਗ੍ਰਾਫ਼ੀ ਨਾਚ ਵਿਖਾਇਆ। ਅੱਜ ਵੱਖ-ਵੱਖ ਭਾਰ ਵਰਗਾਂ ਦੇ ਲੜਕੇ-ਲੜਕੀਆਂ ਦੇ ਵਜ਼ਨ
ਕੀਤੇ ਗਏ ਤੇ ਮੁਕਾਬਲੇ ਦੀ ਸ਼ੁਰੂਆਤ ਹੋਈ।
30ਵੀਂਆਂ ਪੰਜਾਬ ਪੁਲਿਸ ਖੇਡਾਂ
ਫ਼ਿਰੋਜ਼ਪੁਰ, 26 ਸਤੰਬਰ -
30ਵੀਆਂ ਪੰਜਾਬ ਪੁਲਿਸ ਦੀਆਂ ਖੇਡਾਂ ਚੱਲ ਰਹੀਆਂ ਹਨ। ਜਿਸ ਵਿਚ ਕਬੱਡੀ, ਵਾਲੀਬਾਲ,
ਬਾਸਕਟਬਾਲ, ਹਾਕੀ, ਫੁਟਬਾਲ ਅਤੇ ਐਥਲੈਟਿਕਸ ਮੁਕਾਬਲੇ ਹੋਏ। ਇਸ ਵਿਚ 100 ਮੀਟਰ ਦੌੜ
ਵਿੱਚੋਂ ਕਾਂਸਟੇਬਲ ਭਗਵਾਨ ਚੰਦ ਫ਼ਿਰੋਜ਼ਪੁਰ ਪਹਿਲੇ, ਐਸ.ਪੀ.ਓ ਬਲਦੇਵ ਸਿੰਘ
ਫ਼ਿਰੋਜ਼ਪੁਰ ਦੂਜੇ, ਸਹਾਇਕ ਥਾਣੇਦਾਰ ਗੁਰਿੰਦਰ ਸਿੰਘ ਤੀਜੇ ਸਥਾਨ 'ਤੇ ਰਹੇ। 800
ਮੀਟਰ ਦੌੜ ਵਿਚੋਂ ਹੈਡਕਾਂਸਟੇਬਲ ਭਗਵਾਨ ਚੰਦ ਫ਼ਿਰੋਜ਼ਪੁਰ ਪਹਿਲੇ, ਰਾਮ ਮਗਨ
ਫ਼ਿਰੋਜ਼ਪੁਰ ਦੂਸਰੇ, ਐਸ.ਪੀ.ਓ ਬਲਦੇਵ ਸਿੰਘ ਫ਼ਿਰੋਜ਼ਪੁਰ ਤੀਸਰੇ ਨੰਬਰ 'ਤੇ ਰਹੇ। ਗੋਲਾ
ਸੁੱਟਣ 'ਚ ਗੁਰਦੇਵ ਸਿੰਘ ਫ਼ਿਰੋਜ਼ਪੁਰ ਪਹਿਲੇ, ਬਲਦੇਵ ਸਿੰਘ ਮੁਕਤਸਰ ਦੂਜੇ, ਮਨਜੀਤ
ਸਿੰਘ ਮੁਕਤਸਰ ਤੀਜੇ ਸਥਾਨ 'ਤੇ ਰਿਹਾ। ਗੋਲਾ ਸੁੱਟਣ ਦੇ 50 ਤੋਂ 60 ਸਾਲਾਂ
ਮੁਕਾਬਲਿਆਂ 'ਚ ਦੇਵ ਰਾਜ ਮੁਕਤਸਰ ਪਹਿਲੇ, ਕੁਲਵੰਤ ਰਾਏ ਸਬ-ਇੰਸਪੈਕਟਰ ਫ਼ਿਰੋਜ਼ਪੁਰ
ਦੂਜੇ ਸਥਾਨ 'ਤੇ ਰਹੇ ਰਹੇ। ਕਬੱਡੀ 'ਚ ਮੁਕਤਸਰ-ਮੋਗਾ ਦੀਆਂ ਟੀਮਾਂ ਦਰਮਿਆਨ ਫਸਵਾਂ
ਮੈਚ ਹੋਇਆ, ਜਿਸ ਵਿੱਚ 21 ਦੇ ਮੁਕਾਬਲੇ 37 ਅੰਕ ਹਾਸਲ ਕਰ ਮੋਗਾ ਪੁਲਿਸ ਦੇ ਗੱਭਰੂ
ਜੇਤੂ ਰਹੇ, ਬਾਸਕਟਬਾਲ ਮੁਕਾਬਲੇ ਫ਼ਿਰੋਜ਼ਪੁਰ ਅਤੇ ਮੋਗਾ ਦੇ ਖਿਡਾਰੀਆਂ ਵਿਚਕਾਰ ਹੋਏ,
ਜਿਸ ਵਿਚ 14 ਦੇ ਮੁਕਾਬਲੇ ਫ਼ਿਰੋਜ਼ਪੁਰ ਦੇ ਖਿਡਾਰੀਆਂ ਨੇ 39 ਅੰਕ ਪ੍ਰਾਪਤ ਕੀਤੇ।
ਫੁਟਬਾਲ ਅਤੇ ਹਾਕੀ ਦੇ ਮੁਕਾਬਲਿਆਂ 'ਚ ਮੋਗਾ ਦੀ ਟੀਮ ਬਗੈਰ ਮੁਕਾਬਲੇ ਜੇਤੂ ਰਹੀ।
54 ਵੀਆਂ ਪੰਜਾਬ ਸਕੂਲ ਖੇਡਾਂ
ਸੰਗਰੂਰ, 26 ਸਤੰਬਰ -
54 ਵਾਂ ਪੰਜਾਬ ਪੱਧਰੀ (ਸਕੂਲੀ) ਕ੍ਰਿਕਟ ਟੂਰਨਾਮੈਂਟ (16 ਸਾਲ ਤੋਂ ਘੱਟ) ਜ਼ਿਲ੍ਹਾ
ਸੰਗਰੂਰ ਵਿਚ 26 ਸਤੰਬਰ ਨੂੰ ਸ਼ੁਰੂ ਹੋਇਆ ਜਿਹੜਾ ਕਿ 30 ਸਤੰਬਰ ਤੱਕ ਚੱਲੇਗਾ। 26
ਸਤੰਬਰ ਨੂੰ ਕੁਲ ਤਿੰਨ ਮੈਚ ਖੇਡੇ ਗਏ। 20-20 ਓਵਰਾਂ ਦੇ ਮੈਚਾਂ ਵਿਚ ਲੁਧਿਆਣਾ ਦੇ
ਤੇਜ਼ ਤਰਾਰ ਬੱਲੇਬਾਜ਼ਾਂ ਨੇ ਕੇਵਲ 3.5 ਓਵਰਾਂ ਵਿਚ 1 ਵਿਕਟ ਦੇ ਨੁਕਸਾਨ 'ਤੇ ਮਾਨਸਾ
ਜ਼ਿਲ੍ਹੇ ਨੂੰ ਹਰਾ ਦਿੱਤਾ। ਮਾਨਸਾ ਦੀ ਟੀਮ ਨੇ ਪਹਿਲਾਂ ਖੇਡਦਿਆਂ 20 ਓਵਰਾਂ ਵਿਚ
ਕੇਵਲ 44 ਦੋੜਾਂ ਹੀ ਬਣਾ ਸਕੀ ਸੀ। ਦੂਸਰੇ ਮੈਚ ਵਿਚ ਮੋਗੇ ਨੂੰ ਕਪੂਰਥਲਾ ਵਿਰੁਧ
ਵਾਕਓਵਰ ਮਿਲਿਆ। ਤੀਜੇ ਮੈਚ ਵਿਚ ਹੁਸ਼ਿਆਰਪੁਰ ਵੱਲੋਂ ਬਣਾਈਆਂ ਗਈਆਂ 134 ਦੌੜਾਂ ਦੇ
ਜਵਾਬ ਵਿਚ ਫਤਹਿਗੜ੍ਹ ਸਾਹਿਬ ਦੀ ਟੀਮ ਕੇਵਲ 90 ਦੌੜਾਂ ਹੀ ਬਣਾ ਸਕੀ।
31ਵਾਂ ਸਬ ਜੂਨੀਅਰ ਆਲ ਇੰਡੀਆ ਫੁੱਟਬਾਲ ਟੂਰਨਾਮੈਂਟ
ਮਾਹਿਲਪੁਰ, 25 ਸਤੰਬਰ -
31ਵਾਂ ਸਬ ਜੂਨੀਅਰ ਆਲ ਇੰਡੀਆ ਫੁੱਟਬਾਲ ਟੂਰਨਾਮੈਂਟ ਖਾਲਸਾ ਕਾਲਜ ਮਾਹਿਲਪੁਰ ਦੇ
ਪ੍ਰਿੰ: ਹਰਭਜਨ ਸਿੰਘ ਸਟੇਡੀਅਮ ਵਿਚ ਖੇਡਿਆ ਜਾ ਰਿਹਾ ਹੈ। ਇਸ ਦੇ ਪਹਿਲੇ ਗੇੜ ਵਿਚ
ਤਾਮਿਲਨਾਡੂ, ਉੜੀਸਾ, ਝਾਰਖੰਡ, ਜੰਮੂ ਕਸ਼ਮੀਰ, ਉੱਤਰ ਪ੍ਰਦੇਸ਼, ਛੱਤੀਸਗੜ੍ਹ,
ਮਹਾਰਾਸ਼ਟਰ, ਕੇਰਲ, ਕਰਨਾਟਕ, ਚੰਡੀਗੜ੍ਹ ਤੇ ਮਨੀਪੁਰ ਦੀਆਂ ਟੀਮਾਂ ਬਾਹਰ ਹੋ ਗਈਆਂ।
25 ਸਤੰਬਰ ਨੂੰ ਹੋਏ ਮੈਚਾਂ ਵਿਚ ਮਨੀਪੁਰ, ਅਸਾਮ ਅਤੇ ਝਾਰਖੰਡ ਦੀਆਂ ਟੀਮਾਂ ਨੇ ਵੱਡੇ
ਫਰਕ ਨਾਲ ਜਿੱਤਾਂ ਪ੍ਰਾਪਤ ਕੀਤੀਆਂ। ਮੇਘਾਲਿਆਂ, ਆਸਾਮ ਅਤੇ ਉੱਤਰਾਖੰਡ ਦੀਆਂ ਟੀਮਾਂ
ਵੀ ਕੁਆਟਰ ਫਾਈਨਲ ਵਿਚ ਪਹੁੰਚ ਗਈਆਂ।
ਜੂਨੀਅਰ ਨੈਸ਼ਨਲ ਐਥਲੈਟਿਕਸ ਚੈਂਪੀਅਨਸ਼ਿਪ ਲਈ ਚੋਣ ਟ੍ਰਾਇਲ 2 ਅਕਤੂਬਰ ਨੂੰ
ਜਲੰਧਰ, 25 ਸਤੰਬਰ -
ਜੂਨੀਅਰ ਨੈਸ਼ਨਲ ਐਥਲੈਟਿਕਸ ਚੈਂਪੀਅਨਸ਼ਿਪ ਮੈਸੂਰ ਵਿਖੇ 12 ਤੋਂ 16 ਨਵੰਬਰ ਤੱਕ
ਮੈਸੂਰ ਵਿਖੇ ਕਰਵਾਈ ਜਾਵੇਗੀ। ਇਸ ਚੈਂਪੀਅਨਸ਼ਿਪ ਦੇ ਵਿਚ ਹਿੱਸਾ ਲੈਣ ਵਾਲੀ ਪੰਜਾਬ
ਅਥਲੈਟਿਕਸ ਟੀਮ ਦੇ ਚੋਣ ਟ੍ਰਾਇਲ 2 ਅਕਤੂਬਰ ਨੂੰ ਗੁਰੂ ਨਾਨਕ ਸਟੇਡੀਅਮ ਲੁਧਿਆਣਾ
ਵਿਖੇ ਹੋਣਗੇ। ਪੰਜਾਬ ਅਥਲੈਟਿਕਸ ਐਸੋਸੀਏਸ਼ਨ ਦੇ ਆਫਿਸ ਸਕੱਤਰ ਕੰਵਲਜੀਤ ਸਿੰਘ ਨੇ
ਕਿਹਾ ਕਿ ਇਨ੍ਹਾਂ ਚੋਣ ਟ੍ਰਾਇਲਾਂ 'ਚ ਹਿੱਸਾ ਲੈਣ ਵਾਲੇ ਖਿਡਾਰੀ ਹਰਿੰਦਰ ਸਿੰਘ
ਅਥਲੈਟਿਕਸ ਕੋਚ ਨੂੰ ਰਿਪੋਰਟ ਕਰਨ।
ਜੂਡੋ ਮੁਕਾਬਲੇ 'ਚ ਸਰਕਾਰੀ ਗਰਲਜ਼ ਸੀ: ਸੈ: ਸਕੂਲ ਲਾਡੋਵਾਲੀ ਰੋਡ ਦੀ ਬੱਲੇ ਬੱਲੇ
ਜਲੰਧਰ, 25 ਸਤੰਬਰ -
31ਵੀਂ ਜ਼ਿਲ੍ਹਾ ਜਲੰਧਰ ਜੂਡੋ ਚੈਂਪੀਅਨਸ਼ਿਪ ਚੱਲ ਰਹੀ ਹੈ। ਜਿਸ ਵਿਚ ਸਰਕਾਰੀ ਕੰਨਿਆ
ਸੈਕੰਡਰੀ ਸਕੂਲ ਲਾਡੋਵਾਲੀ ਰੋਡ ਦੀ ਜੂਡੋ ਖਿਡਾਰਨਾਂ ਨੇ ਮਾਨਸੀ, ਪੂਜਾ, ਮੀਨਾਕਸ਼ੀ,
ਪੱਲਵੀ, ਭਾਰਤੀ, ਪ੍ਰਿਅੰਕਾ, ਨੀਲਮ ਅਤੇ ਜਸਪ੍ਰੀਤ ਇਨ੍ਹਾਂ ਨੇ ਗੋਲਡ ਮੈਡਲ ਪ੍ਰਾਪਤ
ਕੀਤੇ। ਪ੍ਰਿਆ, ਲਤਾ ਆਰਤੀ, ਰਜਨੀ, ਪੂਨਮ ਅਤੇ ਰਜਨੀ ਇਨ੍ਹਾਂ ਨੇ ਚਾਂਦੀ ਮੈਡਲ ਜਿੱਤੇ।
ਵਾਲੀਬਾਲ ਚੈਂਪੀਅਨਸ਼ਿਪ ਵਿਚ ਗੁਰੂ ਅਮਰਦਾਸ ਪਬਲਿਕ ਸਕੂਲ ਦੇ ਮੁੰਡੇ ਜੇਤੂ
ਜਲੰਧਰ, 25 ਸਤੰਬਰ -
ਵਾਲੀਬਾਲ ਚੈਂਪੀਅਨਸ਼ਿਪ ਸੰਤ ਈਸ਼ਰ ਸਿੰਘ ਜੀ ਮੈਮੋਰੀਅਲ ਪਬਲਿਕ ਸਕੂਲ, ਕਰਮਸਰ ਰਾੜਾ
ਸਾਹਿਬ ਵਿਖੇ ਕਰਵਾਈ ਗਈ। ਜਿਸ ਵਿਚ ਗੁਰੂ ਅਮਰਦਾਸ ਪਬਲਿਕ ਸਕੂਲ ਮਾਡਲ ਟਾਊਨ, ਜਲੰਧਰ
ਦੇ ਲੜਕਿਆਂ ਦੀ ਟੀਮ ਸੀ.ਬੀ.ਐਸ.ਈ. ਕਲਸਟਰ-16 ਵਾਲੀਬਾਲ ਚੈਂਪੀਅਨਸ਼ਿਪ ਵਿਚ ਪੁਲੀਸ
ਡੀ.ਏ.ਵੀ ਪਬਲਿਕ ਸਕੂਲ, ਅੰਮ੍ਰਿਤਸਰ ਨੂੰ ਹਰਾਇਆ।
ਕੌਮੀ ਫੁੱਟਬਾਲ ਲੀਗ 26 ਸਤੰਬਰ ਨੂੰ
ਲੁਧਿਆਣਾ, 25 ਸਤੰਬਰ -
ਓ. ਐਨ. ਜੀ. ਸੀ. ਵੱਲੋਂ ਸਪਾਂਸਰ ਭਾਰਤ ਵਿਚ ਹੋਣ ਵਾਲੀ ਰਾਸ਼ਟਰੀ ਪੱਧਰ ਦੀ ਪੇਸ਼ਾਵਰ
ਕੌਮੀ ਫੁੱਟਬਾਲ ਲੀਗ 26 ਸਤੰਬਰ ਨੂੰ ਕਲਕੱਤਾ ਵਿਖੇ ਸ਼ੁਰੂ ਹੋਣੀ ਹੈ। ਇਸ ਲੀਗ ਦੇ
ਵੱਖ ਵੱਖ ਮੈਚ ਕੋਲਕਾਤਾ, ਗੋਆ, ਮੁੰਬਈ ਅਤੇ ਲੁਧਿਆਣਾ ਵਿਚ ਖੇਡੇ ਜਾਣਗੇ। ਇਸ ਕੌਮੀ
ਲੀਗ ਦੇ 11 ਮੈਚ ਗੁਰੂ ਨਾਨਕ ਸਟੇਡੀਅਮ ਲੁਧਿਆਣਾ ਵਿਖੇ ਖੇਡੇ ਜਾਣਗੇ। ਜੇ. ਸੀ. ਟੀ.
ਮਿੱਲਜ਼ ਫਗਵਾੜਾ ਨੇ ਆਪਣਾ ਘਰੇਲੂ ਮੈਦਾਨ ਲੁਧਿਆਣਾ ਨੂੰ ਰੱਖਿਆ ਹੈ। ਰਾਸ਼ਟਰੀ ਲੀਗ
ਵਿੱਚ ਜੇ. ਸੀ. ਟੀ. ਦਾ ਮੁੱਢਲਾ ਮੈਚ 28 ਸਤੰਬਰ ਨੂੰ ਡੈਂਪੋ ਗੋਆ ਵਿਰੁੱਧ ਗੋਆ ਵਿਖੇ
ਖੇਡਿਆ ਜਾਵੇਗਾ, ਜਦਕਿ 2 ਅਕਤੂਬਰ ਨੂੰ ਜੇ. ਸੀ. ਟੀ. ਵਾਸਕੋ ਗੋਆ ਵਿਰੁੱਧ ਭਿੜੇਗੀ।
ਹਾਕੀ 'ਚ ਵਿਸ਼ਵ ਚੈਂਪੀਅਨ ਬਣੇ ਇੰਗਲੈਂਡ ਦੇ ਬਜ਼ੁਰਗ
ਪਟਿਆਲਾ, 25 ਸਤੰਬਰ -
ਇੰਗਲੈਂਡ ਦੇ ਬੁੱਢੇ ਹਾਕੀ ਖਿਡਾਰੀਆਂ ਨੇ ਆਸਟਰੇਲੀਆ ਦੇ ਬਜ਼ੁਰਗਾਂ ਨੂੰ ਹਰਾ ਕੇ
ਵਿਸ਼ਵ ਚੈਂਪੀਅਨ ਬਣਨ ਦਾ ਮਾਣ ਪ੍ਰਾਪਤ ਕੀਤਾ। 60 ਸਾਲ ਤੋਂ ਵਧੇਰੇ ਉਮਰ ਗੁੱਟ ਦੇ
ਵਿਸ਼ਵ ਕੱਪ 'ਚ ਇੰਗਲੈਂਡ ਦੇ ਗਲੈਂਡ ਮਾਸਟਰਜ਼ ਨੇ ਆਸਟਰੇਲੀਆ ਨੂੰ 4-1 ਨਾਲ ਹਰਾ ਕੇ
ਸੋਨ ਤਗਮਾ ਚੁੰਮਿਆ।
ਤਿੰਨ ਰੋਜ਼ਾ ਕ੍ਰਿਕਟ ਟੂਰਨਾਮੈਂਟ ਕਰਵਾਇਆ
ਚਾਉਕੇ, 25 ਸਤੰਬਰ -
ਤਿੰਨ ਰੋਜ਼ਾ ਕ੍ਰਿਕਟ ਟੂਰਨਾਮੈਂਟ ਚਾਉਕੇ ਦੇ ਨਜ਼ਦੀਕੀ ਪਿੰਡ ਕੋਟੜਾ ਕੌੜਿਆਂ ਵਾਲਾ
ਵਿਖੇ ਕਰਵਾਇਆ ਗਿਆ। ਇਸ ਟੂਰਨਾਮੈਂਟ 'ਚ 20 ਟੀਮਾਂ ਨੇ ਹਿੱਸਾ ਲਿਆ। ਇਸ ਵਿਚ ਪਿੰਡ
ਕੋਟੜਾ ਕੌੜਿਆਂ ਦੀ ਏ ਟੀਮ ਨੇ ਪਹਿਲਾ ਅਤੇ ਬੀ ਟੀਮ ਨੇ ਦੂਸਰਾ ਸਥਾਨ ਲੈ ਕੇ 31 ਸੌ
ਅਤੇ 21 ਸੌ ਰੁਪਏ ਦੇ ਇਨਾਮ ਸਮੇਤ ਟਰਾਫ਼ੀ ਹਾਸਲ ਕੀਤੀ। ਜਦੋਂ ਕਿ ਸਮੁੱਚੇ ਖੇਡ ਮੇਲੇ
'ਚ ਵਧੀਆ ਕਾਰਗੁਜ਼ਾਰੀ ਵਿਖਾਉਣ ਵਾਲੇ ਪੱਖੋ ਕਲਾਂ ਦੇ ਖਿਡਾਰੀ ਸ਼੍ਰੀ ਨਾਥ ਨੂੰ ਮੈਨ
ਆਫ਼ ਦੀ ਸੀਰੀਜ਼ ਨਾਲ ਸਨਮਾਨਿਤ ਕੀਤਾ ਗਿਆ।
ਪੰਜਾਬ ਰੂਰਲ ਸਪੋਰਟਸ ਪ੍ਰਮੋਸ਼ਨ ਕੌਂਸਲ ਵਲੋਂ ਚੌਥਾ ਸੈਮੀਨਾਰ 27 ਨੂੰ
ਲੁਧਿਆਣਾ, 24 ਸਤੰਬਰ -
ਪੰਜਾਬ ਰੂਰਲ ਸਪੋਰਟਸ ਪ੍ਰਮੋਸ਼ਨ ਕੌਂਸਲ ਪੰਜਾਬ ਦੀਆਂ ਪੇਂਡੂ ਖੇਡ ਕਲੱਬ ਦੀ
ਨੁਮਾਇੰਦਗੀ ਕਰਨ ਵਾਲੀ ਸੰਸਥਾ ਹੈ। ਉਸ ਨੇ ਪੰਜਾਬ ਦੀਆਂ ਪੇਂਡੂ ਖੇਡ ਕਲੱਬਾਂ ਨੂੰ
ਉਲੰਪਿਕ ਅਤੇ ਅੰਤਰਰਾਸ਼ਟਰੀ ਮਿਆਦ ਦੀਆਂ ਖੇਡਾਂ ਪ੍ਰਤੀ ਜਾਗਰੂਕ ਕਰਨ ਲਈ ਜੋ ਮੁਹਿੰਮ
ਸ਼ੁਰੂ ਕੀਤੀ ਗਈ ਹੈ, ਉਸ ਕੜੀ ਦੇ ਤਹਿਤ ਚੌਥਾ ਖੇਡ ਸੈਮੀਨਾਰ 27 ਸਤੰਬਰ ਨੂੰ ਟੀਚਰ
ਹੋਮ ਨੇੜੇ ਪੁਰਾਣਾ ਬੱਸ ਸਟੈਂਡ ਬਠਿੰਡਾ ਵਿਖੇ ਕਰਵਾਇਆ ਜਾਵੇਗਾ। ਇਸ ਸੈਮੀਨਾਰ ਵਿੱਚ
ਕੌਂਸਲ ਦੇ ਮੁੱਖ ਬੁਲਾਰੇ ਖੇਡ ਲੇਖਕ ਅਤੇ ਖੇਡ ਚਿੰਤਕ ਆਪਣੇ ਪਰਚੇ ਪੜ੍ਹਨਗੇ ਅਤੇ
ਪੇਂਡੂ ਖੇਡ ਕਲੱਬਾਂ ਨੂੰ ਪ੍ਰੇਰਿਤ ਕਰਨਗੇ ਕਿ ਪਿੰਡਾਂ ਵਿੱਚ ਉਨ੍ਹਾਂ ਖੇਡਾਂ ਨੂੰ
ਹੀ ਉਤਸ਼ਾਹਿਤ ਕੀਤਾ ਜਾਵੇ, ਜਿਨ੍ਹਾਂ ਨਾਲ ਪੰਜਾਬ ਦੇ ਖਿਡਾਰੀਆਂ ਦੀ ਹੋਂਦ ਅਤੇ
ਪਹਿਚਾਣ ਉਲੰਪਿਕ ਖੇਡਾਂ ਵਿੱਚ ਪੈਦਾ ਹੋ ਸਕੇ। ਇਸ ਤੋਂ ਇਲਾਵਾ ਇਸ ਕੜੀ ਦਾ ਆਖਰੀ
ਸੈਮੀਨਾਰ 4 ਅਕਤੂਬਰ ਨੂੰ ਜਰਖੜ ਹਾਕੀ ਅਕੈਡਮੀ ਲੁਧਿਆਣਾ ਵਿਖੇ ਹੋਵੇਗਾ। ਕੌਂਸਲ ਦੇ
ਚੇਅਰਮੈਨ ਪਰਮਜੀਤ ਸਿੰਘ ਖੱਟੜਾ, ਮੁੱਖ ਪ੍ਰਬੰਧਕ ਪ੍ਰਿਥੀਪਾਲ ਸਿੰਘ ਬਟਾਲਾ, ਗੁਰਮੀਤ
ਸਿੰਘ ਖੁੱਡੀਆਂ, ਗੁਰਜੀਵਨ ਸਿੰਘ ਬਰਾੜ ਜੰਡਾਂ ਵਾਲਾ ਨੇ ਦੱਸਿਆ ਕਿ ਬਠਿੰਡਾ ਵਿਖੇ
ਹੋਣ ਵਾਲੇ ਸੈਮੀਨਾਰ ਦੀਆਂ ਤਿਆਰੀਆਂ ਚੱਲ ਰਹੀਆਂ ਹਨ।
ਪੰਜਾਬ ਕੁਸ਼ਤੀ ਚੈਂਪੀਅਨਸ਼ਿਪ 'ਚ ਮਨਜੀਤ ਸਿੰਘ ਮੰਡੌੜ ਦੀ ਬੱਲੇ ਬੱਲੇ
ਪਟਿਆਲਾ, 24 ਸਤੰਬਰ -
ਪਟਿਆਲਾ-ਪੰਜਾਬ ਸੀਨੀਅਰ ਕੁਸ਼ਤੀ ਚੈਂਪੀਅਨਸ਼ਿਪ ਨਾਭਾ ਸੜਕ 'ਤੇ ਪੈਂਦੇ ਪਿੰਡ ਮੰਡੌੜ
ਵਿਖੇ ਪਹਿਲਵਾਨ ਹਰਮੇਲ ਸਿੰਘ ਕਾਲਾ ਦੀ ਅਗਵਾਈ 'ਚ ਹੋ ਰਹੀ ਹੈ। ਇਸ ਵਿਚ ਕੁਸ਼ਤੀ
ਅਕੈਡਮੀ ਦੇ ਮਨਜੀਤ ਸਿੰਘ ਨੇ ਪੰਜਾਬ ਸੀਨੀਅਰ ਕੁਸ਼ਤੀ ਚੈਂਪੀਅਨਸ਼ਿਪ 'ਚੋਂ ਚਾਂਦੀ ਦਾ
ਤਗਮਾ ਜਿੱਤਿਆ। ਕੇ ਇਸ ਅਕੈਡਮੀ ਦੀਆਂ ਪ੍ਰਾਪਤੀਆਂ 'ਚ ਇਕ ਹੋਰ ਵਾਧਾ ਕੀਤਾ ਹੈ।
ਪਿਛਲੇ ਦਿਨੀਂ ਫਰੀਦਕੋਟ ਵਿਖੇ ਹੋਈ ਇਸ ਚੈਂਪੀਅਨਸ਼ਿਪ ਦੇ ਸੁਪਰ ਹੈਵੀ ਭਾਰ ਵਰਗ 'ਚ
ਮਨਜੀਤ ਸਿੰਘ ਨੇ ਇਹ ਪ੍ਰਾਪਤੀ ਕੀਤੀ। ਇਸ ਅਕੈਡਮੀ 'ਚ ਇਸ ਵੇਲੇ ਲਗਭਗ 40 ਪਹਿਲਵਾਨ
ਆਪਣੀ ਜ਼ੋਰ ਅਜ਼ਮਾਈ ਕਰ ਰਹੇ ਹਨ। ਹਰਮੇਲ ਸਿੰਘ ਕਾਲਾ ਨੇ ਕਿਹਾ ਕਿ ਜੇਕਰ ਪੰਜਾਬ
ਸਰਕਾਰ ਉਨ੍ਹਾਂ ਨੂੰ ਮੈਟ ਮੁਹੱਈਆ ਕਰਵਾ ਦੇਵੇ ਤਾਂ ਜ਼ਰੂਰ ਉਨ੍ਹਾਂ ਦੇ ਪਹਿਲਵਾਨ
ਕੌਮਾਂਤਰੀ ਪੱਧਰ 'ਤੇ ਤਗਮੇ ਜਿੱਤ ਕੇ ਦਿਖਾਉਣਗੇ।
ਕੌਮਾਂਤਰੀ ਕਬੱਡੀ 'ਤੇ ਪਲੇਠੀ ਪੰਜਾਬਣ ਵੀਰਪਾਲ ਕੌਰ ਦਾ ਕਬਜ਼ਾ
ਪਟਿਆਲਾ, 24 ਸਤੰਬਰ -
ਮਦੁਰਾਇ (ਤਾਮਿਲਨਾਡੂ) ਵਿਖੇ ਏਸ਼ੀਅਨ ਕਬੱਡੀ ਚੈਂਪੀਅਨਸ਼ਿਪ ਕਰਵਾਈ ਗਈ। ਜਿਸ ਵਿਚ
ਭਾਰਤੀ ਟੀਮ ਦੀ ਮੈਂਬਰ ਵੀਰਪਾਲ ਕੌਰ ਨੇ ਜਿੱਤ ਪ੍ਰਾਪਤ ਕੀਤੀ। ਇਹ ਦੇਵ ਸਮਾਜ ਕਾਲਜ
ਫਿਰੋਜ਼ਪੁਰ ਵਿਖੇ ਬੀ.ਏ. ਭਾਗ ਤੀਸਰਾ ਦੀ ਵਿਦਿਆਰਥਣ ਹੈ। ਸ: ਅਮਰੀਕ ਸਿੰਘ ਫਰੀਦਕੋਟ
ਵਾਸੀ ਦੀ ਇਸ ਲਾਡਲੀ ਧੀ ਨੇ 1999 'ਚ ਕੋਚ ਸ: ਗੁਰਦੀਪ ਸਿੰਘ ਮੱਲੀ ਦੀ ਪ੍ਰੇਰਨਾ
ਨਾਲ ਕਬੱਡੀ ਮੈਦਾਨ 'ਚ ਪੈਰ ਧਰਿਆ ਅਤੇ 2000 'ਚ ਪਹਿਲੀ ਵਾਰ ਉਹ ਜੂਨੀਅਰ ਨੈਸ਼ਨਲ 'ਚ
ਖੇਡੀ। ਆਪਣੇ ਖੇਡ ਜੀਵਨ ਦੀ ਹੈਂਡ ਬਾਲ ਰਾਹੀਂ ਸ਼ੁਰੂਆਤ ਕਰਨ ਵਾਲੀ ਵੀਰਪਾਲ ਕੌਰ ਨੇ
2004 ਤੱਕ ਕੌਮੀ ਪੱਧਰ ਦੇ ਜੂਨੀਅਰ ਮੁਕਾਬਲਿਆਂ 'ਚ ਹਿੱਸਾ ਲਿਆ। 2003 'ਚ ਉਸ ਨੂੰ
ਦੇਸ਼ ਦੀ ਸਰਵੋਤਮ ਜੂਨੀਅਰ ਖਿਡਾਰਨ ਵੀ ਚੁਣਿਆ ਗਿਆ। 2005 'ਚ ਪਹਿਲੀ ਵਾਰ ਸੀਨੀਅਰ
ਨੈਸ਼ਨਲ ਖੇਡੀ ਇਸ ਖਿਡਾਰਨ ਦੀ 2006 'ਚ ਕੌਮੀ ਟੀਮ ਦੇ ਕੈਂਪ ਲਈ ਚੋਣ ਹੋਈ ਸੀ ਪਰ
ਗੋਡੇ 'ਤੇ ਸੱਟ ਲੱਗਣ ਕਾਰਨ ਉਸ ਨੂੰ ਆਪਣਾ ਨਾਮ ਵਾਪਸ ਲੈਣਾ ਪਿਆ। ਅਗਲੇ ਵਰ੍ਹੇ
2007 'ਚ ਉਹ ਫਿਰ ਕੌਮੀ ਕੈਂਪ 'ਚ ਆਈ ਤੇ ਭਾਰਤੀ ਟੀਮ ਦਾ ਹਿੱਸਾ ਬਣੀ। ਪਿਛਲੇ ਦਿਨੀਂ
ਏਸ਼ੀਅਨ ਚੈਂਪੀਅਨ ਬਣੀ ਭਾਰਤੀ ਟੀਮ ਦੀ ਜਿੱਤ 'ਤੇ ਵੀਰਪਾਲ ਕੌਰ ਨੇ ਭਰਵਾਂ ਯੋਗਦਾਨ
ਦਿੱਤਾ। ਵੀਰਪਾਲ ਕੌਰ ਨੇ ਦੱਸਿਆ ਕਿ ਬਾਲੀ (ਇੰਡੋਨੇਸ਼ੀਆ) ਵਿਖੇ ਹੋਣ ਵਾਲੀਆਂ
ਪਹਿਲੀਆਂ ਏਸ਼ੀਅਨ ਬੀਚ ਖੇਡਾਂ 'ਚ ਜਾਣ ਵਾਲੀ ਭਾਰਤੀ ਟੀਮ ਦੇ ਤਿਆਰੀ ਕੈਂਪ 'ਚ ਵੀ ਉਸ
ਦਾ ਨਾਮ ਸ਼ਾਮਲ ਹੈ। ਵੀਰਪਾਲ ਦੀਆਂ ਦੋ ਹੋਰ ਭੈਣਾਂ ਸਿਮਰਜੀਤ ਕੌਰ ਤੇ ਕਿਰਨਜੀਤ ਕੌਰ
ਵੀ ਕੌਮੀ ਪੱਧਰ ਦੀਆਂ ਖਿਡਾਰਨਾਂ ਹਨ।
ਬੀ. ਐਸ. ਐਫ ਦਾ 10ਵੀਂ ਵਾਰ ਬਾਬਾ ਫਰੀਦ ਹਾਕੀ ਗੋਲਡ ਕੱਪ 'ਤੇ ਕਬਜ਼ਾ
ਫ਼ਰੀਦਕੋਟ, 24 ਸਤੰਬਰ -17
ਵਾਂ ਬਾਬਾ ਫਰੀਦ ਗੋਲਡ ਕੱਪ ਹਾਕੀ ਟੂਰਨਾਮੈਂਟ ਕਰਵਾਇਆ ਜਾ ਰਿਹਾ ਹੈ। ਜਿਸ ਵਿਚ ਬਾਬਾ
ਫਰੀਦ ਹਾਕੀ ਕਲੱਬ ਦਾ ਸੋਵੀਨਾਰ ਰਿਲੀਜ਼ ਕੀਤਾ ਗਿਆ। ਇਸ ਵਾਰ ਬੀ. ਐਸ. ਐਫ ਦੀ ਹਾਕੀ
ਟੀਮ ਨੇ 10ਵੀਂ ਵਾਰ ਬਾਬਾ ਫਰੀਦ ਗੋਲਡ ਕੱਪ ਹਾਕੀ ਚੈਂਪੀਅਨਸ਼ਿਪ 'ਤੇ ਆਪਣਾ ਕਬਜ਼ਾ
ਕੀਤਾ। ਇਸੇ ਦੌਰਾਨ 14 ਵਾਂ ਬਾਬਾ ਫਰੀਦ ਬਾਸਕਟ ਬਾਲ ਗੋਲਡ ਕੱਪ ਟੂਰਨਾਮੈਂਟ ਦਾ
ਫਾਈਨਲ ਮੈਚ ਬਰਨਾਲਾ ਅਤੇ ਗੁਰਦਾਸਪੁਰ ਵਿਚਕਾਰ ਖੇਡਿਆ ਗਿਆ, ਜਿਸ ਵਿਚ ਬਰਨਾਲਾ ਨੇ
ਗੁਰਦਾਸਪੁਰ ਨੂੰ ਹਰਾ ਕੇ ਪਹਿਲਾ ਸਥਾਨ ਪ੍ਰਾਪਤ ਕੀਤਾ। ਬਠਿੰਡਾ ਦੀ ਟੀਮ ਫ਼ਰੀਦਕੋਟ
ਨੂੰ ਹਰਾ ਕੇ ਤੀਸਰੇ ਸਥਾਨ 'ਤੇ ਰਹੀ। ਬਰਨਾਲਾ ਬਾਸਕਟ ਬਾਲ ਦੇ 7 ਫੁੱਟੇ ਲੰਮੇ
ਖਿਡਾਰੀ ਰਾਜਪਾਲ ਸਿੰਘ ਨੂੰ ਬੈੱਸਟ ਖਿਡਾਰੀ ਐਲਾਨਿਆ ਗਿਆ।
ਪੰਜਾਬ ਸਟੇਟ ਕਬੱਡੀ ਚੈਂਪੀਅਨਸ਼ਿਪ ਸਮਾਪਤ
ਬੁਢਲਾਡਾ, 23 ਸਤੰਬਰ -
ਪੰਜਾਬ ਰਾਜ ਕਬੱਡੀ ਚੈਂਪੀਅਨਸ਼ਿਪ ਜੋ ਕਿ ਬੁਢਲਾਡਾ ਦੇ ਸ੍ਰੀ ਗੁਰੂ ਤੇਗ ਬਹਾਦਰ
ਸਟੇਡੀਅਮ ਵਿਖੇ ਤਿੰਨ ਦਿਨ ਚਲੀ, ਉਹ 23 ਸਤੰਬਰ ਨੂੰ ਸਮਾਪਤ ਹੋ ਗਈ। ਜਿਸ ਵਿਚ
ਨੈਸ਼ਨਲ ਸਟਾਈਲ 80 ਕਿਲੋ ਵਰਗ (ਲੜਕੇ) ਮੁਕਾਬਲੇ ਵਿਚ ਫਰੀਦਕੋਟ ਨੇ ਲੁਧਿਆਣਾ,
ਸੰਗਰੂਰ ਨੇ ਫਰੀਦਕੋਟ ਅਤੇ ਮਾਨਸਾ ਨੇ ਪਟਿਆਲਾ ਨੂੰ ਹਰਾਇਆ। ਨੈਸ਼ਨਲ ਸਟਾਈਲ 70 ਕਿਲੋ
ਵਰਗ ਲੜਕੀਆਂ ਵਿਚ ਰੋਪੜ ਨੇ ਮਾਨਸਾ, ਫਿਰੋਜ਼ਪੁਰ ਨੇ ਫਰੀਦਕੋਟ ਅਤੇ ਰੋਪੜ ਨੇ ਮੁਕਤਸਰ
ਨੂੰ ਮਾਤ ਦਿੱਤੀ। ਫਾਈਨਲ ਮੁਕਾਬਲਿਆਂ ਵਿਚ ਪਹੁੰਚੀਆਂ ਨੈਸ਼ਨਲ ਸਟਾਈਲ (ਲੜਕੇ) ਟੀਮਾਂ
ਵਿਚੋਂ ਸੰਗਰੂਰ ਨੇ ਪਹਿਲਾ, ਜਦਕਿ ਮਾਨਸਾ ਨੇ ਦੂਸਰਾ ਸਥਾਨ ਹਾਸਲ ਕੀਤਾ। ਨੈਸ਼ਨਲ
ਸਟਾਈਲ (ਲੜਕੀਆਂ) ਦੇ ਮੁਕਾਬਲੇ ਵਿਚ ਰੋਪੜ ਨੇ ਪਹਿਲਾ ਅਤੇ ਫਰੀਦਕੋਟ ਦੀ ਟੀਮ ਨੇ
ਦੂਸਰਾ ਸਥਾਨ ਹਾਸਲ ਕੀਤਾ। ਸਰਕਲ ਸਟਾਈਲ ਓਪਨ (ਲੜਕਿਆਂ) ਦੇ ਮੁਕਾਬਲੇ ਵਿਚ ਮੋਗਾ ਨੇ
ਫਰੀਦਕੋਟ ਅਤੇ ਸੰਗਰੂਰ ਨੇ ਮਾਨਸਾ ਨੂੰ ਹਰਾਇਆ। ਸਰਕਲ ਸਟਾਈਲ ਓਪਨ (ਲੜਕੀਆਂ) ਦੇ
ਮੁਕਾਬਲੇ ਵਿਚ ਰੋਪੜ ਨੇ ਮੁਕਤਸਰ ਅਤੇ ਮਾਨਸਾ ਨੇ ਫਰੀਦਕੋਟ ਨੂੰ ਹਰਾਇਆ। ਇਸੇ ਤਰ੍ਹਾਂ
ਫਾਈਨਲ ਮੁਕਾਬਲੇ (ਸਰਕਲ ਸਟਾਈਲ ਲੜਕੇ) ਵਿਚ ਪਹੁੰਚੀਆਂ ਮੋਗਾ ਅਤੇ ਸੰਗਰੂਰ ਟੀਮਾਂ
ਦੇ ਮੁਕਾਬਲੇ ਵਿਚ ਮੋਗਾ ਪਹਿਲੇ ਅਤੇ ਸੰਗਰੂਰ ਦੀ ਟੀਮ ਦੂਸਰੇ ਸਥਾਨ 'ਤੇ ਰਹੀ। ਇਸੇ
ਵਰਗ ਦੇ ਲੜਕੀਆਂ ਓਪਨ ਵਿਚਕਾਰ ਹੋਏ ਮੁਕਾਬਲੇ ਵਿਚ ਮਾਨਸਾ ਨੂੰ ਪਹਿਲਾ ਸਥਾਨ ਮਿਲਿਆ
ਅਤੇ ਰੋਪੜ ਦੀ ਟੀਮ ਦੂਸਰੇ ਸਥਾਨ 'ਤੇ ਰਹੀ।
31ਵੀਂ ਜੂਨੀਅਰ ਰਾਸ਼ਟਰੀ ਫੁੱਟਬਾਲ ਚੈਂਪੀਅਨਸ਼ਿਪ
ਮਾਹਿਲਪੁਰ, 23 ਸਤੰਬਰ -
31ਵੀਂ ਸਬ ਜੂਨੀਅਰ ਰਾਸ਼ਟਰੀ ਫੁੱਟਬਾਲ ਚੈਂਪੀਅਨਸ਼ਿਪ ਮਾਹਿਲਪੁਰ ਦੇ ਖਾਲਸਾ ਕਾਲਜ ਵਿਚ
ਹੋ ਰਹੀ ਹੈ। ਇਸ ਦੇ ਚੌਥੇ ਦਿਨ ਦੇ ਮੁਕਾਬਲਿਆਂ ਵਿਚ ਦਿੱਲੀ ਦੇ ਖਿਡਾਰੀਆਂ ਨੇ
ਹਿਮਾਚਲ ਪ੍ਰਦੇਸ਼ ਦੇ ਖਿਡਾਰੀਆਂ ਨੂੰ 5 ਗੋਲ ਦਾਗ ਕੇ ਹਰਾਇਆ।
40ਵੀਂ ਪੰਜਾਬ ਰਾਜ ਕੁਸ਼ਤੀ ਚੈਂਪੀਅਨਸ਼ਿਪ
ਫ਼ਰੀਦਕੋਟ, 23 ਸਤੰਬਰ -ਫਰੀਦਕੋਟ
ਵਿਖੇ 40 ਵੀਂ ਪੰਜਾਬ ਰਾਜ ਕੁਸ਼ਤੀ ਚੈਂਪੀਅਨਸ਼ਿਪ ਚੱਲ ਰਹੀ ਹੈ ਇਸ ਦੇ ਜੂਨੀਅਰ
ਮੁਕਾਬਲਿਆਂ ਵਿਚੋਂ ਡਵੀਜ਼ਨ ਕੁਮਾਰ ਜੂਨੀਅਰ ਦਾ ਟਾਈਟਲ ਧਰਮਿੰਦਰ ਸਿੰਘ ਫ਼ਰੀਦਕੋਟ ਨੇ
ਜਿੱਤਿਆ, ਹਰਪ੍ਰੀਤ ਸਿੰਘ ਫ਼ਰੀਦਕੋਟ ਦੂਸਰੇ, ਕਸ਼ਮੀਰ ਸਿੰਘ ਤੀਸਰੇ ਅਤੇ ਮਨੀਸ਼ ਯੂ.ਪੀ
ਚੌਥੇ ਸਥਾਨ 'ਤੇ ਰਹੇ। 50 ਕਿਲੋ ਭਾਰ ਵਰਗ ਅੰਡਰ 14 ਸਾਲ ਵਿਚ ਹਰਪ੍ਰੀਤ ਸਿੰਘ ਪਹਿਲੇ,
ਅਵਨੀਤ ਫ਼ਰੀਦਕੋਟ ਦੂਸਰੇ, ਸਚਿਨ ਫ਼ਰੀਦਕੋਟ ਤੀਸਰੇ ਅਤੇ ਬਲਵਿੰਦਰ ਸਿੰਘ ਭਾਗਥਾਲਾ ਚੌਥਾ
ਸਥਾਨ 'ਤੇ ਰਹੇ। 50 ਕਿਲੋ ਭਾਰ ਵਰਗ ਅੰਡਰ17 ਸਾਲ ਵਿਚ ਰਾਜਪਾਲ ਪਹਿਲੇ, ਗੁਰਜੰਟ
ਸਿੰਘ ਦੂਸਰੇ ਅਤੇ ਸੁਖਚੈਨ ਸਿੰਘ ਤੀਸਰੇ ਸਥਾਨ 'ਤੇ ਰਿਹਾ। 54 ਕਿਲੋ ਭਾਰ ਵਰਗ ਵਿਚ
ਰਾਜ ਕੁਮਾਰ, ਰਵਿੰਦਰ ਸਿੰਘ, ਜਤਿੰਦਰ ਸਿੰਘ ਨੇ ਕ੍ਰਮਵਾਰ ਪਹਿਲੀ ਤਿੰਨ ਪੁਜ਼ੀਸ਼ਨਾਂ
ਪ੍ਰਾਪਤ ਕੀਤੀਆਂ। 60 ਕਿਲੋ ਭਾਰ ਵਰਗ ਵਿਚੋਂ ਗੁਰਵਿੰਦਰ ਸਿੰਘ ਪਹਿਲੇ, ਰਮਨਜੀਤ
ਫ਼ਿਰੋਜ਼ਪੁਰ ਦੂਸਰੇ, ਸੁਨੀਲ ਕੁਮਾਰ ਤੀਸਰੇ ਸਥਾਨ, 80 ਕਿਲੋ ਭਾਰ ਅੰਡਰ19 ਸਾਲ ਵਿਚੋਂ
ਵਿਸ਼ਵ ਜੀਤ ਸਿੰਘ ਪਹਿਲੇ, ਸੁਨੀਲ ਕੁਮਾਰ ਦੂਸਰੇ, ਗਗਨਦੀਪ ਸਿੰਘ ਬੰਨਾ ਵਾਲੀ ਤੀਸਰੇ
ਸਥਾਨ 'ਤੇ ਰਹੇ। 68 ਕਿਲੋ ਵਰਗ ਵਿਚੋਂ ਸੁਖਚੈਨ ਸਿੰਘ ਪਹਿਲੇ, ਗੁਰਦਿੱਤ ਸਿੰਘ ਦੂਸਰੇ,
ਰਮਨਦੀਪ ਸਿੰਘ ਤੀਸਰੇ ਸਥਾਨ ਅਤੇ ਵਨੀਤ ਫ਼ਾਜ਼ਿਲਕਾ ਨੇ ਚੌਥਾ ਸਥਾਨ ਹਾਸ਼ਲ ਕੀਤਾ।
ਬਾਬਾ ਫਰੀਦ ਗੋਲਡ ਕੱਪ ਹਾਕੀ ਟੂਰਨਾਮੈਂਟ
ਫ਼ਰੀਦਕੋਟ, 23 ਸਤੰਬਰ -
17 ਵਾਂ ਆਲ ਇੰਡੀਆ ਬਾਬਾ ਫ਼ਰੀਦ ਗੋਲਡ ਕੱਪ ਹਾਕੀ ਟੂਰਨਾਮੈਂਟ ਚੱਲ ਰਿਹਾ ਹੈ। ਜਿਸ
ਦੇ ਫਾਈਨਲ ਟੂਰਨਾਮੈਂਟ ਲਈ ਭਾਰਤ ਦੀ ਪ੍ਰਸਿੱਧ ਹਾਕੀ ਟੀਮਾਂ ਬੀ. ਐਸ਼. ਐਫ ਅਤੇ
ਸਿਗਨਲਜ਼ ਜਲੰਧਰ ਦੀ ਟੀਮ ਵਿਚਕਾਰ ਮੇੈਚ ਹੋਇਆ, ਜਿਸ ਵਿਚ ਬੀ. ਐਸ. ਐਫ ਦੀ ਟੀਮ ਦੇ
ਪ੍ਰਕਾਸ਼ ਕਰਕੇਟਾਂ ਨੇ 2 ਗੋਲ ਕਰਕੇ ਬਾਬਾ ਫ਼ਰੀਦ ਹਾਕੀ ਟੂਰਨਾਮੈਂਟ ਜਿੱਤਿਆ।
80 ਕਿਲੋ ਤੋਂ ਵੱਧ ਭਾਰ ਕਰਕੇ ਡੀ. ਏ. ਵੀ. ਕਾਲਜ ਦੇ ਕਬੱਡੀ ਖਿਡਾਰੀ ਯੂਨੀਵਰਸਿਟੀ
ਦੇ ਚੋਣ ਟਰਾਇਲ 'ਚੋਂ ਬਾਹਰ
ਜਲੰਧਰ, 23 ਸਤੰਬਰ - 5
ਤੋਂ 11 ਅਕਤੂਬਰ ਤੱਕ ਸੰਤ ਨਗਰ (ਯੂ ਪੀ) ਵਿਖੇ ਕਰਵਾਈ ਜਾ ਰਹੀ ਨਾਰਥ ਜ਼ੋਨ
ਇੰਟਰਵਰਸਿਟੀ ਕਬੱਡੀ ਟੂਰਨਾਮੈਂਟ ਲਈ ਗੁਰੂ ਨਾਨਕ ਦੇਵ ਯੂਨੀਵਰਸਿਟੀ ਅੰਮ੍ਰਿਤਸਰ ਖੇਡ
ਵਿਭਾਗ ਵੱਲੋਂ ਯੂਨੀਵਰਸਿਟੀ ਟੀਮ ਦੇ ਚੋਣ ਟ੍ਰਾਇਲ ਨੈਸ਼ਨਲ ਸਟਾਈਲ ਲੜਕੇ ਵਰਗ ਦੇ
ਕਰਵਾਏ ਗਏ ਪਰ ਇਸ ਦੇ ਵਿਚ ਡੀ ਏ ਵੀ ਕਾਲਜ ਜਲੰਧਰ ਦੇ ਖਿਡਾਰੀਆਂ ਨੂੰ ਇਸ ਕਰਕੇ ਚੋਣ
ਟਰਾਇਲ ਵਿਚ ਹਿੱਸਾ ਨਹੀਂ ਲੈਣ ਦਿੱਤਾ ਕਿ ਤੁਹਾਡਾ ਭਾਰ 80 ਕਿਲੋ ਤੋਂ ਵੱਧ ਹੈ ਤੇ
ਅੰਤਰ-ਯੂਨੀਵਰਸਿਟੀ ਦੀਆਂ ਹਦਾਇਤਾਂ ਮੁਤਾਬਿਕ ਤੁਸੀਂ ਇਸ ਵਿਚ ਹਿੱਸਾ ਨਹੀਂ ਲੈ ਸਕਦੇ।
ਕਬੱਡੀ ਖਿਡਾਰੀ ਅੰਤਰ ਪ੍ਰੀਤ ਸਿੰਘ, ਹਰਵਿੰਦਰ ਸਿੰਘ, ਪ੍ਰੀਤਪਾਲ ਸਿੰਘ, ਬਲਵੀਰ
ਸਿੰਘ ਤੇ ਗੁਰਜਿੰਦਰ ਸਿੰਘ ਨੇ ਜਲੰਧਰ ਵਿਖੇ ਪੱਤਰਕਾਰਾਂ ਨੂੰ ਬੜੇ ਭਰੇ ਹੋਏ ਮਨ ਨਾਲ
ਦੱਸਿਆ ਕਿ ਸਾਨੂੰ ਕਿਸੇ ਵੀ ਤਰ੍ਹਾਂ ਦੀ ਲਿਖਤੀ ਸੂਚਨਾ ਨਾ ਤਾਂ ਕਾਲਜ ਵੱਲੋਂ ਅਤੇ
ਨਾ ਹੀ ਯੂਨੀਵਰਸਿਟੀ ਵੱਲੋਂ ਦਿੱਤੀ ਗਈ ਕਿ ਨਿਯਮ ਬਦਲ ਗਏ ਹਨ।
ਮੁੱਕੇਬਾਜ਼ੀ ਦੇ ਨਿਯਮਾਂ 'ਚ ਵੱਡਾ ਫੇਰ ਬਦਲ
ਪਟਿਆਲਾ, 23 ਸਤੰਬਰ -
ਕੌਮਾਂਤਰੀ ਮੁੱਕੇਬਾਜ਼ੀ ਐਸੋਸੀਏਸ਼ਨ ਨੇ ਮੁੱਕੇਬਾਜ਼ੀ ਨੂੰ ਹੋਰ ਦਿਲ ਖਿਚਵਾਂ ਅਤੇ ਤੇਜ਼
ਕਰਨ ਦੇ ਮਨਸੂਬੇ ਨਾਲ ਇਸ ਦੇ ਨਿਯਮਾਂ 'ਚ ਕਈ ਵੱਡੇ ਫੇਰਬਦਲ ਕਰਨ ਦਾ ਫੈਸਲਾ ਕੀਤਾ
ਹੈ। ਇਸ ਤਹਿਤ ਸਭ ਤੋਂ ਵੱਡਾ ਬਦਲਾਅ ਪਹਿਲਾਂ ਤੋਂ ਚੱਲ ਰਹੇ 4 ਰਾਊਂਡ ਵਾਲੇ
ਮੁਕਾਬਲਿਆਂ ਦੀ ਥਾਂ ਹੁਣ ਇਕ ਮੈਚ ਤਿੰਨ ਰਾਊਂਡ ਵਾਲਾ ਹੋਵੇਗਾ। ਇਹ ਨਵੇਂ ਨਿਯਮ 1
ਜਨਵਰੀ 2009 ਤੋਂ ਲਾਗੂ ਹੋਣਗੇ। ਨਵੇਂ ਨਿਯਮ ਅਨੁਸਾਰ ਹੁਣ ਸੀਨੀਅਰ ਪੁਰਸ਼ ਵਰਗ ਦੇ
ਮੁਕਾਬਲਿਆਂ 'ਚ ਚਾਰ ਦੀ ਬਜਾਏ ਤਿੰਨ ਰਾਊਂਡ ਹੋਣਗੇ। ਹਰੇਕ ਰਾਊਂਡ ਤਿੰਨ-ਤਿੰਨ ਮਿੰਟਾਂ
ਦਾ ਹੋਵੇਗਾ, ਜਦੋਂ ਕਿ ਪਹਿਲਾਂ ਇਹ ਰਾਊਂਡ 2-2 ਮਿੰਟ ਦੇ ਹੁੰਦੇ ਸਨ। ਮੈਚ ਦਾ ਕੁੱਲ
ਸਮਾਂ ਪਹਿਲਾਂ ਵਾਂਗ 11 ਮਿੰਟ ਦਾ ਹੀ ਹੋਵੇਗਾ। ਹਰੇਕ ਰਾਊਂਡ ਵਿਚਕਾਰ 1-1 ਮਿੰਟ ਦਾ
ਅਰਾਮ ਲਈ ਸਮਾਂ ਹੋਵੇਗਾ। ਮਹਿਲਾ ਵਰਗ ਲਈ ਵੀ ਨਿਯਮਾਂ 'ਚ ਕੁਝ ਬਦਲਾਅ ਲਿਆਂਦਾ ਗਿਆ
ਹੈ, ਜਿਸ ਤਹਿਤ ਹੁਣ ਇਨ੍ਹਾਂ ਦੇ ਮੈਚਾਂ 'ਚ ਤਿੰਨ ਦੀ ਥਾਂ 2-2 ਮਿੰਟ ਦੇ ਚਾਰ
ਰਾਊਂਡ ਹੋਣਗੇ। ਮੌਜੂਦਾ ਨਿਯਮਾਂ ਅਨੁਸਾਰ ਲੜਕੀਆਂ ਲਈ 2-2 ਮਿੰਟ ਦੇ 4 ਰਾਊਂਡ ਹੁੰਦੇ
ਹਨ। ਯੂਥ ਤੇ ਜੂਨੀਅਰ ਵਰਗ ਦੇ ਲੜਕੇ ਤੇ ਲੜਕੀਆਂ ਲਈ ਨਿਯਮਾਂ 'ਚ ਕੋਈ ਤਬਦੀਲੀ ਨਹੀਂ
ਕੀਤੀ ਗਈ। ਯੂਥ ਵਰਗ ਦੇ ਲੜਕਿਆਂ ਲਈ 2-2 ਮਿੰਟ ਦੇ ਚਾਰ ਰਾਊਂਡ, ਯੂਥ ਲੜਕੀਆਂ ਲਈ
2-2 ਮਿੰਟ ਦੇ ਤਿੰਨ ਰਾਊਂਡ, ਜੂਨੀਅਰ ਲੜਕਿਆਂ ਲਈ 2-2 ਮਿੰਟ ਦੇ ਤਿੰਨ ਰਾਊਂਡ ਤੇ
ਜੂਨੀਅਰ ਲੜਕੀਆਂ ਲਈ ਡੇਢ-ਡੇਢ ਮਿੰਟ ਦੇ ਤਿੰਨ ਰਾਊਂਡ ਵਾਲੇ ਮੈਚ ਪਹਿਲਾਂ ਵਾਂਗ ਹੀ
ਕਰਵਾਏ ਜਾਣਗੇ। ਭਾਰਤੀ ਮੁੱਕੇਬਾਜ਼ੀ ਟੀਮ ਦੇ ਮੁੱਖ ਕੋਚ ਸ: ਗੁਰਬਖਸ਼ ਸਿੰਘ ਸੰਧੂ ਨੇ
ਕਿਹਾ ਕਿ ਨਵੇਂ ਨਿਯਮਾਂ ਅਨੁਸਾਰ ਮੁੱਕੇਬਾਜ਼ਾਂ ਨੂੰ ਵਧੇਰੇ ਤਾਕਤ ਅਤੇ ਸਮਰੱਥਾ ਦੀ
ਲੋੜ ਪਵੇਗੀ, ਕਿਉਂਕਿ ਉਨ੍ਹਾਂ ਨੂੰ ਤਿੰਨ ਮਿੰਟ ਦੇ ਰਾਊਂਡ 'ਚ ਜੂਝਣ ਤੋਂ ਬਾਅਦ ਇਕ
ਮਿੰਟ ਦਾ ਆਰਾਮ ਦਾ ਸਮਾਂ ਮਿਲੇਗਾ। ਸ: ਸੰਧੂ ਨੇ ਕਿਹਾ ਕਿ ਨਵੇਂ ਨਿਯਮਾਂ ਮੁਤਾਬਿਕ
ਢਾਲਣ ਲਈ ਅਸੀਂ ਹੁਣ ਤੋਂ ਹੀ ਮੁੱਕੇਬਾਜ਼ਾਂ ਨੂੰ ਸਿਖਲਾਈ ਦੇਣੀ ਸ਼ੁਰੂ ਕਰ ਦੇਵਾਂਗੇ।
ਰਾਸ਼ਟਰੀ ਫੁੱਟਬਾਲ ਲੀਗ 26 ਸਤੰਬਰ ਤੋਂ 22 ਨਵੰਬਰ ਤੱਕ
ਲੁਧਿਆਣਾ 23 ਸਤੰਬਰ -
ਭਾਰਤ ਦੇ ਵਿੱਚ ਰਾਸ਼ਟਰੀ ਪੱਧਰ ਦੀ ਪੇਸ਼ਾਵਰ ਕੌਮੀ ਫੁੱਟਬਾਲ ਲੀਗ 26 ਸਤੰਬਰ ਤੋਂ
ਮੁਲਕ ਦੇ ਵੱਖ-ਵੱਖ ਸ਼ਹਿਰਾਂ ਵਿੱਚ ਹੋਵੇਗੀ। ਇਸ ਲੀਗ ਵਿੱਚ ਮੁਲਕ ਦੀਆਂ 12 ਚੋਟੀ
ਦੀਆਂ ਟੀਮਾਂ ਸ਼ਾਮਿਲ ਹੋਣਗੀਆਂ। ਜਿਨ੍ਹਾਂ ਵਿੱਚ ਵਿਦੇਸ਼ੀ ਖਿਡਾਰੀਆਂ ਦੀ ਭਰਮਾਰ
ਹੋਵੇਗੀ। ਰਾਸ਼ਟਰੀ ਫੁੱਟਬਾਲ ਲੀਗ ਦੇ ਪਹਿਲੇ 6 ਗੇੜ ਦੇ ਮੈਚਾਂ ਦਾ ਐਲਾਨ ਕਰ ਦਿੱਤਾ
ਹੈ। ਕੌਮੀ ਪੱਧਰੀ ਲੀਗ ਵਿੱਚ ਕੁੱਲ 132 ਮੈਚ ਖੇਡੇ ਜਾਣਗੇ। ਹਰ ਟੀਮ ਇੱਕ ਮੈਚ ਆਪਣੇ
ਘਰੇਲੂ ਮੈਦਾਨ ਵਿੱਚ ਅਤੇ ਇਕ ਮੈਚ ਵਿਰੋਧੀ ਟੀਮ ਦੇ ਮੈਦਾਨ ਵਿੱਚ ਖੇਡੇਗੀ। ਇਸ ਕੌਮੀ
ਲੀਗ ਵਿੱਚ ਗੋਆ ਅਤੇ ਬੰਗਾਲ ਦੀਆਂ 4-4 ਟੀਮਾਂ, ਮਹਾਰਾਸ਼ਟਰ ਨਾਲ ਸੰਬੰਧਿਤ 3 ਟੀਮਾਂ
ਜਦਕਿ ਉਤਰੀ ਭਾਰਤ ਵਿਚੋਂ ਇਕੋ ਇਕ ਟੀਮ ਜੇ. ਸੀ. ਟੀ. ਮਿੱਲਜ਼ ਫਗਵਾੜਾ ਹਿੱਸਾ ਲਵੇਗੀ।
ਭਾਗ ਲੈਣ ਵਾਲੀਆਂ ਟੀਮਾਂ ਵਿੱਚ ਪਿਛਲੇ ਸਾਲ ਦੀ ਚੈਂਪੀਅਨ ਡੈਂਪੋ ਗੋਆ, ਚਰਚਲ
ਬ੍ਰਦਰਜ਼ ਗੋਆ, ਸਪੋਰਟਿੰਗ ਕਲੱਬ ਦਿ ਗੋਆ, ਵਾਸਕੋ ਕਲੱਬ ਗੋਆ, ਈਸਟ ਬੰਗਾਲ ਕੋਲਕਾਤਾ,
ਮੋਹਨ ਬਗਾਨ ਕੋਲਕਾਤਾ, ਚਿਰਾਗ ਯੂਨਾਈਟਡ ਕੋਲਕਾਤਾ, ਮਹੁੰਮਦਨ ਸਪੋਰਟਿੰਗ ਕਲੱਬ
ਕੋਲਕਾਤਾ, ਮਹਿੰਦਰਾ ਯੂਨਾਈਟਿਡ ਮੁੰਬਈ, ਏਅਰ ਇੰਡੀਆ ਮੁੰਬਈ ਫੁੱਟਬਾਲ ਕਲੱਬ, ਜੇ.
ਸੀ. ਟੀ. ਮਿੱਲਜ਼ ਪੰਜਾਬ ਦੇ ਨਾਮ ਵਰਣਨਯੋਗ ਹਨ। ਇਸ ਕੌਮੀ ਲੀਗ ਦਾ ਉਦਘਾਟਨੀ ਮੈਚ
ਸਾਬਕਾ ਚੈਂਪੀਅਨ ਈਸਟ ਬੰਗਾਲ ਕੋਲਕਾਤਾ ਅਤੇ ਚਿਰਾਗ ਯੂਨਾਈਟਿਡ ਵਿਚਕਾਰ 26 ਸਤੰਬਰ
ਨੂੰ ਕੋਲਕਾਤਾ ਵਿਖੇ ਖੇਡਿਆ ਜਾਵੇਗਾ। ਇਸ ਕੌਮੀ ਲੀਗ ਦੇ 11 ਮੈਚ ਗੁਰੂ ਨਾਨਕ
ਸਟੇਡੀਅਮ ਲੁਧਿਆਣਾ ਵਿਖੇ ਖੇਡੇ ਜਾਣਗੇ। ਜੇ. ਸੀ. ਟੀ. ਮਿੱਲਜ਼ ਫਗਵਾੜਾ ਨੇ ਆਪਣਾ
ਘਰੇਲੂ ਮੈਦਾਨ ਲੁਧਿਆਣਾ ਨੂੰ ਰੱਖਿਆ ਹੈ। ਰਾਸ਼ਟਰੀ ਲੀਗ ਵਿੱਚ ਜੇ. ਸੀ. ਟੀ. ਦਾ
ਮੁੱਢਲਾ ਮੈਚ 28 ਸਤੰਬਰ ਨੂੰ ਡੈਂਪੋ ਗੋਆ ਵਿਰੁੱਧ ਗੋਆ ਵਿਖੇ ਖੇਡਿਆ ਜਾਵੇਗਾ, ਜਦਕਿ
2 ਅਕਤੂਬਰ ਨੂੰ ਜੇ. ਸੀ. ਟੀ. ਵਾਸਕੋ ਗੋਆ ਵਿਰੁੱਧ ਭਿੜੇਗੀ। ਜੇ. ਸੀ. ਟੀ. ਆਪਣੇ
ਘਰੇਲੂ ਮੈਦਾਨ ਵਿੱਚ ਲੁਧਿਆਣਾ ਵਿਖੇ 11 ਅਕਤੂਬਰ ਨੂੰ ਮਹੁੰਮਦਨ ਸਪੋਰਟਿੰਗ ਕਲੱਬ
ਕੋਲਕਾਤਾ ਵਿਰੁੱਧ ਖੇਡੇਗੀ। ਇਸ ਤੋਂ ਇਲਾਵਾ ਜੇ. ਸੀ. ਟੀ. ਲੁਧਿਆਣਾ ਵਿਖੇ ਮਹਿੰਦਰਾ
ਯੂਨਾਈਟਿਡ ਮੁੰਬਈ ਵਿਰੁੱਧ 18 ਅਕਤੂਬਰ ਨੂੰ, ਚਿਰਾਗ ਯੂਨਾਈਟਿਡ ਕੋਲਕਾਤਾ ਵਿਰੁੱਧ
23 ਅਕਤੂਬਰ ਨੂੰ ਅਤੇ ਈਸਟ ਬੰਗਾਲ ਕੋਲਕਾਤਾ ਵਿਰੁੱਧ 22 ਨਵੰਬਰ ਨੂੰ ਆਪਣੇ ਮੈਚ
ਲੁਧਿਆਣਾ ਵਿਖੇ ਖੇਡੇਗੀ। ਜੇ. ਸੀ. ਟੀ. ਮਿੱਲਜ਼ ਫਗਵਾੜਾ ਜੋ ਰਾਸ਼ਟਰੀ ਲੀਗ ਦੀ ਪਲੇਠੀ
ਚੈਂਪੀਅਨ ਹੈ। ਲੀਗ ਦੀ ਚੈਂਪੀਅਨ ਬਣਨ ਵਾਲੀ ਟੀਮੂ ਨੂੰ 50 ਲੱਖ ਰੁਪਏ, ਉਪ ਜੇਤੂ
ਨੂੰ 28 ਲੱਖ ਰੁਪਏ, ਤੀਸਰੇ ਅਤੇ ਚੌਥੇ ਸਥਾਨ 'ਤੇ ਰਹਿਣ ਵਾਲੀਆਂ ਟੀਮਾਂ ਨੂੰ
ਕ੍ਰਮਵਾਰ 20 ਲੱਖ ਅਤੇ 10 ਲੱਖ ਰੁਪਏ ਦਾ ਇਨਾਮ ਮਿਲੇਗਾ। ਹਰੇਕ ਹਿੱਸਾ ਲੈਣ ਵਾਲੀ
ਟੀਮ ਨੂੰ 5 ਲੱਖ ਰੁਪਏ ਮਿਲਨਗੇ। ਸਰਬੋਤਮ ਸਕੋਰਰ ਅਤੇ ਮੈਨ ਆਫ਼ ਲੀਗ ਖਿਡਾਰੀ ਨੂੰ
ਇੱਕ-ਇੱਕ ਲੱਖ ਰੁਪਏ ਦੇ ਇਨਾਮ ਨਾਲ ਸਨਮਾਨਿਆ ਜਾਵੇਗਾ।
31ਵੀਂ ਸਬ ਜੂਨੀਅਰ ਨੈਸ਼ਨਲ ਚੈਂਪੀਅਨਸ਼ਿਪ 'ਚ ਪੰਜਾਬ, ਮਿਜ਼ੋਰਮ ਅਤੇ ਮੇਘਾਲਿਆ ਜੇਤੂ
ਮਾਹਿਲਪੁਰ, 22 ਸਤੰਬਰ -
31ਵੀਂ ਸਬ ਜੂਨੀਅਰ ਨੈਸ਼ਨਲ ਚੈਂਪੀਅਨਸ਼ਿਪ ਟਰਾਫੀ 2008 ਮਾਹਿਲਪੁਰ ਦੇ ਖਾਲਸਾ ਕਾਲਜ
ਵਿਚ ਚਲ ਰਹੀ ਹੈ। ਇਸ ਵਿਚ ਤਾਮਿਲਨਾਡੂ ਨੇ ਉੜੀਸਾ ਨੂੰ 5-4 ਗੋਲ ਦੇ ਅੰਤਰ ਨਾਲ
ਹਰਾਇਆ। ਜਦੋਂ ਕਿ ਪੰਜਾਬ ਨੇ ਇਕ ਪਾਸੜ ਮੈਚ ਰਾਹੀਂ ਪੁੱਡੂਚੇਰੀ ਨੂੰ 14-0 ,
ਮਿਜ਼ੋਰਮ ਨੇ ਛੱਤੀਸਗੜ੍ਹ ਨੂੰ 8-0 ਅਤੇ ਮੇਘਾਲਿਆ ਨੇ ਕੇਰਲ ਨੂੰ 1-0 ਗੋਲ ਦੇ ਫਰਕ
ਨਾਲ ਹਰਾਇਆ।
ਸਵੱਦੀ ਕਲਾਂ ਦੀ ਓਪਨ ਕਬੱਡੀ 'ਤੇ ਜਲਾਲਦੀਵਾਲ ਦਾ ਕਬਜ਼ਾ
ਸਵੱਦੀ/ਹੰਬੜਾਂ, 22 ਸਤੰਬਰ -ਤਿੰਨ
ਰੋਜ਼ਾ ਕਬੱਡੀ ਟੂਰਨਾਮੈਂਟ ਦੇ ਕਬੱਡੀ ਓਪਨ ਮੁਕਾਬਲੇ ਸਵੱਦੀ ਕਲਾਂ ਲੁਧਿਆਣਾ ਵਿਖੇ
ਧੰਨ-ਧੰਨ ਬਾਬਾ ਚਰਨ ਦਾਸ ਵੈਲਫੇਅਰ ਅਤੇ ਸਪੋਰਟਸ ਕਲੱਬ, ਗ੍ਰਾਮ ਪੰਚਾਇਤ ਵੱਲੋਂ
ਕਰਵਾਏ ਜਾ ਰਹੇ ਹਨ। ਇਸ ਟੂਰਨਾਮੈਂਟ ਦੇ ਕਬੱਡੀ ਓਪਨ ਮੁਕਾਬਲਿਆਂ ਵਿਚ ਮਾਲਵੇ ਦੇ
ਜਲਾਲਦੀਵਾਲ ਦੀ ਟੀਮ ਨੇ ਬਾਪੂ ਹੀਰਾ ਲਾਲ ਕਲੱਬ ਦੌਧਰ ਨੂੰ 19-23 ਅੰਕਾਂ ਦੇ ਫਰਕ
ਨਾਲ ਹਰਾ ਕੇ 31 ਹਜ਼ਾਰ ਰੁਪਏ ਦੇ ਨਕਦ ਇਨਾਮ 'ਤੇ ਆਪਣਾ ਕਬਜ਼ਾ ਕੀਤਾ। ਟੂਰਨਾਮੈਂਟ ਦਾ
ਆਰੰਭ ਐਨ. ਆਰ. ਆਈ, ਕੈਨੇਡਾ, ਅਮਰੀਕਾ ਕਬੱਡੀ ਕੱਪ ਮੁੱਖ ਪ੍ਰਬੰਧਕ ਇੰਦਰਜੀਤ ਸਿੰਘ
ਮੁੱਲਾਂਪੁਰ ਵੱਲੋਂ ਕੀਤਾ। ਕਬੱਡੀ 62 ਕਿਲੋ ਭਾਰ ਦਾ ਫਸਵਾਂ ਓਪਨ ਮੁਕਾਬਲਾ 23-27
ਅੰਕਾਂ ਦੇ ਫਰਕ ਨਾਲ ਸਵੱਦੀ ਕਲਾਂ ਟੀਮ ਵੱਲੋਂ ਢੱਟ ਕਬੱਡੀ ਟੀਮ ਨੂੰ ਹਰਾ ਕੇ
ਜਿੱਤਿਆ ਗਿਆ। ਕਬੱਡੀ 70 ਕਿਲੋ ਭਾਰ ਫਾਈਨਲ ਦਾਖਾਂ ਦੀ ਟੀਮ ਵੱਲੋਂ ਜੱਸੜ ਟੀਮ ਦੇ
ਚੌਬਰਾਂ ਨੂੰ ਹਰਾ ਕੇ ਜਿੱਤਿਆ। ਕਬੱਡੀ ਓਪਨ ਮੁਕਾਬਲਾ ਸ਼ੁਰੂ ਹੁੰਦਿਆਂ ਹੀ ਧਾਂਵੀ
ਤੇਜੀ ਨਿਜਾਮਪੁਰੀਏ ਦੀ ਚੜ੍ਹਤ ਰਹੀ। ਪ੍ਰੀਤਮ ਸਿੰਘ ਸੰਧੂ ਕੈਨੇਡਾ, ਗੁਰਜੀਤ ਸਿੰਘ
ਬਾਘਾ ਤੂਰ ਵੱਲੋਂ ਕ੍ਰਮਵਾਰ 31000 ਅਤੇ 21000 ਨਕਦ ਇਨਾਮ ਦੇ ਨਾਲ-ਨਾਲ ਹਰ ਜੱਫੇ,
ਉੱਪਰ ਚੰਗੇ ਨੋਟ ਵਰਸਾਏ ਗਏ। ਰੈਡੀ ਸੰਧੂ ਵੱਲੋਂ ਤੇਜ਼ੀ ਨਿਜਾਮਪੁਰ ਦੇ ਨਾਲ ਕਰਤਾਰ
ਸਿੰਘ ਤੂਰ ਨੂੰ ਸੋਨੇ ਦਾ ਤਗਮਾ ਦੇ ਕੇ ਸਨਮਾਨਿਤ ਕੀਤਾ।
ਸੀ. ਬੀ. ਐਸ. ਈ. ਸਕੂਲ ਦਾ ਪੰਜਾਬ ਪੱਧਰੀ ਵਾਲੀਬਾਲ ਟੂਰਨਾਮੈਂਟ
ਰਾੜਾ ਸਾਹਿਬ/ਲੁਧਿਆਣਾ, 22
ਸਤੰਬਰ - ਸੰਤ ਈਸ਼ਰ ਸਿੰਘ ਜੀ ਮੈਮੋਰੀਅਲ ਪਬਲਿਕ ਸਕੂਲ ਕਰਮ ਸਰ ਰਾੜਾ ਸਾਹਿਬ
ਵਿਖੇ ਸੀ. ਬੀ. ਐਸ. ਈ. ਨਾਲ ਸਬੰਧਿਤ ਪੰਜਾਬ ਪੱਧਰ ਦੇ ਸਕੂਲ ਦਾ ਕਲਸਟਰ ਵਾਲੀਬਾਲ
ਟੂਰਨਾਮੈਂਟ ਕਰਵਾਇਆ ਜਾ ਰਿਹਾ ਹੈ। ਇਸ ਦੇ ਪਹਿਲੇ ਗੇੜ ਦੇ ਮੈਚਾਂ ਵਿਚ ਪੰਜਾਬ ਭਰ
'ਚੋਂ 28 ਟੀਮਾਂ ਸ਼ਾਮਿਲ ਹੋਈਆਂ। ਜਿੰਨ੍ਹਾਂ ਵਿਚੋਂ ਸੰਤ ਈਸ਼ਰ ਸਿੰਘ ਰਾੜਾ ਸਾਹਿਬ
ਸਕੂਲ ਨੇ ਡੀ. ਏ . ਵੀ. ਸਕੂਲ ਅੰਮ੍ਰਿਤਸਰ ਨੂੰ, ਏ. ਪੀ. ਜੇ. ਪਬਲਿਕ ਸਕੂਲ ਜਲੰਧਰ
ਨੇ ਐਮ. ਜੀ. ਐਨ. ਪਬਲਿਕ ਸਕੂਲ ਨੂੰ, ਐਮ. ਆਰ. ਸਿਟੀ ਬਲਾਚੌਰ ਨਵਾਂ ਸ਼ਹਿਰ ਨੇ
ਸੇਕਰਡ ਹਾਰਟ ਪਬਲਿਕ ਕਪੂਰਥਲਾ ਨੂੰ ਹਰਾਇਆ। ਈ. ਐਮ. ਐਸ. ਏ. ਏ. ਆਰ. ਪਬਲਿਕ ਸਕੂਲ
ਆਦਮਪੁਰ ਨੇ ਐਸ. ਆਈ. ਐਸ. ਜੀ. ਮੈਮੋਰੀਅਲ ਪਬਲਿਕ ਸਕੂਲ ਕਰਮਸਰ (ਲੜਕੇ) ਨੂੰ, ਸੇਂਟ
ਫਰੀਦ ਪਬਲਿਕ ਸਕੂਲ ਗੋਬਿੰਦਗੜ੍ਹ ਨੇ ਸੁਪਰੀਮ ਕਾਨਵੈਂਟ ਪਬਲਿਕ ਸਕੂਲ ਨੂੰ, ਕ੍ਰਿਪਾਲ
ਸਾਗਰ ਅਕੈਡਮੀ ਨਵਾਂ ਸ਼ਹਿਰ ਨੇ ਮਾਡਰਨ ਸੰਦੀਪਨੀ ਪਬਲਿਕ ਸਕੂਲ ਪਠਾਨਕੋਟ ਨੂੰ, ਐਮ.
ਕੇ. ਡੀ. ਡੀ. ਏ. ਵੀ. ਅਟਾਰੀ ਨੇ ਆਰਮੀ ਪਬਲਿਕ ਸਕੂਲ ਪਠਾਨਕੋਟ ਨੂੰ, ਸਪਰਿੰਗ ਡੇਲ
ਪਬਲਿਕ ਸਕੂਲ ਲੁਧਿਆਣਾ ਨੇ ਐਸ. ਬੀ. ਬੀ. ਐਸ. ਆਈ.ਐਸ. ਜਲੰਧਰ ਨੂੰ, ਬੀ. ਐਸ. ਐਫ.
ਸੀਨੀਅਰ ਸੈਕੰਡਰੀ ਸਕੂਲ ਜਲੰਧਰ ਨੇ ਬੀ. ਸੀ. ਐਮ. ਆਰੀਆ ਮਾਡਲ ਸਕੂਲ ਲੁਧਿਆਣਾ ਨੂੰ
ਅਤੇ ਪੁਲਿਸ ਡੀ. ਏ. ਵੀ ਪਬਲਿਕ ਸਕੂਲ ਅੰਮ੍ਰਿਤਸਰ ਨੇ ਡੀ. ਆਈ. ਪੀ. ਐਸ. ਨੂਰਮਹਿਲ
ਜਲੰਧਰ ਨੂੰ ਹਰਾਇਆ।
ਪੰਜਾਬੀ ਯੂਨੀਵਰਸਿਟੀ ਅੰਤਰ ਕਾਲਜ ਫੁੱਟਬਾਲ ਚੈਂਪੀਅਨਸ਼ਿਪ ਆਰੰਭ
ਪਟਿਆਲਾ, 22 ਸਤੰਬਰ -
ਪਟਿਆਲਾ ਵਰਸਿਟੀ ਕੈਂਪਸ ਦੇ ਵੱਖ-ਵੱਖ ਮੈਦਾਨਾਂ 'ਚ ਪੰਜਾਬੀ ਯੂਨੀਵਰਸਿਟੀ ਅੰਤਰ
ਕਾਲਜ ਫੁੱਟਬਾਲ ਚੈਂਪੀਅਨਸ਼ਿਪ 22 ਸਤੰਬਰ ਨੂੰ ਸ਼ੁਰੂ ਹੋਈ। ਇਸ ਟੂਰਨਾਮੈਂਟ ਵਿਚ
ਸਰਕਾਰੀ ਕਾਲਜ ਮੋਹਾਲੀ ਦੀ ਟੀਮ ਦੇ ਰਣਜੀਤ ਸਿੰਘ ਦੀ ਹੈਟਟ੍ਰਿਕ ਤੇ ਸਰਕਾਰੀ ਕਾਲਜ
ਰੋਪੜ ਨਾਭਾ ਖ਼ਿਲਾਫ਼ 8-1 ਦੀ ਵੱਡੀ ਜਿੱਤ ਵਰਣਨਯੋਗ ਰਹੀਆਂ। ਪਹਿਲੇ ਮੈਚ ਵਿਚ ਸਰਕਾਰੀ
ਕਾਲਜ ਮੋਹਾਲੀ ਨੇ ਰਣਜੀਤ ਸਿੰਘ ਦੀ ਹੈਟਟ੍ਰਿਕ ਸਦਕਾ ਗੁਰੂ ਗੋਬਿੰਦ ਸਿੰਘ ਕਾਲਜ
ਸੰਘੇੜਾ ਨੂੰ 4-0 ਨਾਲ ਹਰਾਇਆ। ਦੂਸਰੇ ਮੈਚ 'ਚ ਯੂਨੀਵਰਸਿਟੀ ਕਾਲਜ ਰਾਮਪੁਰਾ ਫੂਲ
ਨੇ ਰਣਬੀਰ ਕਾਲਜ ਸੰਗਰੂਰ ਨੂੰ 4-1 ਨਾਲ ਹਰਾਇਆ। ਤੀਸਰੇ ਮੈਚ 'ਚ ਅਕਾਲ ਡਿਗਰੀ ਕਾਲਜ
ਮਸਤੂਆਣਾ ਤੇ ਯਾਦਵਿੰਦਰਾ ਕਾਲਜ ਤਲਵੰਡੀ ਸਾਬੋ ਦੀਆਂ ਟੀਮਾਂ ਗੋਲ ਰਹਿਤ ਬਰਾਬਰ ਰਹੀਆਂ
ਤੇ ਟਾਈ ਬਰੇਕਰ 'ਚ ਮਸਤੂਆਣਾ ਦੀ ਟੀਮ 4-3 ਨਾਲ ਜੇਤੂ ਰਹੀ। ਚੌਥੇ ਮੈਚ 'ਚ ਪੰਜਾਬੀ
ਯੂਨੀਵਰਸਿਟੀ ਕੈਂਪਸ ਦੀ ਟੀਮ ਨੇ ਨੈਸ਼ਨਲ ਸਰੀਰਿਕ ਸਿੱਖਿਆ ਕਾਲਜ ਚੁਪਕੀ ਨੂੰ 4-0
ਨਾਲ ਹਰਾਇਆ। ਸਰਕਾਰੀ ਕਾਲਜ ਰੋਪੜ ਦੀ ਟੀਮ ਨੇ ਰਿਪੁਦਮਾਨ ਕਾਲਜ ਨਾਭਾ ਲਈ 8-1 ਨਾਲ
ਹਰਾ ਕੇ ਜਿੱਤ ਪ੍ਰਾਪਤ ਕੀਤੀ।
ਰਾਜਪੁਰਾ ਦੋਹਾਂ ਵਰਗਾਂ ਵਿਚ ਬਣਿਆ ਚੈਂਪੀਅਨ
ਲੁਧਿਆਣਾ 22 ਸਤੰਬਰ -
ਪੰਜਾਬ ਤਕਨੀਕੀ ਯੂਨੀਵਰਸਿਟੀ ਅੰਤਰ ਕਾਲਜ ਵਿਚ ਤੈਰਾਕੀ ਦੇ ਮੁਕਾਬਲੇ ਕਰਵਾਏ ਗਏ।
ਜਿਸ ਵਿੱਚ ਸੀ. ਆਈ. ਟੀ. ਰਾਜਪੁਰਾ ਦੇ ਮੁੰਡੇ ਅਤੇ ਕੁੜੀਆਂ ਨੇ ਦੋਹਾਂ ਵਰਗਾਂ ਵਿੱਚ
ਓਵਰ ਆਲ ਚੈਂਪੀਅਨ ਬਣਿਆ, ਜਦਕਿ ਮੁੰਡਿਆਂ ਦੇ ਵਰਗ ਵਿੱਚ ਮੇਜ਼ਬਾਨ ਗੁਰੂ ਨਾਨਕ ਦੇਵ
ਇੰਜੀਨੀਅਰਿੰਗ ਕਾਲਜ ਨੇ ਦੂਸਰਾ ਸਥਾਨ, ਐਸ. ਏ. ਐਸ. ਆਈ. ਈ. ਟੀ. ਕਾਲਜ ਮੋਹਾਲੀ ਨੇ
ਤੀਸਰਾ ਸਥਾਨ, ਕੁੜੀਆਂ ਦੇ ਵਰਗ ਵਿੱਚ ਡੀ. ਏ. ਵੀ. ਆਈ. ਈ. ਟੀ. ਕਾਲਜ ਜਲੰਧਰ ਨੇ
ਦੂਸਰਾ ਸਥਾਨ ਅਤੇ ਗੁਰੂ ਨਾਨਕ ਦੇਵ ਇੰਜੀਨੀਅਰਿੰਗ ਕਾਲਜ ਲੁਧਿਆਣਾ ਨੇ ਤੀਸਰਾ ਦਰਜਾ
ਲਿਆ। ਗੁਰੂ ਨਾਨਕ ਦੇਵ ਇੰਜੀਨੀਅਰਿੰਗ ਕਾਲਜ ਲੁਧਿਆਣਾ ਦੇ ਸਵੀਮਿੰਗ ਪੂਲ ਵਿਖੇ ਖੇਡੀ
ਗਈ ਇਸ ਰਾਜ ਪੱਧਰੀ ਚੈਂਪੀਅਨਸ਼ਿਪ ਵਿੱਚ ਮਰਦਾਂ ਦੇ ਵਰਗ ਵਿੱਚ 50 ਮੀਟਰ ਅਤੇ 100
ਮੀਟਰ ਫ੍ਰੀ ਸਟਾਈਲ ਵਿੱਚ ਨਵਦੀਪ ਸਿੰਘ ਰਾਜਪੁਰਾ ਨੇ ਪਹਿਲਾ ਸਥਾਨ, ਅਸ਼ੋਕ ਕੁਮਾਰ
ਪਠਾਨਕੋਟ ਅਤੇ ਚੰਦਰ ਕਮਲ ਰਾਜਪੁਰਾ ਨੇ ਕ੍ਰਮਵਾਰ ਦੂਸਰਾ ਸਥਾਨ ਹਾਸਲ ਕੀਤਾ । 200
ਅਤੇ 400 ਮੀਟਰ ਫ੍ਰੀ ਸਟਾਈਲ ਵਿੱਚ ਨਵਦੀਪ ਸਿੰਘ ਰਾਜਪੁਰਾ ਹੀ ਜੇਤੂ ਰਿਹਾ ਅਤੇ
ਵਿਵੇਕ ਕੁਮਾਰ ਮੋਹਾਲੀ ਨੇ ਦੂਸਰਾ ਸਥਾਨ ਹਾਸਲ ਕੀਤਾ। ਮਰਦਾਂ ਦੇ 100 ਮੀਟਰ ਅਤੇ
200 ਮੀਟਰ ਬੈਕ ਸਟ੍ਰੋਕ ਵਿੱਚ ਚੰਦਰ ਕਮਲ ਰਾਜਪੁਰਾ ਜੇਤੂ ਰਿਹਾ ਅਤੇ 50 ਮੀਟਰ, 100
ਮੀਟਰ ਅਤੇ 200 ਮੀਟਰ ਬ੍ਰਸੈਟ ਸਟ੍ਰੋਕ ਵਿੱਚ ਹਰਪ੍ਰੀਤ ਸਿੰਘ ਜਲੰਧਰ ਚੈਂਪੀਅਨ ਬਣ
ਕੇ ਨਿੱਤਰਿਆ। ਮਰਦਾਂ ਦੇ ਬਟਰ ਫਲਾਈ 50 ਮੀਟਰ, 100 ਮੀਟਰ ਤੇ 200 ਮੀਟਰ ਮੁਕਾਬਲੇ
ਵਿੱਚ ਕਰਮਵੀਰ ਸਿੰਘ ਰਾਜਪੁਰਾ ਚੈਂਪੀਅਨ ਬਣਿਆ। 400 ਮੀਟਰ ਰਿਲੇਅ ਮੈਡਲੇ ਵਿੱਚ ਸੀ.
ਆਈ. ਈ. ਟੀ. ਰਾਜਪੁਰਾ ਦੇ ਤੈਰਾਕ ਪਹਿਲੇ ਨੰਬਰ ਅਤੇ ਮੇਜ਼ਬਾਨ ਲੁਧਿਆਣਾ ਦੇ ਦੂਸਰੇ
ਨੰਬਰ 'ਤੇ ਅਤੇ ਜਲੰਧਰ ਦੇ ਤੈਰਾਕ ਤੀਸਰੇ ਸਥਾਨ 'ਤੇ ਰਹੇ। ਲੜਕੀਆਂ ਦੇ 50 ਮੀਟਰ ਤੇ
100 ਮੀਟਰ ਫ੍ਰੀ ਸਟਾਈਲ ਮੁਕਾਬਲੇ ਵਿੱਚ ਰਾਜਪੁਰਾ ਦੀ ਸੁਖਮਨ ਜੇਤੂ ਰਹੀ ਤੇ ਜਲੰਧਰ
ਦੀ ਨਾਤਿਕਾ ਨੇ ਦੂਸਰਾ ਸਥਾਨ ਹਾਸਲ ਕੀਤਾ। 50 ਮੀਟਰ ਬੈਕ ਸਟ੍ਰੋਕ ਅਤੇ 100 ਮੀਟਰ
ਬੈਕ ਸਟ੍ਰੋਕ ਤੋਂ ਇਲਾਵਾ 50 ਮੀਟਰ ਬ੍ਰੈਸਟ ਸਟ੍ਰੋਕ ਵਿੱਚ ਅਤੇ 100 ਮੀਟਰ ਬ੍ਰੈਸਟ
ਸਟ੍ਰੋਕ ਵਿੱਚ ਸੁਖਮਨ ਨੇ ਚੈਂਪੀਅਨਸ਼ਿਪ ਦੀ ਸਭ ਤੋਂ ਵਧੀਆ ਤੈਰਾਕ ਹੋਣ ਦਾ ਮਾਣ
ਪ੍ਰਾਪਤ ਕੀਤਾ।
ਪੰਜਾਬ ਦੀ 12 ਮੈਂਬਰੀ ਟੀਮ ਪੁਣੇ ਨੂੰ ਰਵਾਨਾ
ਲੁਧਿਆਣਾ 22 ਸਤੰਬਰ -
47ਵੀਂ ਰਾਸ਼ਟਰੀ ਬਾਡੀ ਬਿਲਡਿੰਗ ਚੈਂਪੀਅਨਸ਼ਿਪ ਪੁਣੇ ਵਿਖੇ 24 ਤੋਂ 26 ਸਤੰਬਰ ਤੱਕ
ਕਰਵਾਈ ਜਾ ਰਹੀ ਹੈ। ਉਸ ਦੀ ਤਿਆਰੀ ਵਾਸਤੇ ਪੰਜਾਬ ਦੀ 12 ਮੈਂਬਰੀ ਟੀਮ ਦਾ ਕੋਚਿੰਗ
ਕੈਂਪ 22 ਸਤੰਬਰ ਨੂੰ ਗੋਲਡ ਜਿਮ, ਮਾਲ ਰੋਡ ਲੁਧਿਆਣਾ ਵਿਖੇ ਖਤਮ ਹੋਇਆ ਅਤੇ ਪੰਜਾਬ
ਦੀ ਇਹ ਟੀਮ ਕੌਮੀ ਚੈਂਪੀਅਨਸ਼ਿਪ ਵਾਸਤੇ 22 ਸਤੰਬਰ ਦੀ ਰਾਤ ਨੂੰ ਪੁਣੇ ਲਈ ਚਲੀ ਗਈ।
ਪੰਜਾਬ ਦੀ ਟੀਮ ਦੀ ਅਗਵਾਈ ਓਪਨ ਵਰਗ ਦਾ ਧਰਮਿੰਦਰ ਸਿੰਘ ਕਰੇਗਾ, ਜਦਕਿ ਦੂਸਰੇ ਵਜ਼ਨ
ਵਰਗਾਂ ਵਿੱਚ ਰਮਨਦੀਪ ਸਿੰਘ ਅੰਮ੍ਰਿਤਸਰ 55 ਕਿਲੋ, ਅਮਿਤ ਭਾਟੀਆ 60 ਕਿਲੋ, ਵਿਨੀਤ
ਮਰਵਾਹਾ ਹੁਸ਼ਿਆਰਪੁਰ 65 ਕਿਲੋ, ਰਾਹੁਲ ਸ਼ਰਮਾ, ਚਰਨਜੀਤ ਸਿੰਘ, ਵਿਸ਼ਾਲ ਸ਼ਰਮਾ
ਅੰਮ੍ਰਿਤਸਰ, ਵਿਵੇਕ ਸ਼ਰਮਾ ਅੰਮ੍ਰਿਤਸਰ 70 ਕਿਲੋ ਵਰਗ, ਸੁਰਿੰਦਰ ਕੁਮਾਰ ਲੁਧਿਆਣਾ
75 ਕਿਲੋ ਵਰਗ, ਜਗਤਾਰ ਸਿੰਘ 80 ਕਿਲੋ ਵਰਗ, ਰਘੂਰਾਜ 85 ਕਿਲੋ ਵਰਗ, ਸੰਦੀਪ ਸਿੰਘ
90 ਕਿਲੋ ਵਰਗ ਵਿੱਚ ਪੰਜਾਬ ਟੀਮ ਦੀ ਨੁਮਾਇੰਦਗੀ ਕਰੇਗਾ।
30ਵਾਂ ਫੈਡਰੇਸ਼ਨ ਕੱਪ ਫੁੱਟਬਾਲ ਟੂਰਨਾਮੈਂਟ
ਜਲੰਧਰ, 22 ਸਤੰਬਰ - 30ਵਾਂ
ਫੈਡਰੇਸ਼ਨ ਕੱਪ ਫੁੱਟਬਾਲ ਦਾ ਜ਼ੋਨਲ ਟੂਰਨਾਮੈਂਟ 22 ਸਤੰਬਰ ਤੋਂ ਸ਼ੁਰੂ ਹੋ ਗਿਆ ਹੈ।
ਇਸ ਦੇ ਪਾਂਡੀਚਰੀ ਵਿਖੇ ਸਾਊਥ ਜ਼ੋਨ, ਰਜਿੰਦਰਾ ਸਟੇਡੀਅਮ ਸੀਵਾਨ ਵਿਖੇ ਈਸਟ ਜ਼ੋਨ,
ਤ੍ਰਿਪੁਰਾ ਵਿਖੇ ਨਾਰਥ ਈਸਟ ਜ਼ੋਨ ਤੇ ਗੁੜਗਾਓਂ ਵਿਖੇ ਨਾਰਥ ਜ਼ੋਨ ਦੇ ਮੁਕਾਬਲੇ ਕਰਵਾਏ
ਜਾ ਰਹੇ ਹਨ। ਸਾਊਥ ਜ਼ੋਨ ਪਾਂਡੀਚਰੀ ਵਿਖੇ 23 ਸਤੰਬਰ ਨੂੰ ਸੱਤਿਆਬਾਮਾ (ਪਾਂਡੀਚਰੀ)
ਬਨਾਮ ਆਈ ਸੀ ਐਫ (ਤਾਮਿਲਨਾਡੂ) ਦਾ ਮੁਕਾਬਲਾ ਹੋਵੇਗਾ। ਟੀਟਾਨਮ (ਕੇਰਲਾ) ਬਨਾਮ ਬੀ.
ਈ. ਐਮ. ਐਲ, (ਕਰਨਾਟਕ) ਦਾ ਮੁਕਾਬਲਾ 24 ਸਤੰਬਰ ਨੂੰ ਹੋਵੇਗਾ। ਈਸਟ ਜ਼ੋਨ ਦੇ
ਮੁਕਾਬਲੇ ਰਜਿੰਦਰਾ ਸਟੇਡੀਅਮ ਸੀਵਾਨ ਬਿਹਾਰ ਵਿਖੇ ਕਰਵਾਏ ਜਾ ਰਹੇ ਹਨ। ਇਸ ਦੇ ਵਿਚ
25 ਸਤੰਬਰ ਨੂੰ ਐਸ. ਈ. ਸੀ. ਰੇਲਵੇ (ਛੱਤੀਸਗੜ੍ਹ) ਦਾ ਮੁਕਾਬਲਾ ਪੀਰਲੈਸ (ਆਈ ਐਫ
ਏ) ਨਾਲ ਹੋਵੇਗਾ। 26 ਸਤੰਬਰ ਨੂੰ ਰੇਲ ਐਸ ਸੀ (ਝਾਰਖੰਡ) ਦਾ ਮੁਕਾਬਲਾ ਐਸ ਬੀ ਆਈ (ਉੜੀਸਾ)
ਨਾਲ ਹੋਵੇਗਾ। ਨਾਰਥ ਈਸਟ ਜ਼ੋਨ ਤ੍ਰਿਪੁਰਾ ਵਿਖੇ 25 ਸਤੰਬਰ ਨੂੰ ਐਫ ਸੀ ਕੁਕੀਕਾਵਨ (ਮਿਜੋਰਾਮ)
ਬਨਾਮ ਅਸੀਬ ਆਸਮ ਨਾਲ ਹੋਵੇਗਾ। 26 ਸਤੰਬਰ ਨੂੰ ਖੀਲਗਤ ਵੈਸਟ ਕਲੱਬ ਬਨਾਮ ਇੰਫਾਲ
ਸਪੋਰਟਸ ਐਸੋਸੀਏਸ਼ਨ ਨਾਲ ਹੋਵੇਗਾ। 27 ਸਤੰਬਰ ਨੂੰ ਆਗਿਆ ਚਲੋ (ਤ੍ਰਿਪੁਰਾ) ਨਾਲ
ਹੋਵੇਗਾ। ਨਾਰਥ ਜ਼ੋਨ ਦੇ ਮੁਕਾਬਲੇ ਜੋ ਗੁੜਗਾਓਂ ਵਿਖੇ ਕਰਵਾਏ ਜਾ ਰਹੇ ਹਨ, ਇਸ ਦੇ
ਵਿਚ 5 ਅਕਤੂਬਰ ਨੂੰ ਰਾਘਵ ਕਲੱਬ ਬਨਾਮ ਹਿਮ ਕਲੱਬ ਤੇ ਯੂ. ਪੀ. ਪੁਲਿਸ ਤੇ
ਚੰਡੀਗੜ੍ਹ ਨਾਲ ਹੋਵੇਗਾ। 6 ਅਕਤੂਬਰ ਨੂੰ ਉੱਤਰਾਖੰਡ ਪੁਲਿਸ ਬਨਾਮ ਆਈ ਐਲ ਐਫ ਸੀ
ਦਿੱਲੀ ਨਾਲ ਹੋਵੇਗਾ ਤੇ ਰੇਲ ਕੋਚ ਫੈਕਟਰੀ ਕਪੂਰਥਲਾ ਬਨਾਮ ਜੰਮੂ ਕਸ਼ਮੀਰ ਬੈਂਕ ਨਾਲ
ਹੋਵੇਗਾ।
ਪੰਜਾਬ ਰੂਰਲ ਸਪੋਰਟਸ ਪ੍ਰਮੋਸ਼ਨ ਕੌਂਸਲ ਵੱਲੋਂ ਉਲੰਪਿਕ ਖੇਡਾਂ ਨਾਲ ਜੁੜਨ ਦਾ ਹੋਕਾ
ਨਾਭਾ, 20 ਸਤੰਬਰ - ਨਾਭਾ
ਦੇ ਹੀਰਾ ਪੈਲਸ ਵਿਚ ਪੈਪਸੂ ਜੋਨ ਦੇ ਪ੍ਰਧਾਨ ਸ੍ਰੀ ਹਰਮੇਲ ਸਿੰਘ ਕਾਲਾ ਪਹਿਲਵਾਨ ਦੀ
ਅਗਵਾਈ ਵਿਚ ਪੰਜਾਬ ਰੂਰਲ ਸਪੋਰਟਸ ਪ੍ਰਮੋਸ਼ਨ ਕੌਂਸਲ ਵੱਲੋਂ ਸੈਮੀਨਾਰ ਕਰਵਾਇਆ ਗਿਆ।
ਇਸ ਵਿੱਚ ਇਹ ਗੱਲ ਉੱਭਰ ਕੇ ਸਾਹਮਣੇ ਆਈ ਕਿ ਰਵਾਇਤੀ ਖੇਡਾਂ ਦੇ ਨਾਲ-ਨਾਲ ਉਲੰਪਿਕ
ਖੇਡਾਂ ਨੂੰ ਵੀ ਸਾਡੇ ਖੇਡ ਸੱਭਿਆਚਾਰ ਵਿੱਚ ਸ਼ਾਮਿਲ ਕੀਤਾ ਜਾਵੇ ਤਾਂ ਹੀ ਅਸੀਂ ਵਿਸ਼ਵ
ਪੱਧਰ 'ਤੇ ਵੱਡੀਆਂ ਮੱਲਾਂ ਮਾਰ ਸਕਦੇ ਹਾਂ। ਰੈਸਲਿੰਗ ਅਕੈਡਮੀ ਮੰਡੋੜ ਵੱਲੋਂ ਇਹ
ਸੈਮੀਨਾਰ ਕੌਂਸਲ ਦੇ ਚੇਅਰਮੈਨ ਸ: ਪਰਮਜੀਤ ਸਿੰਘ ਖੱਟੜਾ ਤੇ ਪ੍ਰਧਾਨ ਸ. ਜਗਰੂਪ
ਸਿੰਘ ਜਰਖੜ ਦੀ ਅਗਵਾਈ ਵਿੱਚ ਕਰਵਾਇਆ ਗਿਆ। ਸੈਮੀਨਾਰ ਵਿੱਚ ਕੌਮਾਂਤਰੀ ਪਹਿਲਵਾਨ
ਗੁਰਮੁਖ ਸਿੰਘ ਭਾਰਤ ਮਲ ਸਮਰਾਟ ਦਾ ਉਚੇਚੇ ਤੌਰ 'ਤੇ ਸਨਮਾਨ ਕੀਤਾ ਗਿਆ। ਸੈਮੀਨਾਰ
ਵਿੱਚ ਸੀਨੀਅਰ ਅਕਾਲੀ ਆਗੂ ਸ. ਰਣਧੀਰ ਸਿੰਘ ਰੱਖੜਾ ਮੁੱਖ ਮਹਿਮਾਨ ਵੱਜੋਂ ਹਾਜ਼ਰ ਹੋਏ
ਜਦੋਂ ਕਿ ਸਮਾਗਮ ਦੀ ਪ੍ਰਧਾਨਗੀ ਪੰਜਾਬੀ ਯੂਨੀਵਰਸਿਟੀ ਦੇ ਖੇਡ ਨਿਰਦੇਸ਼ਕ ਡਾ. ਰਾਜ
ਕੁਮਾਰ ਸ਼ਰਮਾ ਨੇ ਕੀਤੀ। ਸਮਾਗਮ ਦੇ ਮੁੱਖ ਬੁਲਾਰੇ ਡਾ. ਰਾਜ ਕੁਮਾਰ ਸ਼ਰਮਾ ਨੇ ਪੰਜਾਬ
ਦੇ ਪ੍ਰਾਇਮਰੀ, ਸੈਕੰਡਰੀ ਤੇ ਕਾਲਜ ਪੱਧਰ ਦੇ ਖੇਡ ਢਾਂਚੇ ਦੀਆਂ ਊਣਤਾਈਆਂ ਦਾ ਜ਼ਿਕਰ
ਕਰਦਿਆਂ ਇਨ੍ਹਾਂ ਸੰਸਥਾਵਾਂ ਨੂੰ ਖੇਡਾਂ ਦੇ ਖੇਤਰ ਵਿੱਚ ਹੋਰ ਵਧੀਆ ਬਣਾਉਣ ਲਈ ਵਧੀਆ
ਸੁਝਾਅ ਦਿੱਤੇ। ਇਸ ਮੌਕੇ ਡਾ. ਅਸ਼ੋਕ ਸ਼ਰਮਾ ਖੇਡ ਵਿਗਿਆਨੀ ਪੰਜਾਬੀ 'ਵਰਸਿਟੀ ਨੇ
ਸਲਾਈਡਾਂ ਦੀ ਸਹਾਇਤਾ ਨਾਲ ਭਾਰਤੀ ਤੇ ਵਿਦੇਸ਼ੀ ਖਿਡਾਰੀਆਂ ਵਿਚਕਾਰ ਪਾਏ ਜਾਂਦੇ
ਸਰੀਰਕ ਤੇ ਤਕਨੀਕੀ ਅੰਤਰਾਂ ਬਾਰੇ ਵਡਮੁੱਲੀ ਜਾਣਕਾਰੀ ਦਿੱਤੀ। ਕੌਂਸਲ ਦੇ ਪ੍ਰਧਾਨ
ਨੇ ਆਏ ਮਹਿਮਾਨਾਂ ਦਾ ਧੰਨਵਾਦ ਕਰਦਿਆਂ ਦੱਸਿਆ ਕਿ ਅਗਲੇ ਮਹੀਨੇ ਉਨ੍ਹਾਂ ਦੀ ਸੰਸਥਾ
ਵੱਲੋਂ ਲੁਧਿਆਣਾ ਵਿਖੇ ਇੱਕ ਸਮਾਗਮ ਵਿੱਚ ਸ: ਅਮਰਜੀਤ ਸਿੰਘ ਗਰੇਵਾਲ ਖੇਡ ਰਤਨ
ਐਵਾਰਡ ਪੰਜਾਬ ਦੇ ਇੱਕ ਮਹਿਲਾ ਤੇ ਇੱਕ ਪੁਰਸ਼ ਖਿਡਾਰੀ ਨੂੰ ਦਿੱਤਾ ਜਾਵੇਗਾ। ਇਸ ਤੋਂ
ਇਲਾਵਾ ਪਿਛਲੇ ਵਰ੍ਹੇ ਦੌਰਾਨ ਬਿਹਤਰੀਨ ਕੰਮ ਕਰਨ ਵਾਲੇ ਕਲੱਬ ਤੇ ਖੇਡ ਪ੍ਰਬੰਧਕ ਨੂੰ
ਵੀ ਨਕਦ ਰਾਸ਼ੀ ਨਾਲ ਸਨਮਾਨਿਤ ਕੀਤਾ ਜਾਵੇਗਾ। ਖੇਡ ਪੱਤਰਕਾਰ ਡਾ. ਸੁਖਦਰਸ਼ਨ ਚਹਿਲ ਨੇ
ਸਮਾਗਮ ਦੀ ਕਾਰਵਾਈ ਚਲਾਈ। ਇਸ ਮੌਕੇ ਦਰੋਣਾਚਾਰੀਆ ਐਵਾਰਡੀ ਸ੍ਰੀ ਸੁਖਚੈਨ ਸਿੰਘ ਚੀਮਾ,
ਕੰਵਲਜੀਤ ਸਿੰਘ ਨਿਊਜ਼ ਰੀਡਰ ਦੂਰਦਰਸ਼ਨ ਜਲੰਧਰ, ਸ. ਗੁਰਚਰਨ ਸਿੰਘ ਘਮਰੌਦਾ ਚੇਅਰਮੈਨ
ਬਲਾਕ ਸੰਮਤੀ ਨਾਭਾ, ਸ. ਗੁਰਪ੍ਰੀਤ ਸਿੰਘ ਬੇਰਕਲਾਂ, ਅਰਸ਼ ਦੀਪ ਸਿੰਘ ਗਿੱਲ ਡੀ.ਐਸ.ਪੀ
ਨਾਭਾ, ਪਰਮਜੀਤ ਸਿੰਘ ਖੱਟੜਾ, ਹਰਮੇਲ ਸਿੰਘ ਕਾਲਾ, ਪਹਿਲਵਾਨ ਕਰਮਾ ਮੰਡੌੜ, ਕਰਮਜੀਤ
ਸਿੰਘ ਰੱਖੜਾ ਯੂਥ ਆਗੂ, ਜਸਵੰਤ ਸਿੰਘ ਗੁੱਡੂ, ਮਨਜੀਤ ਸਿੰਘ ਮੱਲੇਵਾਲ, ਰਾਜਵੀਰ
ਸਿੰਘ ਮੱਖਣ ਮੰਡੌੜ, ਕੋਚ ਗੁਰਮੇਲ ਸਿੰਘ ਖੇਡ ਪ੍ਰਬੰਧਕ ਸੁਖਦੇਵ ਸਿੰਘ ਸੁੱਖਾ,
ਪ੍ਰੀਤਮ ਸਿੰਘ ਘਲੋਟੀ, ਐਸ.ਐਚ.ਓ ਦਵਿੰਦਰ ਸਿੰਘ ਮੱਲੀ ਆਦਿ ਨੇ ਵੀ ਖੇਡ ਸੱਭਿਆਚਾਰ
ਪੈਦਾ ਕਰਨ ਲਈ ਆਪਣੇ ਵਿਚਾਰ ਰੱਖੇ।
55ਵੀਂ ਪੰਜਾਬ ਸਟੇਟ ਕਬੱਡੀ ਚੈਂਪੀਅਨਸ਼ਿਪ
ਬੁਢਲਾਡਾ, 21 ਸਤੰਬਰ -
ਰਾਜ ਪੱਧਰੀ 55ਵੀਂ ਕਬੱਡੀ ਚੈਂਪੀਅਨਸ਼ਿਪ ਬੁਢਲਾਡਾ ਵਿਖੇ 21 ਸਤੰਬਰ ਨੂੰ ਸ਼ੁਰੂ ਹੋ
ਗਈ ਹੈ। ਇਹ ਤਿੰਨ ਦਿਨਾਂ ਚੈਂਪੀਅਨਸ਼ਿਪ ਸਵਰਗੀ ਬਲਰਾਜ ਸਿੰਘ ਭੂੰਦੜ ਦੀ ਯਾਦ ਵਿਚ
ਕਰਵਾਈ ਜਾ ਰਹੀ ਹੈ। ਇਸ ਵਿਚ ਨੈਸ਼ਨਲ ਸਟਾਇਲ (ਲੜਕੇ) ਦੇ ਮੁਕਤਸਰ ਤੇ ਫਿਰੋਜ਼ਪੁਰ 'ਚ
ਹੋਏ ਮੈਚ ਵਿਚ ਮੁਕਤਸਰ ਦੀ ਟੀਮ ਜਿੱਤੀ। ਓਪਨ (ਲੜਕੇ) 'ਚ ਮੋਗਾ ਨੇ ਗੁਰਦਾਸਪੁਰ ਤੇ
ਫਰੀਦਕੋਟ ਨੇ ਅੰਮ੍ਰਿਤਸਰ ਨੂੰ ਹਰਾਇਆ। ਇਸੇ ਤਰ੍ਹਾਂ ਲੜਕੀਆਂ ਦੇ ਨੈਸ਼ਨਲ ਸਟਾਈਲ 'ਚ
ਅੰਮ੍ਰਿਤਸਰ ਨੇ ਤਰਨਤਾਰਨ ਨੂੰ ਮਾਤ ਦਿੱਤੀ। ਸਰਕਲ ਸਟਾਈਲ (ਲੜਕੀਆਂ) ਵਿਚ ਫਰੀਦਕੋਟ
ਨੇ ਪਟਿਆਲਾ ਅਤੇ ਬਠਿੰਡਾ ਨੇ ਫਿਰੋਜ਼ਪੁਰ ਨੂੰ ਹਰਾਇਆ।
ਭਾਰਤ ਦੀਆਂ ਚਾਰ ਹਾਕੀ ਟੀਮਾਂ ਸੈਮੀਫਾਈਨਲ 'ਚ
ਫ਼ਰੀਦਕੋਟ, 21 ਸਤੰਬਰ -17
ਵਾਂ ਆਲ ਇੰਡੀਆ ਬਾਬਾ ਫ਼ਰੀਦ ਗੋਲਡ ਕੱਪ ਹਾਕੀ ਟੂਰਨਾਮੈਂਟ ਚਲ ਰਿਹਾ ਹੈ। ਇਸ
ਟੂਰਨਾਮੈਂਟ ਵਿਚ 8 ਟੀਮਾਂ ਸੈਮੀਫਾਈਨਲ ਵਿਚ ਪਹੁੰਚੀਆਂ। ਟੂਰਨਾਮੈਂਟ ਵਿਚ ਮੁਲਤਾਨ (ਪਾਕਿਸਤਾਨ)
ਤੋਂ ਹਾਕੀ ਟੀਮ ਬਾਬਾ ਫ਼ਰੀਦ ਜੀ ਦੀ ਪਵਿੱਤਰ ਧਰਤੀ ਨੂੰ ਨਮਸਤਕ ਕਰਨ ਲਈ ਵਿਸੇਸ਼ ਤੌਰ
'ਤੇ ਪੁੱਜੀ। ਇਹ ਮੈਚ ਟਾਈਬ੍ਰਰੈਕਰ ਰਾਹੀਂ 4-5 ਗੋਲਾਂ ਦੇ ਨਾਲ ਈਸਟਨ ਰੇਲਵੇ ਦੀ
ਟੀਮ ਸੈਮੀਫਾਈਨਲ ਵਿਚ ਪ੍ਰਵੇਸ਼ ਕਰ ਗਈ। ਪਹਿਲਾ ਤਿੰਨ ਮੈਚਾਂ ਬੀ. ਐਸ. ਐਫ ਨੇ 3 ਗੋਲਾਂ
ਨਾਲ ਫਰੈਂਡਜ਼ ਸਪੋਰਟਸ ਕਲੱਬ ਲੁਧਿਆਣਾ ਨੂੰ ਹਰਾਇਆ, ਸਿਗਨਲ ਜਲੰਧਰ ਨੇ ਆਰ. ਸੀ. ਪੀ.
ਐਫ. ਨੂੰ ਟਾਈਬ੍ਰੇਕਰ ਨਾਲ 1 ਗੋਲ ਅਤੇ ਆਰ. ਸੀ. ਐਫ ਅਤੇ ਸਿੰਧ ਬੈਂਕ ਵਿਚਕਾਰ ਮੈਚ
ਵਿਚ ਆਰ. ਸੀ. ਐਫ ਦੀ ਟੀਮ ਜੇਤੂ ਰਹੀ।
ਜੇ.ਪੀ.ਅੱਤਰੇ ਕ੍ਰਿਕਟ ਟੂਰਨਾਮੈਂਟ 'ਚ ਰਾਜਸਥਾਨ ਦੀ ਟੀਮ ਦੀ ਝੰਡੀ
ਅਜੀਤ ਨਗਰ, 21 ਸਤੰਬਰ -
15ਵਾਂ ਆਲ ਇੰਡੀਆ ਜੇ.ਪੀ.ਅੱਤਰੇ ਟੂਰਨਾਮੈਂਟ ਪੀ. ਸੀ. ਏ. ਕ੍ਰਿਕਟ ਸਟੇਡੀਅਮ ਵਿਚ
ਖੇਡਿਆ ਜਾ ਰਿਹਾ ਹੈ। ਜਿਸ ਦੇ ਇਕ ਰੋਜ਼ਾ ਮੈਚ ਵਿਚ ਰਾਜਸਥਾਨ ਕ੍ਰਿਕਟ ਐਸੋਸੀਏਸ਼ਨ ਦੀ
ਟੀਮ ਨੇ ਭਾਰਤ ਦੀ ਕ੍ਰਿਕਟ ਟੀਮ ਦੇ ਸਾਬਕਾ ਕਪਤਾਨ ਸੌਰਵ ਗਾਂਗੁਲੀ ਦੀ ਟੀਮ ਲੀਡਰ ਇਨ
ਕ੍ਰਿਕਟ ਚੰਡੀਗੜ੍ਹ (ਐਲ. ਆਈ. ਸੀ) ਦੀ ਟੀਮ ਨੂੰ ਛੇ ਵਿਕਟਾਂ ਨਾਲ ਹਰਾ ਕੇ ਮੈਚ
ਜਿੱਤਿਆ। ਰਾਜਸਥਾਨ ਟੀਮ ਦੇ ਤਨੁਜ ਸ਼ਰਮਾ ਨੂੰ 'ਮੈਨ ਆਫ਼ ਦੀ ਮੈਚ' ਐਲਾਨਿਆ ਗਿਆ।
ਏਸ਼ੀਅਨ ਕਬੱਡੀ
ਚੈਂਪੀਅਨਸ਼ਿਪ 'ਤੇ ਭਾਰਤੀ ਮਹਿਲਾਵਾਂ ਦਾ ਕਬਜ਼ਾ
ਮਦੁਰਾਈ (ਤਾਮਿਲਨਾਡੂ), 21
ਸਤੰਬਰ - ਏਸ਼ੀਅਨ ਮਹਿਲਾ ਕਬੱਡੀ ਚੈਂਪੀਅਨਸ਼ਿਪ ਭਾਰਤ ਦੇ ਰੇਸ ਕੋਰਸ ਗਰਾਉਂਡ ਵਿਚ
ਹੋਈ। ਜਿਸ ਵਿਚ ਭਾਰਤ ਦੀ ਟੀਮ ਨੇ ਤੀਜੀ ਏਸ਼ੀਅਨ ਮਹਿਲਾ ਕਬੱਡੀ ਚੈਂਪੀਅਨਸ਼ਿਪ ਦੇ
ਫਾਈਨਲ 'ਚ ਇਰਾਨ ਦੀ ਟੀਮ ਨੂੰ 22 ਦੇ ਮੁਕਾਬਲੇ 43 ਅੰਕਾਂ ਨਾਲ ਹਰਾ ਕੇ ਖਿਤਾਬ 'ਤੇ
ਆਪਣਾ ਕਬਜ਼ਾ ਕੀਤਾ। ਜੇਤੂ ਟੀਮ ਨੂੰ ਜੇਤੂ ਟਰਾਫ਼ੀ ਤੋਂ ਇਲਾਵਾ ਇਕ ਲੱਖ ਨਕਦ ਅਤੇ ਉਪ
ਜੇਤੂ ਟੀਮ ਨੂੰ 75 ਹਜ਼ਾਰ ਦਾ ਇਨਾਮ ਮਿਲਿਆ। ਤੀਜੇ ਸਥਾਨ 'ਤੇ ਥਾਈਲੈਂਡ ਤੇ ਜਾਪਾਨ
ਦੀਆਂ ਟੀਮਾਂ ਰਹੀਆਂ ਜਿਨ੍ਹਾਂ ਨੂੰ ਇਨਾਮ ਦੇ ਰੂਪ 'ਚ 50-50 ਹਜ਼ਾਰ ਰੁਪਏ ਨਕਦ ਦੇ
ਕੇ ਸਨਮਾਨਿਆ ਗਿਆ।
ਡਾ: ਦਲਜੀਤ ਸਿੰਘ ਚੀਮਾ ਸੁਰਜੀਤ ਹਾਕੀ ਦੇ ਪੈਟਰਨ ਚੁਣੇ ਗਏ
ਜਲੰਧਰ, 21 ਸਤੰਬਰ -
ਪੰਜਾਬ ਦੇ ਮੁੱਖ ਮੰਤਰੀ ਸ: ਪ੍ਰਕਾਸ਼ ਸਿੰਘ ਬਾਦਲ ਦੇ ਮੁੱਖ ਸਲਾਹਕਾਰ ਡਾ: ਦਲਜੀਤ
ਸਿੰਘ ਚੀਮਾ ਨੂੰ ਸਿਲਵਰ ਜੁਬਲੀ ਸੁਰਜੀਤ ਹਾਕੀ ਟੂਰਨਾਮੈਂਟ ਦਾ ਪੈਟਰਨ ਨਿਯੁਕਤ ਕੀਤਾ
ਗਿਆ ਹੈ। ਸੁਰਜੀਤ ਹਾਕੀ ਸੁਸਾਇਟੀ ਦੇ ਮੈਂਬਰਾਂ ਵੱਲੋਂ ਉਨ੍ਹਾਂ ਦੇ ਨਿਵਾਸ ਅਸਥਾਨ
ਉੱਤੇ ਜਾ ਕੇ ਨਿਯੁਕਤੀ ਪੱਤਰ ਅਤੇ ਫੁੱਲਾਂ ਦਾ ਗੁਲਦਸਤਾ ਭੇਟ ਕੀਤਾ ਗਿਆ।
ਸਾਂਇਆ ਦੇ ਪੇਂਡੂ ਖੇਡ ਮੇਲੇ 'ਚ ਨੱਥੋ ਵਾਲ ਦੀ ਟੀਮ ਕਬੱਡੀ 'ਚ ਮੋਹਰੀ
ਡੇਹਲੋਂ, 20 ਸਤੰਬਰ -
ਸਵਰਗੀ ਸਰਪੰਚ ਸੁਰਿੰਦਰ ਸਿੰਘ ਯਾਦਗਾਰੀ ਪੇਂਡੂ ਖੇਡ ਮੇਲਾ ਪਿੰਡ ਸਾਂਇਆ ਵਿਖੇ
ਸਪੋਰਟਸ ਕਲੱਬ ਬਾਂਗ ਸਾਹਿਬ ਵਲੋਂ ਕਰਵਾਇਆ ਗਿਆ। ਆਖਰੀ ਦਿਨ ਅੰਤਰਰਾਸ਼ਟਰੀ ਕਬੱਡੀ
ਖਿਡਾਰੀ ਸੁਲਤਾਨ ਸੀਹਾਂ ਦੌਦ, ਘੋਗੜ ਮੰਦਰਾਵਾਲੀ ਤੇ ਬਾਜੀ ਜੰਡ ਦਾ ਸੋਨੇ ਦੀਆਂ
ਮੁੰਦਰੀਆਂ ਨਾਲ ਸਨਮਾਨ ਕੀਤਾ ਗਿਆ। ਅੰਤਰਰਾਸ਼ਟਰੀ ਕਬੱਡੀ ਸਟਾਰ ਅਜੀਤਪਾਲ ਸਿੰਘ ਲਾਲੀ
ਬੁਟਾਹਰੀ ਤੇ ਮੱਤੇ ਗੁਰਦਾਸਪੁਰੀਏ ਦਾ ਸਵਰਗੀ ਸਰਪੰਚ ਸੁਰਿੰਦਰ ਸਿੰਘ ਡੇਹਲੋਂ ਦੀ
ਯਾਦ ਵਿਚ ਉਨ੍ਹਾਂ ਦੇ ਸਪੁੱਤਰ ਸ: ਜਗਦੀਪ ਸਿੰਘ ਬਿੱਟੂ ਸੰਮਤੀ ਮੈਂਬਰ, ਪ੍ਰਧਾਨ
ਬਲਜਿੰਦਰ ਸਿੰਘ ਝੱਜ ਨੇ 'ਗੁਰਜ' ਦੇ ਕੇ ਵਿਸ਼ੇਸ਼ ਸਨਮਾਨ ਕੀਤਾ। ਕਬੱਡੀ 57 ਕਿਲੋ ਭਾਰ
ਵਰਗ ਵਿਚੋਂ ਆਲਮਗੀਰ ਨੇ ਪਹਿਲਾ ਤੇ ਬੀਜਾ ਦੀ ਟੀਮ ਨੇ ਦੂਸਰਾ, ਕਬੱਡੀ 70 ਕਿਲੋ ਭਾਰ
ਵਰਗ ਵਿਚੋਂ ਸਾਂਇਆ ਦੀ ਟੀਮ ਨੇ ਪਹਿਲਾ ਅਤੇ ਰੁੜਕਾ ਦੀ ਟੀਮ ਨੇ ਦੂਸਰਾ ਸਥਾਨ
ਪ੍ਰਾਪਤ ਕੀਤਾ। ਕਬੱਡੀ ਓਪਨ ਦੇ ਫਾਈਨਲ 'ਚੋਂ ਨੱਥੋ ਵਾਲ ਦੀ ਟੀਮ ਨੇ ਪਹਿਲਾ ਅਤੇ
ਮੇਜ਼ਬਾਨ ਸਾਂਇਆ ਦੀ ਟੀਮ ਨੇ ਦੂਸਰਾ ਸਥਾਨ ਪ੍ਰਾਪਤ ਕੀਤਾ।
ਕਬੱਡੀ 'ਚ ਪੀ. ਏ. ਪੀ. ਜਲੰਧਰ ਦੀ ਬੱਲੇ ਬੱਲੇ
ਅੰਮ੍ਰਿਤਸਰ, 20 ਸਤੰਬਰ -
ਇਤਿਹਾਸਕ ਗੁ: ਸ੍ਰੀ ਪਲਾਹ ਸਾਹਿਬ ਦੇ ਸਾਲਾਨਾ ਜੋੜ ਮੇਲੇ ਸੰਬੰਧੀ ਮੀਰੀ-ਪੀਰੀ
ਸਪੋਰਟਸ ਕਲੱਬ ਵੱਲੋਂ ਕੁਸ਼ਤੀ ਤੇ ਕਬੱਡੀ ਮੁਕਾਬਲੇ ਕਰਵਾਏ ਗਏ। ਇਸ ਮੌਕੇ ਵੱਖ-ਵੱਖ
ਪਹਿਲਵਾਨਾਂ ਵਿਚ ਕੁਸ਼ਤੀ ਤੇ ਕਬੱਡੀ ਮੁਕਾਬਲੇ ਹੋਏ। ਜਿਸ ਵਿਚ ਪੀ. ਏ. ਪੀ. ਜਲੰਧਰ
ਅਤੇ ਪੀ. ਏ. ਪੀ. ਤਰਨ ਤਾਰਨ ਦੀ ਟੀਮ ਦਰਮਿਆਨ ਹੋਇਆ ਜਿਸ ਵਿਚ ਪੀ. ਏ. ਪੀ. ਜਲੰਧਰ
ਦੀ ਟੀਮ ਨੇ ਤਰਨ ਤਾਰਨ ਦੀ ਟੀਮ ਨੂੰ ਪਛਾੜ ਕੇ ਜਿੱਤ ਪ੍ਰਾਪਤ ਕੀਤੀ। ਸ: ਔਜਲਾ ਨੇ
ਜੇਤੂ ਟੀਮ ਨੂੰ ਯਾਦਗਾਰੀ ਚਿੰਨ੍ਹ ਭੇਂਟ ਕੀਤਾ ਅਤੇ ਹੋਰ ਜੇਤੂ ਪਹਿਲਵਾਨਾਂ ਨੂੰ ਨਕਦ
ਇਨਾਮ ਦੇ ਕੇ ਸਨਮਾਨਿਤ ਕੀਤਾ।
ਪੰਜਾਬ ਰਾਜ ਕੁਸ਼ਤੀ ਚੈਂਪੀਅਨਸ਼ਿਪ ਸ਼ੁਰੂ
ਫ਼ਰੀਦਕੋਟ, 20 ਸਤੰਬਰ -
ਫ਼ਰੀਦਕੋਟ ਦੇ ਸੀਨੀਅਰ ਸਰਕਾਰੀ ਬਰਜਿੰਦਰਾ ਕਾਲਜ 'ਚ 40 ਵੀਂ ਪੰਜਾਬ ਰਾਜ ਕੁਸ਼ਤੀ
ਚੈਂਪੀਅਨਸ਼ਿਪ 20 ਸਤੰਬਰ ਨੂੰ ਸ਼ੁਰੂ ਹੋਈ। ਪਹਿਲੇ ਦਿਨ ਇਸ ਦੇ ਨਤੀਜੇ ਇੰਜ ਰਹੇ : 32
ਕਿਲੋ ਭਾਰ ਵਰਗ ਵਿਚ ਸਤਿੰਦਰ ਸਿੰਘ ਮੋਗਾ ਨੇ ਪਹਿਲਾ, ਰਮਨਜੀਤ ਸਿੰਘ ਨੇ ਦੂਜਾ,
ਨਵਦੀਪ ਸਿੰਘ ਫ਼ਰੀਦਕੋਟ ਨੇ ਤੀਸਰਾ, 35 ਕਿਲੋ ਭਾਰ ਵਰਗ 'ਚ ਅਜੇਪਾਲ ਸਿੰਘ ਫ਼ਰੀਦਕੋਟ
ਪਹਿਲੇ, ਰਮਨਦੀਪ ਸਿੰਘ ਮੋਗਾ ਦੂਜੇ, ਗੁਰਨੈਬ ਸਿੰਘ ਤੀਸਰੇ ਸਥਾਨ ਤੇ ਅਮਰਵੀਰ ਸਿੰਘ
ਚੌਥੇ ਸਥਾਨ 'ਤੇ ਰਹੇ। 42 ਕਿਲੋ ਭਾਰ ਵਰਗ 'ਚ ਸਭਾਵਾ ਸਿੰਘ ਫ਼ਿਰੋਜ਼ਪੁਰ ਨੇ ਪਹਿਲਾ,
ਰਾਜਵਿੰਦਰ ਕੰਮੇਆਣਾ ਨੇ ਦੂਜਾ, ਕਰਮਜੀਤ ਸਿੰਘ ਫ਼ਿਰੋਜ਼ਪੁਰ ਤੀਸਰੇ ਸਥਾਨ, ਸਤਨਾਮ
ਸਿੰਘ ਚੌਥੇ ਸਥਾਨ 'ਤੇ ਰਿਹਾ, 46 ਕਿਲੋ ਭਾਰ ਵਰਗ ਦੇ ਪਹਿਲਵਾਨਾਂ ਵਿਚੋਂ ਗੁਰਮੀਤ
ਸਿੰਘ ਪਹਿਲੇ, ਜਸਵੀਰ ਸਿੰਘ ਦੂਜੇ, ਅਮਰਜੀਤ ਸਿੰਘ ਤੀਸਰੇ ਸਥਾਨ ਅਤੇ ਕੁਲਦੀਪ ਸਿੰਘ
ਚੌਥੇ ਸਥਾਨ 'ਤੇ ਰਹੇ, 70 ਕਿਲੋ ਭਾਰ ਵਰਗ ਦੇ ਸੀਨੀਅਰ ਕੁਸ਼ਤੀਆਂ ਵਿਚੋਂ, ਨਗਿੰਦਰ
ਸਿੰਘ ਨੇ ਪਹਿਲਾ ਤੇ ਸੰਦੀਪ ਸਿੰਘ ਨੇ ਦੂਜਾ ਸਥਾਨ ਹਾਸਲ ਕੀਤਾ ਜਿਨ੍ਹਾਂ ਨੂੰ ਡਵੀਜ਼ਨ
ਕੁਮਾਰ ਟਾਈਟਲ ਨਾਲ ਸਨਮਾਨਿਤ ਕੀਤਾ ਜਾਵੇਗਾ।
ਮਾਨਸਾ 'ਚ ਰਾਜ ਪੱਧਰੀ ਟੂਰਨਾਮੈਂਟ 27 ਤੋ 30 ਸਤੰਬਰ ਤੱਕ
ਮਾਨਸਾ, 20 ਸਤੰਬਰ -
ਰਾਜ ਪੱਧਰੀ ਖੇਡ ਟੂਰਨਾਮੈਂਟ ਸਰਕਾਰੀ ਨਹਿਰੂ ਮੈਮੋਰੀਅਲ ਕਾਲਜ ਮਾਨਸਾ ਦੀ ਗਰਾਊਂਡ
ਵਿਚ 27 ਤੋਂ 30 ਸਤੰਬਰ ਤੱਕ ਕਰਵਾਇਆ ਜਾਵੇਗਾ। ਜਿਸ ਵਿਚ 16 ਸਾਲ ਤੋਂ ਘੱਟ ਉਮਰ ਦੇ
ਪੇਂਡੂ ਲੜਕਿਆਂ ਦੇ ਰਾਜ ਪੱਧਰੀ ਮੁਕਾਬਲੇ ਹੋਣਗੇ। ਇਸ ਟੂਰਨਾਮੈਂਟ ਵਿਚ ਪੰਜਾਬ ਦੇ
20 ਜ਼ਿਲ੍ਹਿਆਂ ਦੇ 141 ਬਲਾਕਾਂ ਵਿਚੋਂ 2 ਹਜ਼ਾਰ ਦੇ ਕਰੀਬ ਲੜਕੇ ਐਥਲੈਟਿਕਸ, ਕਬੱਡੀ,
ਵਾਲੀਬਾਲ, ਬਾਸਕਟਬਾਲ, ਹਾਕੀ ਅਤੇ ਖੋ-ਖੋ ਸਮੇਤ 10 ਖੇਡਾਂ ਵਿਚ ਭਾਗ ਲੈਣਗੇ।
ਕੌਮਾਂਤਰੀ ਹਾਕੀ ਫੈਡਰੇਸ਼ਨ ਵੱਲੋਂ 4 ਦੇਸ਼ਾਂ ਦੇ ਪੰਜਾਬ ਗੋਲਡ ਕੱਪ ਨੂੰ ਮਿਲੀ ਮਨਜ਼ੂਰੀ
ਜਲੰਧਰ, 20 ਸਤੰਬਰ -
ਕੌਮਾਂਤਰੀ ਹਾਕੀ ਫੈਡਰੇਸ਼ਨ ਨੇ ਪੰਜਾਬ ਖੇਡ ਵਿਭਾਗ ਵੱਲੋਂ ਕਰਵਾਏ ਜਾ ਰਹੇ 4 ਦੇਸ਼ਾਂ
ਦੇ ਇਨਵੀਟੇਸ਼ਨਲ ਹਾਕੀ ਮਰਦਾਂ ਦੇ ਟੂਰਨਾਮੈਂਟ ਪੰਜਾਬ ਗੋਲਡ ਕੱਪ ਨੂੰ 5 ਤੋਂ 14
ਫਰਵਰੀ ਤੱਕ ਕਰਵਾਉਣ ਦੀ ਮਨਜ਼ੂਰੀ ਦੇ ਦਿੱਤੀ ਹੈ। ਪਦਮਸ੍ਰੀ ਪ੍ਰਗਟ ਸਿੰਘ ਨੇ ਦੱਸਿਆ
ਕਿ ਇਹ ਮਨਜ਼ੂਰੀ ਕੌਮਾਂਤਰੀ ਹਾਕੀ ਫੈਡਰੇਸ਼ਨ ਦੇ ਜਨਰਲ ਮੈਨੇਜਰ ਕ੍ਰਿਸਟੋਫ ਟੋਰੈਨਡਲ
ਨੇ ਭਾਰਤੀ ਹਾਕੀ ਫੈਡਰੇਸ਼ਨ ਦੀ ਐਡਹਾਕ ਕਮੇਟੀ ਨੂੰ ਭੇਜੀ। ਹੁਣ ਇਹ ਟੂਰਨਾਮੈਂਟ ਜਿਸ
ਵਿਚ ਮਰਦਾਂ ਦੀਆਂ ਭਾਰਤ, ਪਾਕਿਸਤਾਨ, ਹਾਲੈਂਡ ਤੇ ਜਰਮਨ ਦੀਆਂ ਟੀਮਾਂ ਹਿੱਸਾ
ਲੈਣਗੀਆਂ ਤੇ ਇਹ ਟੂਰਨਾਮੈਂਟ 5 ਤੋਂ 14 ਫਰਵਰੀ ਤੱਕ ਅਗਲੇ ਸਾਲ ਡਬਲ ਲੈਗ ਦੇ
ਮੁਕਾਬਲੇ ਸੈਕਟਰ 42 ਚੰਡੀਗੜ੍ਹ ਦੇ ਹਾਕੀ ਸਟੇਡੀਅਮ ਦੇ ਕਲਾਸੀਫੀਕੇਸ਼ਨ ਤੇ ਫਾਈਨਲ
ਮੁਕਾਬਲਾ ਉਲੰਪੀਅਨ ਸੁਰਜੀਤ ਹਾਕੀ ਸਟੇਡੀਅਮ ਜਲੰਧਰ ਵਿਖੇ ਕਰਵਾਇਆ ਜਾਵੇਗਾ। ਪੰਜਾਬ
ਖੇਡ ਵਿਭਾਗ ਵੱਲੋਂ ਬਾਹਰੋਂ ਖੇਡਣ ਆ ਰਹੀਆਂ ਟੀਮਾਂ ਦੇ 22 ਮੈਂਬਰਾਂ ਨੂੰ ਸਮੇਤ ਇਕ
ਅੰਪਾਇਰ ਦੇ ਆਉਣ-ਜਾਣ ਦਾ ਕਿਰਾਇਆ, ਰਹਿਣ-ਸਹਿਣ ਤੇ ਖਾਣ-ਪੀਣ ਦਾ ਸਾਰਾ ਖਰਚਾ ਕੀਤਾ
ਜਾਵੇਗਾ।
ਸਾਈ ਸੈਂਟਰ ਬਾਦਲ 'ਏ' ਮੁਕਤਸਰ ਅਤੇ ਲਸਾੜਾ ਜੇਤੂ
ਜਲੰਧਰ, 20 ਸਤੰਬਰ -
ਜਲੰਧਰ ਦੇ ਉਲੰਪੀਅਨ ਸੁਰਜੀਤ ਹਾਕੀ ਸਟੇਡੀਅਮ ਵਿਚ ਪੰਜਾਬ ਖੇਡ ਵਿਭਾਗ ਵੱਲੋਂ ਹਾਕੀ
ਲੀਗ ਚੱਲ ਰਹੀ ਹੈ। ਜਿਸ ਵਿਚ ਸਾਈ ਸੈਂਟਰ ਬਾਦਲ 'ਏ', ਗੁਰੂ ਨਾਨਕ ਕਾਲਜ ਮੁਕਤਸਰ ਅਤੇ
ਸਪੋਰਟਸ ਵਿੰਗ ਕੈਰੋਂ 'ਏ' ਨੇ ਆਪਣੇ ਮੈਚ ਜਿੱਤ ਲਏ। ਸੀਨੀਅਰ ਵਰਗ ਵਿਚ ਸਾਈਂ ਸੈਂਟਰ
ਬਾਦਲ 'ਏ' ਨੇ ਸਾਈ ਸੈਂਟਰ ਪਟਿਆਲਾ 'ਬੀ' ਨੂੰ ਸਖ਼ਤ ਮੁਕਾਬਲੇ ਮਗਰੋਂ 7-5 ਦੇ ਫਰਕ
ਨਾਲ ਹਰਾਇਆ। ਇਸੇ ਵਰਗ ਵਿਚ ਸਪੋਰਟਸ ਵਿੰਗ ਕੈਰੋਂ 'ਏ' ਨੇ ਨਹਿਰੂ ਗਾਰਡਨ ਜਲੰਧਰ
ਨੂੰ 2-1 ਨਾਲ ਹਰਾਇਆ। ਤੀਸਰੇ ਮੈਚ ਵਿਚ ਗੁਰੂ ਨਾਨਕ ਕਾਲਜ ਮੁਕਤਸਰ ਨੇ ਸਖ਼ਤ ਮੁਕਾਬਲੇ
ਮਗਰੋਂ ਸਾਈ ਸੈਂਟਰ ਬਾਦਲ 'ਬੀ' ਨੂੰ 5-4 ਨਾਲ ਹਰਾਇਆ। ਜੂਨੀਅਰ ਵਰਗ ਵਿਚ ਮੁਕਤਸਰ
'ਏ' ਨੇ ਸੰਗਰੂਰ ਨੂੰ 5-2 ਨਾਲ ਅਤੇ ਕੈਰੋਂ 'ਬੀ' ਨੇ ਐਸ. ਡੀ. ਫੁਲਰਵਾਨ ਸਕੂਲ
ਜਲੰਧਰ ਨੂੰ 7-0 ਨਾਲ ਮਾਤ ਦਿੱਤੀ। ਲੜਕਿਆਂ ਦੇ ਵਰਗ ਵਿਚ ਲਸਾੜਾ ਨੇ ਸ਼ੰਕਰ ਨੂੰ 5-2
ਨਾਲ ਅਤੇ ਰੋਪੜ ਨੇ ਫਿਰੋਜ਼ਪੁਰ ਨੂੰ 2-1 ਨਾਲ ਹਰਾਇਆ।
ਲੁਧਿਆਣਾ - ਸਕੂਲਾਂ ਦੀ ਰਾਜ ਪੱਧਰੀ ਹਾਕੀ ਲੀਗ ਦੇ ਮੁਕਾਬਲੇ ਪੰਜਾਬ ਖੇਡ ਵਿਭਾਗ
ਵੱਲੋਂ ਕਰਵਾਏ ਜਾ ਰਹੇ ਹਨ। ਜਿਸ ਦੇ ਚੌਥੇ ਗੇੜ ਦੇ ਮੈਚਾਂ ਵਿਚ ਮਹਿਤਾ ਗੁਰੂਕੁਲ
ਅਕੈਡਮੀ ਦੋਰਾਹਾ, ਰੂਮੀ ਅਤੇ ਕਿਲ੍ਹਾ ਰਾਏਪੁਰ ਨੇ ਜੂਨੀਅਰ ਵਰਗ ਵਿਚ ਜਿੱਤ ਪ੍ਰਾਪਤ
ਕੀਤੀ। ਪਦਮ ਸ੍ਰੀ ਪ੍ਰਿਥੀਪਾਲ ਸਿੰਘ ਹਾਕੀ ਸਟੇਡੀਅਮ ਪੀ. ਏ. ਯੂ. ਵਿਖੇ ਖੇਡੇ ਗਏ
ਗਰੁੱਪ 'ਬੀ' ਦੇ ਅੰਡਰ14 ਸਾਲ ਵਰਗ ਵਿੱਚ ਮਹਿਤਾ ਗੁਰੂਕੁਲ ਅਕੈਡਮੀ ਦੋਰਾਹਾ ਨੇ
ਜਰਖੜ ਹਾਕੀ ਅਕੈਡਮੀ ਨੂੰ 3-2 ਨਾਲ ਹਰਾਇਆ, ਜਦਕਿ ਗਰੁੱਪ 'ਏ' ਦੇ ਅੰਡਰ14 ਸਾਲ
ਗਰੁੱਪ ਵਿੱਚ ਰੂਮੀ ਨੇ ਗੋਪਾਲ ਅਕੈਡਮੀ ਕੁਰਾਲੀ ਨੂੰ 4-0 ਨਾਲ ਹਰਾਇਆ। ਅੰਡਰ16 ਦੇ
ਆਖਰੀ ਮੈਚ ਗਰੇਵਾਲ ਅਕੈਡਮੀ ਕਿਲ੍ਹਾ ਰਾਏਪੁਰ ਨੇ ਬਠਿੰਡਾ ਨੂੰ 3-1 ਨਾਲ ਹਰਾਇਆ।
31ਵੀਂ ਆਲ ਇੰਡੀਆ ਸਬ ਜੂਨੀਅਰ ਫੁੱਟਬਾਲ ਚੈਂਪੀਅਨਸ਼ਿਪ
ਮਾਹਿਲਪੁਰ, 20 ਸਤੰਬਰ -
ਪੰਜਾਬ ਦੀ ਅਕਾਲੀ 31ਵੀਂ ਇੰਡੀਆ ਸਬ-ਜੂਨੀਅਰ ਫੁੱਟਬਾਲ ਚੈਂਪੀਅਨਸ਼ਿਪ ਮਾਹਿਲਪੁਰ ਦੇ
ਖਾਲਸਾ ਕਾਲਜ ਵਿਖੇ ਕਰਵਾਈ ਜਾ ਰਹੀ ਹੈ। ਭਾਜਪਾ ਸਰਕਾਰ ਫੁੱਟਬਾਲ ਦੀ ਨਰਸਰੀ
ਮਾਹਿਲਪੁਰ ਨੂੰ ਅੰਤਰਰਾਸ਼ਟਰੀ ਪੱਧਰ 'ਤੇ ਸਾਕਰ ਸਿਟੀ ਦਰਜਾ ਦਿਵਾਉਣ ਲਈ ਇਕ ਅਜਿਹਾ
ਮਾਸਟਰ ਪਲਾਨ ਤਿਆਰ ਕਰ ਰਹੀ ਹੈ ਜਿਸ 'ਤੇ ਇਕ ਕਰੋੜ ਤੋਂ ਵੀ ਵੱਧ ਰੁਪਏ ਖਰਚ ਕੀਤੇ
ਜਾ ਰਹੇ ਹਨ। ਇਸ ਕੰਮ ਲਈ ਬਣਾਈ ਯੋਜਨਾ ਨੂੰ ਅੰਤਮ ਰੂਪ ਦਿੱਤਾ ਜਾ ਰਿਹਾ ਹੈ। ਮੁੱਖ
ਮੰਤਰੀ ਪ੍ਰਕਾਸ਼ ਸਿੰਘ ਬਾਦਲ ਦੇ ਮੀਡੀਆ ਸਲਾਹਕਾਰ ਹਰਚਰਨ ਸਿੰਘ ਬੈਂਸ ਨੇ ਮਾਹਿਲਪੁਰ
ਦੇ ਖਾਲਸਾ ਕਾਲਜ ਵਿਖੇ ਇਹ ਆਪਣਾ ਭਾਸ਼ਣ ਵਿਚ ਕਿਹਾ।
ਆਲ ਇੰਡੀਆ ਬਾਬਾ ਫ਼ਰੀਦ ਗੋਲਡ ਕੱਪ ਹਾਕੀ
ਟੂਰਨਾਮੈਂਟ
ਫ਼ਰੀਦਕੋਟ, 19 ਸਤੰਬਰ -17
ਵਾਂ ਆਲ ਇੰਡੀਆ ਬਾਬਾ ਫ਼ਰੀਦ ਗੋਲਡ ਕੱਪ ਹਾਕੀ ਟੂਰਨਾਮੈਂਟ ਸਰਕਾਰੀ ਬਰਜਿੰਦਰਾ ਕਾਲਜ
ਦੇ ਹਾਕੀ ਮੈਦਾਨ ਵਿਚ ਸ਼ੁਰੂ ਹੋਇਆ ਹੈ। ਟੂਰਨਾਮੈਂਟ ਦੇ ਪਹਿਲੇ ਮੈਚ 'ਚ ਰੋਪੜ ਹਾਕਸ
ਨੇ ਨਾਮਧਾਰੀ ਇਲੈਵਨ ਨੂੰ 2 ਗੋਲਾਂ ਨਾਲ ਹਰਾਇਆ।
ਏਸ਼ੀਅਨ ਮਹਿਲਾ ਚੈਂਪੀਅਨਸ਼ਿਪ ਲਈ 13 ਮੈਂਬਰੀ ਦਲ ਦਾ ਐਲਾਨ
ਨਵੀਂ ਦਿੱਲੀ, 19 ਸਤੰਬਰ -
ਚੌਥੀ ਏਸ਼ੀਅਨ ਮਹਿਲਾ ਮੁੱਕੇਬਾਜ਼ੀ ਚੈਂਪੀਅਨਸ਼ਿਪ ਗੁਹਾਟੀ ਵਿਚ 23 ਤੋਂ 28 ਸਤੰਬਰ ਤੱਕ
ਕਰਵਾਈ ਜਾਵੇਗੀ। ਇਸ ਲਈ ਭਾਰਤੀ ਬਾਕਸਿੰਗ ਐਸੋਸੀਏਸ਼ਨ ਨੇ 13 ਮੈਂਬਰੀ ਦਲ ਦਾ ਐਲਾਨ
ਕੀਤਾ ਹੈ। ਇਨ੍ਹਾਂ ਮੁੱਕੇਬਾਜ਼ਾਂ ਦੀ ਚੋਣ ਗੁਹਾਟੀ ਦੇ ਸਾਈ ਕੰਪਲੈਕਸ ਵਿਖੇ ਲਏ ਗਏ
40 ਮਹਿਲਾ ਮੁੱਕੇਬਾਜ਼ਾਂ ਦੇ ਚੋਣ ਟਰਾਇਲ ਤੋਂ ਬਾਅਦ ਕੀਤੀ ਗਈ ਹੈ।
ਜੇ. ਸੀ. ਟੀ. ਬਣੀ ਹੁਣ ਜੇ. ਸੀ. ਟੀ. ਸਪੋਰਟਸ ਪ੍ਰਾਈਵੇਟ ਲਿਮਟਿਡ
ਜਲੰਧਰ, 19 ਸਤੰਬਰ -
ਜਿਸ ਟੀਮ ਨੂੰ ਪੰਜਾਬ 'ਚ ਫੁੱਟਬਾਲ ਦੇ ਖੇਤਰ ਵਿਚ ਜੇ. ਸੀ. ਟੀ. ਦੇ ਨਾਂਅ ਨਾਲ
ਜਾਣਿਆ ਜਾਂਦਾ ਸੀ ਉਹ ਹੁਣ ਜੇ. ਸੀ. ਟੀ. ਸਪੋਰਟਸ ਪ੍ਰਾਈਵੇਟ ਲਿਮਟਿਡ ਬੈਨਰ ਹੇਠ
ਖੇਡੇਗੀ। ਇਹ ਫੈਸਲਾ ਆਲ ਇੰਡੀਆ ਫੁੱਟਬਾਲ ਫੈਡਰੇਸ਼ਨ ਵੱਲੋਂ ਜਾਰੀ ਨਿਯਮਾਂ ਤਹਿਤ ਕੀਤਾ
ਗਿਆ।
ਰਾਜ ਪੱਧਰੀ ਬਾਲ ਬੈਡਮਿੰਟਨ ਚੈਂਪੀਅਨਸ਼ਿਪ ਸਮਾਪਤ
ਅਜੀਤ ਨਗਰ, 19 ਸਤੰਬਰ -
ਪਹਿਲੀ ਰਾਜ ਪੱਧਰੀ ਬਾਲ ਬੈਡਮਿੰਟਨ ਚੈਂਪੀਅਨਸ਼ਿਪ 19 ਸਤੰਬਰ ਨੂੰ ਬੀ.ਐਮ.ਡੀ.ਪਬਲਿਕ
ਸਕੂਲ ਮੁਹਾਲੀ ਦੇ ਖੇਡ ਮੈਦਾਨ ਵਿਚ ਖਤਮ ਹੋਈ। ਚੈਂਪੀਅਨਸ਼ਿਪ ਵਿਚ ਜ਼ਿਲ੍ਹੇ
ਅੰਮ੍ਰਿਤਸਰ ਦੇ ਮੁੰਡਿਆਂ ਤੇ ਕੁੜੀਆਂ ਨੇ ਓਵਰ ਆਲ ਟਰਾਫ਼ੀ 'ਤੇ ਕਬਜ਼ਾ ਕੀਤਾ। ਜਦਕਿ
ਜ਼ਿਲ੍ਹਾ ਰੋਪੜ ਨੇ ਦੂਜਾ ਅਤੇ ਮੇਜ਼ਬਾਨ ਜ਼ਿਲ੍ਹਾ ਮੁਹਾਲੀ ਨੇ ਤੀਜਾ ਸਥਾਨ ਹਾਸਿਲ ਕੀਤਾ।
ਜੇਤੂ ਟੀਮਾਂ ਨੂੰ ਇਨਾਮਾਂ ਦੀ ਵੰਡ ਕਰਦਿਆਂ ਸੈਰ ਸਪਾਟਾ ਅਤੇ ਜੇਲ੍ਹ ਮੰਤਰੀ ਸ.ਹੀਰਾ
ਸਿੰਘ ਗਾਬੜੀਆ ਨੇ ਕੀਤੀ।
ਭਾਰਤ 'ਚ ਲੱਗੇਗਾ 2010 'ਚ ਡਬਲਿਊ. ਡਬਲਿਊ. ਈ. ਦਾ ਅਖਾੜਾ
ਜਲੰਧਰ, 19 ਸਤੰਬਰ -
ਭਾਰਤ ਵਿਚ ਵਰਲਡ ਰੈਸਲਿੰਗ ਇੰਟਰਨੈਸ਼ਨਲ ਦੀ ਵਧਦੀ ਚਾਹਤ ਨੂੰ ਦੇਖਦਿਆਂ 2010 ਵਿਚ
ਭਾਰਤ ਵਿਖੇ ਇਸ ਦਾ ਇਕ ਮੁਕਾਬਲਾ ਕਰਵਾਉਣ ਦਾ ਐਲਾਨ ਕੀਤਾ ਗਿਆ। ਇਸ ਬਾਰੇ ਡਬਲਿਊ.
ਡਬਲਿਊ. ਈ. ਏਸ਼ੀਆ ਖੇਤਰ ਦੇ ਪ੍ਰਧਾਨ ਜੋਨਥਾਨ ਸਲੀ ਨੇ ਦੱਸਿਆ ਕਿ ਭਾਰਤ ਇਸ ਵੇਲੇ
ਡਬਲਿਊ. ਡਬਲਿਊ. ਈ. ਇਕ ਵੱਡਾ ਬ੍ਰਾਂਚ ਬਣ ਗਿਆ ਅਤੇ ਨੌਜਵਾਨਾਂ ਨੂੰ ਇਸ ਵਿਚ ਰੁਚੀ
ਹੈ ਤੇ ਕ੍ਰੇਜ ਵੀ ਹੈ। ਇਸ ਤੋਂ ਇਲਾਵਾ ਭਾਰਤ ਸਭ ਤੋਂ ਵੱਡਾ ਬਾਜ਼ਾਰ ਹੈ ਜਿਸ ਦਾ ਅਸੀਂ
ਜ਼ਰੂਰ ਲਾਭ ਲੈਣ ਦਾ ਯਤਨ ਕਰਾਂਗੇ। ਬੀਤੇ ਦਿਨੀਂ ਦਾ ਗ੍ਰੇਟ ਖਲੀ ਤੋਂ ਬਾਅਦ ਤਿੰਨ
ਵਾਰੀ ਵਿਸ਼ਵ ਹੈਵੀਵੇਟ ਚੈਂਪੀਅਨ ਬਾਤਿਸਤਾ ਦਾ ਭਾਰਤ ਦਾ ਦੌਰਾ ਵੀ ਇਸੇ ਕੜੀ ਦਾ ਇਕ
ਹਿੱਸਾ ਹੈ। ਉਨ੍ਹਾਂ ਦੱਸਿਆ ਕਿ ਪਿਛਲੇ ਸਾਲਾਂ ਵਿਚ ਡਬਲਿਊ. ਡਬਲਿਊ. ਈ. ਦੇ 5 ਵੱਡੇ
ਸਿਤਾਰੇ ਭਾਰਤ ਦਾ ਦੌਰਾ ਕਰ ਚੁੱਕੇ ਹਨ। ਇਸ ਤੋਂ ਇਲਾਵਾ ਭਾਰਤ ਇਸ ਖੇਡ ਵਿਚ ਦਿਲਚਸਪੀ
ਦਾ ਗ੍ਰੇਟ ਖਲੀ ਦੀ ਕਾਮਯਾਬੀ ਨੇ ਪੈਦਾ ਕੀਤੀ ਹੈ।
ਓਮ ਪ੍ਰਕਾਸ਼ ਦਾ ਗੋਲਡ ਕੱਪ 'ਤੇ ਕਬਜ਼ਾ
ਬਠਿੰਡਾ, 19 ਸਤੰਬਰ :
ਏਸ਼ੀਅਨ ਆਲ ਸਟਾਰ ਐਥਲੈਟਿਕਸ ਚੈਂਪੀਅਨਸ਼ਿਪ 'ਚ ਜਿਹੜੀ ਕਿ ਭੋਪਾਲ ਵਿਚ ਹੋ ਰਹੀ ਹੈ,
ਓਮ ਪ੍ਰਕਾਸ਼ ਨੇ ਸ਼ਾਟ ਪੁੱਟ ਈਵੈਂਟ ਵਿਚੋਂ ਸੋਨ ਤਗਮਾ ਜਿੱਤ ਕੇ ਭਾਰਤ ਦੀ ਝੋਲੀ ਵਿਚ
ਪਾਇਆ। ਓਮ ਪ੍ਰਕਾਸ਼ ਸਿੰਘ ਜੋ ਕਿ ਪੀ.ਜੀ.ਡੀ.ਸੀ.ਏ. ਦਾ ਹੋਣਹਾਰ ਵਿਦਿਆਰਥੀ ਹੈ,
ਕਾਲਜ ਵਿਚ ਗਰੀਡਿੰਗ ਫ਼ਾਰ ਮੈਡਲਜ਼ ਦੇ ਨਾਮ ਨਾਲ ਜਾਣਿਆ ਜਾਂਦਾ ਹੈ। ਇਸ ਤੋਂ ਪਹਿਲਾਂ
ਥਰਡ ਇੰਡੋਰ ਏਸ਼ੀਅਨ ਐਥਲੈਟਿਕਸ (ਦੋਹਾ ਕਤਰ) ਵਿਖੇ ਸਿਲਵਰ ਮੈਡਲ, ਸੈਫ਼ ਗੇਮਾਂ ਵਿਚ
ਕਾਂਸੀ ਦਾ ਤਗਮਾ, ਆਲ ਇੰਡੀਆ ਯੂਨੀਵਰਸਿਟੀ ਵਿਚੋਂ ਗੋਲਡ ਮੈਡਲ, ਏਸ਼ੀਅਨ ਗਰੈਂਡ
ਪਰਿਕਸ (ਥਾਈਲੈਂਡ) ਅਤੇ ਹੁਣੇ ਹੁਣੇ ਹੋਈਆਂ ਕੋਚੀਨ ਵਿਖੇ ਨੈਸ਼ਨਲ ਗੇਮਜ਼ ਵਿਚੋਂ ਗੋਲਡ
ਮੈਡਲ ਜਿੱਤ ਕੇ ਤੇ ਹੁਣ ਏਸ਼ੀਅਨ ਆਲ ਸਟਾਰ ਐਥਲੈਟਿਕਸ ਚੈਂਪੀਅਨਸ਼ਿਪ ਵਿਚੋਂ ਸ਼ਾਟਪੁੱਟ
ਈਵੈਂਟ ਵਿਚ ਗੋਲਡ ਮੈਡਲ ਜਿੱਤ ਕੇ ਭਾਰਤ ਦਾ ਨਾਮ ਦੁਨੀਆਂ ਦੇ ਨਕਸ਼ੇ 'ਚ ਰੌਸ਼ਨ ਕੀਤਾ।
ਵਿਸ਼ਵ ਕੁਸ਼ਤੀ ਚੈਂਪੀਅਨਸ਼ਿਪ ਲਈ ਚੁਣੀ ਗਈ ਕੌਮੀ ਟੀਮ
ਪਟਿਆਲਾ, 18 ਸਤੰਬਰ -
ਵਿਸ਼ਵ ਮਹਿਲਾ ਕੁਸ਼ਤੀ ਚੈਂਪੀਅਨਸ਼ਿਪ ਜੋ ਕਿ ਜਪਾਨ ਦੇ ਸ਼ਹਿਰ ਟੋਕੀਓ ਵਿਖੇ 11 ਤੋਂ 13
ਅਕਤੂਬਰ ਤੱਕ ਕਰਵਾਈ ਜਾਣੀ ਹੈ, ਉਸ ਲਈ 7 ਮੈਂਬਰੀ ਭਾਰਤੀ ਟੀਮ ਦਾ ਐਲਾਨ ਕੀਤਾ ਗਿਆ
ਹੈ। ਇਸ ਟੀਮਾਂ ਨਾਲ ਜਾਰਜੀਅਨ ਕੋਚ ਡੋਬੋ, ਸ੍ਰੀ ਸੋਹਣ ਸਿੰਘ ਤੇ ਮੋਨਿਕਾ ਚੌਧਰੀ
ਬਤੌਰ ਕੋਚ ਜਾਣਗੇ। ਇਸ ਟੀਮ ਦਾ ਕੈਂਪ ਨੇਤਾ ਜੀ ਸੁਭਾਸ਼ ਇੰਸਟੀਚਿਊਟ ਆਫ਼ ਸਪੋਰਟਸ
ਪਟਿਆਲਾ ਵਿਖੇ ਚੱਲ ਰਿਹਾ ਹੈ। ਇਸ ਟੀਮ ਦੇ 48 ਕਿਲੋ ਭਾਰ ਵਰਗ 'ਚ ਪ੍ਰਿਯੰਕਾ ਸਿੰਘ
ਉੱਤਰ ਪ੍ਰਦੇਸ਼, 51 ਕਿਲੋ 'ਚ ਨੇਹਾ ਰਾਠੀ ਹਰਿਆਣਾ, 55 ਕਿਲੋ 'ਚ ਕਮਲੇਸ਼ ਦਿੱਲੀ, 59
ਕਿਲੋ 'ਚ ਅਨੀਤਾ ਹਰਿਆਣਾ, 63 ਕਿਲੋ 'ਚ ਸੁਮਨ ਕੁੰਡੂ ਹਰਿਆਣਾ, 67 ਕਿਲੋ 'ਚ ਗੀਤਿਕਾ
ਜਾਖੜ ਹਰਿਆਣਾ ਤੇ 72 ਕਿਲੋ 'ਚ ਅਨਮੋਲ ਹਰਿਆਣਾ ਸ਼ਾਮਲ ਹਨ।
ਜਸਵਿੰਦਰ ਸਿੰਘ ਭੰਡਾਰੀ ਜ਼ਿਲ੍ਹਾ ਖੇਡ ਅਫ਼ਸਰ ਚੁਣੇ
ਲੁਧਿਆਣਾ 18 ਸਤੰਬਰ -
ਲੁਧਿਆਣੇ ਵਿਚ ਪੰਜਾਬ ਖੇਡ ਵਿਭਾਗ ਦੇ ਕੋਚ ਵਜੋਂ ਕਾਫੀ ਲੰਮੇ ਸਮੇਂ ਤੋਂ ਆਪਣੀ ਡਿਊਟੀ
ਕਰ ਰਹੇ ਸਾਬਕਾ ਰਾਸ਼ਟਰੀ ਬਾਸਕਟਬਾਲ ਖਿਡਾਰੀ ਜਸਵਿੰਦਰ ਸਿੰਘ ਭੰਡਾਰੀ ਦੀਆਂ ਵਧੀਆ
ਸੇਵਾਵਾਂ ਨੂੰ ਵੇਖਦਿਆਂ ਪੰਜਾਬ ਸਰਕਾਰ ਨੇ ਉਨ੍ਹਾਂ ਨੂੰ ਲੁਧਿਆਣਾ ਦਾ ਜ਼ਿਲ੍ਹਾ ਖੇਡ
ਅਫਸਰ ਚੁਣ ਲਿਆ ਹੈ। ਸ. ਜਸਵਿੰਦਰ ਸਿੰਘ ਭੰਡਾਰੀ ਨੇ ਖੇਡ ਅਧਿਕਾਰੀ ਦਾ ਅਹੁਦਾ
ਸੰਭਾਲਣ ਉਪਰੰਤ ਆਖਿਆ ਕਿ ਉਨ੍ਹਾਂ ਦਾ ਮੁੱਖ ਮਕਸਦ ਹੇਠਲੇ ਪੱਧਰ ਤੋਂ ਖੇਡਾਂ ਨੂੰ
ਮਜ਼ਬੂਤ ਕਰਨਾ ਅਤੇ ਉਭਰਦੀ ਖੇਡ ਪ੍ਰਤਿਭਾ ਨੂੰ ਖੇਡਾਂ ਪ੍ਰਤੀ ਉਤਸ਼ਾਹਿਤ ਕਰਨਾ ਹੋਵੇਗਾ।
ਉਨ੍ਹਾਂ ਆਖਿਆ ਕਿ ਉਨ੍ਹਾਂ ਨੂੰ ਸਰਕਾਰ ਨੇ ਜੋ ਡਿਊਟੀ ਅਤੇ ਜ਼ਿੰਮੇਵਾਰੀ ਦਿੱਤੀ ਹੈ,
ਉਸ ਨੂੰ ਉਹ ਈਮਾਨਦਾਰੀ ਅਤੇ ਤਨਦੇਹੀ ਨਾਲ ਨਿਭਾਉਣਗੇ। ਇਸ ਮੌਕੇ 'ਤੇ ਪੰਜਾਬ ਰੂਰਲ
ਸਪਰੋਟਸ ਪ੍ਰਮੋਸ਼ਨ ਕੌਂਸਲ ਦੇ ਚੇਅਰਮੈਨ ਪਰਮਜੀਤ ਸਿੰਘ ਖੱਟੜਾ ਪ੍ਰਧਾਨ ਜਗਰੂਪ ਸਿੰਘ,
ਪ੍ਰਿਥੀਪਾਲ ਸਿੰਘ ਬਟਾਲਾ ਆਦਿ ਆਗੂਆਂ ਨੇ ਜਸਵਿੰਦਰ ਸਿੰਘ ਭੰਡਾਰੀ ਦੀ ਖੇਡ ਅਧਿਕਾਰੀ
ਵਜੋਂ ਨਿਯੁਕਤੀ ਦਾ ਸਵਾਗਤ ਕਰਦਿਆਂ ਪੰਜਾਬ ਦੇ ਖੇਡ ਮੰਤਰੀ ਗੁਲਜ਼ਾਰ ਸਿੰਘ ਰਣੀਕੇ,
ਡਾਇਰੈਕਟਰ ਸਪੋਰਟਸ ਪ੍ਰਗਟ ਸਿੰਘ, ਕੈਬਨਿਟ ਮੰਤਰੀ ਬਿਕਰਮ ਸਿੰਘ ਮਜੀਠੀਆ, ਜਥੇਦਾਰ
ਹੀਰਾ ਸਿੰਘ ਗਾਬੜੀਆ ਦਾ ਧੰਨਵਾਦ ਕੀਤਾ।
ਬਿੰਦਰਾ, ਸੁਸ਼ੀਲ ਤੇ ਵਿਜੇਂਦਰ ਦਾ 90 ਲੱਖ ਰੁਪਏ ਨਾਲ ਸਨਮਾਨ
ਨਵੀਂ ਦਿੱਲੀ, 18 ਸਤੰਬਰ -
ਭਾਰਤੀ ਖੇਡ ਮੰਤਰਾਲੇ ਵਲੋਂ ਬੀਜਿੰਗ ਉਲਪਿੰਕ ਖੇਡਾਂ 'ਚ ਤਗਮੇ ਜਿੱਤਣ ਵਾਲੇ ਭਾਰਤੀ
ਹੀਰੋ ਅਭਿਨੰਵ ਬਿੰਦਰਾ, ਸੁਸ਼ੀਲ ਕੁਮਾਰ ਤੇ ਵਿਜੇਂਦਰ ਕੁਮਾਰ ਨੂੰ 90 ਲੱਖ ਰੁਪਏ ਨਕਦ
ਦੇ ਕੇ ਸਨਮਾਨਿਆ ਗਿਆ। ਖੇਡ ਮੰਤਰੀ ਭਾਰਤ ਸਰਕਾਰ ਸ.. ਮਨੋਹਰ ਸਿੰਘ ਗਿੱਲ ਨੇ
ਅਭਿਨੰਵ ਬਿੰਦਰਾ ਨੂੰ 'ਏਅਰ ਰਾਈਫਲ ਦੇ 10 ਮੀਟਰ ਮੁਕਾਬਲੇ 'ਚ ਸੋਨ ਤਗਮਾ ਜਿੱਤਣ
'ਤੇ 50 ਲੱਖ ਦਾ ਇਨਾਮ ਦਿਤਾ ਜਦ ਕਿ ਵਿਜੇਂਦਰ ਕੁਮਾਰ ਨੂੰ ਮੁੱਕੇਬਾਜ਼ੀ 'ਚ ਤੇ ਕੁਸ਼ਤੀ
'ਚ ਸੁਸ਼ੀਲ ਕੁਮਾਰ ਵੱਲੋਂ ਕਾਂਸੀ ਤਗਮੇ ਜਿੱਤਣ 'ਤੇ 20-20 ਲੱਖ ਦੀ ਨਕਦ ਰਾਸ਼ੀ ਦਿਤੀ
ਗਈ।
ਲਾਹੌਰ ਲਾਇਨਜ਼ ਕਲੱਬ ਦਾ ਟਵੈਂਟੀ-20 ਕੱਪ 'ਤੇ ਕਬਜ਼ਾ
ਸਿਰਸਾ, 17 ਸਤੰਬਰ -
ਜੇ.ਸੀ.ਡੀ.ਵਿੱਦਿਆ-ਪੀਠ ਵਿਖੇ ਜੇ.ਸੀ.ਡੀ.ਆਈ.ਸੀ.ਐਲ. ਟਵੈਂਟੀ-20 ਕ੍ਰਿਕਟ ਮੁਕਾਬਲੇ
ਕਰਵਾਏ ਗਏ। ਜਿਸ ਵਿਚ ਪਾਕਿਸਤਾਨ ਦੀ ਲਾਹੌਰ ਲਾਇਨਜ ਕਲੱਬ ਟੀਮ ਨੇ ਏਅਰ ਫੋਰਸ ਦੀ
ਟੀਮ ਨੂੰ ਹਰਾਇਆ ਅਤੇ ਪੰਜ ਲੱਖ ਰੁਪਏ ਦੇ ਇਨਾਮ 'ਤੇ ਆਪਣਾ ਕਬਜ਼ਾ ਕੀਤਾ। ਜਦੋਂ ਕਿ
ਭਾਰਤੀ ਏਅਰ ਫੋਰਸ ਦੀ ਟੀਮ ਨੂੰ ਢਾਈ ਲੱਖ ਰੁਪਏ ਦਾ ਨਕਦ ਇਨਾਮ ਦਿੱਤਾ ਗਿਆ। ਅਦਨਾਨ
ਰੱਜਾ ਨੂੰ 'ਮੈਨ ਆਫ਼ ਦ ਮੈਚ' ਪੁਰਸਕਾਰ ਦਿੱਤਾ ਗਿਆ। ਇਨ੍ਹਾਂ ਮੈਚਾਂ ਦੌਰਾਨ ਵਧੀਆ
ਫੀਲਡਿੰਗ ਕਰਨ ਲਈ ਜਨ ਨਾਇਕ ਚੌਧਰੀ ਦੇਵੀ ਲਾਲ ਨੈਸ਼ਨਲ ਕ੍ਰਿਕਟ ਅਕਾਦਮੀ ਦੇ ਖਿਡਾਰੀ
ਖੇਮ ਚੰਦ ਨੂੰ ਜਦੋਂ ਕਿ ਵਧੀਆ ਬੱਲੇਬਾਜ਼ੀ ਕਰਨ 'ਤੇ ਭਾਰਤੀ ਏਅਰ ਫੋਰਸ ਦੇ ਖਿਡਾਰੀ
ਐਸ.ਐਸ.ਕਰਮਾਕਰ ਨੂੰ ਅਤੇ ਵਧੀਆ ਗੇਂਦਬਾਜ਼ੀ ਕਰਨ ਦਾ ਪੁਰਸਕਾਰ ਲਾਹੌਰ ਕਲੱਬ ਦੇ
ਖਿਡਾਰੀ ਖਾਕਨ ਅਰਸਲ ਨੂੰ ਦਿੱਤਾ ਗਿਆ। ਦਰਸ਼ਕਾਂ ਦਾ ਮਨੋਰੰਜਨ ਕਰਨ ਦੇ ਲਈ ਮੰਚ 'ਤੇ
ਕਾਂਟਾ ਲਗਾ ਫੇਮ ਸ਼ੇਫਾਲੀ ਜਰੀਵਾਲਾ, ਪੰਜਾਬੀ ਗਾਇਕ ਅਤੇ ਬੋਲੀਆਂ ਦੇ ਬਾਦਸ਼ਾਹ ਪੰਮੀ
ਬਾਈ ਨੇ ਆਪਣਾ ਪ੍ਰੋਗਰਾਮ ਪੇਸ਼ ਕੀਤਾ।
ਬਾਗੀ ਖਿਡਾਰੀਆਂ 'ਤੇ 10 ਸਾਲ ਦੀ ਰੋਕ
ਢਾਕਾ, 17 ਸਤੰਬਰ -
ਬੰਗਲਾਦੇਸ਼ ਕ੍ਰਿਕਟ ਬੋਰਡ ਨੇ ਇੰਡੀਅਨ ਕ੍ਰਿਕਟ ਲੀਗ ਵਿਚ ਸ਼ਾਮਿਲ ਹੋਣ ਵਾਲੇ 10
ਬੰਗਲਾਦੇਸ਼ੀ ਖਿਡਾਰੀਆਂ 'ਤੇ ਘਰੇਲੂ ਅਤੇ ਅੰਤਰਰਾਸ਼ਟਰੀ ਮੈਚ ਖੇਡਣ 'ਤੇ 10 ਸਾਲ ਲਈ
ਰੋਕ ਲਗਾ ਦਿੱਤੀ ਹੈ। ਇਨ੍ਹਾਂ ਖਿਡਾਰੀਆਂ 'ਚ ਸਾਬਕਾ ਕਪਤਾਨ ਹਬੀਬ ਉਲ ਬਸ਼ਰ,
ਸ਼ਾਹਰਿਆਰ ਨਫੀਸ ਅਤੇ ਆਫਤਾਬ ਅਹਿਮਦ ਪ੍ਰਮੁੱਖ ਹਨ। ਇਸ ਪਾਬੰਦੀ ਬਾਰੇ ਫੈਸਲਾ
ਬੰਗਲਾਦੇਸ਼ ਕ੍ਰਿਕਟ ਬੋਰਡ ਦੀ ਪ੍ਰਧਾਨ ਮੇਜਰ ਜਨਰਲ ਸੀਨਾ ਇਬਨ ਜਮਾਲੀ ਦਾ ਪ੍ਰਧਾਨਗੀ
ਹੇਠ ਮੀਟਿੰਗ 'ਚ ਲਿਆ ਗਿਆ। ਇਸ ਤੋਂ ਪਹਿਲਾਂ ਬੰਗਲਾਦੇਸ਼ ਕ੍ਰਿਕਟ ਬੋਰਡ (ਬੀ. ਸੀ.
ਬੀ.) ਨੇ ਇਹ ਕਹਿੰਦਿਆਂ ਬਾਗੀ ਖਿਡਾਰੀਆਂ ਦਾ ਅਸਤੀਫ਼ਾ ਮਨਜ਼ੂਰ ਕਰਨ ਤੋਂ ਇਨਕਾਰ ਕਰ
ਦਿੱਤਾ ਕਿ ਉਨ੍ਹਾਂ ਨੇ ਬਿਨਾ ਅਗਾਊਂ ਸੂਚਨਾ ਦਿੱਤਿਆਂ ਅਸਤੀਫ਼ਾ ਦੇ ਕੇ ਕਰਾਰ ਨੂੰ
ਤੋੜਿਆ ਹੈ।
20 ਸਤੰਬਰ ਨੂੰ ਪੰਜਾਬ ਰੂਰਲ ਸਪੋਰਟਸ ਪ੍ਰਮੋਸ਼ਨ ਕੌਂਸਲ ਦਾ ਸੈਮੀਨਾਰ
ਲੁਧਿਆਣਾ, 17 ਸਤੰਬਰ -
ਪੰਜਾਬ ਰੂਰਲ ਸਪੋਰਟਸ ਪ੍ਰਮੋਸ਼ਨ ਕੌਂਸਲ ਵਲੋਂ ਤੀਜਾ ਸੈਮੀਨਾਰ 20 ਸਤੰਬਰ ਨੂੰ ਮੰਡੌਰ
ਅਕੈਡਮੀ ਪਟਿਆਲਾ ਵਿਖੇ ਅਤੇ ਅਗਲਾ ਸੈਮੀਨਾਰ 27 ਸਤੰਬਰ ਨੂੰ ਜਰਖੜ ਹਾਕੀ ਅਕੈਡਮੀ
ਲੁਧਿਆਣਾ ਵਿਖੇ ਹੋਵੇਗਾ। ਇਨ੍ਹਾਂ ਸੈਮੀਨਾਰਾਂ ਦਾ ਮੁੱਖ ਮਕਸਦ ਪੇਂਡੂ ਖੇਡਾਂ ਕਿਸ
ਤਰ੍ਹਾਂ ਕਰਾਈਆਂ ਜਾਣ ਅਤੇ ਪੇਂਡੂ ਖੇਡਾਂ ਦੀ ਉਲੰਪਿਕ ਖੇਡਾਂ ਤੱਕ ਪਹੁੰਚ ਬਣਾਉਣ ਲਈ
ਕਿਹੜੇ ਢੰਗ ਵਰਤੇ ਜਾਣ। ਇਨ੍ਹਾਂ ਸੈਮੀਨਾਰਾਂ ਵਿਚ ਵੱਖ ਵੱਖ ਖੇਡ ਮਾਹਰਾਂ ਵਲੋਂ ਖੇਡ
ਪਰਚੇ ਵੀ ਵੰਡੇ ਜਾਣਗੇ। ਕੌਂਸਲ ਦੇ ਚੇਅਰਮੈਨ ਪਰਮਜੀਤ ਸਿੰਘ ਖੱਟੜਾ, ਪਹਿਲਵਾਨ
ਹਰਮੇਲ ਸਿੰਘ ਨੇ ਦੱਸਿਆ ਕਿ ਸੈਮੀਨਾਰ ਵਿਚ ਕੌਂਸਲ ਦੇ ਪ੍ਰਮੁੱਖ ਬੁਲਾਰੇ ਖੇਡ ਲੇਖਕ
ਅਤੇ ਹੋਰ ਖੇਡ ਚਿੰਤਕ ਵਿਸ਼ੇਸ਼ ਤੌਰ 'ਤੇ ਪਹੁੰਚਣਗੇ, ਜਦਕਿ ਅਕਾਲੀ ਆਗੂ ਪ੍ਰੇਮ ਸਿੰਘ
ਚੰਦੂਮਾਜਰਾ ਅਤੇ ਵਿਧਾਇਕ ਸੁਰਜੀਤ ਸਿੰਘ ਰੱਖੜਾ ਇਸ ਸਮਾਗਮ ਵਿੱਚ ਮੁੱਖ ਮਹਿਮਾਨ ਵਜੋਂ
ਪੁੱਜਣਗੇ।
ਭਾਰਤ ਤੇ ਆਸਟਰੇਲੀਆ ਵਿਚਕਾਰ ਹੋਣ ਵਾਲਾ ਮੈਚ ਪੇਂਡੂ ਬੱਚਿਆਂ ਨੂੰ ਮੁਫ਼ਤ ਦਿਖਾਇਆ
ਜਾਵੇਗਾ
ਅਜੀਤ ਨਗਰ, 18 ਸਤੰਬਰ -
ਪੀ. ਸੀ. ਏ. ਕ੍ਰਿਕਟ ਸਟੇਡੀਅਮ ਵਿਚ 17 ਤੋਂ 21 ਅਕਤੂਬਰ ਨੂੰ ਭਾਰਤ ਅਤੇ
ਆਸਟ੍ਰੇਲੀਆ ਵਿਚਕਾਰ ਮੁਕਾਬਲੇ ਹੋਣੇ ਹਨ। ਪੰਜਾਬ ਕ੍ਰਿਕਟ ਐਸੋਸੀਏਸ਼ਨ ਨੇ ਫੈਸਲਾ ਕੀਤਾ
ਹੈ ਕਿ ਇਸ ਵਿਚ ਹੋਣ ਵਾਲੇ ਦੂਜੇ ਟੈਸਟ ਮੈਚ ਨੂੰ ਦੇਖਣ ਲਈ ਪੇਂਡੂ ਬੱਚਿਆਂ ਨੂੰ
ਮੁਫ਼ਤ ਐਂਟਰੀ ਅਤੇ ਖਾਣ-ਪੀਣ ਦਾ ਪ੍ਰਬੰਧ ਵੀ ਪੀ. ਸੀ. ਏ. ਵੱਲੋਂ ਹੀ ਮੁਫ਼ਤ ਕੀਤਾ
ਜਾਵੇਗਾ ਜਦੋਂ ਕਿ ਪੇਂਡੂ ਬੱਚਿਆਂ ਨੂੰ ਆਉਣ-ਜਾਣ ਲਈ ਸਰਕਾਰ ਵੱਲੋਂ ਮੁਫ਼ਤ ਬੱਸਾਂ ਦਾ
ਪ੍ਰਬੰਧ ਕੀਤਾ ਜਾਵੇਗਾ। ਇਸ ਗੱਲ ਦਾ ਪ੍ਰਗਟਾਵਾ ਪੀ. ਸੀ. ਏ. ਦੇ ਪ੍ਰਧਾਨ ਸ੍ਰੀ ਆਈ
.ਐਸ. ਬਿੰਦਰਾ ਨੇ ਪੀ. ਸੀ. ਏ. ਕ੍ਰਿਕਟ ਸਟੇਡੀਅਮ ਮੁਹਾਲੀ ਵਿਖੇ ਪੱਤਰਕਾਰ ਸੰਮੇਲਨ
ਨੂੰ ਸੰਬੋਧਨ ਕਰਦਿਆਂ ਕੀਤਾ। ਇਸ ਟੈਸਟ ਮੈਚ ਨੂੰ ਦੇਖਣ ਲਈ ਟਿਕਟਾਂ ਦੇ ਰੇਟ ਵੀ
ਘਟਾਏ ਗਏ ਹਨ। ਉਨ੍ਹਾਂ ਕਿਹਾ ਕਿ ਇਹ ਫੈਸਲਾ ਪੀ ਸੀ ਏ ਦੀ ਆਰਗੇਨਾਈਜਿੰਗ ਕਮੇਟੀ ਦੇ
ਚੇਅਰਮੈਨ ਸ. ਸੁਖਬੀਰ ਸਿੰਘ ਬਾਦਲ ਪ੍ਰਧਾਨ ਸ਼੍ਰੋਮਣੀ ਅਕਾਲੀ ਦਲ ਦੀ ਅਗਵਾਈ ਹੇਠ ਹੋਈ
ਮੀਟਿੰਗ ਵਿਚ ਲਿਆ ਗਿਆ।
ਬੂਈਆਂ ਵਾਲਾ ਦੇ ਕਬੱਡੀ ਟੂਰਨਾਮੈਂਟ 'ਚ ਜਲਾਦੀਵਾਲ ਦੀ ਬੱਲੇ ਬੱਲੇ
ਤਲਵੰਡੀ ਭਾਈ, 18 ਸਤੰਬਰ :
8ਵਾਂ ਆਲ ਓਪਨ ਕਬੱਡੀ ਕੱਪ ਤਲਵੰਡੀ ਭਾਈ ਦੇ ਨੇੜੇ ਪਿੰਡ ਬੂਈਆਂ ਵਾਲਾ ਵਿਖੇ ਕਰਵਾਇਆ
ਗਿਆ। ਇਸ ਟੂਰਨਾਮੈਂਟ ਦੌਰਾਨ 42 ਕਿਲੋਗ੍ਰਾਮ ਭਾਰ ਵਰਗ ਦੀਆਂ ਟੀਮ ਦੇ ਮੁਕਾਬਲੇ ਖਾਰਾ
ਪਹਿਲੇ ਅਤੇ ਰੌਂਤਾ ਦੂਜੇ ਸਥਾਨ 'ਤੇ ਰਿਹਾ। 54 ਕਿਲੋ ਭਾਰ ਵਰਗ 'ਚ ਬੂਈਆਂ ਵਾਲਾ
ਪਹਿਲੇ ਤੇ ਕੁੱਕਰੜ ਦੂਜੇ ਸਥਾਨ 'ਤੇ ਰਿਹਾ। ਇਸੇ ਤਰ੍ਹਾਂ 70 ਕਿਲੋਗ੍ਰਾਮ ਭਾਰ ਵਰਗ
'ਚ ਪਿੰਡ ਖੋਸਾ ਕੋਟਲਾ ਦੀ ਟੀਮ ਨੇ ਪਹਿਲਾ ਸਥਾਨ ਹਾਸਲ ਕੀਤਾ ਜਦਕਿ ਬੂਈਆਂ ਵਾਲਾ ਦੀ
ਟੀਮ ਦੂਜੇ ਸਥਾਨ 'ਤੇ ਰਹੀ। ਆਲ ਓਪਨ ਕਬੱਡੀ ਦੇ ਦਿਲਚਸਪ ਮੁਕਾਬਲਿਆਂ ਦੌਰਾਨ ਫ਼ਾਈਨਲ
ਮੈਚ ਜਲਾਲੀਵਾਲ ਅਤੇ ਪਿੱਧੋ ਦੀਆਂ ਟੀਮਾਂ ਵਿਚਕਾਰ ਮੈਚ 'ਚ ਜਲਾਲਦੀਵਾਲ ਦੀ ਟੀਮ ਨੇ
ਜੇਤੂ ਰਹਿ ਕੇ ਕੱਪ 'ਤੇ ਕਬਜ਼ਾ ਕੀਤਾ। ਆਲ ਓਪਨ ਕਬੱਡੀ 'ਚੋਂ ਸੁਖਬੀਰ ਸਰਾਵਾਂ ਨੂੰ
ਬੈਸਟ ਰੇਡਰ ਚੁਣਿਆ ਗਿਆ ਜਦਕਿ ਬੈਸਟ ਸਟਾਪਰ ਪੱਪੂ ਚੂਹੜਚੱਕ ਨੂੰ ਚੁਣਿਆ ਗਿਆ। ਉਕਤ
ਖਿਡਾਰੀਆਂ ਨੂੰ 5-5 ਕਿਲੋ ਦੇਸੀ ਘਿਉ ਨਾਲ ਸਨਮਾਨਿਆ ਗਿਆ। ਇਸ ਸਮੇਂ ਗਮਦੂਰ ਸਿੰਘ
ਖੇਡ ਪ੍ਰਮੋਟਰ, ਰਿੰਪਾ ਹਰਾਜ, ਮਹਿੰਦਰ ਸਿੰਘ ਦਾ ਵਿਸ਼ੇਸ਼ ਸਨਮਾਨ ਹੋਇਆ। ਟੂਰਨਾਮੈਂਟ
ਵਿਚ ਲੜਕੀਆਂ ਦੀ ਕਬੱਡੀ ਦੇ ਸ਼ੋਅ ਮੈਚ ਖਿੱਚ ਦਾ ਕੇਂਦਰ ਰਹੇ ਜਿਸ ਦੌਰਾਨ ਨਵਾਂ ਸ਼ਹਿਰ
ਅਤੇ ਫਿਰੋਜ਼ਪੁਰ ਦੀਆਂ ਲੜਕੀਆਂ ਵਿਚਕਾਰ ਮੁਕਾਬਲਾ ਹੋਇਆ ਜਿਸ 'ਚ ਨਵਾਂਸ਼ਹਿਰ ਦੀਆਂ
ਲੜਕੀਆਂ ਜੇਤੂ ਰਹੀਆਂ।
ਪੰਜਾਬ
ਰੂਰਲ ਸਪੋਰਟਸ ਪ੍ਰਮੋਸ਼ਨ ਕੌਂਸਲ ਦਾ ਸੈਮੀਨਾਰ 20 ਨੂੰ
ਲੁਧਿਆਣਾ, 17 ਸਤੰਬਰ -ਪੰਜਾਬ
ਰੂਰਲ ਸਪੋਰਟਸ ਪ੍ਰਮੋਸ਼ਨ ਕੌਂਸਿਲ ਵਲੋਂ ਤੀਸਰਾ ਸੈਮੀਨਾਰ 20 ਸਤੰਬਰ ਨੂੰ ਮੰਡੌਰ
ਅਕੈਡਮੀ ਪਟਿਆਲਾ ਵਿਖੇ ਅਤੇ ਅਗਲਾ ਸੈਮੀਨਾਰ 27 ਸਤੰਬਰ ਨੂੰ ਜਰਖੜ ਹਾਕੀ ਅਕੈਡਮੀ
ਲੁਧਿਆਣਾ ਵਿਖੇ ਹੋਵੇਗਾ। ਇਨ੍ਹਾਂ ਸੈਮੀਨਾਰਾਂ ਦਾ ਮੁੱਖ ਮਕਸਦ ਪੇਂਡੂ ਖੇਡਾਂ ਕਿਸ
ਤਰ੍ਹਾਂ ਕਰਾਈਆਂ ਜਾਣ ਅਤੇ ਪੇਂਡੂ ਖੇਡਾਂ ਦੀ ਉਲੰਪਿਕ ਖੇਡਾਂ ਤੱਕ ਪਹੁੰਚ ਬਣਾਉਣ ਲਈ
ਕਿਹੜੇ ਹੀਲੇ ਵਸੀਲੇ ਵਰਤੇ ਜਾਣ ਹੋਵੇਗਾ। ਇਨ੍ਹਾਂ ਸੈਮੀਨਾਰਾਂ ਵਿਚ ਵੱਖ ਵੱਖ ਖੇਡ
ਮਾਹਰਾਂ ਵਲੋਂ ਖੇਡ ਪਰਚੇ ਵੀ ਵੰਡੇ ਜਾਣਗੇ। ਕੌਂਸਲ ਦੇ ਚੇਅਰਮੈਨ ਪਰਮਜੀਤ ਸਿੰਘ
ਖੱਟੜਾ, ਪਹਿਲਵਾਨ ਹਰਮੇਲ ਸਿੰਘ ਨੇ ਦੱਸਿਆ ਕਿ ਸੈਮੀਨਾਰ ਵਿਚ ਕੌਂਸਲ ਦੇ ਪ੍ਰਮੁੱਖ
ਬੁਲਾਰੇ ਖੇਡ ਲੇਖਕ ਅਤੇ ਹੋਰ ਖੇਡ ਚਿੰਤਕ ਵਿਸ਼ੇਸ਼ ਤੌਰ 'ਤੇ ਪਹੁੰਚਣਗੇ, ਜਦਕਿ ਅਕਾਲੀ
ਆਗੂ ਪ੍ਰੇਮ ਸਿੰਘ ਚੰਦੂਮਾਜਰਾ ਅਤੇ ਵਿਧਾਇਕ ਸੁਰਜੀਤ ਸਿੰਘ ਰੱਖੜਾ ਇਸ ਸਮਾਗਮ ਵਿੱਚ
ਮੁੱਖ ਮਹਿਮਾਨ ਵਜੋਂ ਪੁੱਜਣਗੇ।
ਸਿੱਖਿਆ ਵਿਭਾਗ ਪੰਜਾਬ ਵੱਲੋਂ ਖੇਡ ਕੈਲੰਡਰ 'ਚ ਫੇਰ ਬਦਲ
ਜਲੰਧਰ, 17 ਸਤੰਬਰ -ਸਿੱਖਿਆ
ਵਿਭਾਗ ਪੰਜਾਬ ਸਕੂਲ (ਚੰਡੀਗੜ੍ਹ) ਪੰਜਾਬ ਵੱਲੋਂ ਸਾਲ 2008-09 ਦੇ ਖੇਡ ਕੈਲੰਡਰ
ਵਿਚ ਕੁਝ ਤਬਦੀਲੀਆਂ ਕੀਤੀਆਂ ਗਈਆਂ ਹਨ। ਸਿੱਖਿਆ ਵਿਭਾਗ ਪੰਜਾਬ ਦੇ ਇਕ ਬੁਲਾਰੇ ਨੇ
ਦੱਸਿਆ ਕਿ ਬਾਸਕਿਟਬਾਲ ਅੰਡਰ 19 ਸਾਲ ਲੜਕੇ ਜੋ ਸੰਗਰੂਰ ਵਿਖੇ 11 ਅਕਤੂਬਰ ਤੋਂ ਹੋਣੇ
ਸਨ ਉਹ ਹੁਣ 22 ਅਕਤੂਬਰ ਨੂੰ ਕਰਵਾਏ ਜਾਣਗੇ। ਬਾਸਕਿਟਬਾਲ ਅੰਡਰ 19 ਸਾਲ ਲੜਕੀਆਂ ਜੋ
18 ਅਕਤੂਬਰ ਨੂੰ ਕਰਵਾਏ ਜਾਣੇ ਸਨ ਉਹ 15 ਨਵੰਬਰ ਨੂੰ ਕਰਵਾਏ ਜਾਣਗੇ। ਅਥਲੈਟਿਕਸ ਦੇ
ਮੁਕਾਬਲੇ ਜੋ ਲੁਧਿਆਣਾ ਵਿਖੇ 17 ਨਵੰਬਰ ਤੋਂ ਕਰਵਾਏ ਜਾਣੇ ਸਨ, ਉਹ ਹੁਣ 25 ਨੂੰ
ਕਰਵਾਏ ਜਾਣਗੇ। ਕ੍ਰਿਕਟ ਅੰਡਰ 16 ਸਾਲ ਲੜਕੇ ਵਰਗ ਦੇ ਮੁਕਾਬਲੇ ਜੋ 26 ਸਤੰਬਰ ਨੂੰ
ਲੁਧਿਆਣਾ ਵਿਖੇ ਕਰਵਾਏ ਜਾਂਦੇ ਸਨ। ਉਹ ਹੁਣ ਸੰਗਰੂਰ ਵਿਖੇ ਕਰਵਾਏ ਜਾਣਗੇ। ਮਾਰਸ਼ਲ
ਆਰਟ ਦੇ ਮੁਕਾਬਲੇ 17 ਤੋਂ 19 ਸਾਲ ਲੜਕੇ ਵਰਗ ਦੇ ਮੁਕਾਬਲੇ ਜੋ 26 ਸਤੰਬਰ ਨੂੰ
ਬਠਿੰਡਾ ਵਿਖੇ ਕਰਵਾਏ ਜਾਣੇ ਸਨ ਉਹ ਹੁਣ 22 ਅਕਤੂਬਰ ਨੂੰ ਮੋਹਾਲੀ ਵਿਖੇ ਕਰਵਾਏ
ਜਾਣਗੇ। ਫੁੱਟਬਾਲ ਅੰਡਰ 16 ਸਾਲ ਲੜਕੇ ਵਰਗ ਦੇ ਮੁਕਾਬਲੇ ਜੋ 1 ਅਕਤੂਬਰ ਤੋਂ
ਹੁਸ਼ਿਆਰਪੁਰ ਵਿਖੇ ਕਰਵਾਏ ਜਾਣੇ ਸਨ ਉਹ ਹੁਣ 10 ਅਕਤੂਬਰ ਤੋਂ ਹੁਸ਼ਿਆਰਪੁਰ ਵਿਖੇ
ਕਰਵਾਏ ਜਾਣਗੇ। ਕਬੱਡੀ ਅੰਡਰ 14 ਸਾਲ ਲੜਕੇ ਵਰਗ ਦੇ ਮੁਕਾਬਲੇ ਜੋ 11 ਅਕਤੂਬਰ ਤੋਂ
ਸੰਗਰੂਰ ਵਿਖੇ ਕਰਵਾਏ ਜਾਣੇ ਸਨ, ਉਹ ਮੁਕਾਬਲੇ ਹੁਣ 11 ਅਕਤੂਬਰ ਤੋਂ ਮੁਹਾਲੀ ਵਿਖੇ
ਕਰਵਾਏ ਜਾਣਗੇ। ਖੋ-ਖੋ ਅੰਡਰ 17 ਤੇ 19 ਸਾਲ ਲੜਕੀਆਂ ਦੇ ਮੁਕਾਬਲੇ ਜੋ 11 ਅਕਤੂਬਰ
ਤੋਂ ਰੋਪੜ ਵਿਖੇ ਕਰਵਾਏ ਜਾਣੇ ਸਨ, ਉਹ ਮੁਕਾਬਲੇ ਹੁਣ 11 ਅਕਤੂਬਰ ਤੋਂ ਫਤਹਿਗੜ੍ਹ
ਸਾਹਿਬ ਵਿਖੇ ਕਰਵਾਏ ਜਾਣਗੇ। ਹਾਕੀ ਅੰਡਰ 17 ਸਾਲ ਲੜਕੇ ਜੋ 18 ਅਕਤੂਬਰ ਤੋਂ
ਫਿਰੋਜ਼ਪੁਰ ਵਿਖੇ ਕਰਵਾਏ ਜਾਣੇ ਸਨ ਉਹ ਹੁਣ 18 ਅਕਤੂਬਰ ਤੋਂ ਕਪੂਰਥਲਾ ਵਿਖੇ ਕਰਵਾਏ
ਜਾਣਗੇ। ਹਾਕੀ ਅੰਡਰ 19 ਸਾਲ ਲੜਕੇ ਤੇ ਲੜਕੀਆਂ ਦੇ ਵਰਗ ਦੇ ਮੁਕਾਬਲੇ ਜੋ 6 ਅਕਤੂਬਰ
ਤੋਂ ਲੁਧਿਆਣਾ ਵਿਖੇ ਕਰਵਾਏ ਜਾਣੇ ਸਨ ਉਹ ਹੁਣ 22 ਅਕਤੂਬਰ ਤੋਂ ਕਰਵਾਏ ਜਾਣਗੇ।
ਥਰੋਬਾਲ ਅੰਡਰ 17 ਸਾਲ ਲੜਕੇ ਤੇ ਲੜਕੀਆਂ ਦੇ ਵਰਗ ਦੇ ਮੁਕਾਬਲੇ ਜੋ 18 ਅਕਤੂਬਰ ਤੋਂ
ਫਿਰੋਜ਼ਪੁਰ ਵਿਖੇ ਕਰਵਾਏ ਜਾਣੇ ਸਨ ਉਹ ਹੁਣ 22 ਅਕਤੂਬਰ ਤੋਂ ਕਰਵਾਏ ਜਾਣਗੇ।
ਹੈਂਡਬਾਲ ਅੰਡਰ 17 ਸਾਲ ਲੜਕੇ ਤੇ ਲੜਕੀਆਂ ਦੇ ਵਰਗ ਦੇ ਮੁਕਾਬਲੇ ਜੋ ਫਿਰੋਜ਼ਪੁਰ ਵਿਖੇ
ਕਰਵਾਏ ਜਾਂਦੇ ਸਨ ਉਹ ਹੁਣ 22 ਅਕਤੂਬਰ ਤੋਂ ਫਿਰੋਜ਼ਪੁਰ ਵਿਖੇ ਕਰਵਾਏ ਜਾਣਗੇ।
ਤੀਰ-ਅੰਦਾਜ਼ੀ ਅੰਡਰ 14, 17 ਤੇ 19 ਸਾਲ ਲੜਕੇ ਤੇ ਲੜਕੀਆਂ ਦੇ ਵਰਗ ਦੇ ਮੁਕਾਬਲੇ ਜੋ
18 ਅਕਤੂਬਰ ਤੋਂ ਫਿਰੋਜ਼ਪੁਰ ਵਿਖੇ ਕਰਵਾਏ ਜਾਣੇ ਸਨ ਉਹ ਮੁਕਾਬਲੇ ਹੁਣ 6 ਅਕਤੂਬਰ
ਤੋਂ ਪਟਿਆਲਾ ਵਿਖੇ ਕਰਵਾਏ ਜਾਣਗੇ।
ਢੁੱਡੀਕੇ ਟੂਰਨਾਮੈਂਟ 'ਚ ਚੱਕਰ ਟੀਮ ਦੀ ਬੱਲੇ
ਬੱਲੇ
ਅਜੀਤਵਾਲ, 16 ਸਤੰਬਰ -ਗਦਰੀ
ਬਾਬਿਆਂ ਦੇ ਨਗਰ ਢੁੱਡੀਕੇ ਵਿਖੇ 5ਵਾਂ ਸੰਤ ਉਜਾਗਰ ਸਿੰਘ ਯਾਦਗਾਰੀ ਕਬੱਡੀ ਓਪਨ
ਟੂਰਨਾਮੈਂਟ ਯਾਦਗਾਰੀ ਹੋ ਨਿਬੜਿਆ। ਜਦ ਸਿੱਖ ਕਬੱਡੀ ਫੈਡਰੇਸ਼ਨ (ਅਮਰੀਕਾ) ਦੇ
ਪ੍ਰਧਾਨ ਸ: ਗੁਰਪਾਲ ਸਿੰਘ ਹੰਸਰਾ ਦੇ ਸਿੱਖ ਕੇਸਾਧਾਰੀ ਖਿਡਾਰੀਆਂ ਨੇ ਕਾਮਰੇਡਾਂ ਦੇ
ਨਗਰ 'ਚ 15 ਸਾਲ ਤੋਂ ਘੱਟ ਬੱਚਿਆਂ ਅਤੇ ਆਲ ਓਪਨ ਕੇਸਾਧਾਰੀ ਸਾਬਤ ਸਿੱਖ ਨੌਜਵਾਨਾਂ
ਨੇ ਕਬੱਡੀ 'ਚ ਆਪਣੇ ਜ਼ੋਰ ਦਿਖਾਏ । ਟੂਰਨਾਮੈਂਟ 'ਚ ਕੁੱਲ 40 ਟੀਮਾਂ ਨੇ ਪਿੰਡ ਵਾਰ
ਓਪਨ 'ਚ ਹਿੱਸਾ ਲਿਆ। ਫਾਈਨਲ ਵਿਚ ਦੌਧਰ ਅਤੇ ਚੱਕਰ ਦੀਆਂ ਟੀਮਾਂ ਵਿਚਕਾਰ ਹੋਇਆ,
ਚੱਕਰ ਪਿੰਡ ਦੀ ਟੀਮ ਜੇਤੂ ਹੋ ਨਿਬੜੀ। ਸਿੱਖ ਕਬੱਡੀ ਫੈਡਰੇਸ਼ਨ (ਅਮਰੀਕਾ) ਦੇ 15
ਸਾਲ ਤੋਂ ਘੱਟ ਕੇਸਾਧਾਰੀ ਬੱਚਿਆਂ ਨੇ ਸ਼ੋਅ ਮੈਚ ਰਾਹੀਂ ਸਭ ਦਾ ਮਨ ਮੋਹ ਲਿਆ।
ਰਾਜ ਪੱਧਰੀ ਬਾਲ ਬੈਡਮਿੰਟਨ ਚੈਂਪੀਅਨਸ਼ਿਪ ਦਾ ਆਗਾਜ਼ ਕੱਲ੍ਹ ਤੋਂ
ਅਜੀਤ ਨਗਰ, 16 ਸਤੰਬਰ -ਪਹਿਲੀ
ਰਾਜ ਪੱਧਰੀ ਬਾਲ ਬੈਡਮਿੰਟਨ (ਅੰਡਰ 14 ਸਾਲ ਲੜਕੇ/ਲੜਕੀਆਂ) ਦੀ ਚੈਂਪੀਅਨਸ਼ਿਪ 18 ਅਤੇ
19 ਸਤੰਬਰ ਨੂੰ ਬਾਬਾ ਮਲ ਦਾਸ ਪਬਲਿਕ ਸਕੂਲ ਸੈਕਟਰ 63 ਮੁਹਾਲੀ ਚੰਡੀਗੜ੍ਹ ਵਿਖੇ
ਕਰਵਾਈ ਜਾਵੇਗੀ। ਮੁਹਾਲੀ ਬਾਲ ਬੈਡਮਿੰਟਨ ਐਸੋਸੀਏਸ਼ਨ ਦੇ ਪ੍ਰਧਾਨ ਸ. ਬਲਦੇਵ ਸਿੰਘ
ਕੁੰਭੜਾ ਨੇ ਦੱਸਿਆ ਕਿ ਇਸ ਚੈਂਪੀਅਨਸ਼ਿਪ ਵਿਚ ਰਾਜ ਦੇ ਵੱਖ-ਵੱਖ ਜ਼ਿਲ੍ਹਿਆਂ ਤੋਂ 400
ਖਿਡਾਰੀ ਭਾਗ ਲੈਣਗੇ।
31ਵੀਂ ਆਲ ਇੰਡੀਆ ਸਬ ਜੂਨੀਅਰ ਫੁੱਟਬਾਲ ਚੈਂਪੀਅਨਸ਼ਿਪ 20 ਸਤੰਬਰ ਤੋਂ
ਮਾਹਿਲਪਰ, 16 ਸਤੰਬਰ -ਪੰਜਾਬ
ਫੁੱਟਬਾਲ ਐਸੋਸੀਏਸ਼ਨ ਅਤੇ ਪ੍ਰਿੰਸੀਪਲ ਹਰਭਜਨ ਸਪੋਰਟਿੰਗ ਕਲੱਬ ਮਾਹਿਲਪੁਰ ਵੱਲੋਂ
31ਵੀਂ ਆਲ ਇੰਡੀਆ ਸਬ ਜੂਨੀਅਰ ਫੁੱਟਬਾਲ ਚੈਂਪੀਅਨਸ਼ਿਪ 20 ਸਤੰਬਰ ਤੋਂ 6 ਅਕਤੂਬਰ
ਤੱਕ ਖਾਲਸਾ ਕਾਲਜ ਮਾਹਿਲਪੁਰ ਵਿਖੇ ਕਰਵਾਈ ਜਾ ਰਹੀ ਹੈ। ਜਿਸ ਦਾ ਉਦਘਾਟਨ ਮੁੱਖ
ਮੰਤਰੀ ਪ੍ਰਕਾਸ਼ ਸਿੰਘ ਬਾਦਲ ਕਰਨਗੇ। ਇਸ ਟੂਰਨਾਮੈਂਟ ਵਿਚ ਦੇਸ਼ ਭਰ ਵਿਚ ਵੱਖ ਵੱਖ
ਰਾਜਾਂ ਦੀਆਂ 26 ਟੀਮਾਂ ਹਿੱਸਾ ਲੈ ਰਹੀਆਂ ਹਨ।
ਅੰਤਰ ਕਾਲਜ ਟੇਬਲ ਟੈਨਿਸ ਚੈਂਪੀਅਨਸ਼ਿਪ ਮੋਦੀ ਕਾਲਜ ਟੇਬਲ ਟੈਨਿਸ ਮੁਕਾਬਲੇ ਵਿੱਚ
ਜੇਤੂ
ਪਟਿਆਲਾ, 16 ਸਤੰਬਰ -ਪੰਜਾਬੀ
ਯੂਨੀਵਰਸਿਟੀ ਅੰਤਰ ਕਾਲਜ ਟੇਬਲ ਟੈਨਿਸ ਮੁਕਾਬਲਿਆਂ ਦੇ ਪੁਰਸ਼ ਵਰਗ 'ਚ ਯੂਨੀਵਰਸਿਟੀ
ਕੈਂਪਸ ਤੇ ਮਹਿਲਾ ਵਰਗ 'ਚ ਮੁਲਤਾਨੀ ਮੱਲ ਮੋਦੀ ਕਾਲਜ ਦੀਆਂ ਮੁਟਿਆਰਾਂ ਨੇ ਖਿਤਾਬੀ
ਜਿੱਤਾਂ ਹਾਸਿਲ ਕੀਤੀਆਂ। ਪੁਰਸ਼ਾਂ ਦੇ ਫਾਈਨਲ ਮੁਕਾਬਲੇ 'ਚ ਪੰਜਾਬੀ ਯੂਨੀਵਰਸਿਟੀ
ਕੈਂਪਸ ਦੀ ਟੀਮ ਨੇ ਮੋਦੀ ਕਾਲਜ ਨੂੰ 3-0 ਨਾਲ ਹਰਾ ਕੇ ਖਿਤਾਬ ਜਿੱਤਿਆ। ਇਸ ਮੁਕਾਬਲੇ
'ਚ ਵਰਸਿਟੀ ਕੈਂਪਸ ਦੇ ਗੁਰਵੀਰ ਸਿੰਘ ਨੇ ਮੋਦੀ ਕਾਲਜ ਦੇ ਵਿਪਨ ਚੰਦ ਨੂੰ ਹਰਾਇਆ।
ਦੂਜੇ ਮੈਚ 'ਚ ਵਰਸਿਟੀ ਕੈਂਪਸ ਦੇ ਖਿਡਾਰੀ ਅਰੁਨ ਦੁਆ ਨੇ ਮੋਦੀ ਕਾਲਜ ਦੇ ਲਕਸ਼ਦੀਪ
ਨੂੰ ਹਰਾਇਆ। ਤੀਜੇ ਮੈਚ 'ਚ ਵਰਸਿਟੀ ਦੇ ਲਖਵੀਰ ਸਿੰਘ ਨੇ ਮੋਦੀ ਕਾਲਜ ਦੇ ਮਨਜੀਤ
ਸਿੰਘ ਨੂੰ ਹਰਾਇਆ। ਇਸ ਤਰ੍ਹਾਂ ਵਰਸਿਟੀ ਕੈਂਪਸ ਦੀ ਟੀਮ ਨੇ ਮੋਦੀ ਕਾਲਜ ਨੂੰ 3-0
ਨਾਲ ਹਰਾ ਕੇ ਖਿਤਾਬੀ ਜਿੱਤ ਹਾਸਲ ਕੀਤੀ। ਮਹਿਲਾ ਵਰਗ 'ਚ ਮੋਦੀ ਕਾਲਜ ਦੀ ਟੀਮ ਨੇ
ਵਰਸਿਟੀ ਕੈਂਪਸ ਨੂੰ 3-1 ਨਾਲ ਹਰਾ ਕੇ ਚੈਂਪੀਅਨ ਬਣਨ ਦਾ ਮਾਣ ਪ੍ਰਾਪਤ ਕੀਤਾ।
ਕਿਸ਼ਨਪੁਰਾ ਕਲਾਂ ਦਾ ਕਬੱਡੀ ਟੂਰਨਾਮੈਂਟ ਦਾ ਧੂਮ ਧੜੱਕੇ ਨਾਲ ਆਗਾਜ਼
ਕਿਸ਼ਨਪੁਰਾ ਕਲਾਂ 16 ਸਤੰਬਰ -
ਸ੍ਰੀ ਮਾਨ 108 ਸੰਤ ਬਾਬਾ ਵਿਸਾਖਾ ਸਿੰਘ ਜੀ ਦੀ ਯਾਦ ਨੂੰ ਸਮਰਪਤ ਮਨਾਈ ਗਈ 40 ਵੀਂ
ਬਰਸੀ ਮੌਕੇ ਟੂਰਨਾਮੈਂਟ ਕਮੇਟੀ ਵਲੋਂ ਪਿੰਡ ਵਾਸੀਆਂ ਅਤੇ ਦੇਸ਼ਾਂ ਵਿਦੇਸਾਂ 'ਚ ਵਸਦੇ
ਖੇਡ ਪ੍ਰੇਮੀਆਂ ਦੇ ਸਹਿਯੋਗ ਨਾਲ 34ਵਾਂ ਸ਼ਾਨਦਾਰ ਗੋਲਡ ਕਬੱਡੀ ਕੱਪ ਸਰਕਾਰੀ ਸੀਨੀਅਰ
ਸੈਕਡਰੀ ਸਕੂਲ ਕਿਸ਼ਨਪੁਰਾ ਕਲਾਂ ਦੇ ਗਰਾਊਂਡ ਵਿਚ ਸ਼ੁਰੂ ਹੋਇਆ। ਤਿੰਨ ਦਿਨਾ ਚੱਲਣ
ਵਾਲੇ ਇਸ ਕਬੱਡੀ ਟੂਰਨਾਮੈਂਟ ਵਿੱਚ 50 ਕਿਲੋ ਕਬੱਡੀ ਦਾ ਪਹਿਲਾ ਮੈਚ ਕਿਸ਼ਨਪੁਰਾ ਕਲਾਂ
ਅਤੇ ਤਲਵੰਡੀ ਮੱਲੀਆਂ ਦੇ ਖਿਡਾਰੀਆਂ ਵਿਚਕਾਰ ਕਰਵਾਇਆ ਗਿਆ। ਜਿਸ ਵਿਚ ਕਿਸ਼ਨਪੁਰਾ ਕਲਾਂ
ਦੀ ਟੀਮ ਜੇਤੂ ਰਹੀ। ਓਪਨ ਦੇ ਮੁਕਾਬਲੇ 'ਚ ਲਗਾਤਾਰ 2 ਸਾਲ ਜਿੱਤਣ ਵਾਲੀ ਟੀਮ ਨੂੰ
ਸਵ. ਗੁਰਚਰਨ ਸਿੰਘ ਡੇਅਰੀ ਵਾਲਿਆਂ ਦੇ ਪਰਵਾਰ ਵਲੋਂ ਬੁਲਟ ਮੋਟਰ ਸਾਈਕਲ ਦੇ ਕੇ
ਸਨਮਾਨਤ ਕੀਤਾ ਜਾਵੇਗਾ।
ਪੰਜਾਬੀ ਕਬੱਡੀ ਖਿਡਾਰੀ ਅਮਰੀਕਾ 'ਚੋਂ ਗੋਲਡ ਮੈਡਲ ਜਿੱਤ ਕੇ ਲਿਆਇਆ
ਭੁਲੱਥ, 16 ਸਤੰਬਰ -
ਪੰਜਾਬੀਆਂ ਦੀ ਮਾਂ ਖੇਡ ਕਬੱਡੀ ਦਾ ਵਿਦੇਸ਼ੀ ਧਰਤੀ ਅਮਰੀਕਾ 'ਤੇ ਸ਼ਾਨਦਾਰ ਪ੍ਰਦਰਸ਼ਨ
ਕਰ ਕੇ ਵਾਪਸ ਪਰਤੇ ਨੇੜਲੇ ਪਿੰਡ ਇਬਰਾਹਿਮਵਾਲ ਦੇ ਕਬੱਡੀ ਖਿਡਾਰੀ ਤਲਵਿੰਦਰ ਸਿੰਘ
ਉਰਫ਼ ਸੋਨੂੰ ਪੁੱਤਰ ਗੁਰਦੇਵ ਸਿੰਘ ਦਾ ਪਿੰਡ ਵਾਲਿਆਂ ਵਲੋਂ ਸਵਾਗਤ ਕੀਤਾ ਗਿਆ। ਇਸ
ਮੌਕੇ ਕਬੱਡੀ ਖਿਡਾਰੀ ਤਲਵਿੰਦਰ ਸਿੰਘ ਸੋਨੂੰ ਨੇ ਦਸਿਆ ਕਿ ਉਹ ਮੀਰੀ ਪੀਰੀ ਕਲੱਬ ਵਲੋਂ
ਖੇਡਦੇ ਹੋਏ ਯੋਗ ਕਲੱਬ ਅਮਰੀਕਾ ਵਲੋਂ ਨਿਊਯਾਰਕ, ਟੋਰਾਂਟੋ, ਵੈਨਕੂਵਰ ਵਿਚ ਖੇਡੇ 12
ਮੁਕਾਬਿਲਆਂ 'ਚੋਂ ਉਨ੍ਹਾਂ ਦੀ ਟੀਮ ਨੇ 9 ਮੁਕਾਬਲੇ ਜਿੱਤੇ ਤੇ ਦੋ ਟੂਰਨਾਮੈਂਟ ਵਿਚ
ਉਹ ਬੈਸਟ ਰੇਡਰ ਚੁਣਿਆ ਗਿਆ ਅਤੇ ਉਨ੍ਹਾਂ ਦੀ ਟੀਮ ਨੇ ਟੋਰਾਂਟੋ ਵਿਚ ਹੋਇਆ ਵਰਲਡ
ਕੱਪ ਵੀ ਜਿੱਤਿਆ। ਉਸ ਨੇ ਕਿਹਾ ਕਿ ਮਾਂ ਖੇਡ ਕਬੱਡੀ ਵਿਚ ਇਸ ਉਚਾਈ ਤਕ ਪੁੱਜਣ ਵਿਚ
ਕੋਚ ਦੇਬਾ ਭੰਡਾਲ, ਮੱਖਣ ਧਾਲੀਵਾਲ, ਲੱਖਾ ਗਾਜੀਪੁਰੀਆ, ਕੇ.ਐਸ. ਮੱਖਣ ਤੇ ਉਨ੍ਹਾਂ
ਦੀ ਮਾਤਾ ਸੁਰਿੰਦਰ ਕੌਰ ਦਾ ਬਹਤੁ ਸਹਿਯੋਗ ਮਿਲਿਆ। ਉਨ੍ਹਾਂ ਦਸਿਆ ਕਿ ਸਾਢੇ ਚਾਰ
ਮਹੀਨੇ ਬਾਅਦ ਜਿੱਤ ਕੇ ਵਾਪਸ ਪਰਤਣ 'ਤੇ ਪਿੰਡ ਵਾਲਿਆਂ ਵਲੋਂ ਮਿਲੇ ਪਿਆਰ ਲਈ ਉਨ੍ਹਾਂ
ਦਾ ਧੰਨਵਾਦੀ ਹਾਂ। ਇਸ ਮੌਕੇ ਉਨ੍ਹਾਂ ਨੂੰ ਗੋਲਡ ਮੈਡਲ ਵੀ ਮਿਲਿਆ।
ਭਿੰਡਰ ਦਾ ਕਬੱਡੀ ਟੂਰਨਾਮੈਂਟ ਯਾਦਗਾਰੀ
ਸਮਾਪਤੀ
ਕਿਸ਼ਨਪੁਰਾ ਕਲਾਂ 16 ਸਤੰਬਰ -
ਮਾਲਵੇ ਦੇ ਮਸ਼ਹੂਰ ਪਿੰਡ ਭਿੰਡਰ ਕਲਾਂ ਮੋਗਾ ਵਿਖੇ ਬਾਬਾ ਖਿਜਾਨ ਸਿੰਘ ਜੀ ਦੀ
ਯਾਦ 'ਚ ਟੂਰਨਾਮੈਂਟ ਕਮੇਟੀ ਵਲੋਂ ਕਰਵਾਇਆ ਗਿਆ ਸਲਾਨਾ ਕਬੱਡੀ ਟੂਰਨਾਮੈਂਟ ਯਾਦਗਾਰੀ
ਹੋ ਨਿਬੜਿਆ। 3 ਦਿਨਾ ਚੱਲੇ ਇਸ ਕਬੱਡੀ ਟੂਰਨਾਮੈਂਟ ਦੇ 52 ਕਿਲੋ ਮੁਕਾਬਲੇ 'ਚ
ਭਿੰਡਰ ਪਹਿਲੇ, ਦਾਤਾ ਦੂਜੇ ਸਥਾਨ 'ਤੇ ਰਹੀ। ਕਬੱਡੀ 57 ਕਿਲੋ 'ਚ ਭਿੰਡਰ ਨੇ ਖੋਸਾ
ਕੋਟਲਾ ਦੀ ਪਿੱਠ ਲਵਾ ਪਹਿਲਾ ਸਥਾਨ ਹਾਸਲ ਕੀਤਾ। ਕਬੱਡੀ 65 ਕਿਲੋ 'ਚ ਭਿੰਡਰ ਪਹਿਲੇ
ਅਤੇ ਇੰਦਰਗੜ੍ਹ ਦੀ ਟੀਮ ਦੂਸਰੇ ਸਥਾਨ 'ਤੇ ਰਹੀ। ਕਬੱਡੀ ਓਪਨ 'ਚ ਪਿੱਥੋ ਨੇ
ਇੰਦਰਗੜ੍ਹ ਦੀ ਗੋਡਨੀ ਲਵਾ ਕੇ 30 ਹਜ਼ਾਰ ਰੁਪਏ ਦਾ ਪਹਿਲਾ ਇਨਾਮ ਪ੍ਰਾਪਤ ਕੀਤਾ ਅਤੇ
40 ਸਾਲਾ ਖਿਡਾਰੀਆਂ ਦੇ ਫਸਵੇਂ ਮੁਕਾਬਲੇ 'ਚ ਲੁਧਿਆਣਾ ਨੇ ਮੋਗਾ ਦੀ ਗੋਡਨੀ ਲਵਾਈ।
ਅੰਮ੍ਰਿਤਸਰ ਪਹੁੰਚਿਆ ਫਾਈਨਲ 'ਚ
ਜਲੰਧਰ, 15 ਸਤੰਬਰ -
ਜਲੰਧਰ ਦੇ ਬਰਲਟਨ ਪਾਰਕ ਕ੍ਰਿਕਟ ਸਟੇਡੀਅਮ ਵਿਚ ਲੜਕੀਆਂ ਦੇ ਅੰਤਰ ਜ਼ਿਲ੍ਹਾ ਕ੍ਰਿਕਟ
ਟੂਰਨਾਮੈਂਟ ਅੰਡਰ19 ਸਾਲ ਦੇ ਮੁਕਾਬਲੇ ਹੋ ਰਹੇ ਹਨ। ਜਿਸ ਦੇ ਸੈਮੀਫਾਈਨਲ ਮੁਕਾਬਲੇ
ਵਿਚ ਅੰਮ੍ਰਿਤਸਰ ਨੇ ਜਲੰਧਰ ਨੂੰ ਹਰਾਇਆ ਅਤੇ ਫਾਈਨਲ 'ਚ ਪਹੁੰਚਿਆ। ਇਸ ਦਾ ਫਾਈਨਲ
17 ਸਤੰਬਰ ਨੂੰ ਸੈਕਟਰ 38 ਚੰਡੀਗੜ੍ਹ ਵਿਖੇ ਖੇਡਿਆ ਜਾਵੇਗਾ।
ਪੰਜਾਬ ਕਟੋਚ ਸ਼ੀਲਡ ਕ੍ਰਿਕਟ ਟਰਾਫੀ
ਲੁਧਿਆਣਾ, 15 ਸਤੰਬਰ -
ਅੰਤਰ ਜ਼ਿਲ੍ਹਾ ਪੰਜਾਬ ਕਟੋਚ ਸ਼ੀਲਡ ਕ੍ਰਿਕਟ ਟਰਾਫੀ ਪੰਜਾਬ ਖੇਤੀਬਾੜੀ ਯੂਨੀਵਰਸਿਟੀ
ਲੁਧਿਆਣਾ ਦੇ ਕ੍ਰਿਕਟ ਮੈਦਾਨ ਵਿਚ ਕਰਵਾਈ ਜਾ ਰਹੀ ਹੈ। ਇਸ ਦੇ ਪਹਿਲੇ ਸੈਮੀਫਾਈਨਲ
ਲੁਧਿਆਣਾ ਨੇ ਅੰਮ੍ਰਿਤਸਰ ਨੂੰ ਹਰਾਇਆ। ਲੁਧਿਆਣਾ ਦਾ ਖ਼ਿਤਾਬੀ ਮੁਕਾਬਲਾ ਚੰਡੀਗੜ੍ਹ
ਨਾਲ ਹੋਵੇਗਾ। ਚੰਡੀਗੜ੍ਹ ਨੇ ਪੀ. ਸੀ. ਏ. ਸਟੇਡੀਅਮ ਮੋਹਾਲੀ ਵਿਖੇ ਦੂਸਰੇ
ਸੈਮੀਫਾਈਨਲ ਵਿਚ ਮੋਹਾਲੀ ਨੂੰ ਹਰਾ ਕੇ ਫਾਈਨਲ ਵਿਚ ਪ੍ਰਵੇਸ਼ ਕੀਤਾ।
ਆਲ ਇੰਡੀਆ ਮਹਾਤਮਾ ਹੰਸ ਰਾਜ ਆਰੀਅਨ ਟੂਰਨਾਮੈਂਟ
ਜਲੰਧਰ, 15 ਸਤੰਬਰ - ਆਲ
ਇੰਡੀਆ ਮਹਾਤਮਾ ਹੰਸ ਰਾਜ ਆਰੀਅਨ ਟੂਰਨਾਮੈਂਟ ਪੰਜਾਬ ਜ਼ੋਨ 2008 ਜੋ ਕਿ ਪੁਲਿਸ ਡੀ.
ਏ. ਵੀ. ਪਬਲਿਕ ਸਕੂਲ ਜਲੰਧਰ ਕੈਂਟ ਵਿਖੇ ਚੱਲ ਰਿਹਾ ਹੈ। ਜਿਸ ਦੇ ਮੁਕਾਬਲਿਆਂ 'ਚੋਂ
ਹਾਕੀ ਅੰਡਰ17 ਸਾਲ ਲੜਕੇ ਵਰਗ ਵਿਚੋਂ ਪੁਲਿਸ ਡੀ. ਏ. ਵੀ. ਜਲੰਧਰ ਨੇ ਪਹਿਲਾ,
ਪੁਲਿਸ ਡੀ. ਏ. ਵੀ. ਅੰਮ੍ਰਿਤਸਰ ਨੇ ਦੂਜਾ, ਅੰਡਰ14 ਸਾਲ ਵਰਗ 'ਚ ਪੁਲਿਸ ਡੀ. ਏ.
ਵੀ. ਜਲੰਧਰ ਨੇ ਪਹਿਲਾ ਤੇ ਡੀ. ਏ. ਵੀ. ਅਟਾਰੀ ਨੇ ਦੂਜਾ, ਹੈਂਡ ਬਾਲ ਵਿਚ ਪੁਲਿਸ
ਡੀ. ਏ. ਵੀ. ਜਲੰਧਰ ਨੇ ਪਹਿਲਾ, ਡੀ. ਏ. ਵੀ. ਲੁਧਿਆਣਾ ਨੇ ਦੂਜਾ, ਅੰਡਰ 14 ਸਾਲ
'ਚੋਂ ਪੁਲਿਸ ਡੀ. ਏ. ਵੀ. ਜਲੰਧਰ ਨੇ ਪਹਿਲਾ, ਡੀ. ਏ. ਵੀ. ਲੁਧਿਆਣਾ ਨੇ ਦੂਜਾ
ਸਥਾਨ ਹਾਸਿਲ ਕੀਤਾ। ਕਬੱਡੀ 'ਚ ਪੁਲਿਸ ਡੀ. ਏ. ਵੀ. ਜਲੰਧਰ ਨੇ ਪਹਿਲਾ, ਡੀ. ਏ.
ਵੀ. ਮਲੇਰਕੋਟਲਾ ਨੇ ਦੂਜਾ, ਖੋ-ਖੋ 'ਚ ਪੁਲਿਸ ਡੀ. ਏ. ਵੀ. ਜਲੰਧਰ ਨੇ ਪਹਿਲਾ ਡੀ.
ਆਰ. ਵੀ. ਫਿਲੌਰ ਨੇ ਦੂਜਾ, ਕ੍ਰਿਕਟ 'ਚ ਦਯਾਨੰਦ ਮਾਡਲ ਜਲੰਧਰ ਨੇ ਪਹਿਲਾ, ਲਾਲਾ
ਜਗਤ ਨਰਾਇਣ ਜਲੰਧਰ ਨੇ ਦੂਜਾ ਸਥਾਨ ਹਾਸਿਲ ਕੀਤਾ। ਜਿਮਨਾਸਟਕ ਵਿਚੋਂ ਪੁਲਿਸ ਡੀ. ਏ.
ਵੀ. ਜਲੰਧਰ ਨੇ ਪਹਿਲਾ ਡੀ. ਏ. ਵੀ. ਅੰਮ੍ਰਿਤਸਰ ਨੇ ਡੀ. ਏ. ਵੀ. ਭਿੱਖੀ ਵਿੰਡ ਨੇ
ਦੂਜਾ ਸਥਾਨ ਹਾਸਿਲ ਕੀਤਾ। ਯੋਗਾ 'ਚ ਪੁਲਿਸ ਡੀ. ਏ. ਵੀ. ਜਲੰਧਰ ਨੇ ਪਹਿਲਾ ਤੇ
ਪੁਲਿਸ ਡੀ. ਏ. ਵੀ. ਅੰਮ੍ਰਿਤਸਰ ਨੇ ਦੂਜਾ ਸਥਾਨ ਹਾਸਿਲ ਕੀਤਾ।
ਕੌਮੀ ਬਾਸਕਟਬਾਲ ਖੇਡਾਂ ਅਰੰਭ
ਭੁੱਨਰਹੇੜੀ/ਸਨੌਰ, 15 ਸਤੰਬਰ
- ਕੌਮੀ ਬਾਸਕਟਬਾਲ ਖੇਡਾਂ ਭੁੱਨਰਹੇੜੀ ਬਲਾਕ 'ਚ ਜਵਾਹਰ ਨਵੋਦਿਆ ਵਿਦਿਆਲਿਆ
ਫਤਿਹਪੁਰ ਰਾਜਪੂਤਾਂ ਵਿਚ ਸ਼ੁਰੂ ਹੋਈਆਂ ਹਨ। ਇਥੇ ਇਹ ਗੱਲ ਦੱਸਣ ਵਾਲੀ ਹੈ ਕਿ ਭਾਰਤ
ਦੇ ਸਾਰੇ ਨਵੋਦਿਆ ਸੰਸਥਾਵਾਂ ਨੂੰ ਅੱਠ ਜ਼ੋਨਾਂ ਵਿਚ ਵੰਡਿਆ ਗਿਆ ਹੈ ਜਿਸ ਅਨੁਸਾਰ
ਚੰਡੀਗੜ੍ਹ ਜ਼ੋਨ ਵਿਚ, ਪੰਜਾਬ, ਹਰਿਆਣਾ ਆਦਿ ਆਉਂਦੇ ਹਨ। ਪ੍ਰਨੀਤ ਕੌਰ ਨੇ ਇਸ ਦਾ
ਉਦਘਾਟਨ ਕੀਤਾ। ਉਨ੍ਹਾਂ ਕਿਹਾ, ਰਾਸ਼ਟਰੀ ਸਿੱਖਿਆ ਨੀਤੀ ਤਹਿਤ ਭਾਰਤ ਸਰਕਾਰ ਨੇ 1986
(ਰਾਜੀਵ ਗਾਂਧੀ ਸਰਕਾਰ ਨੇ ਨਵੋਦਿਆ ਵਿਦਿਆਲਿਆ ਨੂੰ ਹੋਂਦ ਵਿਚ ਲਿਆਏ ਸਨ ਜੋ ਪੂਰੇ
ਭਾਰਤ ਵਿਚ ਸਥਾਪਿਤ ਹੋ ਚੁੱਕੇ ਹਨ। ਸ੍ਰੀਮਤੀ ਪ੍ਰਨੀਤ ਕੌਰ ਨੇ ਵਿਦਿਆਰਥੀਆਂ ਨੂੰ
ਵਿਦਿਆ ਦੇ ਨਾਲ ਨਾਲ ਖੇਡਾਂ ਵੱਲ ਵੀ ਧਿਆਨ ਦੇਣ ਲਈ ਆਖਿਆ।
19ਵੀਂ ਕੌਮੀ ਹਾਕੀ ਚੈਂਪੀਅਨਸ਼ਿਪ
ਲੋਹੀਆਂ, 15 ਸਤੰਬਰ -
ਜਵਾਹਰ ਨਵੋਦਿਆ ਵਿਦਿਆਲਿਆ ਤਲਵੰਡੀ ਮਾਧੋ ਵਿਖੇ 15 ਸਤੰਬਰ ਨੂੰ ਤਿੰਨ ਦਿਨਾ 19ਵੀਂ
ਕੌਮੀ ਹਾਕੀ ਚੈਂਪੀਅਨਸ਼ਿਪ ਸ਼ੁਰੂ ਹੋਈ। ਇਸ ਵਿਚ ਦੇਸ਼ ਭਰ ਦੇ ਜਿਹੜੇ 8 ਖੇਤਰ ਇਨ੍ਹਾਂ
ਖੇਡਾਂ ਵਿਚ ਭਾਗ ਲੈ ਰਹੇ ਹਨ ਉਨ੍ਹਾਂ ਵਿਚ ਹੈਦਰਾਬਾਦ, ਚੰਡੀਗੜ੍ਹ, ਲਖਨਊ, ਜੈਪੁਰ,
ਪਟਨਾ, ਸ਼ਿਲਾਂਗ, ਭੁਪਾਲ ਅਤੇ ਪੂਨਾ ਸ਼ਾਮਿਲ ਹਨ। ਪਹਿਲੇ ਦਿਨ ਹੋਣ ਵਾਲੇ ਮੁਕਾਬਲਿਆਂ
ਵਿਚ ਹੈਦਰਾਬਾਦ, ਚੰਡੀਗੜ੍ਹ, ਲਖਨਊ, ਜੈਪੁਰ, ਪਟਨਾ ਅਤੇ ਸ਼ਿਲਾਂਗ ਜ਼ੋਨਾਂ ਨੇ ਹਿੱਸਾ
ਲਿਆ।
8ਵਾਂ ਪਿੰਡ ਸ਼ਕੂਰ ਦਾ ਕਬੱਡੀ ਟੂਰਨਾਮੈਂਟ ਸਮਾਪਤ
ਫਿਰੋਜ਼ਸ਼ਾਹ, 15 ਸਤੰਬਰ -
8ਵਾਂ ਦੋ ਦਿਨਾਂ ਕਬੱਡੀ ਟੂਰਨਾਮੈਂਟ ਪਿੰਡ ਸ਼ਕੂਰ ਵਿਖੇ ਬਾਬਾ ਸ਼ਕੂਰ ਨੌਜਵਾਨ ਭਲਾਈ
ਸਭਾ ਵੱਲੋਂ ਕਰਵਾਇਆ ਗਿਆ। ਇਸ ਵਿਚ ਕਬੱਡੀ 45 ਕਿਲੋ ਤੇ 57 ਕਿਲੋਂ ਦੇ ਮੁਕਾਬਲਿਆਂ
ਵਿਚ ਕ੍ਰਮਵਾਰ ਖੋਸਾ ਪਾਡੋ ਤੇ ਹਰੀ ਕਲਾਂ ਦੀਆਂ ਟੀਮਾਂ ਨੇ ਪਹਿਲਾ ਅਤੇ ਖਾਰਾਂ ਦੀਆਂ
ਟੀਮਾਂ ਨੇ ਦੂਸਰਾ ਸਥਾਨ ਹਾਸਲ ਕੀਤਾ। ਦੂਸਰੇ ਦਿਨ ਕਬੱਡੀ ਓਪਨ ਦੇ ਮੁਕਾਬਲਿਆਂ ਵਿਚ
50 ਤੋਂ ਵੱਧ ਟੀਮਾਂ ਨੇ ਹਿੱਸਾ ਲਿਆ। ਸੈਮੀਫਾਈਨਲ ਵਿਚ ਸ਼ਕੂਰ ਦੀ ਟੀਮ ਹਫੂਰ ਤੋਂ
ਅੱਧੇ ਅੰਕ ਨਾਲ ਹਾਰ ਗਈ, ਫਾਈਨਲ ਹਫੂਰ ਅਤੇ ਤੂਤ ਦੀ ਟੀਮ 'ਚ ਹੋਇਆ। ਅਖੀਰ ਹਠੂਰ ਨੇ
ਲਗਾਤਾਰ ਦੂਸਰੀ ਵਾਰ ਪਹਿਲਾ ਇਨਾਮ 21 ਹਜ਼ਾਰ ਅਤੇ 5 ਫੁੱਟ ਦਾ ਸ਼ਾਨਦਾਰ ਕੱਪ ਪ੍ਰਾਪਤ
ਕੀਤਾ ਅਤੇ ਤੂਤ ਨੂੰ ਦੂਸਰੇ ਇਨਾਮ 15 ਹਜ਼ਾਰ 'ਤੇ ਸਬਰ ਕਰਨਾ ਪਿਆ। ਪਹਿਲਾ ਇਨਾਮ
ਰੇਸ਼ਮ ਸਿੰਘ ਮਨੀਲਾ ਦੇ ਪਰਿਵਾਰ ਅਤੇ ਦੂਜਾ ਇਨਾਮ ਉੱਘੇ ਖੇਡ ਪ੍ਰਮੋਟਰ ਮੇਜਰ ਸਿੰਘ
ਭਲੂਰ ਅਤੇ ਰਾਮ ਸਿੰਘ ਸੋਹੀ ਵੱਲੋਂ ਦਿੱਤਾ ਗਿਆ। ਟੂਰਨਾਮੈਂਟ ਦੇ ਬੈਸਟ ਜਾਫੀ ਦਾ
ਐਵਾਰਡ ਬਾਜਾ ਮੱਲਣ ਅਤੇ ਬੈਸਟ ਰੇਡਰ ਦਾ ਐਵਾਰਡ ਨਿਰਵੈਰ ਸਿੰਘ ਘੋਨੀ ਨੂੰ ਦਿੱਤਾ
ਗਿਆ। ਕਬੱਡੀ ਕੋਚ ਸਾਧੂ ਸਿੰਘ ਬਰਾੜ ਲੈਕਚਰਾਰ ਨੂੰ ਇਸ ਮੌਕੇ ਸਨਮਾਨਿਤ ਕੀਤਾ ਗਿਆ।
ਟੂਰਨਾਮੈਂਟ ਦੌਰਾਨ ਬਲਜੀਤ ਸਿੰਘ ਮੈਂਬਰ, ਤੇਜ ਸਿੰਘ, ਸੇਵਾ ਸਿੰਘ, ਜਸਵੀਰ ਸਿੰਘ
ਡੀਸੀ, ਗੁਰਪ੍ਰੀਤ ਸਿੰਘ, ਪ੍ਰਕਾਸ਼ ਸਿੰਘ, ਮਲਕੀਤ ਸਿੰਘ, ਚੜ੍ਹਤ ਸਿੰਘ, ਕੁਲਵੰਤ
ਸਿੰਘ, ਸੁਖਮੰਦਰ ਸਿੰਘ, ਭੁਪਿੰਦਰ ਸਿੰਘ, ਬੂਟਾ ਸਿੰਘ ਅਤੇ ਕਬੱਡੀ ਖਿਡਾਰੀ ਤੋਤਾ,
ਬਬਲਾ, ਦਾਨਾ, ਰਾਣਾ, ਲੱਡੂ, ਯਾਦੂ, ਜੱਗੀ, ਸਾਭਾ, ਗਗੜਾ, ਭੱਪਾ, ਬੱਬੀ, ਸੁਖਦੀਪ
ਨੇ ਸਹਿਯੋਗ ਦਿੱਤਾ।
ਰਾਸ਼ਟਰੀ ਯੂਥ ਬਾਸਕਟਬਾਲ ਚੈਂਪੀਅਨਸ਼ਿਪ ਲਈ ਪੰਜਾਬ ਦੀਆਂ ਟੀਮਾਂ
ਲੁਧਿਆਣਾ, 15 ਸਤੰਬਰ -
ਛੱਤੀਸਗੜ੍ਹ ਵਿਖੇ ਰਾਸ਼ਟਰੀ ਯੂਥ ਬਾਸਕਟਬਾਲ ਚੈਂਪੀਅਨਸ਼ਿਪ 18 ਤੋਂ 25 ਸਤੰਬਰ ਤੱਕ
ਕਰਵਾਈ ਜਾਵੇਗੀ। ਜਿਸ ਵਿਚ ਮੁੰਡਿਆਂ ਦੇ ਵਰਗ ਵਿਚ ਪੰਜਾਬ ਦੀ ਟੀਮ ਦੀ ਅਗਵਾਈ
ਲੁਧਿਆਣਾ ਅਕੈਡਮੀ ਦਾ ਉਭਰਦਾ ਸਟਾਰ ਰਾਜਨ ਸ਼ਰਮਾ ਕਰੇਗਾ ਜਦਕਿ ਕੁੜੀਆਂ ਦੇ ਵਰਗ ਵਿਚ
ਨਗਮਾ ਮਿਰਜ਼ਾ ਨੂੰ ਟੀਮ ਦੀ ਕਪਤਾਨੀ ਸੌਂਪੀ ਗਈ ਹੈ। ਲੁਧਿਆਣਾ ਵਿਖੇ ਰੇਲਵੇ ਸਟੇਸ਼ਨ
ਤੇ ਦੋਹਾਂ ਟੀਮਾਂ ਨੂੰ ਛੱਤੀਸਗੜ੍ਹ ਨੂੰ ਰਵਾਨਾ ਕਰਨ ਤੋਂ ਪਹਿਲਾਂ ਪੰਜਾਬ ਬਾਸਕਟਬਾਲ
ਸੰਘ ਦੇ ਅਧਿਕਾਰੀਆਂ ਨੇ ਟੀਮਾਂ ਦੇ ਸਨਮਾਨ ਵਿਚ ਵਿਦਾਇਗੀ ਪਾਰਟੀ ਦੀ ਦਿੱਤੀ। ਦੋਹਾਂ
ਟੀਮਾਂ ਦੇ ਖਿਡਾਰੀਆਂ ਦੇ ਨਾਮ ਇਸ ਤਰ੍ਹਾਂ ਹਨ :
ਮੁੰਡੇ-ਰਾਜਨ ਸ਼ਰਮਾ ਕਪਤਾਨ, ਮਨਪ੍ਰੀਤ ਸਿੰਘ, ਹਰਸ਼ ਸ਼ਬਾਬ, ਜਿੰਮੀ, ਬਲਜੀਤ
ਸਿੰਘ (ਸਾਰੇ ਲੁਧਿਆਣਾ ਬਾਸਕਟਬਾਲ ਅਕੈਡਮੀ), ਕੁਲਜੀਤ ਸਿੰਘ ਮੁਕਤਸਰ, ਅਜੈ ਕੁਮਾਰ
ਲੁਧਿਆਣਾ, ਹਰਦੀਪ ਸਿੰਘ ਮਾਨਸਾ, ਤਰਨਦੀਪ ਸਿੰਘ ਕਪੂਰਥਲਾ, ਗੁਰਇਕਬਾਲ ਸਿੰਘ ਜਲੰਧਰ,
ਜਸਕਰਨ ਸਿੰਘ, ਟੀਮ ਦੇ ਕੋਚ ਲਖਵਿੰਦਰ ਸਿੰਘ ਪੰਜਾਬ ਪੁਲਿਸ ਹੋਣਗੇ।
ਕੁੜੀਆਂ-ਨਗਮਾ ਮਿਰਜ਼ਾ ਕਪਤਾਨ, ਸੰਧਿਆ, ਅਵਨੀਤ ਕੌਰ (ਸਾਰੇ ਲੁਧਿਆਣਾ ਤੋਂ),
ਅਮਨਦੀਪ ਕੌਰ, ਚੇਤਨ ਸ਼ਰਮਾ, ਰੋਹਿਣੀ (ਸਾਰੀਆਂ ਗੁਰਦਾਸਪੁਰ ਤੋਂ), ਜਗਰੂਪ ਕੌਰ, ਕਮਲ
ਪ੍ਰੀਤ ਕੌਰ, ਮਮਤਾ ਅੰਮ੍ਰਿਤਸਰ ਤੋਂ, ਗੌਰੀ, ਪੂਨਮ ਕਪੂਰਥਲਾ ਤੋਂ, ਤਰਨਜੀਤ ਕੌਰ
ਮਾਨਸਾ ਤੋਂ, ਟੀਮ ਦੇ ਕੋਚ ਸਤਪਾਲ ਸਿੰਘ ਹੋਣਗੇ।
ਜੂਨੀਅਰ ਕੌਮੀ ਬੇਸਬਾਲ ਚੈਂਪੀਅਨਸ਼ਿਪ
ਲੁਧਿਆਣਾ, 15 ਸਤੰਬਰ -
ਕਲਕੱਤਾ ਵਿਖੇ 20ਵੀਂ ਜੂਨੀਅਰ ਰਾਸ਼ਟਰੀ ਬੇਸਬਾਲ ਚੈਂਪੀਅਨਸ਼ਿਪ 15 ਤੋਂ 18 ਸਤੰਬਰ
ਤੱਕ ਕਰਵਾਈ ਜਾ ਰਹੀ ਹੈ। ਉਸ ਵਿਚ ਮੁੰਡਿਆਂ ਦੇ ਵਰਗ ਵਿਚ ਪੰਜਾਬ ਦੀ ਟੀਮ ਦੀ ਅਗਵਾਈ
ਵਿਨੈ ਕੁਮਾਰ ਜਲੰਧਰ, ਜਦਕਿ ਕੁੜੀਆਂ ਦੀ ਟੀਮ ਦੀ ਕਪਤਾਨੀ ਅਮਰਜੀਤ ਕੌਰ ਮੋਗਾ ਕਰੇਗੀ।
ਪੰਜਾਬ ਦੀਆਂ ਦੋਹਾਂ ਟੀਮਾਂ ਦੇ ਖਿਡਾਰੀਆਂ ਦੇ ਨਾਮ ਇਸ ਤਰ੍ਹਾਂ ਹਨ।ਮੁੰਡੇ: ਵਿਨੈ
ਕੁਮਾਰ ਕਪਤਾਨ, ਵਿਵੇਕ, ਅਨਿਲ ਜਲੰਧਰ, ਸ਼ਿਵ ਕੁਮਾਰ, ਸਮਸ਼ੇਰ ਸਿੰਘ, ਬਲਰਾਜ ਸਿੰਘ,
ਰਾਜਦੀਪ ਸਿੰਘ, ਸਤਿਅਮ, ਗੌਰਵ, ਪ੍ਰਿੰਸ ਕੁਮਾਰ, ਕਰਨਦੀਪ ਸਿੰਘ ਸਾਰੇ ਲੁਧਿਆਣਾ
ਤੋਂ, ਹਰਦੀਪ ਸਿੰਘ, ਭੁਪਿੰਦਰ ਸਿੰਘ, ਸੁਨੀਲ ਕੁਮਾਰ, ਕਸਕ ਪਟਿਆਲਾ ਤੋਂ, ਅਵਨੀਤ
ਸਿੰਘ ਮੁਹਾਲੀ, ਟੀਮ ਦੇ ਕੋਚ ਰਵੀਦੱਤ ਹੋਣਗੇ।
ਕੁੜੀਆਂ : ਅਮਰਜੀਤ ਕੌਰ ਕਪਤਾਨ, ਪਰਮਜੀਤ ਕੌਰ, ਕਰਮਜੀਤ ਕੌਰ ਸਾਰੀਆਂ ਮੋਗਾ ਤੋਂ,
ਪ੍ਰੀਆ, ਰੀਮਾ, ਰੀਨਾ, ਰਾਧਿਕਾ ਜਲੰਧਰ ਤੋਂ, ਮਨਪ੍ਰੀਤ ਕੌਰ, ਰੋਜ਼ੀ ਵਰਮਾ, ਅਮਰਦੀਪ,
ਤਰਨੀਤ, ਹਿਨਾ ਸ਼ਾਕਸ਼ੀ, ਸ਼ਿਵਾਨੀ, ਹਰਸ਼ਰਨ ਸਾਰੀਆਂ ਲੁਧਿਆਣਾ ਤੋਂ, ਅਮਰਜੋਤ ਅਤੇ
ਬਰਜਿੰਦਰ ਕੌਰ ਟੀਮ ਦੇ ਕੋਚ ਅਤੇ ਮੈਨੇਜਰ ਹੋਣਗੇ।
ਕੌਮੀ ਚੈਂਪੀਅਨਸ਼ਿਪ ਲਈ ਪੰਜਾਬ ਜੂਨੀਅਰ ਹੈਂਡ ਬਾਲ ਟੀਮ ਦੇ ਚੋਣ ਟਰਾਇਲ
ਲੁਧਿਆਣਾ 15 ਸਤੰਬਰ -
ਪੰਜਾਬ ਜੂਨੀਅਰ ਹੈਂਡ ਬਾਲ ਟੀਮ (ਲੜਕੇ) ਦੇ ਚੋਣ ਟਰਾਇਲ 17 ਸਤੰਬਰ ਨੂੰ 3 ਵਜੇ
ਪੰਜਾਬ ਖੇਤੀਬਾੜੀ ਯੂਨੀਵਰਸਿਟੀ ਲੁਧਿਆਣਾ ਦੇ ਖੇਡ ਮੈਦਾਨਾਂ ਵਿਚ ਹੋਣਗੇ। ਪੰਜਾਬ
ਹੈਂਡ ਬਾਲ ਸਿੰਘ ਦੇ ਪ੍ਰਧਾਨ ਐਸ. ਐਸ. ਚੰਨੀ (ਆਈ. ਏ. ਐਸ.) ਨੇ ਦੱਸਿਆ ਕਿ ਇਨ੍ਹਾਂ
ਚੋਣ ਟਰਾਇਲਾਂ ਵਿੱਚ 1 ਜਨਵਰੀ 1989 ਤੋਂ ਬਾਅਦ ਦੇ ਜਨਮੇ ਖਿਡਾਰੀ ਹਿੱਸਾ ਲੈ ਸਕਦੇ
ਹਨ। ਭਾਗ ਲੈਣ ਦੇ ਚਾਹਵਾਨ ਖਿਡਾਰੀ ਪੰਜਾਬ ਹੈਂਡ ਬਾਲ ਸੰਘ ਦੇ ਸਕੱਤਰ ਬਲਕਾਰ ਸਿੰਘ
ਬਰਾੜ ਕੋਲ 17 ਸਤੰਬਰ ਨੂੰ 2 ਵਜੇ ਤੋਂ ਪਹਿਲਾਂ ਆਪਣੀ ਉਮਰ ਦੇ ਸਬੂਤ ਸਮੇਤ ਰਿਪੋਰਟ
ਕਰਨ। ਉਨ੍ਹਾਂ ਦੱਸਿਆ ਕਿ ਜੋ ਪੰਜਾਬ ਦੀ ਟੀਮ ਚੁਣੀ ਜਾਵੇਗੀ, ਉਹ 1 ਤੋਂ 7 ਅਕਤੂਬਰ
ਤੱਕ ਭਿਲਾਈ (ਛੱਤੀਸਗੜ੍ਹ) ਵਿਖੇ ਹੋਣ ਵਾਲੀ ਜੂਨੀਅਰ ਰਾਸ਼ਟਰੀ ਹੈਂਡ ਬਾਲ
ਚੈਂਪੀਅਨਸ਼ਿਪ ਵਿਚ ਹਿੱਸਾ ਲਵੇਗੀ।
ਉਲੰਪੀਅਨ ਮੁੱਕੇਬਾਜ਼ ਛੇਤੀ ਹੀ ਰਿੰਗ 'ਚ ਦਿਖਣਗੇ
ਪਟਿਆਲਾ, 14 ਸਤੰਬਰ -
ਬਠਿੰਡਾ ਵਿਖੇ ਹੋਈ ਕੌਮੀ ਚੈਂਪੀਅਨਸ਼ਿਪ ਦੌਰਾਨ ਦੇਸ਼ ਦੇ ਸਿਰਕੱਢ 60 ਮੁੱਕੇਬਾਜ਼ ਕੌਮੀ
ਕੈਂਪ ਲਈ ਚੁਣੇ ਗਏ ਹਨ। ਜਿਨ੍ਹਾਂ ਵਿਚ ਬੀਜਿੰਗ ਉਲੰਪਿਕ 'ਚ ਦੇਸ਼ ਦੀ ਨੁਮਾਇੰਦਗੀ ਕਰ
ਚੁੱਕੇ ਵੀਜੇਂਦਰ ਕੁਮਾਰ, ਅਖਿਲ ਕੁਮਾਰ, ਜਤਿੰਦਰ ਕੁਮਾਰ, ਏ.ਐਲ. ਲਾਕੜਾ ਤੇ ਦਿਨੇਸ਼
ਕੁਮਾਰ ਸ਼ਾਮਲ ਹਨ। ਮੁੱਖ ਕੌਮੀ ਕੋਚ ਸ: ਗੁਰਬਖਸ਼ ਸਿੰਘ ਦੀ ਅਗਵਾਈ 'ਚ ਕੋਚਾਂ ਦੀ ਟੀਮ
ਦੇਸ਼ ਦੇ ਚੋਟੀ ਦੇ ਮੁੱਕੇਬਾਜ਼ ਨੂੰ ਸਿਖਲਾਈ ਦੇਣਗੇ। ਇਸ ਮੌਕੇ ਸ. ਸੰਧੂ ਨੇ ਕਿਹਾ ਕਿ
ਉਲੰਪਿਕ 'ਚ ਮੁੱਕੇਬਾਜ਼ ਵੱਲੋਂ ਦਿਖਾਈ ਕਾਰਗੁਜ਼ਾਰੀ ਨੇ ਦੇਸ਼ ਭਰ 'ਚ ਇਕ ਨਵਾਂ ਜੋਸ਼
ਪੈਦਾ ਕਰ ਦਿੱਤਾ ਹੈ, ਸਾਡੇ ਰਾਜ ਵਿਚ ਇਸ ਵੇਲੇ ਘੱਟੋ-ਘੱਟ ਹਰੇਕ ਜ਼ਿਲ੍ਹੇ 'ਚ ਇਕ
ਮੁੱਕੇਬਾਜ਼ੀ ਕੇਂਦਰ ਖੋਲ੍ਹਣ ਦੀ ਜ਼ਰੂਰਤ ਹੈ। ਉਨ੍ਹਾਂ ਪੰਜਾਬ ਦੇ ਮੁੱਕੇਬਾਜ਼ਾਂ ਵੱਲੋਂ
ਲੰਮੇ ਅਰਸੇ ਬਾਅਦ ਕੌਮੀ ਚੈਂਪੀਅਨਸ਼ਿਪ 'ਚ ਦਿਖਾਈ ਕਾਰਗੁਜ਼ਾਰੀ ਦੀ ਸ਼ਲਾਘਾ ਕੀਤੀ।
ਰਾਜ ਤੇ ਕੌਮੀ ਪੱਧਰੀ ਖੇਡ ਮੁਕਾਬਲੇ
ਲੁਧਿਆਣਾ 14 ਸਤੰਬਰ -
ਰਾਜ ਅਤੇ ਰਾਸ਼ਟਰੀ ਪੱਧਰੀ ਮੁਕਾਬਲੇ ਪੰਜਾਬ ਖੇਡ ਵਿਭਾਗ ਵੱਲੋਂ ਇਸ ਵਰ੍ਹੇ ਕਰਵਾਏ
ਜਾਣਗੇ। ਪੰਜਾਬ ਖੇਡ ਵਿਭਾਗ ਦੇ ਨਿਰਦੇਸ਼ਕ ਪਦਮ ਸ੍ਰੀ ਪ੍ਰਗਟ ਸਿੰਘ ਨੇ ਦੱਸਿਆ ਕਿ
ਪੰਜਾਬ ਰਾਜ ਪੇਂਡੂ ਖੇਡਾਂ ਅੰਡਰ 16 (ਲੜਕੇ) ਦੇ ਮੁਕਾਬਲੇ 27 ਤੋਂ 30 ਸਤੰਬਰ ਤੱਕ
ਮਾਨਸਾ ਵਿਖੇ ਹੋਣਗੇ। ਪੰਜਾਬ ਰਾਜ ਪੇਂਡੂ ਖੇਡਾਂ ਅੰਡਰ 16 ਕੁੜੀਆਂ ਦੇ ਮੁਕਾਬਲੇ
ਮੋਗਾ ਵਿਖੇ 24 ਤੋਂ 27 ਸਤੰਬਰ ਤੱਕ ਹੋਣਗੇ, ਜਦਕਿ ਸਟੇਟ ਪੰਚਾਇਤ ਸੀਨੀਅਰ
ਟੂਰਨਾਮੈਂਟ ਅੰਮ੍ਰਿਤਸਰ ਵਿਖੇ 23 ਤੋਂ 25 ਨਵੰਬਰ ਤੱਕ ਹੋਣਗੇ। ਉਨ੍ਹਾਂ ਦੱਸਿਆ
ਲਾਅਨ ਟੈਨਿਸ ਦਾ ਆਲ ਇੰਡੀਆ ਸਿਵਲ ਸਰਵਿਸ ਟੂਰਨਾਮੈਂਟ ਵੀ ਪੰਜਾਬ ਵਿੱਚ ਹੀ ਕਰਵਾਇਆ
ਜਾਵੇਗਾ। ਇਸ ਤੋਂ ਇਲਾਵਾ ਸਟੇਟ ਪੱਧਰ ਦਾ ਗੋਲਫ ਟੂਰਨਾਮੈਂਟ ਜਲੰਧਰ, ਲੁਧਿਆਣਾ ਤੇ
ਚੰਡੀਗੜ੍ਹ ਵਿਖੇ ਦਸੰਬਰ ਮਹੀਨੇ ਹੋਵੇਗਾ। ਆਰਗੇਨਾਈਜ਼ ਨੈਸ਼ਨਲ ਸਪੋਰਟਸ ਫੈਸਟੀਵਲ ਫਾਰ
ਵੂਮੇਨ ਗਰੁੱਪ ਦੋ ਦਾ ਮੁਕਾਬਲਾ ਜਿਸ ਵਿਚ ਖੋ ਖੋ, ਜਿਮਨਾਸਟਿਕ, ਵਾਲੀਬਾਲ, ਕਬੱਡੀ
12 ਤੋਂ 15 ਨਵੰਬਰ ਤੱਕ ਗੁਰਦਾਸਪੁਰ ਵਿਖੇ ਹੋਵੇਗਾ, ਜਦਕਿ ਆਰਗੇਨਾਈਜ਼ ਸਰਬ ਭਾਰਤੀ
ਪੇਂਡੂ ਟੂਰਨਾਮੈਂਟ (ਲੜਕੇ ਅਤੇ ਲੜਕੀਆਂ) ਜਿਸ ਵਿੱਚ ਫੁੱਟਬਾਲ, ਵੇਟ ਲਿਫਟਿੰਗ, ਰਸਾ
ਕੱਸੀ, ਵਾਲੀਬਾਲ ਦੇ ਮੁਕਾਬਲੇ 15 ਤੋਂ 18 ਨਵੰਬਰ ਤੱਕ ਤਲਵੰਡੀ ਸਾਬੋ ਬਠਿੰਡਾ ਵਿਖੇ
ਹੋਣਗੇ। ਨੈਸ਼ਨਲ ਖੇਡਾਂ ਵਿੱਚ ਭਾਗ ਲੈਣ ਵਾਲੀਆਂ ਟੀਮਾਂ ਦੇ ਕੋਚਿੰਗ ਕੈਂਪ ਸਾਰੇ
ਜ਼ਿਲ੍ਹਿਆਂ ਵਿਚ ਖੇਡ ਸੰਸਥਾਵਾਂ ਦੇ ਮੰਗ ਅਨੁਸਾਰ ਲਗਾਏ ਜਾਣਗੇ।
ਆਲ ਇੰਡੀਆ ਮਹਾਤਮਾ ਹੰਸ ਰਾਜ ਆਰੀਅਨ ਟੂਰਨਾਮੈਂਟ
ਜਲੰਧਰ, 14 ਸਤੰਬਰ -ਪੰਜਾਬ
ਜ਼ੋਨ 2008 ਦਾ ਆਲ ਇੰਡੀਆ ਮਹਾਤਮਾ ਹੰਸ ਰਾਜ ਆਰੀਅਨ ਟੂਰਨਾਮੈਂਟ ਪੀ. ਏ. ਪੀ.
ਸਟੇਡੀਅਮ ਜਲੰਧਰ ਕੈਂਟ ਚੱਲ ਰਿਹਾ ਹੈ। ਇਸ ਟੂਰਨਾਮੈਂਟ ਵਿਚ 31 ਟੀਮਾਂ ਸ਼ਾਮਿਲ ਹੋ
ਰਹੀਆਂ ਹਨ। ਟੂਰਨਾਮੈਂਟ ਵਿਚ ਬਾਸਕਟਬਾਲ, ਵਾਲੀਬਾਲ, ਜਿਮਨਾਸਟਕ, ਕਬੱਡੀ, ਹੈਂਡ ਬਾਲ,
ਹਾਕੀ, ਫੁੱਟਬਾਲ, ਖੋ-ਖੋ, ਟੇਬਲ ਟੈਨਿਸ, ਬੈਡਮਿੰਟਨ, ਜੂਡੋ, ਯੋਗਾ ਦੇ ਮੁਕਾਬਲੇ
ਕਰਵਾਏ ਜਾ ਰਹੇ ਹਨ। ਇਹ ਟੂਰਨਾਮੈਂਟ 17 ਸਤੰਬਰ ਤੱਕ ਹੋਵੇਗਾ।
ਅੰਤਰ ਕਾਲਜ ਪੰਜਾਬੀ ਯੂਨੀਵਰਸਿਟੀ ਟੇਬਲ ਟੈਨਿਸ 'ਚ ਪਟਿਆਲਾ ਦੇ ਪੁਰਸ਼ਾਂ ਦੀ ਝੰਡੀ
ਬਰਨਾਲਾ, 14 ਸਤੰਬਰ -
ਬਰਨਾਲਾ ਦੇ ਸ੍ਰੀ ਲਾਲ ਬਹਾਦਰ ਆਰੀਆ ਮਹਿਲਾ ਕਾਲਜ ਵਿਚ ਅੰਤਰ-ਕਾਲਜ ਪੰਜਾਬੀ
ਯੂਨੀਵਰਸਿਟੀ ਟੇਬਲ ਟੈਨਿਸ ਮੁਕਾਬਲੇ ਕਰਵਾਏ ਗਏ। ਜਿਸ ਵਿਚ ਪੰਜਾਬੀ ਯੂਨੀਵਰਸਿਟੀ
ਪਟਿਆਲਾ ਨਾਲ ਸਬੰਧਿਤ 26 ਕਾਲਜ 14 ਪੁਰਸ਼ ਤੇ 12 ਇਸਤਰੀਆਂ ਦੀਆਂ ਟੀਮਾਂ ਨੇ ਹਿੱਸਾ
ਲਿਆ। ਤਿੰਨ ਰੋਜ਼ਾ ਟੇਬਲ ਟੈਨਿਸ ਮੁਕਾਬਲਿਆਂ 'ਚ ਪੰਜਾਬੀ ਯੂਨੀਵਰਸਿਟੀ ਕੈਂਪਸ ਪਟਿਆਲਾ
ਦੀ ਪੁਰਸ਼ਾਂ ਦੀ ਟੀਮ ਨੇ ਮੋਦੀ ਕਾਲਜ ਪਟਿਆਲਾ ਨੂੰ ਹਰਾ ਕੇ ਪੁਰਸ਼ਾਂ ਦੀ ਟੀਮ ਦਾ
ਖਿਤਾਬ ਜਿੱਤਿਆ। ਮੋਦੀ ਕਾਲਜ ਤੇ ਸਰਕਾਰੀ ਬਰਜਿੰਦਰਾ ਕਾਲਜ ਫਰੀਦਕੋਟ ਨੇ ਕ੍ਰਮਵਾਰ
ਦੂਜਾ ਤੇ ਤੀਜਾ ਸਥਾਨ ਹਾਸਿਲ ਕੀਤਾ। ਇਸਤਰੀਆਂ ਦੇ ਵਰਗ 'ਚ ਮੋਦੀ ਕਾਲਜ ਪਟਿਆਲਾ ਦੀ
ਟੀਮ ਜਿੱਤ ਗਈ, ਜਦੋਂ ਕਿ ਯੂਨੀਵਰਸਿਟੀ ਕੈਂਪਸ ਤੇ ਸਰਕਾਰੀ ਕਾਲਜ ਰੋਪੜ ਨੂੰ
ਕ੍ਰਮਵਾਰ ਦੂਜੇ ਤੇ ਤੀਜੇ ਸਥਾਨ 'ਤੇ ਸਬਰ ਕਰਨਾ ਪਿਆ।
ਸਾਯਨਾ ਦਾ ਚੀਨੀ ਤਾਈਪੇ ਓਪਨ ਖਿਤਾਬ 'ਤੇ ਕਬਜ਼ਾ
ਨਵੀਂ ਦਿੱਲੀ, 14 ਸਤੰਬਰ -
ਭਾਰਤ ਦੀ ਪ੍ਰਸਿੱਧ ਬੈਡਮਿੰਟਨ ਖਿਡਾਰੀ ਸਾਯਨਾ ਨੇਹਵਾਲ ਨੇ ਤਾਈਵਾਨ ਵਿਖੇ ਕਰਵਾਈ
ਚੀਨੀ ਤਾਈਪੇ ਓਪਨ ਬੈਡਮਿੰਟਨ ਗ੍ਰਾਂ ਪ੍ਰੀ ਖਿਤਾਬ 'ਤੇ ਆਪਣਾ ਕਬਜ਼ਾ ਕਰ ਲਿਆ। ਸਾਯਨਾ
ਨੇ ਖ਼ਿਤਾਬੀ ਮੁਕਾਬਲੇ ਵਿਚ ਮਲੇਸ਼ੀਆ ਦੀ ਲੀਆ ਲਾਡੀਆ ਚੇਕ ਨੂੰ 21-8 ਤੇ 21-19 ਨਾਲ
ਹਰਾਇਆ। ਸਾਯਨਾ ਇੰਡੋਨੇਸ਼ੀਆ ਦੀ ਪਿਆ ਬਰਨਾਰਟ ਨੂੰ ਹਰਾਕੇ ਦੂਜੀ ਵਾਰ ਗ੍ਰਾਂ ਪ੍ਰੀ
ਫਾਈਨਲ ਵਿਚ ਪਹੁੰਚਣ ਵਾਲੀ ਦੇਸ਼ ਦੀ ਪਹਿਲੀ ਬੈਡਮਿੰਟਨ ਖਿਡਾਰੀ ਬਣੀ ਸੀ।
ਕੇ. ਪੀ. ਐਸ. ਗਿੱਲ ਨੇ ਭਾਰਤੀ ਹਾਕੀ ਫੈਡਰੇਸ਼ਨ ਦੀ ਜਨਰਲ ਬਾਡੀ ਦੀ ਮੀਟਿੰਗ ਬੁਲਾਈ
17 ਸਤੰਬਰ ਨੂੰ
ਜਲੰਧਰ, 13 ਸਤੰਬਰ -
ਭਾਵੇਂ ਭਾਰਤੀ ਉਲੰਪਿਕ ਐਸੋਸੀਏਸ਼ਨ ਨੇ ਭਾਰਤੀ ਹਾਕੀ ਫੈਡਰੇਸ਼ਨ ਨੂੰ ਭੰਗ ਕਰਕੇ ਸਾਰੀ
ਕਮਾਨ ਆਪਣੇ ਹੱਥਾਂ ਵਿਚ ਲੈ ਲਈ ਪਰ ਫਿਰ ਵੀ ਫੈਡਰੇਸ਼ਨ ਦੇ ਸਾਬਕਾ ਪ੍ਰਧਾਨ ਜੋ ਅਜੇ
ਤੱਕ ਆਪਣੇ-ਆਪ ਨੂੰ ਪ੍ਰਧਾਨ ਹੀ ਮੰਨਦੇ ਆ ਰਹੇ ਕੇ. ਪੀ. ਐਸ. ਗਿੱਲ ਨੇ ਭਾਰਤੀ ਹਾਕੀ
ਫੈਡਰੇਸ਼ਨ ਦੀ ਸਾਲਾਨਾ ਜਨਰਲ ਬਾਡੀ ਦੀ ਮੀਟਿੰਗ ਭਾਰਤੀ ਹਾਕੀ ਫੈਡਰੇਸ਼ਨ ਦੇ ਪੱਤਰ
ਨੰਬਰ 38/2008 ਮਿਤੀ 25 ਅਗਸਤ 2008 ਦੇ ਅਨੁਸਾਰ 17 ਸਤੰਬਰ ਨੂੰ ਸਵੇਰੇ 10.30 ਵਜੇ
ਹੋਟਲ ਗਰੈਂਡ ਕਾਨਟੀਨੈਂਟਲ ਬਾਰਾਖੰਬਾ ਰੋਡ ਨਵੀਂ ਦਿੱਲੀ ਵਿਖੇ ਬੁਲਾਈ ਹੈ। ਇਸ ਪੱਤਰ
ਵਿਚ ਉਨ੍ਹਾਂ ਨੇ ਸਪੱਸ਼ਟ ਕੀਤਾ ਹੈ ਕਿ ਸਕੱਤਰ ਜਨਰਲ ਦੀ ਰਿਪੋਰਟ 'ਤੇ ਵਿਚਾਰ ਕੀਤਾ
ਜਾਵੇਗਾ ਤੇ ਸਾਲ 2005-06 ਸਾਲ 2006-07 ਤੇ 2007-08 ਦੇ ਵਿੱਤੀ ਲੇਖੇ-ਜੋਖੇ 'ਤੇ
ਵੀ ਵਿਚਾਰ ਕੀਤਾ ਜਾਵੇਗਾ ਤੇ ਇਸ ਤੋਂ ਇਲਾਵਾ ਭਾਰਤੀ ਹਾਕੀ ਫੈਡਰੇਸ਼ਨ ਦੇ ਖ਼ਿਲਾਫ਼
ਕੋਰਟ ਵਿਚ ਚੱਲ ਰਹੇ ਕੇਸਾਂ ਸਬੰਧੀ ਵੀ ਵਿਚਾਰ-ਵਟਾਂਦਰਾ ਕੀਤਾ ਜਾਵੇਗਾ। ਇਹ ਪੱਤਰ
ਕੇ. ਪੀ. ਐਸ. ਗਿੱਲ ਪ੍ਰਧਾਨ ਨੇ ਆਪਣੇ ਦਸਤਖਤਾਂ ਹੇਠ ਜਾਰੀ ਕੀਤਾ ਹੈ ਤੇ ਇਸ ਪੱਤਰ
ਵਿਚ ਅਜੇ ਵੀ ਅਹੁਦੇਦਾਰਾਂ ਦੀ ਲਿਸਟ ਵਿਚ ਬਰਖ਼ਾਸਤ ਕੀਤੇ ਜਨਰਲ ਸਕੱਤਰ ਕੇ ਜੋਤੀ
ਕੁਮਾਰਨ ਦਾ ਵੀ ਨਾਂਅ ਦਰਜ ਹੈ। ਹੁਣ ਇਥੇ ਸਵਾਲ ਪੈਦਾ ਹੁੰਦਾ ਹੈ ਕਿ ਇਕ ਪਾਸੇ ਤਾਂ
ਭਾਰਤੀ ਉਲੰਪਿਕ ਐਸੋਸੀਏਸ਼ਨ ਨੇ ਭਾਰਤੀ ਹਾਕੀ ਫੈਡਰੇਸ਼ਨ ਨੂੰ ਭੰਗ ਕਰਕੇ ਇਕ ਐਤਹਾਕ
ਕਮੇਟੀ ਦਾ ਗਠਨ ਕੀਤਾ ਹੈ ਪਰ ਦੂਜੇ ਪਾਸੇ ਇਸ ਫੈਡਰੇਸ਼ਨ ਦੇ ਬਰਖ਼ਾਸਤ ਕੀਤੇ ਪ੍ਰਧਾਨ
ਵੱਲੋਂ ਫੈਡਰੇਸ਼ਨ ਦੀ ਇਹ ਹੰਗਾਮੀ ਮੀਟਿੰਗ ਬੁਲਾਈ ਹੈ ਹੁਣ ਇਸ ਸਬੰਧੀ ਭਾਰਤੀ ਉਲੰਪਿਕ
ਐਸੋਸੀਏਸ਼ਨ ਕੀ ਫੈਸਲਾ ਕਰਦੀ ਹੈ ਇਹ ਤਾਂ ਆਉਣ ਵਾਲਾ ਸਮਾਂ ਹੀ ਦੱਸੇਗਾ ਪਰ ਸੂਤਰ
ਦੱਸਦੇ ਹਨ ਕਿ ਗਿੱਲ ਸਾਹਿਬ ਨੇ ਇਸ ਬਰਖ਼ਾਸਤਗੀ ਦੇ ਖ਼ਿਲਾਫ਼ ਕੋਰਟ ਵਿਚ ਕੇਸ ਦਾਇਰ ਕੀਤਾ
ਹੈ। ਇਸ ਦੀ ਸੁਣਵਾਈ 4 ਦਸੰਬਰ 2008 ਨੂੰ ਹੋਣੀ ਹੈ ਤੇ ਇਸ ਮੌਕੇ 'ਤੇ ਕੋਰਟ ਭਾਰਤੀ
ਹਾਕੀ ਫੈਡਰੇਸ਼ਨ ਦੀ ਚੋਣ ਕਰਵਾਉਣ ਨੂੰ ਹਰੀ ਝੰਡੀ ਦੇ ਸਕਦੀ ਹੈ। ਕੇ. ਪੀ. ਐਸ. ਗਿੱਲ
ਦੁਬਾਰਾ ਚੋਣ ਲੜ ਕੇ ਫਿਰ ਭਾਰਤੀ ਹਾਕੀ ਫੈਡਰੇਸ਼ਨ ਦੀ ਕੁਰਸੀ 'ਤੇ ਕਬਜ਼ਾ ਕਰਨ ਦੀ ਤਾਕ
ਵਿਚ ਹਨ। ਇਸ ਲਈ ਇਹ ਮੀਟਿੰਗ ਕਾਫੀ ਅਹਿਮ ਹੈ। ਦੂਜੇ ਪਾਸੇ ਜਿਸ ਤਰੀਕੇ ਨਾਲ ਐਡਹਾਕ
ਕਮੇਟੀ ਹਾਕੀ ਨੂੰ ਦੇਸ਼ ਦਾ ਉਤਸ਼ਾਹਿਤ ਕਰਨ ਵਿਚ ਅਸਫਲ ਰਹੀ ਹੈ ਤੇ ਆਪਸ ਵਿਚ ਉਲੰਪੀਅਨਾਂ
ਨੇ ਇਕ ਦੂਜੇ ਤੋਂ ਅਹੁਦੇ ਖੋਹਣ ਦੀ ਨੀਤੀ ਅਪਣਾਈ ਹੈ ਇਸ ਦਾ ਫਾਇਦਾ ਕੇ. ਪੀ. ਐਸ.
ਗਿੱਲ ਨੂੰ ਮਿਲਣ ਦੀ ਸੰਭਾਵਨਾ ਹੈ ਪਰ ਫਿਲਹਾਲ ਸਭ ਦੀਆਂ ਨਜ਼ਰਾਂ 17 ਸਤੰਬਰ ਨੂੰ ਹੋਣ
ਵਾਲੀ ਮੀਟਿੰਗ 'ਤੇ ਟਿਕੀਆਂ ਹਨ।
ਸਰਕਾਰ ਜੀ ਸਹੂਲਤਾਂ ਤੋਂ ਬਗੈਰ ਸਾਡੇ ਤੋਂ ਤਗਮਿਆਂ ਦੀ ਆਸ ਨਾ ਰੱਖੋ
ਜਲੰਧਰ, 13 ਸਤੰਬਰ -
ਪੰਜਾਬ ਸਕੂਲ ਖੇਡਾਂ ਜੋ 6 ਸਤੰਬਰ ਤੋਂ ਰਾਜ ਦੇ ਵੱਖ-ਵੱਖ ਸ਼ਹਿਰਾਂ 'ਚ ਕਰਵਾਈਆਂ ਜਾ
ਰਹੀਆਂ ਹਨ। 2 ਮਹੀਨੇ ਹੋਣ ਵਾਲੀਆਂ ਇਨ੍ਹਾਂ ਖੇਡਾਂ ਵਿਚ ਅੰਡਰ14-17-19 ਸਾਲ ਦੇ
ਲੜਕੇ ਤੇ ਲੜਕੀਆਂ ਦੇ ਵਰਗ ਵਿਚ ਪੰਜਾਬ ਦੇ ਵੱਖ-ਵੱਖ ਜ਼ਿਲ੍ਹਿਆਂ ਤੋਂ ਕੋਈ 15 ਹਜ਼ਾਰ
ਖਿਡਾਰੀ ਭਾਗ ਲੈਣਗੇ ਪਰ ਢਿੱਡੋਂ ਭੁੱਖੇ, ਖੇਡ ਸਮੱਗਰੀ ਤੋਂ ਵਾਂਝੇ ਚੰਗੇ ਕੋਚਾਂ ਦੀ
ਅਗਵਾਈ ਤੋਂ ਸੱਖਣੇ, ਹਨੇਰੀ ਗਲੀ ਦੇ ਪਾਧੀਂ ਪੰਜਾਬ ਦੇ ਸਕੂਲਾਂ ਦੇ ਖਿਡਾਰੀ ਸਾਲ
2008-09 'ਚ ਇਨ੍ਹਾਂ ਖੇਡਾਂ 'ਚ ਨਿਤਨੇਮੀ ਕਾਰਜ ਕਰਨ ਜਾ ਰਹੇ ਹਨ। ਹਰ ਸਾਲ ਦੀ
ਤਰ੍ਹਾਂ ਖਿਡਾਰੀਆਂ ਨੂੰ ਨਸ਼ਿਆਂ ਤੋਂ ਦੂਰ ਰਹਿਣ, ਉਲੰਪਿਕ 'ਚ ਸੋਨ ਤਗਮੇ ਜਿੱਤਣ ਅਤੇ
ਖੇਡਾਂ ਨੂੰ ਭਰਾਤਰੀ ਭਾਵ ਦਾ ਪ੍ਰਤੀਕ ਮੰਨਣ ਦਾ ਸਿਆਸੀ ਪ੍ਰਵਚਨ ਦਿੱਤਾ ਜਾਵੇਗਾ।
ਖਿਡਾਰੀਆਂ ਨੂੰ ਪਿਛਲੇ 10 ਸਾਲਾਂ ਤੋਂ ਦਿੱਤੀ ਜਾ ਰਹੀ ਨਿਗੂਣੀ ਖੁਰਾਕ ਰਾਸ਼ੀ 50
ਰੁਪਏ ਵਿਚ ਵਾਧਾ ਕਰਨ, ਨਵੇਂ ਕੋਚ ਭਰਤੀ ਕਰਨ, ਪਿੰਡਾਂ 'ਚ ਖੇਡ ਸਟੇਡੀਅਮ ਉਸਾਰ ਕੇ
ਖੇਡ ਸੱਭਿਆਚਾਰ ਪੈਦਾ ਕਰਨ ਦੇ ਫੋਕੇ ਲਾਰੇ ਲਾ ਕੇ ਖਿਡਾਰੀਆਂ ਤੋਂ ਤਾੜੀਆਂ ਮਰਵਾਈਆਂ
ਜਾਣਗੀਆਂ। ਅਸਲ ਵਿਚ ਇਸ ਸਿੱਕੇ ਦੇ ਦੂਸਰੇ ਪਹਿਲੂ 'ਤੇ ਝਾਤ ਮਾਰੀਏ ਤਾਂ ਅੱਜ ਤੱਕ
ਪੰਜਾਬ ਸਰਕਾਰ ਨੇ ਖਿਡਾਰੀਆਂ ਦੀ ਬਿਹਤਰੀ ਲਈ ਗੋਹੜੇ ਵਿਚੋਂ ਪੂਣੀ ਵੀ ਨਹੀਂ ਕੱਤੀ।
ਸਕੂਲਾਂ ਕਾਲਜਾਂ 'ਚ ਖੋਲ੍ਹੇ ਖੇਡ ਵਿੰਗਾਂ ਦੇ ਖਿਡਾਰੀਆਂ ਪਿਛਲੇ ਚਾਰ ਮਹੀਨੀਆਂ ਤੋਂ
ਖੇਡ ਸਾਮਾਨ, ਕਿੱਟਾਂ ਹੋਸਟਲਾਂ ਲਈ ਪਾਣੀ, ਬਿਜਲੀ ਅਤੇ ਹੋਰ ਬੁਨਿਆਦੀ ਲੋੜਾਂ ਲਈ
ਚੰਡੀਗੜ੍ਹ ਦੇ ਅਧਿਕਾਰੀਆਂ/ਮੰਤਰੀਆਂ ਤਾਂ ਅਜੇ ਤੱਕ ਖੇਡ ਯੋਜਨਾਵਾਂ, ਸਾਮਾਨ ਦੀ
ਖਰੀਦ ਅਤੇ ਖਿਡਾਰੀਆਂ ਨੂੰ ਬਣਦੀਆਂ ਸਹੂਲਤਾਂ ਲਈ ਪੰਜਾਬ ਸਕੂਲ ਖੇਡ ਵਿਕਾਸ ਕਮੇਟੀ
ਦੇ ਫੈਸਲੇ ਲਾਗੂ ਨਹੀਂ ਕਰ ਸਕੇ। ਕਈ ਸਪੋਰਟਸ ਵਿੰਗ (ਸਕੂਲ) ਚਿੱਟੇ ਹਾਥੀ ਸਾਬਤ ਹੋ
ਰਹੇ ਹਨ। ਸਕੂਲਾਂ ਵਿਚ ਦੂਰ ਦੂਰਾਡੇ ਡਿਊਟੀ ਤੋਂ ਬਚਣ ਲਈ ਸਿਫਾਰਸ਼ੀ ਅਧਿਕਾਰੀਆਂ ਨੂੰ
ਕੰਮ ਚਲਾਉ ਢੰਗ ਨਾਲ ਨਿਯੁਕਤ ਕਰਕੇ ਸਮੇਂ ਦੇ ਪਹੀਏ ਨੂੰ ਰੇੜ੍ਹਿਆ ਜਾ ਰਿਹਾ ਹੈ।
ਅੱਤ ਦੀ ਮਹਿੰਗਾਈ ਵਿਚ ਖਿਡਾਰੀਆਂ ਦੀ ਖੁਰਾਕ ਵਿਚ ਵਾਧਾ ਤਾਂ ਕੀ ਕਰਨਾ ਸੀ ਉਲਟਾ
ਠੇਕੇਦਾਰਾਂ ਨੂੰ ਦਿੱਤੀ ਜਾ ਰਹੀ ਖੁਰਾਕ ਰਾਸ਼ੀ ਨੂੰ ਸਗੋਂ ਕਟੌਤੀ ਕਰ ਅਧੀਨ ਲਿਆ ਕੇ
ਖਿਡਾਰੀਆਂ ਨੂੰ ਮਿਲਦੀ ਨਿਗੂਣੀ ਖੁਰਾਕ ਵਿਚੋਂ ਹੋਰ ਪਾਣੀ ਪਵਾਉਣਾ ਦੀ ਤਿਆਰੀ ਕਰ ਲਈ
ਗਈ ਹੈ। ਪੰਜਾਬ ਖੇਡ ਵਿਭਾਗ ਭਾਵੇ ਖੇਡਾਂ ਦੇ ਵਿਕਾਸ ਲਈ ਵੱਡੇ ਦਾਅਵੇ ਕਰ ਰਿਹਾ ਹੈ
ਪਰ 154 ਠੇਕੇ 'ਤੇ ਰੱਖਣ ਵਾਲੇ ਕੋਚਾਂ ਨੂੰ ਨਿਯੁਕਤੀ ਪੱਤਰ ਦੇਣ, ਖੇਡ ਸਾਮਾਨ
ਖਿਡਾਰੀਆਂ ਤੱਕ ਪਹੁੰਚਣ ਵਿਚ ਫਾਡੀ ਰਹਿਣ ਕਰਕੇ ਖੇਡ ਪ੍ਰੇਮੀਆਂ ਦੀ ਆਲੋਚਨਾ ਦਾ
ਸ਼ਿਕਾਰ ਹੋ ਰਿਹਾ ਹੈ। ਖੇਡਾਂ ਵਿਚ ਸਿਰਮੌਰ ਪੰਜਾਬ ਦੀ 2 ਕਰੋੜ ਤੋਂ ਵੱਧ ਆਬਾਦੀ ਵਿਚ
ਸਿਰਫ਼ ਵੱਖ-ਵੱਖ ਖੇਡਾਂ ਵਿਚ 3500 ਖਿਡਾਰੀਆਂ ਨੂੰ ਸਿਖਲਾਈ ਦੇਣ ਵਾਲੇ ਕਾਰਜ ਨੂੰ
ਵੱਡੀ ਪ੍ਰਾਪਤੀ ਮੰਨਦਾ ਹੈ। ਖੇਡ ਵਿਭਾਗ ਤੇ ਸਿੱਖਿਆ ਦੇ ਆਪਸੀ ਤਾਲਮੇਲ ਦੀ ਘਾਟ ਦਾ
ਖਮਿਆਜ਼ਾ ਖਿਡਾਰੀ ਭੁਗਤ ਰਹੇ ਹਨ। ਇਧਰ ਸਕੂਲਾਂ ਦੇ ਜ਼ਿਲ੍ਹਾ ਪੱਧਰ ਦੇ ਮੁਕਾਬਲੇ ਚੱਲ
ਰਹੇ ਹਨ। ਉਧਰ ਪੰਜਾਬ ਖੇਡ ਵਿਭਾਗ ਨੇ ਪੇਡੂ ਖੇਡਾਂ ਕਰਵਾਉਣ 'ਤੇ ਜ਼ੋਰ ਲਾ ਦਿੱਤਾ
ਹੈ। ਪੰਜਾਬ ਸਟੂਡੈਂਟਸ ਯੂਨੀਅਨ ਦੇ ਜਨਰਲ ਸਕੱਤਰ ਧਰਮਿੰਦਰ ਸਿੰਘ ਪਾਤੜਾਂ ਨੇ ਦੋਸ਼
ਲਾਇਆ ਹੈ ਕਿ ਪੰਜਾਬ ਸਰਕਾਰ ਖਿਡਾਰੀਆਂ ਨੂੰ ਸਹੂਲਤ ਦੇਣ ਦੀ ਬਜਾਏ ਸਿਆਸੀ ਬਿਆਨ ਦੇ
ਕੇ ਨੌਜਵਾਨਾਂ ਨੂੰ ਗੁੰਮਰਾਹ ਕਰਨ ਦੇ ਰਸਤੇ 'ਤੇ ਪਈ ਹੋਈ ਹੈ। ਇਸੇ ਕੜੀ ਵਜੋਂ
ਖਿਡਾਰੀਆਂ ਨੂੰ ਮਿਲਣ ਵਾਲੇ ਇਨਾਮ, ਵਜ਼ੀਫੇ, ਖੁਰਾਕ ਭੱਤਾ, ਖੇਡ ਸਾਮਾਨ ਅਤੇ ਵਧੀਆ
ਕੋਚਾਂ ਦੀ ਭਰਤੀ ਲਈ ਕਾਰਜ ਦੇ ਪ੍ਰਚਾਰ ਲਈ ਢੁਕਵੇਂ ਮੌਕੇ ਦੀ ਤਲਾਸ਼ ਵਿਚ ਹੈ ਜਿਸ
ਮੌਕੇ ਵੱਡਾ ਇਕੱਠ ਕਰਕੇ ਆਪਣੇ ਆਪ ਨੂੰ ਖੇਡਾਂ ਦਾ ਮਸੀਹਾ ਸਾਬਤ ਕਰ ਸਕੇ। ਉਨ੍ਹਾਂ
ਮੰਗ ਕੀਤੀ ਹੈ ਕਿ ਸਕੂਲੀ ਖਿਡਾਰੀਆਂ ਦੀ ਖੁਰਾਕ, ਵਜ਼ੀਫੇ, ਨੌਕਰੀਆਂ ਅਤੇ ਉੱਚ ਪੱਧਰ
ਦੀ ਵਿੱਦਿਆ ਲਈ ਦਾਖ਼ਲੇ ਦੇ ਕੋਟੇ 'ਚ ਵਾਧਾ ਤੁਰੰਤ ਕੀਤਾ ਜਾਵੇ। ਖੇਡ ਐਸੋਸੀਏਸ਼ਨ ਨੂੰ
ਚੋਣ ਮਨੋਰਥ ਪੱਤਰ ਅਨੁਸਾਰ ਇਕ ਲੱਖ ਰੁਪਏ, ਖੇਡ ਕਲੱਬ ਨੂੰ 50 ਹਜ਼ਾਰ ਰੁਪਏ,
ਖਿਡਾਰੀਆਂ ਦੀ ਖੁਰਾਕ ਰਾਸ਼ੀ 100 ਰੁਪਏ, ਕੋਚਾਂ ਦੀ ਰੈਗੂਲਰ ਭਰਤੀ ਤੇ ਪੰਜਾਬ ਖੇਡਾਂ
ਦੁਬਾਰਾ ਸ਼ੁਰੂ ਕਰਨ ਦੀ ਮੰਗ ਕੀਤੀ ਹੈ।
ਪੰਜਾਬ ਹਾਕੀ ਲੀਗ
ਜਰਖੜ ਅਕੈਡਮੀ ਨੇ ਸੰਗਰੂਰ ਨੂੰ 12-0 ਨਾਲ ਹਰਾਇਆ
ਲੁਧਿਆਣਾ, 13 ਸਤੰਬਰ -
ਪੰਜਾਬ ਖੇਡ ਵਿਭਾਗ ਵੱਲੋਂ ਪਦਮ ਸ੍ਰੀ ਪ੍ਰਿਥੀਪਾਲ ਸਿੰਘ ਹਾਕੀ ਸਟੇਡੀਅਮ ਲੁਧਿਆਣਾ
ਵਿਖੇ ਰਾਜ ਪੱਧਰੀ ਅੰਡਰ 14 ਅਤੇ ਅੰਡਰ 16 ਹਾਕੀ ਲੀਗ ਦੇ ਮੁਕਾਬਲੇ ਕਰਵਾਏ ਜਾ ਰਹੇ
ਹਨ। ਜਿਸ ਦੇ ਦੂਜੇ ਗੇੜ ਦੇ ਮੈਚਾਂ ਵਿਚ ਅੰਡਰ 16 ਵਰਗ ਵਿਚ ਜਰਖੜ ਅਕੈਡਮੀ, ਅਮਲੋਹ,
ਸੰਗਰੂਰ ਅਤੇ ਮੋਹਾਲੀ ਨੇ ਆਪੋ ਆਪਣੇ ਮੈਚ ਜਿੱਤੇ। ਇਸ ਵਿਚ ਅੰਡਰ 16 ਦੇ ਪਹਿਲੇ ਮੈਚ
ਵਿਚ ਜਰਖੜ ਅਕੈਡਮੀ ਨੇ ਸੰਗਰੂਰ ਨੂੰ 12-0 ਨਾਲ ਹਰਾਇਆ। ਦੂਸਰੇ ਮੈਚ ਵਿਚ ਅੰਡਰ 14
ਸਾਲ ਵਿਚ ਮੁਹਾਲੀ ਨੇ ਅਮਲੋਹ ਨੂੰ 3-0 ਨਾਲ ਹਰਾਇਆ, ਜਦਕਿ ਤੀਸਰੇ ਮੈਚ ਵਿਚ ਸੰਗਰੂਰ
ਨੇ ਫਤਹਿਗੜ੍ਹ ਸਾਹਿਬ ਨੂੰ 4-1 ਨਾਲ ਪਿੱਛੇ ਛਡਿਆ। ਆਖਰੀ ਮੈਚ ਵਿਚ ਅੰਡਰ 16 ਵਰਗ
ਵਿਚ ਅਮਲੋਹ ਨੇ ਰੂਮੀ ਨੂੰ 2-1 ਨਾਲ ਹਰਾਇਆ।
ਪੰਜਾਬ ਹਾਕੀ ਲੀਗ, ਉਲੰਪੀਅਨ ਸੁਰਜੀਤ ਹਾਕੀ
ਸਟੇਡੀਅਮ 'ਚ
ਜਲੰਧਰ, 13 ਸਤੰਬਰ -
ਪੰਜਾਬ ਹਾਕੀ ਲੀਗ ਜੋ ਕਿ ਪੰਜਾਬ ਖੇਡ ਵਿਭਾਗ ਵੱਲੋਂ ਉਲੰਪੀਅਨ ਸੁਰਜੀਤ ਹਾਕੀ
ਸਟੇਡੀਅਮ ਵਿਖੇ ਕਰਵਾਈ ਜਾ ਰਹੀ ਹੈ। ਇਸ ਵਿਚ ਲੜਕੀਆਂ ਦੇ ਸੀਨੀਅਰ ਵਰਗ ਵਿਚ ਭਾਰਤ
ਨਗਰ ਲੁਧਿਆਣਾ 'ਏ' ਅਤੇ ਸਪੋਰਟਸ ਵਿੰਗ ਕੈਰੋਂ 'ਬੀ' ਜੇਤੂ ਰਹੀ। ਜੂਨੀਅਰ ਵਰਗ ਵਿਚ
ਯੂ ਸੀ ਆਈ ਅਕੈਡਮੀ ਸੂਰਾਨਸੀ 'ਬੀ' ਸਪੋਰਟਸ ਵਿੰਗ ਕੈਰੋਂ 'ਏ' ਅਤੇ ਮੁਕਤਸਰ 'ਏ' ਨੇ
ਆਪਣੇ-ਆਪਣੇ ਮੈਚ ਜਿੱਤੇ। ਸੀਨੀਅਰ ਵਰਗ ਦੇ ਪਹਿਲੇ ਮੈਚ ਵਿਚ ਭਾਰਤ ਨਗਰ ਲੁਧਿਆਣਾ
'ਏ' ਨੇ ਅੰਮ੍ਰਿਤਸਰ 'ਬੀ' ਨੂੰ 5-2 ਦੇ ਫਰਕ ਨਾਲ ਹਰਾਇਆ। ਦੂਜੇ ਮੈਚ ਵਿਚ ਸਪੋਰਟਸ
ਵਿੰਗ ਕੈਰੋਂ 'ਏ' ਨੇ ਖਾਲਸਾ ਕਾਲਜ ਲੁਧਿਆਣਾ 'ਬੀ' ਨੂੰ 8-0 ਨਾਲ ਹਰਾ ਦਿੱਤਾ।
ਜੂਨੀਅਰ ਵਰਗ ਵਿਚ ਯੂ ਸੀ ਆਈ ਅਕੈਡਮੀ ਸੂਰਾਨਸੀ 'ਬੀ' ਨੇ ਮੁਕਤਸਰ 'ਬੀ' ਨੂੰ 7-0
ਨਾਲ ਹਰਾਇਆ। ਦੂਜੇ ਮੈਚ ਵਿਚ ਸਪੋਰਟਸ ਵਿੰਗ ਕੈਰੋਂ 'ਏ' ਨੇ ਸੰਤ ਸਰ ਸਕੂਲ ਬੁਤਾਲਾ
ਨੂੰ 4-0 ਨਾਲ ਹਰਾਇਆ। ਤੀਜੇ ਮੈਚ ਵਿਚ ਮੁਕਤਸਰ 'ਏ' ਨੇ ਐਸ ਡੀ ਫੁਲਰਵਾਨ ਜਲੰਧਰ
ਨੂੰ 4-0 ਨਾਲ ਹਰਾ ਦਿੱਤਾ। ਲੜਕਿਆਂ ਦੇ ਵਰਗ ਵਿਚ ਮਿੱਠਾਪੁਰ ਨੇ ਕਪੂਰਥਲਾ ਨੂੰ 3-2
ਨਾਲ ਹਰਾਇਆ, ਜਦਕਿ ਚਾਨੀਆਂ ਨੇ ਖੁਸਰੋਪੁਰ ਨੂੰ 2-1 ਨਾਲ, ਸਮਰਾਏ ਜੰਡਿਆਲਾ ਨੇ
ਚਾਨੀਆਂ ਨੂੰ 3-2 ਨਾਲ ਹਰਾਇਆ। ਸਮਰਾਏ ਜੰਡਿਆਲਾ ਅਤੇ ਖਾਂਬੜਾ ਵਿਚਕਾਰ ਖੇਡਿਆ ਗਿਆ
ਮੈਚ ਬਿਨਾਂ ਕਿਸੇ ਗੋਲ ਦੇ ਬਰਾਬਰ ਰਿਹਾ।
27 ਵੀ ਸੀਨੀਅਰ ਨੈਸ਼ਨਲ ਚੈਂਪੀਅਨਸ਼ਿਪ
ਹੰਡਿਆਇਆ, ਬਰਨਾਲਾ, 13
ਸਤੰਬਰ : 27 ਵੀਆਂ ਸੀਨੀਅਰ ਨੈਸ਼ਨਲ ਚੈਂਪੀਅਨਸ਼ਿਪ 4 ਤੋਂ 7 ਅਕਤੂਬਰ ਤੱਕ ਦਿੱਲੀ
ਵਿਖੇ ਹੋਵੇਗੀ। ਪੰਜਾਬ ਦੇ ਦੋਵੇਂ ਵਰਗਾਂ ਦੀਆਂ ਟੀਮਾਂ ਮਰਦ ਤੇ ਔਰਤਾਂ ਲਈ ਖਿਡਾਰੀਆਂ
ਦੀ ਚੋਣ ਵਾਸਤੇ 14 ਸਤੰਬਰ ਨੂੰ ਐਸ. ਡੀ. ਕਾਲਜ ਬਰਨਾਲਾ ਵਿਖੇ ਟ੍ਰਾਇਲ ਲਏ ਜਾਣਗੇ।
ਖਿਡਾਰੀਆਂ ਦਾ ਕੋਚਿੰਗ ਕੈਂਪ 20 ਸਤੰਬਰ ਤੋਂ 2 ਅਕਤੂਬਰ ਤੱਕ ਐਸ. ਡੀ. ਕਾਲਜ ਬਰਨਾਲਾ
ਦੇ ਗਰਾਊਂਡ ਵਿਚ ਹੋਵੇਗਾ। 3 ਅਕਤੂਬਰ ਨੂੰ ਪੰਜਾਬ ਟੀਮ ਚੈਂਪੀਅਨਸ਼ਿਪ ਵਿਚ ਭਾਗ ਲੈਣ
ਲਈ ਦਿੱਲੀ ਨੂੰ ਜਾਵੇਗੀ।
ਬੇਗੋਵਾਲ ਦੀ ਕਬੱਡੀ ਟੀਮ 'ਵਰਸਿਟੀ ਚੈਂਪੀਅਨ ਬਣੀ
ਬੇਗੋਵਾਲ, 12 ਸਤੰਬਰ -
ਗੁਰੂ ਨਾਨਕ ਦੇਵ ਯੂਨੀਵਰਸਿਟੀ ਦੀਆਂ ਖੇਡਾਂ 'ਚ ਬੇਗੋਵਾਲ ਦੇ ਗੁਰੂ ਨਾਨਕ ਪ੍ਰੇਮ
ਸਿੰਘ ਖਾਲਸਾ ਕਾਲਜ ਦੀ ਕਬੱਡੀ ਟੀਮ ਨੇ ਵਧੀਆ ਕਾਰਗੁਜ਼ਾਰੀ ਕਰਦਿਆਂ ਯੂਨੀਵਰਸਿਟੀ
ਚੈਂਪੀਅਨ ਬਣ ਗਈ ਹੈ। ਯੂਨੀਵਰਸਿਟੀ ਕੈਂਪਸ 'ਚ ਇਸ ਟੀਮ ਨੇ ਪੰਜਾਬ ਸਟਾਈਲ ਕਬੱਡੀ
ਮੁਕਾਬਲੇ 'ਚ ਗੁਰੂ ਨਾਨਕ ਕਾਲਜ ਬਟਾਲਾ ਨੂੰ 47 ਦੇ ਮੁਕਾਬਲੇ 28 ਅੰਕਾਂ ਨਾਲ ਹਰਾਇਆ।
ਇਸ ਵਿਚ ਕਬੱਡੀ ਕੋਚ ਨਵਜਿੰਦਰ ਸਿੰਘ ਬੱਗਾ ਨਡਾਲਾ, ਅੰਤਰਰਾਸ਼ਟਰੀ ਕਬੱਡੀ ਹੀਰਾ ਲਵੀ
ਨਡਾਲਾ ਨੇ ਸਭ ਤੋਂ ਵੱਧ ਯੋਗਦਾਨ ਪਾਇਆ, ਸਾਰੇ ਲੀਗ ਮੈਚਾਂ ਦੌਰਾਨ ਟੀਮ ਦੇ ਮੈਂਬਰ
ਪ੍ਰਦੀਪ, ਗੁਰਜੀਤ, ਅਮਨ, ਲੰਬੜ, ਵਰਿੰਦਰ, ਜਸਵਿੰਦਰ, ਪੱਪਾ, ਹੀਰਾ, ਹੈਪੀ, ਸਤਨਾਮ,
ਸੋਨੂੰ, ਕੰਮਾ, ਗਗਨ, ਜੱਗੂ, ਸਤਵਿੰਦਰ ਆਦਿ ਨੇ ਉੱਚ ਕੋਟੀ ਦੀ ਖੇਡ ਦਾ ਪ੍ਰਦਰਸ਼ਨ
ਕਰਕੇ ਯੂਨੀਵਰਸਿਟੀ ਕਬੱਡੀ ਕੱਪ 'ਤੇ ਆਪਣਾ ਕਬਜਾ ਕੀਤਾ।
55 ਵੀਂ ਸੀਨੀਅਰ ਕੌਮੀ ਮੁੱਕੇਬਾਜ਼ੀ ਚੈਂਪੀਅਨਸ਼ਿਪ ਸਮਾਪਤ
ਬਠਿੰਡਾ, 12 ਸਤੰਬਰ -
55ਵੀਂ ਸੀਨੀਅਰ ਕੌਮੀ ਮੁੱਕੇਬਾਜ਼ੀ 6 ਸਤੰਬਰ ਤੋਂ 12 ਸਤੰਬਰ ਤੱਕ ਬਠਿੰਡਾ ਵਿਖੇ
ਕਰਵਾਈ ਗਈ। ਜਿਸ ਵਿਚ 11 ਸਤੰਬਰ ਨੂੰ ਗਿਆਰਾਂ ਭਾਰ ਵਰਗਾਂ ਦੇ ਫਾਈਨਲ ਮੁਕਾਬਲੇ
ਕਰਵਾਏ ਗਏ। ਇਸ ਦੀ ਸ਼ੁਰੂਆਤ ਫੌਜ ਦੇ ਮੁੱਕੇਬਾਜ਼ ਸੁਰੰਜੇ ਸਿੰਘ ਅਤੇ ਝਾਰ ਖੰਡ ਦੇ
ਹੇਮੰਤ ਕੁਮਾਰ ਦੇ ਵਿਚਕਾਰ ਹੋਏ ਮੁਕਾਬਲੇ ਨਾਲ ਹੋਈ। ਸੁਰੰਜੇ ਸਿੰਘ ਨੇ 19-9 ਦੇ
ਵੱਡੇ ਫਰਕ ਨਾਲ ਚੈਂਪੀਅਨਸ਼ਿਪ ਦਾ ਪਹਿਲਾ ਸੋਨ ਤਗਮਾ ਜਿੱਤਿਆ। ਫਲਾਈ ਵੇਟ ਦੇ ਇਸ
ਮੁਕਾਬਲੇ ਦਾ ਚਾਂਦੀ ਦਾ ਤਗਮਾ ਹੇਮੰਤ ਕੁਮਾਰ, ਝਾਰਖੰਡ ਅਤੇ ਕਾਂਸੀ ਦਾ ਤਮਗਾ ਅਸ਼ਵਨੀ
ਸ਼ਰਮਾ, ਆਲ ਇੰਡੀਆ ਪੁਲਿਸ ਅਤੇ ਮੁਕੇਸ਼ ਕੁਮਾਰ ਰੇਲਵੇ ਨੂੰ ਗਏ। ਦੂਜੇ ਮੁਕਾਬਲੇ ਵਿਚ
ਸੀ.ਆਈ.ਐਸ.ਐਫ ਦੇ ਸੁਰੇਸ਼ ਕੁਮਾਰ ਨੇ ਮੇਘਾਲਿਆ ਦੇ ਟੋਰਕ ਖਰੱਪਰਨ ਨੂੰ 23-22 ਨਾਲ
ਹਰਾ ਕੇ ਸੋਨ, ਆਲ ਇੰਡੀਆ ਪੁਲਿਸ ਦੇ ਐਸ. ਕੇ.ਥਾਪਾ ਅਤੇ ਆਂਧਰਾ ਪ੍ਰਦੇਸ਼ ਦੇ ਐਨ.
ਸੰਤੋਸ਼ ਕੁਮਾਰ ਨੂੰ ਕਾਂਸੀ ਦੇ ਤਗਮੇ ਮਿਲੇ। ਤੀਜੇ ਮੁਕਾਬਲੇ ਵਿਚ ਫੌਜ ਦੇਛੋਟੇ ਲਾਲ
ਯਾਦਵ ਨੇ ਮਹਾਰਾਸ਼ਟਰ ਦੇ ਮਨੋਜ ਬਾਪੂ ਪਗਾਰੇ ਨੂੰ 25-8 ਨਾਲ ਹਰਾ ਕੇ ਸੋਨ, ਕਾਂਸੀ
ਦੇ ਤਗਮੇ ਮਿਜ਼ੋਰਮ ਦੇ ਪੀ. ਸੀ. ਛੁਆਨਵਾਵਰਾ ਅਤੇ ਦਿੱਲੀ ਦੇ ਅਕਸ਼ੈ ਕੁਮਾਰ ਨੂੰ ਮਿਲੇ।
ਲਾਈਟ ਵੈਲਟਰ ਵਿਚ ਰੇਲਵੇ ਦੇ ਮਨੋਜ ਕੁਮਾਰ ਨੇ ਮੇਘਾਲਿਆ ਦੇ ਵਿਜੇ ਥਾਪੇ ਨੂੰ 15-4
ਨਾਲ ਹਰਾ ਕੇ ਸੋਨ ਤਗਮਾ ਜਿੱਤਿਆ। ਕਾਂਸੀ ਦੇ ਤਗਮੇ ਅਰੁਨਾਚਲ ਪ੍ਰਦੇਸ਼ ਦੇ ਐਸ.ਬੀ.
ਤਮੰਗ ਅਤੇ ਪ੍ਰੇਮ ਕੁਮਾਰ ਕਰਨਾਟਕ ਨੂੰ ਮਿਲੇ। ਵੈਲਟਰ ਵੇਟ ਵਿਚ ਰੇਲਵੇ ਨੇ ਫੌਜ ਦੇ
ਜੈ ਸਿੰਘ ਪਾਟਿਲ ਨੂੰ 16-4 ਨਾਲ ਹਰਾ ਕੇ ਸੋਨ ਤਗਮਾ ਜਿੱਤਿਆ। ਕਾਂਸੀ ਦੇ ਤਗਮੇ ਆਲ
ਇੰਡੀਆ ਪੁਲਿਸ ਦੇ ਜਗਤ ਅਤੇ ਕਰਨਾਟਕ ਦੇ ਵੈਂਕਟੇਸ਼ ਨੂੰ ਮਿਲਿਆ। ਲਾਈਟ ਹੈਵੀਵੇਟ
ਮੁਕਾਬਲਾ ਫੌਜ ਦੇ ਮਹਿੰਦਰ ਥਾਪਾ ਅਤੇ ਰੇਲਵੇ ਦੇ ਜਸਵੀਰ ਵਿਚਕਾਰ ਹੋਇਆ ਜੋ 16-14
ਨਾਲ ਜਸਵੀਰ ਨੇ ਜਿੱਤਿਆ। ਸੁਨੀਲ ਓਲਾ ਮੱਧ ਪ੍ਰਦੇਸ਼ ਅਤੇ ਪ੍ਰਮਿੰਦਰ ਸਿੰਘ ਪੰਜਾਬ
ਨੂੰ ਕਾਂਸੀ ਦੇ ਤਗਮੇ ਮਿਲੇ। ਹੈਵੀਵੇਟ ਵਿਚ ਫੌਜ ਦਾ ਮਨਪ੍ਰੀਤ 21-5 ਨਾਲ ਸੋਨ ਤਗਮਾ
ਜਿੱਤਣ ਵਿਚ ਕਾਮਯਾਬ ਰਿਹਾ, ਕਾਂਸੀ ਦੇ ਤਗਮੇ ਵਿਨੋਦ ਕੁਮਾਰ ਮੀਜ਼ੋਰਮ ਤੇ ਅਮਨਦੀਪ
ਸਿੰਘ ਝਾਰਖੰਡ ਨੂੰ ਮਿਲੇ। ਲਾਈਟ ਵੈਲਟਰ ਵੇਟ ਦਾ ਫਾਈਨਲ ਪੰਜਾਬ ਦੇ ਅਮਨਦੀਪ ਸਿੰਘ
ਅਤੇ ਫੌਜ ਦੇ ਰਾਕੇਸ਼ ਕਾਲਸਕਰ 'ਚ ਹੋਇਆ। ਜੋ ਅਮਨਦੀਪ ਨੇ 29-24 ਨਾਲ ਜਿੱਤ ਕੇ
ਪੰਜਾਬ ਦੀ ਝੋਲੀ ਵਿਚ ਪਹਿਲਾ ਸੋਨ ਤਗਮਾ ਪਾਇਆ। ਕਾਂਸੀ ਦੇ ਤਗਮੇ ਦਿੱਲੀ ਦੇ ਸੰਜੇ
ਟੈਕਸ ਅਤੇ ਰੇਲਵੇ ਦੇ ਵਿਕੇਸ਼ ਮਲਿਕ ਨੂੰ ਮਿਲੇ। ਸੁਪਰ ਹੈਵੀ ਵਿਚ ਰੇਲਵੇ ਦੇ ਪਰਮਜੀਤ
ਨੇ ਹਰਿਆਣੇ ਦੇ ਅਰੁਨ ਕੁਮਾਰ ਨੂੰ 26-11 ਨਾਲ ਹਰਾ ਕੇ ਸੋਨ ਤਮਗਾ ਜਿੱਤਿਆ। ਪੰਜਾਬ
ਦੇ ਰਾਮ ਸਿੰਘ ਅਤੇ ਬੰਗਾਲ ਦੇ ਰਾਜਿੰਦਰਪਾਲ ਸਿੰਘ ਨੂੰ ਕਾਂਸੀ ਤਗਮੇ ਮਿਲੇ। ਮਿਡਲ
ਵੇਟ ਦਾ ਫਾਈਨਲ ਪੰਜਾਬ ਦੇ ਕੁਲਦੀਪ ਸਿੰਘ ਅਤੇ ਹਰਿਆਣਾ ਦੇ ਮਨਜੀਤ ਵਿਚਕਾਰ ਹੋਇਆ 'ਚ
21-15 ਨਾਲ ਜਿੱਤ ਪ੍ਰਾਪਤ ਕਰਕੇ ਕੁਲਦੀਪ ਪੰਜਾਬ ਲਈ ਦੂਜਾ ਸੋਨ ਤਮਗਾ ਜਿੱਤਣ ਵਿਚ
ਕਾਮਯਾਬ ਰਿਹਾ। ਕਾਂਸੀ ਦੇ ਤਗਮੇ ਰੇਲਵੇ ਦੇ ਜੀ.ਥਿਆਗਾਗਤਾਨ ਅਤੇ ਝਾਰਖੰਡ ਦੇ
ਪਰਮਿੰਦਰ ਨੂੰ ਮਿਲੇ। ਆਖਰੀ ਮੁਕਾਬਲਾ ਰੇਲਵੇ ਦੇ ਮਨੱਵਰ ਹੁਸੈਨ ਅਤੇ ਪੰਜਾਬ ਦੇ
ਅਮਨਦੀਪ ਵਿਚਕਾਰ ਹੋਇਆ। ਦੋਵਾਂ ਦੇ 7-7 ਨਾਲ ਬਰਾਬਰ ਰਹਿਣ ਪਿਛੋਂ ਅੰਪਾਇਰਾਂ ਨੇ
ਅਮਨਦੀਪ ਨੂੰ ਜੇਤੂ ਕਰਾਰ ਦੇ ਦਿੱਤਾ ਤੇ ਸੋਨ ਦੇ ਤਗਮਾ ਪੰਜਾਬ ਦਾ ਝੋਲੀ ਪਾ ਦਿੱਤਾ।
ਕਾਂਸੀ ਦੇ ਤਗਮੇ ਉਤਰਾਂਚਲ ਪ੍ਰਦੇਸ਼ ਦੇ ਵਿਪਨ ਕੁਮਾਰ ਅਤੇ ਫੌਜ ਦੇ ਸੰਜੇ ਕੈਲਟੇ ਨੂੰ
ਗਏ। ਸਮੁੱਚੀ ਟਰਾਫ਼ੀ ਰੇਲਵੇ ਨੇ 4 ਸੋਨੇ, 2 ਚਾਂਦੀ ਅਤੇ 2 ਕਾਂਸੀ ਦੇ ਤਗਮਿਆਂ ਨਾਲ
ਚੈਂਪੀਅਨਸ਼ਿਪ ਜਿੱਤੀ। ਏਸ਼ਿਆਈ ਸਿਲਵਰ ਮੈਡਲ ਜੇਤੂ ਓਮ ਪ੍ਰਕਾਸ਼, ਗੁਰਵਿੰਦਰਪਾਲ ਸਿੰਘ
ਨੂੰ ਇਕ-ਇਕ ਲੱਖ ਰੁਪਏ ਦੇ ਕੇ ਸਨਮਾਨਿਆ ਗਿਆ। ਉਥੇ ਸੂਬਾਈ ਤੋਂ ਪੁੱਜੇ ਫਿਲਮ ਐਕਟਰ
ਅਤੇ ਭਾਰਤੀ ਮੁੱਕੇਬਾਜ਼ੀ ਫੈਡਰੇਸ਼ਨ ਦੇ ਬ੍ਰਾਂਡ ਅੰਬੈਸਡਰ ਸੰਜੇ ਦੱਤ ਨੇ ਦਰਸ਼ਕਾਂ ਤੇ
ਖਿਡਾਰੀਆਂ ਨੂੰ ਸੰਬੋਧਨ ਕਰਦਿਆਂ ਕਿਹਾ ਕਿ ਉਹ ਫੈਡਰੇਸ਼ਨ ਦੇ ਬ੍ਰਾਂਡ ਅੰਬੈਸਡਰ ਇਸ
ਕਰਕੇ ਬਣੇ ਹਨ ਤਾਂ ਕਿ ਲੰਡਨ ਉਲੰਪਿਕਸ ਵਿਚੋਂ ਸਾਡੇ ਮੁੱਕੇਬਾਜ਼ ਸੋਨ ਤਗਮਾ ਜਿੱਤ ਕੇ
ਲਿਆ ਸਕਣ। ਡਿਪਟੀ ਕਮਿਸ਼ਨਰ ਬਠਿੰਡਾ/ਚੇਅਰਮੈਨ ਪ੍ਰਬੰਧਕੀ ਕਮੇਟੀ ਨੇ ਸ: ਬਾਦਲ, ਸੰਜੇ
ਦੱਤ, ਚੌਟਾਲਾ, ਮਜੀਠੀਆ ਤੇ ਹੋਰ ਮਹਿਮਾਨਾਂ ਤੇ ਖਿਡਾਰੀਆਂ ਨੂੰ ਜੀ ਆਇਆਂ ਕਿਹਾ।
ਹਾਕੀ ਐਡਹਾਕ ਕਮੇਟੀ 'ਚ ਫੇਰ ਬਦਲ, ਮੈਂਬਰ ਅਸਲਮ ਸ਼ੇਰ ਖਾਂ ਵੱਲੋਂ ਅਸਤੀਫ਼ੇ ਦੀ ਚਰਚਾ
ਪਟਿਆਲਾ, 12 ਸਤੰਬਰ -
ਐਡਹਾਕ ਕਮੇਟੀ 'ਚ ਵੱਡੀ ਹਿਲਜੁਲ ਹੋਣ ਦੀ ਖ਼ਬਰ ਹੈ। ਇਸ ਕਮੇਟੀ ਦੇ ਸੀਨੀਅਰ ਮੈਂਬਰਾਂ
'ਚੋਂ ਇਕ ਮੁਹੰਮਦ ਅਸਲਮ ਸ਼ੇਰ ਖਾਂ ਦੇ ਅਸਤੀਫਾ ਦੇਣ ਦੀ ਚਰਚਾ ਹਾਕੀ ਹਲਕਿਆਂ 'ਚ ਪੂਰੀ
ਗਰਮ ਹੈ। ਜਨਾਬ ਅਸਲਮ ਨੇ ਆਪਣੀ ਪੁੱਛ ਪ੍ਰਤੀਤ ਕੁਝ ਘਟਣ ਨੂੰ ਆਧਾਰ ਬਣਾ ਕੇ ਇਹ ਕਦਮ
ਉਠਾਇਆ ਹੈ। ਜਨਾਬ ਅਸਲਮ ਇਸ ਗੱਲ ਤੋਂ ਗੁੱਸੇ ਹਨ ਕਿ ਐਡਹਾਕ ਕਮੇਟੀ ਦੇ ਚੇਅਰਮੈਨ
ਸੁਰੇਸ਼ ਕਲਮਾਡੀ ਵੱਲੋਂ ਕਈ ਅਹਿਮ ਫੈਸਲੇ ਲੈਣ ਵੇਲੇ ਨਜ਼ਰ-ਅੰਦਾਜ਼ ਕੀਤਾ ਗਿਆ। ਜਨਾਬ
ਅਸਲਮ ਨੂੰ ਪਹਿਲਾਂ ਐਡਹਾਕ ਕਮੇਟੀ ਵਿਚ ਸ਼ਾਮਿਲ ਮੈਂਬਰਾਂ 'ਤੇ ਆਧਾਰਿਤ ਕੌਮੀ ਟੀਮ ਦੀ
ਚੋਣ ਕਮੇਟੀ ਦਾ ਚੇਅਰਮੈਨ ਨਿਯੁਕਤ ਕੀਤਾ ਗਿਆ ਸੀ ਪਰ ਕੁਝ ਸਮੇਂ ਬਾਅਦ ਸ: ਅਜੀਤਪਾਲ
ਸਿੰਘ ਨੂੰ ਉਨ੍ਹਾਂ ਦੀ ਥਾਂ 'ਤੇ ਚੇਅਰਮੈਨ ਬਣਾ ਦਿੱਤਾ ਗਿਆ ਸੀ। ਇਸ ਫੇਰਬਦਲ ਵੇਲੇ
ਜਨਾਬ ਅਸਲਮ ਨੇ ਭਾਵੇਂ ਕੋਈ ਵੀ ਪ੍ਰਤੀਕਰਮ ਪ੍ਰਗਟ ਨਹੀਂ ਕੀਤਾ ਸੀ ਪਰ ਉਨ੍ਹਾਂ ਦੀ
ਚੁੱਪ ਇਸ ਫੇਰਬਦਲ ਖ਼ਿਲਾਫ਼ ਜਾਪਦੀ ਸੀ।
ਅੜੈਚਾ ਦਾ ਖੇਡ ਮੇਲਾ
ਦੋਰਾਹਾ, 12 ਸਤੰਬਰ -
ਤਿੰਨ ਰੋਜ਼ਾ ਖੇਡ ਦਸ਼ਮੇਸ਼ ਸਪੋਰਟਸ ਕਲੱਬ ਪਿੰਡ ਅੜੈਚਾ ਵੱਲੋਂ ਕਰਵਾਇਆ ਗਿਆ।
ਟੂਰਨਾਮੈਂਟ ਦੌਰਾਨ ਕਬੱਡੀ, ਬਜ਼ੁਰਗਾਂ ਦੀ ਦੌੜ ਅਤੇ ਤਾਸ਼ ਸੀਪ ਦੇ ਮੁਕਾਬਲੇ ਕਰਵਾਏ।
ਅੰਤਿਮ ਦਿਨ ਕਬੱਡੀ 62 ਕਿਲੋ ਅਤੇ ਇਕ ਪਿੰਡ ਓਪਨ ਦੇ ਮੁਕਾਬਲੇ ਹੋਏ। ਕਬੱਡੀ 62 ਕਿਲੋ
'ਚ 31 ਟੀਮਾਂ ਸ਼ਾਮਿਲ ਹੋਈਆਂ। ਜਿਸ 'ਚ ਅੜੈਚਾਂ ਜੇਤੂ ਰਹੀ ਅਤੇ ਢੱਟ ਦੀ ਟੀਮ ਉਪ
ਜੇਤੂ ਰਹੀ। ਜਦਕਿ ਇਕ ਪਿੰਡ ਓਪਨ ਲਈ 42 ਟੀਮਾਂ ਨੇ ਹਿੱਸਾ ਲਿਆ, ਜਿਸ ਵਿਚ ਜਰਗੜੀ
ਗਿੱਲ ਅਤੇ ਜਲਾਲਦੀਵਾਲ ਦੀ ਟੀਮ ਨੇ ਕ੍ਰਮਵਾਰ ਪਹਿਲਾ ਅਤੇ ਦੂਸਰਾ ਸਥਾਨ ਪ੍ਰਾਪਤ ਕੀਤਾ।
ਹਾਕੀ ਦੀ ਨਵੀਂ ਵਿਸ਼ਵ ਦਰਜਾਬੰਦੀ
ਪਟਿਆਲਾ, 11 ਸਤੰਬਰ -
ਬੀਜਿੰਗ ਉਲੰਪਿਕ 'ਚ ਕਈ ਦੇਸ਼ਾਂ ਵੱਲੋਂ ਕੀਤੇ ਗਏ ਵਧੀਆ ਪ੍ਰਦਰਸ਼ਨ ਸਦਕਾ ਵਿਸ਼ਵ ਹਾਕੀ
ਦਰਜਾਬੰਦੀ 'ਚ ਕਈ ਉਲਟ ਫੇਰ ਹੋਏ। ਕੌਮਾਂਤਰੀ ਹਾਕੀ ਫੈਡਰੇਸ਼ਨ ਵੱਲੋਂ ਜਾਰੀ ਕੀਤੀ ਗਈ
ਨਵੀਂ ਦਰਜਾਬੰਦੀ ਮੁਤਾਬਿਕ ਜਰਮਨੀ ਪਹਿਲੇ ਨੰਬਰ 'ਤੇ ਅਤੇ ਭਾਰਤ ਨੌਵੇਂ ਸਥਾਨ ਤੋਂ
ਗਿਆਰਵੇਂ ਸਥਾਨ 'ਤੇ ਪਹੁੰਚ ਗਿਆ। ਉਧਰ ਮਹਿਲਾ ਵਰਗ 'ਚ ਹਾਲੈਂਡ ਨੇ ਬੀਜਿੰਗ ਉਲੰਪਿਕ
'ਚ ਸੋਨ ਤਗਮਾ ਜਿੱਤ ਕੇ ਆਪਣੀ ਵਧੀਆ ਟੌਹਰ ਬਣਾਈ। ਪੁਰਸ਼ ਵਰਗ 'ਚ ਬੀਜਿੰਗ ਉਲੰਪਿਕ
'ਚ ਜਰਮਨੀ ਦੀ ਟੀਮ ਨੇ ਸੋਨ ਤਗਮਾ ਜਿੱਤ ਕੇ ਪਹਿਲਾ ਦਰਜਾ ਹਾਸਲ ਕੀਤਾ ਅਤੇ
ਆਸਟਰੇਲੀਆ ਨੂੰ ਦੂਜੇ ਦਰਜੇ 'ਤੇ ਹੀ ਸਬਰ ਕਰਨਾ ਪਿਆ। ਬੀਜਿੰਗ ਉਲੰਪਿਕ 'ਚ ਸਪੇਨ ਨੇ
ਚਾਂਦੀ ਦਾ ਤਗਮਾ ਕੇ ਚੌਥੇ ਦਰਜੇ ਤੋਂ ਤੀਜੇ ਨੰਬਰ 'ਤੇ ਪੁੱਜਣ ਦਾ ਮਾਣ ਹਾਸਲ ਕੀਤਾ।
ਹਾਲੈਂਡ ਤੀਜੇ ਦਰਜੇ ਤੋਂ ਚੌਥੇ ਸਥਾਨ 'ਤੇ ਖਿਸਕ ਗਿਆ ਹੈ। ਦੱਖਣੀ ਕੋਰੀਆ ਨੇ ਆਪਣੀ
ਪੰਜਵੀਂ ਪੁਜ਼ੀਸ਼ਨ ਕਾਇਮ ਰੱਖੀ ਹੋਈ ਹੈ।
ਪੰਜਾਬ ਖੇਡ ਵਿਭਾਗ ਵਲੋਂ ਚਾਰ ਮੁਲਕਾਂ ਦਾ ਹਾਕੀ ਟੂਰਨਾਮੈਂਟ 2009 ਵਿਚ ਫਰਵਰੀ 'ਚ
ਲੁਧਿਆਣਾ, 11 ਸਤੰਬਰ -
ਪੰਜਾਬ ਖੇਡ ਵਿਭਾਗ ਵਲੋਂ ਇਕ ਸ਼ਲਾਘਾਯੋਗ ਕਦਮ ਚੁੱਕਿਆ ਗਿਆ ਹੈ ਜਿਸ ਵਿਚ ਇਨ੍ਹਾਂ ਵਲੋਂ
ਅਗਲੇ ਸਾਲ ਫਰਵਰੀ ਮਹੀਨੇ ਦੇ ਸ਼ੁਰੂ ਵਿਚ ਚਾਰ ਮੁਲਕਾਂ ਦਾ ਅੰਤਰ ਰਾਸ਼ਟਰੀ ਹਾਕੀ
ਟੂਰਨਾਮੈਂਟ ਕਰਵਾਉਣ ਦੀ ਯੋਜਨਾ ਬਣਾਈ ਜਾ ਰਹੀ ਹੈ, ਜੇਕਰ ਇਹ ਚਾਰ ਮੁਲਕਾਂ ਦਾ ਹਾਕੀ
ਟੂਰਨਾਮੈਂਟ ਪੰਜਾਬ ਵਿਚ ਹੋ ਜਾਂਦਾ ਹੈ, ਤਾਂ ਆਜ਼ਾਦੀ ਤੋਂ ਬਾਅਦ ਇਹ ਪਹਿਲਾ ਮੌਕਾ
ਹੋਵੇਗਾ, ਜਦੋਂ ਪੰਜਾਬ ਅੰਤਰ ਰਾਸ਼ਟਰੀ ਹਾਕੀ ਨਕਸ਼ੇ 'ਤੇ ਆਪਣੀ ਪਹਿਚਾਣ ਬਣਾਏਗਾ। ਇਸ
ਟੂਰਨਾਮੈਂਟ ਵਿਚ ਉਲੰਪਿਕ ਚੈਂਪੀਅਨ ਜਰਮਨੀ, ਹਾਲੈਂਡ, ਪਾਕਿਸਤਾਨ ਅਤੇ ਭਾਰਤ ਦੀਆਂ
ਟੀਮਾਂ ਭਾਗ ਲੈਣਗੀਆਂ। ਪੰਜਾਬ ਖੇਡ ਵਿਭਾਗ ਦੇ ਡਾਇਰੈਕਟਰ ਪ੍ਰਗਟ ਸਿੰਘ ਨੇ ਦੱਸਿਆ
ਕਿ ਉਕਤ ਚਾਰੇ ਟੀਮਾਂ ਨੂੰ ਸੱਦਾ ਪੱਤਰ ਭੇਜ ਦਿੱਤਾ ਗਿਆ ਹੈ। ਇਹ ਟੂਰਨਾਮੈਂਟ ਦਾ
ਪਹਿਲਾ ਭਾਗ ਜਲੰਧਰ ਦੇ ਉਲੰਪੀਅਨ ਸੁਰਜੀਤ ਸਿੰਘ ਹਾਕੀ ਸਟੇਡੀਅਮ ਬਲਟਨ ਪਾਰਕ ਵਿਖੇ
ਖੇਡਿਆ ਜਾਵੇਗਾ, ਜਦਕਿ ਦੂਸਰਾ ਭਾਗ 42 ਸੈਕਟਰ ਚੰਡੀਗੜ੍ਹ ਵਿਖੇ ਖੇਡਿਆ ਜਾਵੇਗਾ।
ਕੁੱਲ 14 ਮੈਚ ਹੋਣਗੇ ਤੇ ਸਾਰੇ ਮੈਚ ਫਲੱਡ ਲਾਈਟਾਂ ਦੀ ਰੌਸ਼ਨੀ ਵਿਚ ਕਰਵਾਏ ਜਾਣਗੇ।
ਇਸ ਟੂਰਨਾਮੈਂਟ ਵਿਚ ਇਕ ਲੱਖ ਅਮਰੀਕੀ ਡਾਲਰ ਇਨਾਮ ਵਜੋਂ ਵੱਖ -ਵੱਖ ਟੀਮਾਂ ਵਿਚ
ਵੰਡਿਆ ਜਾਵੇਗਾ। ਉਨ੍ਹਾਂ ਆਖਿਆ ਪੰਜਾਬ ਸਰਕਾਰ ਦੀਆਂ ਹਦਾਇਤਾਂ ਮੁਤਾਬਿਕ ਉਨ੍ਹਾਂ ਨੇ
ਟੂਰਨਾਮੈਂਟ ਦੀਆਂ ਤਿਆਰੀਆਂ ਪੂਰੀ ਤਰ੍ਹਾਂ ਵਿੱਢ ਦਿੱਤੀਆਂ ਹਨ। ਪਾਕਿਸਤਾਨ ਟੀਮ ਵਲੋਂ
ਹਿੱਸਾ ਲੈਣ ਦੀ ਪੁਸ਼ਟੀ ਵੀ ਹੋ ਗਈ ਹੈ, ਜਦਕਿ ਹਾਲੈਂਡ, ਜਰਮਨ ਨੇ ਸੱਦਾ ਪੱਤਰ
ਸਵੀਕਾਰ ਕਰ ਲਿਆ ਹੈ, ਜੇਕਰ ਉਕਤ ਟੀਮਾਂ ਦਾ ਉਸ ਸਮੇਂ ਕੋਈ ਹੋਰ ਅੰਤਰ ਰਾਸ਼ਟਰੀ
ਰੁਝੇਵਾਂ ਨਾ ਹੋਇਆ ਤਾਂ ਟੂਰਨਾਮੈਂਟ ਫਰਵਰੀ ਮਹੀਨੇ ਕਰਵਾਇਆ ਜਾਵੇਗਾ।
ਬੌਕਸਿੰਗ ਚੈਂਪੀਅਨਸ਼ਿਪ 'ਚ ਰੇਲਵੇ ਦਾ ਕੋਚ
ਮੁਅੱਤਲ
ਬਠਿੰਡਾ, 11 ਸਤੰਬਰ -
ਬਠਿੰਡੇ ਵਿਚ 55ਵੀਂ ਸੀਨੀਅਰ ਨੈਸ਼ਨਲ ਬੌਕਸਿੰਗ ਚੈਂਪੀਅਨਸ਼ਿਪ ਕਰਵਾਈ ਜਾ ਰਹੀ ਹੈ।
ਜਿਸ ਦੇ 6ਵੇਂ ਦਿਨ 44 ਮੁੱਕੇਬਾਜ਼ਾਂ ਦੇ ਸੈਮੀਫਾਈਨਲ ਮੁਕਾਬਲੇ ਵੇਖਣ ਨੂੰ ਮਿਲੇ।
ਇਨ੍ਹਾਂ ਮੁੱਕੇਬਾਜ਼ਾਂ 'ਚ ਰੇਲਵੇ ਦੇ ਅੱਠ ਫੌਜ ਦੇ ਸੱਤ ਅਤੇ ਪੰਜਾਬ ਦੇ ਪੰਜ
ਮੁੱਕੇਬਾਜ਼ ਸੈਮੀਫਾਈਨਲ ਵਿਚ ਪੁੱਜੇ ਹੋਏ ਸਨ। ਇਸ ਦੇ ਸੈਮੀਫਾਈਨਲ ਮੁਕਾਬਲੇ ਦੇ 48
ਕਿਲੋ ਲਾਈਟ ਫਲਾਈ ਵੇਟ ਵਿਚ ਪੰਜਾਬ ਦੇ ਮੁੱਕੇਬਾਜ਼ ਅਮਨਦੀਪ ਸਿੰਘ ਨੇ ਆਪਣੇ ਵਿਰੋਧੀ
ਫੌਜ ਦੇ ਮੁੱਕੇਬਾਜ਼ ਸੰਜੇ ਕੈਲਟੇ ਨੂੰ 20-7 ਦੇ ਅੰਤਰ ਨਾਲ ਹਰਾਇਆ। ਇਸੇ ਤਰ੍ਹਾਂ
ਪੰਜਾਬ ਦੇ ਦੂਜੇ ਮੁੱਕੇਬਾਜ਼ ਅਮਨਦੀਪ ਸਿੰਘ 60 ਕਿਲੋ ਲਾਈਟ ਵੇਟ ਨੇ ਆਪਣੇ ਵਿਰੋਧੀ
ਦਿੱਲੀ ਦੇ ਮੁੱਕੇਬਾਜ਼ ਸੰਜੇ ਟੋਕਸ ਨੂੰ 16-6 ਦੇ ਅੰਤਰ ਨਾਲ ਹਰਾਇਆ ਅਤੇ ਫਾਈਨਲ ਵਿਚ
ਪੈਰ ਰੱਖਿਆ। 10 ਸਤੰਬਰ ਨੂੰ ਰੌਲ਼ੇ ਰੱਪੇ ਵਿਚ 3 ਚਿਤਾਵਨੀਆਂ ਤੋਂ ਬਾਅਦ ਆਊਟ ਹੋਏ
ਰੇਲਵੇ ਦੇ ਮਨੋਜ ਕੁਮਾਰ ਦੀ ਜਿਊਰੀ ਆਫ਼ ਅਪੀਲ ਅੱਗੇ ਕੀਤੀ ਗਈ ਬੇਨਤੀ ਨੂੰ ਫਲ ਲੱਗਿਆ
ਅਤੇ ਉਸਨੂੰ ਵੀਡੀਓ ਫਿਲਮ ਦੇਖਣ ਤੋਂ ਬਾਅਦ ਜੇਤੂ ਕਰਾਰ ਦੇ ਕੇ ਸੈਮੀਫਾਈਨਲ ਵਿਚ
ਮੁੱਕੇਬਾਜ਼ੀ ਮੁਕਾਬਲਾ ਲੜਨ ਦਾ ਅਧਿਕਾਰ ਦਿੱਤਾ ਗਿਆ। ਸੈਮੀਫਾਈਨਲ ਵਿਚ ਮਨੋਜ ਕੁਮਾਰ
ਰੇਲਵੇ ਨੇ ਆਪਣੇ ਵਿਰੋਧੀ ਅਰੁਨਾਚਲ ਪ੍ਰਦੇਸ਼ ਦੇ ਐਸ.ਬੀ. ਤਮੰਗ ਨੂੰ 12-4 ਨਾਲ ਹਰਾ
ਕੇ ਫਾਈਨਲ 'ਚ ਪ੍ਰਵੇਸ਼ ਕੀਤਾ। 48 ਕਿਲੋ ਵੇਟ ਲਾਈਟ ਫਲਾਈ ਦੇ ਪਹਿਲੇ ਮੁਕਾਬਲੇ ਵਿਚ
ਉੱਤਰਾਖੰਡ ਦੇ ਵਿਪਨ ਕੁਮਾਰ ਦੇ ਰਿੰਗ 'ਤੇ ਨਾ ਪਹੁੰਚਣ ਕਾਰਨ ਰੇਲਵੇ ਦੇ ਮਨਵਰ
ਹੁਸੈਨ ਨੂੰ ਵਾਕ-ਓਵਰ ਦੇ ਕੇ ਫਾਈਨਲ ਵਿਚ ਲੜਨ ਦਾ ਅਧਿਕਾਰ ਦੇ ਦਿੱਤਾ ਗਿਆ, ਜਦ ਕਿ
ਫਲਾਈ 51 ਕਿਲੋ ਵੇਟ ਵਿਚ ਝਾਰਖੰਡ ਦੇ ਹੇਮੰਤ ਕੁਮਾਰ ਨੇ ਆਲ ਇੰਡੀਆ ਪੁਲਿਸ ਦੇ ਅਸ਼ਵਨੀ
ਸ਼ਰਮਾ ਨੂੰ 15-9, ਐਸ.ਐਸ.ਸੀ.ਬੀ. ਦੇ ਐਮ. ਸੁਰੰਜੇ ਸਿੰਘ ਨੇ ਰੇਲਵੇ ਦੇ ਮੁਕੇਸ਼
ਕੁਮਾਰ ਨੂੰ 20-10, ਬੈਂਟਨ 54 ਕਿਲੋ ਵੇਟ ਵਿਚ ਮੇਘਾਲਿਆ ਦੇ ਟੋਰਕ ਨੇ ਆਲ ਇੰਡੀਆ
ਪੁਲਿਸ ਦੇ ਐਸ.ਕੇ. ਥੱਪਾ ਨੂੰ 25-9, ਸੀ.ਆਈ.ਐਸ.ਐਫ਼ ਦੇ ਐਸ.ਸੁਰੇਸ਼ ਸਿੰਘ ਨੇ ਆਂਧਰਾ
ਪ੍ਰਦੇਸ਼ ਦੇ ਐਨ. ਸੰਤੋਸ਼ ਕੁਮਾਰ ਨੂੰ 16-1, ਫੈਦਰ 57 ਕਿਲੋ ਵੇਟ ਵਿਚ ਰਾਸ਼ਟਰ ਦੇ
ਮਨੋਜ ਬਾਪੂ ਨੇ ਮਿਜ਼ੋਰਮ ਦੇ ਪੀਸੀ ਚਨੂੰਵਰਾ ਨੂੰ 19-7, ਸਰਵਿਸਜ਼ ਦੇ ਚੋਟਲੈ ਯਾਦਵ
ਨੇ ਦਿੱਲੀ ਦੇ ਅਕਸ਼ੇ ਕੁਮਾਰ ਨੂੰ 20-7, ਲਾਈਟ 60 ਕਿਲੋ ਵੇਟ ਵਿਚ ਸਰਵਿਸਜ਼ ਦੇ
ਰਾਕੇਸ਼ ਨੇ ਰੇਲਵੇ ਦੇ ਵਿਕਾਸ ਮਲਿਕ ਨੂੰ 13-8 ਨਾਲ ਚਿੱਤ ਕਰਕੇ ਫਾਈਨਲ ਵਿਚ ਪ੍ਰਵੇਸ਼
ਕੀਤਾ ਹੈ। ਲਾਈਟ ਵੇਟ 64 ਕਿਲੋ ਵਿਚ ਮੇਘਾਲਿਆ ਦੇ ਵਿਜੇ ਨੇ ਕੇਰਲਾ ਦੇ ਐਸ ਪ੍ਰੇਮ
ਨੂੰ 9-8, ਵੇਟ 69 ਕਿਲੋ ਵਿਚ ਰੇਲਵੇ ਦਾ ਦਿਲਬਾਗ ਸਿੰਘ ਆਲ ਇੰਡੀਆ ਪੁਲਿਸ ਦੇ ਜਗਤ
ਸਿੰਘ ਨੂੰ 23-3 ਤੇ ਸਰਵਿਸ ਦਾ ਜੈ ਸਿੰਘ ਪਟੇਲ ਨੇ ਕੇਰਲਾ ਦੇ ਵੇਕਾਤਿਸ਼ ਨੂੰ 12-1,
ਮਿਡਲ 75 ਕਿਲੋ ਵੇਟ ਵਿਚ ਪੰਜਾਬ ਦਾ ਕੁਲਦੀਪ ਸਿੰਘ ਅੜਫਸ ਵਾਲੇ ਮੁਕਾਬਲੇ ਵਿਚ ਰੇਲਵੇ
ਦੇ ਜੀ ਥਗਰਜਨ ਨੂੰ 24-20 ਨਾਲ ਹਰਾਉਣ ਵਿਚ ਕਾਮਯਾਬ ਰਿਹਾ। ਸੀਨੀਅਰ ਨੈਸ਼ਨਲ
ਚੈਂਪੀਅਨਸ਼ਿਪ ਦੇ ਪੰਜਵੇਂ ਦਿਨ ਲਾਈਟ ਵੇਟ 64 ਕਿਲੋ ਵੇਟ ਦੇ ਰੇਲਵੇ ਤੇ ਸਰਵਿਸ
ਵਿਚਾਲੇ ਹੋਏ ਕੁਆਟਰ ਫਾਈਨਲ ਮੁਕਾਬਲੇ ਦੌਰਾਨ ਪਏ ਰੌਲ਼ੇ ਰੱਪੇ ਨੇ ਅੱਜ ਉਸ ਸਮੇਂ ਨਵਾਂ
ਮੋੜ ਲੈ ਲਿਆ, ਜਦੋਂ ਸੀਨੀਅਰ ਮੁੱਕੇਬਾਜ਼ੀ ਮੁਕਾਬਲੇ ਦੀ ਕਮੇਟੀ ਨੇ ਰੇਲਵੇ ਦੇ ਕੋਚ
ਡੀ ਦੇਵਨ ਨੂੰ ਅਨੁਸ਼ਾਸਨ ਕਾਇਮ ਨਾ ਰੱਖਣ ਕਾਰਨ ਚੈਂਪੀਅਨਸ਼ਿਪ ਵਿਚੋਂ ਕੋਚ ਦੇ ਅਹੁਦੇ
ਤੋਂ ਮੁਅੱਤਲ ਕਰ ਦਿੱਤਾ।
ਵਿਜੈ ਮਰਚੈਂਟ ਟਰਾਫੀ ਲਈ ਪੰਜਾਬ ਕ੍ਰਿਕਟਰਾਂ ਦਾ ਐਲਾਨ
ਪਟਿਆਲਾ, 11 ਸਤੰਬਰ -
ਭਾਰਤੀ ਕ੍ਰਿਕਟ ਕੰਟਰੋਲ ਬੋਰਡ ਵੱਲੋਂ ਵਿਜੇ ਮਰਚੈਂਟ ਟਰਾਫੀ ਅੰਡਰ16 ਲਈ ਪੰਜਾਬ ਦੇ
ਖਿਡਾਰੀਆਂ ਦਾ ਐਲਾਨ ਕਰ ਦਿੱਤਾ ਗਿਆ ਹੈ। ਪੰਜਾਬ ਕ੍ਰਿਕਟ ਐਸੋਸੀਏਸ਼ਨ ਵੱਲੋਂ ਚੁਣੇ
ਗਏ ਖਿਡਾਰੀਆਂ ਦਾ 10 ਦਿਨਾਂ ਸਿਖਲਾਈ ਕੈਂਪ ਪੀ.ਸੀ.ਏ. ਸਟੇਡੀਅਮ ਮੋਹਾਲੀ ਵਿਖੇ ਸ਼ੁਰੂ
ਹੋ ਗਿਆ ਹੈ। ਇਸ ਕੈਂਪ ਦੌਰਾਨ ਹੀ ਪੰਜਾਬ ਕ੍ਰਿਕਟ ਐਸੋਸੀਏਸ਼ਨ ਵੱਲੋਂ ਟੀਮ ਦੀ ਚੋਣ
ਕੀਤੀ ਜਾਵੇਗੀ। ਇਹ ਕੈਂਪ ਸ੍ਰੀ ਡੀ.ਪੀ. ਆਜ਼ਾਦ ਦੀ ਦੇਖ ਰੇਖ ਵਿਚ ਲਗਾਇਆ ਜਾ ਰਿਹਾ
ਹੈ। ਉਨ੍ਹਾਂ ਦੇ ਨਾਲ ਟੀ. %ਵਨ ਕੁਮਾਰ (ਫਿਜ਼ੀਓ), ਸੰਦੀਪ ਸਿੰਘ (ਫਿਜ਼ੀਕਲ ਟਰੇਨਰ)
ਤੇ ਅਮਿਤ ਸ਼ਰਮਾ (ਵੀਡੀਓ ਵਿਸਲੇਸ਼ਕ) ਲਗਾਏ ਗਏ ਹਨ। ਇਸ ਕੈਂਪ ਵਿਚ ਵਿਕਰਮਦਿੱਤ ਤੇ
ਮਨਪ੍ਰੀਤ ਸਿੰਘ ਪਟਿਆਲਾ, ਮੋਹਿਤ ਤੇ ਸ਼ਿਵਲਵ ਅੰਮ੍ਰਿਤਸਰ, ਮਨੰਨ ਚੰਡੀਗੜ੍ਹ,
ਮਨਪ੍ਰੀਤ ਸਿੰਘ ਰੋਪੜ, ਬੀਰਕੰਵਰ, ਅੰਕਿਤ ਮੋਹਾਲੀ, ਰੋਹਨ ਤੇ ਜਗਦੀਪ ਅੰਮ੍ਰਿਤਸਰ,
ਅਰਜੁਨ ਕੁਮਾਰ ਰੋਪੜ, ਨਵੀਨ, ਸ਼ੁਵਮ ਤੇ ਵੈਭਵ ਚੰਡੀਗੜ੍ਹ, ਗੌਰਵਪ੍ਰੀਤ ਤੇ ਮਹਿਜੋਤ
ਪਟਿਆਲਾ, ਸੌਰਵ ਚੋਪੜਾ ਮੋਹਾਲੀ, ਅਭਿਸ਼ੇਕ ਤਲਵਾਰ ਲੁਧਿਆਣਾ, ਮਹਾਂਵੀਰ ਸਿੰਘ ਮੁਕਤਸਰ,
ਭੁਪਿੰਦਰ ਸਿੰਘ ਜਲੰਧਰ, ਪ੍ਰਦੀਪ ਸਾਗਵਾਨ ਚੰਡੀਗੜ੍ਹ, ਕਮਲ ਪਾਸੀ ਅੰਮ੍ਰਿਤਸਰ,
ਹਿਤੇਸ਼ ਭੁਟਾਨੀ ਚੰਡੀਗੜ੍ਹ, ਸੰਦੀਪ ਸ਼ਰਮਾ ਤੇ ਪ੍ਰਦੀਪ ਕੁਮਾਰ ਪਟਿਆਲਾ, ਕ੍ਰਿਸ਼ਨਾ
ਚੰਡੀਗੜ੍ਹ, ਵਿਨੈ ਚੌਧਰੀ ਅੰਮ੍ਰਿਤਸਰ, ਵੀਰ ਕਰਨ ਗੋਇਲ ਚੰਡੀਗੜ੍ਹ, ਗੁਰਕੀਰਤ ਸਿੰਘ
ਜਲੰਧਰ, ਗੌਰਵ ਸ਼ਰਮਾ ਲੁਧਿਆਣਾ, ਸੁਮਿਤ ਮੋਹਾਲੀ, ਕਰਨ ਰਾਏ ਪਟਿਆਲਾ ਸ਼ਾਮਿਲ ਸਨ।
ਪਾਵਰਲਿਫਟਰ ਦਿਲਬਾਗ ਚੀਮਾ ਦੀ ਕਨੇਡਾ 'ਚ ਝੰਡੀ
ਜਲੰਧਰ, 11 ਸਤੰਬਰ -
ਕੈਨੇਡਾ ਦੀ ਧਰਤੀ 'ਤੇ ਰਹਿਣ ਵਾਲੇ ਪਾਵਰਲਿਫਟਰ ਦਿਲਬਾਗ ਚੀਮਾ ਦਾ ਕਹਿਣਾ ਹੈ ਕਿ ਉਹ
ਆਪਣੀ ਜਨਮ ਭੂਮੀ ਨੂੰ ਆਪਣੇ ਮਨੋਂ ਨਹੀਂ ਭੁਲਾ ਸਕਦਾ। ਦਿਲਬਾਗ ਜਿਸ ਨੇ ਲੁਧਿਆਣੇ
ਜ਼ਿਲ੍ਹੇ ਦੇ ਪਿੰਡ ਜੰਡ ਵਿਖੇ ਸੰਨ 1974 ਨੂੰ ਸਾਬਕਾ ਸਰਪੰਚ ਸ: ਅਮਰਜੀਤ ਸਿੰਘ ਚੀਮਾ
ਦੇ ਘਰ ਮਾਤਾ ਬਲਵੰਤ ਕੌਰ ਦੀ ਕੁੱਖੋਂ ਜਨਮ ਲਿਆ। ਦਿਲਬਾਗ ਜਿਸ ਨੇ ਮੁੱਢਲੀ ਪੜ੍ਹਾਈ
ਪਿੰਡ ਲਤਾਲਾ (ਲੁਧਿਆਣਾ) ਤੋਂ ਕੀਤੀ। ਪਿੰਡ ਜੰਡ ਦੇ ਨਾਂਅ ਨੂੰ ਦਿਲਬਾਗ ਨੇ ਸਰੀ (ਕੈਨੇਡਾ)
ਰਹਿੰਦਿਆਂ ਆਪਣੀ ਮਿਹਨਤ ਨਾਲ ਚਮਕਾਇਆ ਹੈ। ਪੇਸ਼ੇ ਵਜੋਂ ਟਰੱਕਾਂ ਦਾ ਵਪਾਰ ਕਰਨ ਵਾਲੇ
ਦਿਲਬਾਗ ਨੇ 2005 'ਚ ਬ੍ਰਿਟਿਸ਼ ਕੋਲੰਬੀਆ ਪਾਵਰਲਿਫਟਿੰਗ ਚੈਂਪੀਅਨਸ਼ਿਪ ਵਿਚ ਸਕੁਐਡ
285, ਬੈਂਚ ਪਰੈੱਸ 180 ਤੇ ਡੈੱਡ 285 ਨਾਲ ਪਿਛਲਾ 9 ਸਾਲਾ ਰਿਕਾਰਡ ਤੋੜ ਦਿੱਤਾ ਤੇ
ਹੁਣ ਤੱਕ ਇਹ ਰਿਕਾਰਡ ਦਿਲਬਾਗ ਦੇ ਨਾਂਅ ਹੀ ਬੋਲਦਾ ਹੈ।
ਕੁਸ਼ਤੀ 'ਚ ਫਗਵਾੜਾ ਬਲਾਕ ਦੀ ਚੜ੍ਹਤ
ਫਗਵਾੜਾ, 11 ਸਤੰਬਰ :
ਫਗਵਾੜਾ ਦੇ ਰਾਮਗੜ੍ਹੀਆ ਕਾਲਜ ਵਿਖੇ ਕੁਸ਼ਤੀ, ਫ਼ੁਟਬਾਲ ਅਤੇ ਵੇਟ ਲਿਫ਼ਟਿੰਗ ਦੇ
ਮੁਕਾਬਲੇ ਕਰਵਾਏ ਗਏ। ਜਿਸ ਵਿਚ ਫ਼ੁਟਬਾਲ ਅੰਡਰ 16 ਵਿਚ ਫਗਵਾੜਾ ਨੇ ਪਹਿਲਾ ਅਤੇ
ਢਿਲਵਾ ਬਲਾਕ ਨੇ ਦੂਜਾ ਸਥਾਨ ਲਿਆ। ਵੇਟ ਲਿਫ਼ਟਿੰਗ ਮੁਕਾਬਲੇ ਵਿਚ ਕਪੂਰਥਲਾ ਬਲਾਕ ਨੇ
ਪਹਿਲਾ ਅਤੇ ਫਗਵਾੜਾ ਬਲਾਕ ਨੇ ਦੂਜਾ ਸਥਾਨ ਪ੍ਰਾਪਤ ਕੀਤਾ। ਕੁਸ਼ਤੀ ਦੇ ਸ਼ਾਨਦਾਰ
ਮੁਕਾਬਲੇ ਵਿਚ ਫਗਵਾੜਾ ਬਲਾਕ ਨੇ ਪਹਿਲਾ ਅਤੇ ਭੁਲੱਥ ਬਲਾਕ ਨੇ ਦੂਜਾ ਸਥਾਨ ਪ੍ਰਾਪਤ
ਕੀਤਾ।
ਆਈ.ਸੀ.ਐਲ. ਨੂੰ 25 ਹਜ਼ਾਰ ਦੀ ਚੱਟੀ
ਚੰਡੀਗੜ੍ਹ, 11 ਸਤੰਬਰ :
ਇੰਡੀਅਨ ਕ੍ਰਿਕਟ ਲੀਗ (ਆਈ.ਸੀ.ਐਲ.) ਅਤੇ ਏਸਲ ਸਪੋਰਟਸ ਲਿਮਟਿਡ ਅੰਜੂ ਨੂੰ ਕਈ
ਵਰ੍ਹਿਆਂ ਤੱਕ ਨਹੀਂ ਭੁੱਲ ਪਾਉਣਗੇ। 4 ਅਪ੍ਰੈਲ ਨੂੰ ਗੇਂਦ ਗਰਾਊਂਡ 'ਚੋਂ ਉਛਾਲ ਕੇ
ਸਟੈਂਡ 'ਚ ਬੈਠੀ ਅੰਜੂ ਮੇਂਹਦੀਰੱਤਾ ਦੇ ਮੂੰਹ 'ਤੇ ਲਗੀ। ਪੰਚਕੂਲਾ ਜ਼ਿਲ੍ਹਾ ਉਪਭੋਗਤਾ
ਫ਼ੋਰਮ ਨੇ ਹੁਕਮ ਦਿਤਾ ਹੈ ਕਿ ਅੰਜੂ ਨੂੰ 25 ਹਜ਼ਾਰ ਰੁਪਏ ਬਤੌਰ ਹਰਜਾਨਾ ਦਿਤਾ ਜਾਵੇ।
ਪੰਚਕੂਲਾ ਦੀ ਨਿਵਾਸੀ ਅੰਜੂ ਅਪਣੇ ਪਤੀ ਅਤੇ ਦੋ ਬੱਚਿਆਂ ਨਾਲ ਤਾਊ ਦੇਵੀਲਾਲ
ਸਟੇਡੀਅਮ 'ਚ ਪ੍ਰੈਕਟਿਸ ਮੈਚ ਦੇਖਣ ਗਈ ਸੀ। ਗੇਂਦ ਕਾਰਨ ਜ਼ਖ਼ਮੀ ਹੋਣ ਤੋਂ ਬਾਅਦ ਅੰਜੂ
ਨੂੰ ਇਕ ਨਰਸਿੰਗ ਹੋਮ 'ਚ ਲਿਆਂਦਾ ਗਿਆ ਜਿਥੇ ਉਸ ਦੇ ਚਿਹਰੇ 'ਤੇ ਕਈ ਟਾਂਕੇ ਲਗਾਏ
ਗਏ। ਅਪਣੀ ਸ਼ਿਕਾਇਤ 'ਚ ਅੰਜੂ ਨੇ ਕਿਹਾ ਕਿ ਸ਼ੁਰੂ ਸ਼ੁਰੂ 'ਚ ਡਾਕਟਰ ਨੇ ਮੇਰਾ ਇਲਾਜ
ਫ਼ਰੀ ਕੀਤਾ ਪਰ ਜਦੋਂ ਉਨ੍ਹਾਂ ਨੂੰ ਪਤਾ ਲਗਿਆ ਕਿ ਅਸੀਂ ਉਪਭੋਗਤਾ ਫ਼ੋਰਮ 'ਚ ਚਲੇ ਗਏ
ਹਨ ਤਾਂ ਉਨ੍ਹਾਂ 4030 ਰੁਪਏ ਰਖਵਾ ਲਏ। ਇਸ ਨੂੰ ਇਨਸਾਫ਼ ਤਾਂ ਮਿਲ ਗਿਆ ਹੈ ਪਰ ਤਨ
ਮਨ 'ਤੇ ਜੋ ਸੱਟ ਲੱਗੀ ਹੈ ਉਸ ਨੂੰ ਦੇਖਦੇ ਹੋਏ ਮੁਆਵਜ਼ੇ ਦੀ ਰਕਮ ਬਹੁਤ ਘੱਟ ਹੈ।''
ਪਰਵਾਰ ਨੇ ਹੁਣ ਰਾਜ ਉਪਭੋਗਤਾ ਕਮਿਸ਼ਨ ਜਾਣ ਦਾ ਫ਼ੈਸਲਾ ਕੀਤਾ ਹੈ।
ਪੰਜਾਬ ਸਕੂਲ ਖੋ-ਖੋ ਚੈਂਪੀਅਨਸ਼ਿਪ 'ਚ ਪਟਿਆਲੇ
ਦੇ ਮੁੰਡਿਆਂ ਦੀ ਬੱਲੇ ਬੱਲੇ
ਪਟਿਆਲਾ, 10 ਸਤੰਬਰ -ਰਾਜਾ
ਭਾਲਿੰਦਰ ਸਿੰਘ ਸਪੋਰਟਸ ਕੰਪਲੈਕਸ ਵਿਖੇ ਪੰਜਾਬ ਸਕੂਲ ਖੇਡਾਂ ਦ&# | 